火鍋仔

Open Now

Now Closed

朋友話帶我打邊爐，點知帶左我上工廈既一間小店無諗過甘細間，一入店都幾surprise望下menu,價錢偏貴，不過都係食左先算嗌左個豬肚湯底，估唔到甘好飲！勁多材料非常滿意呢個湯醬料每人加$18手打蝦丸同芝士墨丸，雙併，好彈牙，好好味！中間食到有流心芝士，正！雙併九菜餃同魚皮餃，魚皮餃還可以，九菜餃係自家製的，特別欣賞👍🏻👍🏻肥牛都幾靚，少食多滋味估唔到小店都可以自己炸響鈴，自炸係唔同d,大份，空氣感好重，我同朋友都爭住食，哈哈烏冬係稻亭烏冬，淥一陣就好食了，口感彈牙最後嗌左個皇帝菜清下腸胃今餐兩個人食好飽好滿足，有喜出望外的感覺

每次最愛冬瓜盅及冬蔭公湯底，仲有番茄海鲜鍋，必食懶尿虾，鲍魚，蟶子，牛肉，超級新鲜，剛看見有劣評，順便平反吓，講明工厦想要什麼環境，6星级？應該去酒店啦！需然他們人手不多，服務態度十分好，直得一讚，必定介紹很多人繼續幫襯

收工諗食咩真係一個好頭痛既環節😪日日lunch都喺觀塘食已經食到無咩好食咁，所以收工通常都會用9秒9既速度離開揾野食。尋日d同事話不如收工聚下(當然係申訴大會啦😏)，不過我地一行7人都住唔同地區，所以同事決定近近地喺附近打下邊爐算喇，上open🍚見到有間叫火鍋仔，大家諗住試下支持下呢d小店，但係見到佢近期2個食評都講得好差又心大心細👉🏻👈🏻，不過又諗唔到仲有咩選擇，最終同事都話試下，咁我唯有跟大隊打去book枱啦。我地準時8點半到，入到去見到雖然舖頭細細得幾張枱，不過又未至於講到咁焗束既，廢話唔講喇😂，都係講下d野食啦。book枱嗰時留左個冬瓜盅，所以唔洗煩個湯底，大家即時喪點野食😅，講返個湯底先，個鍋真係好味好足料，搞到未開始打邊爐大家已經飲晒d湯😝正當我地嘈緊食咩之際，店員同我地推介d是日海鮮，同事們想食生蠔，我唔食所以佢地叫左6隻試下，佢地都話唔錯，不過1人得1隻唔夠喉，想黎多round之際個店員話賣晒，唯有下次請早啦😂再黎真係真係要推介下個蟶子皇👍🏻出面食過會有沙，呢度無沙不特止，仲要好鮮甜好爽脆，正呀😋再黎元貝，其實呢個都好食既，不過可能有對比啦，我都係鐘意食蟶子多d😁終於都

地方環境差、服務態度差、價錢又貴又不好吃、原全難吃的醉雞煱超雪味雞！重寫明每位最低消費二佰元、不知憑什麼地點是工厦、不會再吃、那位店長態度不知所謂、見好評咁多信了、其實負評先句句中！

火鍋仔經朋友介紹話好正，所以今次同朋友gathering 就諗住好試下，真係無令我地失望，覺得D食物好新鮮好有心機，我地預留咗個冬瓜盅湯底😋好甜，都未開始打邊爐都差不多比我地飲晒😂仲有個聖子！必食！店員會提示我地每款海鮮需要幾多時間，我覺得好窩心亦可食到真正嘅鮮味！仲有真❤️推介➡️響鈴😋真係好出色！我諗我黎緊冬天都會成日去

都不願寫得太詳細。。。。觀塘區當眼地方都無咩好嘢食，所以上openrice搜尋吓有咩質素好啲嘅嘢食，見到火鍋仔啲食物質素好似唔錯，所以去試吓。整體評價：食物質素尚可，價錢不算便宜，人手不足，服務態度極差。（對答態度差，口黑面黑！）

今日約左中學同學仔同我慶祝生日，得2丁友又想吹耐d水 !! 打邊爐係一個好好既選擇 !! 上幾次黎火鍋仔都半年前喇 !! 今次encore 番佢既原因，一黎我住得近 ~~ 二黎我朋友仔係官塘番工 !! 三黎佢地既品質都好好架 !!今日我遲大到...約左朋友730...我8點幾先到...都真係唔好意思 !! 訂台我訂左8點 ~~ 朋友仔上去拎左位先 !! 細房仔有2張台 ~~ 入房仔最開心 !! 我叫朋友睇下有咩想食 !! 湯底本來選蕃茄蟹鍋，但侍應姐姐推介佢食海鮮拼盤再叫湯底 !! 冇問題 ~~ 試新野 !! 我地湯底都係叫番 蕃茄薯仔湯底 !! 始終呢個味道最夾 !! 湯底忘記左影相 ~~ 哈哈 !!在我黎到之前...個海鮮拼盤早我一步 ~~ 朋友影左相俾我 !! 我都嘩嘩嘩回應佢 !! $398 有龍蝦/蟶子/帶子/蜆同大蜆都好多野 !! 2個人既份量都好夠 !! 兩個人唔係食到好多野 ~~ 我地叫左碟手切本地牛 (好香濃既牛味) + 唐生菜 (我鍾意佢地好認真咁洗菜 !!!) + 朋友想食既 脆魚腩 (我個人一般呢個...冇魚味 !! 得個爽字 ~~ 我試左一件 !! 哈哈) +

在附近上班，朋友熱愛打邊爐，觀塘港式火鍋店不多。放工後相約朋友一試位於開源道開聯工業中心的樓上火鍋店。七點到達可能時間尚早，店內一位客人都沒有，店員馬上安排入座，店內環境舒適有啲似私房火鍋店。由於只有兩個人所以叫的食物有限。湯底簡左藥膳醉雞鍋，藥材味適中，但我覺得可以再濃少少。頂級手切牛，不過不失脆鯇腩，新鮮！爽脆！野生竹笙是大大片的那種，不錯另外叫了一款小食，麻辣豬耳，朋友說辣得過癮，食得辣嘅朋友可以一試總括會再光顧，食物不過不失

以前打邊爐，真係唔凍唔打…………但自從去過觀塘開聯工業中心嘅「火鍋仔」之後，我發現只要食材夠新鮮，就「日日都係邊爐時」其實我地次次都係主打海鮮，每次我早一兩日問佢地呢排有乜靚，自己又想依d乜，自自然然就有d好野呈現係枱面~~ 呢次係我12月果時去嘅相，睇下有乜好食先:花竹蝦，非常鮮甜好味~少不了的新鮮大蜆~老板推介:蝴蝶蚌，食過你就知好味!唔多唔少，30秒，剛剛好!當然仲有我的最愛南非鮑魚，同埋同老板講「靚牛肉一碟」!不得不提就係呢度嘅火鍋恩物「嚮鈴」係做得非常出色，另外仲有佢自家製嘅餃子，次次叫，次次清!每次帶新朋友去完，佢地就自自然然之後會問我，上次果間火鍋仔好好味，要帶佢d朋友去試~ 我試過有次同朋友去食，隔離果枱已經係我嘅同事 如各位朋友有興趣試下，記得早少少訂位呀~如果比我揀一間有質素又服務好又親民嘅火鍋店，咁一定係「火鍋仔」!

Happy Friday!終於經歷難過既一星期，老公提議食打邊爐，下午開始搵觀塘附近既餐廳，終於俾我誤打誤撞搵到呢間“火鍋仔”初頭諗住咁易book到唔通無乜人，點知上到去我無諗過樓上工廠舖會全場爆滿，而且係一路都有人黎，難怪貼左告示限時兩個鐘湯底選擇好多，好多個都想食，令我地都唔知揀邊個好，最終我地揀左天麻川芎白芷魚頭湯底，要得15分鐘，但為左魚頭，我等！香噴噴既魚頭鍋一出，成為全場焦點，我地已經急不及待試下個湯底既味道，好重藥材味，魚頭好新鮮煎得好香手切牛，香滑好濃牛味海鮮拼盤全部都好新鮮，鮮甜，d蝦係整熟之前個頭都仲郁緊，d蜆細細隻但肉大粒泰式生蝦係用新鮮既蝦，上台仲識郁，肉質好實好鮮，但個汁較為辣黑松露手打墨魚滑呢個重點推介！！煮完都係勁大陣黑松露味，好香好爽雞子係細細爐既鮮雞子，鮮甜好味其他食品都係水準之上，唯獨潮州魚旦減分，無咩特別同無咩魚味總結所有野都好好味，無諗過會有樓上火鍋咁好食同咁好質素，一定會再去食！

相約幾位同學仔4人去觀塘打邊爐！但又唔想去酒家feel.日式feel,只想要本地feel.我哋選擇呢間！第一次去，感覺唔多"似去食飯打邊爐，佢係工廠商廈上，可能我地早到同有book.位，所以都還未有人客！店内不算大，看爆場都好6~7张枱！看餐牌內都好多選擇，店主都有推介海鮮類比我哋，但大家都無感興趣，可能價錢都有便貴價，想試下佢其他嘢食先！事關都係第一次食！海鮮好海鮮價嘅😂之後都點咗些大路食物！感覺都好好！響鈴即炸，👍好味有鬆化！記得佢啲餃都好出色！😘雞子都好有味，但真係又細又小又貴囉！正體來講，食物好味，服務都可以，看有客人話服务唔好(其实一位女員工做嘢睇唒個場，唔好想人哋有咩舒服，因為都見佢好忙碌的！)不過我哋如果今餐來講無食海鮮嘢！真係貴咗D...不過我見現在有折的話，都可以接受的！所以想上來分享一下先得！來近天氣涼涼地要再去食下，試真D..😍先

加班完，去Apm等貝先生放工，心血來潮想打邊爐，即刻Open rice下，見到火鍋仔個地點好近他公司，其實好早前已經睇過D食評話用材新鮮，想試好耐，今次有時間可以好認真細閱食評...睇完之後我有d猶豫，因為我好怕服務差既店舖，但係係他既篩選下就決定光顧，光顧後對比返（服務）又未至於咁差，眼見只有1名女子照顧同處理全場既服務，算係咁，或者係我眼中只係比較有性格。話說到達2樓後第1個感覺真係唔知向左走定向右走，但就聞到好香湯底，咁我地就聞住黎行，去到門口，該名女子就問我地幾位，之後就話9點半有85折問我地等唔等？咁我地見仲有20分鐘就ok左，之後係門口坐下打下機，時間過得很快。9點半安排我地入座，幫我地落左湯底($80)，任由我地慢慢選擇配料，兩個人食唔到多，總共點左5樣:雲吞，牛骨髓，響鈴，金菇($32)，手切肥牛($218)。湯底好合我口味，除左紫菜同蜆，仲有貢丸片，香茅，芫茜，超鮮甜。其他價錢唔太記得，埋單500有找，亦唔記得左自己有85折呢個offer，但以2人火鍋，用料新鮮，本人覺得好合理，亦會再支持這些小店。

第一次去這間位於工廈的火鍋店，早了15分鐘到卻說我們遲了不給枱，原來他們 mark 錯時間！之後有朋友臨時缺席，告訴其中一個職員，她卻黑面說要早通知，我心想：現在知就立即告訴你啦，怎樣再早呀？！未食已經一肚氣！真心說，食物是好食的，特別欣賞小食手拍青瓜和鮮製響鈴，好食我們點了胡椒豬肚湯底，好正好濃郁，胡椒味很強，喝一口湯立即有暖暖的感覺！其他食物都新鮮，肥牛和豚肉片很爽，手包韮菜餃皮薄餡靚！至於服務嘛，真的一般，黑面都預了，明明收了切餅費，我們不期望要切好一件件放上枱，但都不好連蛋糕帶盒掉上枱，幸好蛋糕沒有撞散而且收起我們的蠟燭和蛋糕刀，切蛋糕要有這兩樣是常識吧？！好明顯他們沒有心！收錢又收多，跟他們說計多次，發現收多一個調味料錢，我們說少了一個人，收銀的女人就鬧我應該要早講，吓？！咪一坐低同你們講咗啦！！最不明白的是，為何一間火鍋店可以不提供茶水，自己帶又要收費，擺明迫客人買，覺得這樣有點不老實！去過一次就算了，這價錢的火鍋店還有好多選擇！

沒錯，真係念念不忘蟶子皇。上週五晚上跟朋友到觀塘又一廠廈既火鍋仔打邊爐，食店地方不大，大概可招呼三十多人，若有需要，門口亦會開摺枱，同時坐滿真係好嘈。有多款湯底可供選擇，除左大路既清湯同鴛鴦湯底，最出名既係冬蔭功，可惜同行友人不能吃辣，所以我們點了一個滋潤湯底~雪梨燉豬肺。湯嚟到，滾起即試，味道怪怪的。不過落火鍋料後越滾越滋味。嚟得呢啲私房火鍋，一定會點手切牛($218)，另外又點了即炸響鈴($48)﹑秘製豬肉條($58)﹑鹿兒島黑豚肉($78)﹑手打黑椒鮮牛筋丸($88)﹑芝士墨丸($88)﹑潮州魚蛋($32)﹑牛骨髓($58)﹑新鮮豬腳筋($68)﹑紋甲魷魚($58)﹑雜菜($38)，店員亦推介蟶子皇($188/4隻)，係咪好豐富呢！食到咁上下我地仲點左個必食炸蝦餅($88)，超飽！最先嚟到既火鍋料是鹿兒島黑豚肉，黑豚肉一片片卷得好靚，刨得好薄，雖未至於透光，但灼熟後入口好滑，有淡淡豬味而不臊，掛住少少湯同吃，好味。跟住嚟既有響鈴，一客8件，份量合理，而且堅即炸，金黃色好靚，我地即夾灼一灼，半腍半脆，索盡湯汁，無得彈！唔係點左太多野食，真係想追加呢！蟶子皇真係堅，大隻肉厚，以粉絲墊

第一次到訪工廈里的火鍋店，地方比較隱蔽，可能别的舖位或公司已下班，而这火鍋店處於角位，出电梯后沒有指示，常以為自己走錯方向！ 这店的冬蔭功湯底值得一赞，材料足，差不多湯底都给喝光了，其他我們有點本地手切牛肉，蝦，牛根丸，芝士丸，魚皮餃，韭菜餃，响鈴等，唯一失色的是韭菜餃，餃子皮比較粉，煮耐了餃子会散開，魚皮餃應該系入貨的，响鈴即叫即炸，只可惜只收現金，第一次到訪彈藥不足，未能試一下海鮮類！