火鍋仔

Open Now

Now Closed

成日去開酒樓打邊爐，配料都差唔多係普通野，今次試吓特別私房菜工廠大廈靚料打邊爐，全部配料都自家製用料新鮮，出面搵唔到🤩🤩🌟🌟<惹味胡椒豬肚湯底>湯底濃郁配以胡椒豬肚味，豬肚豬肺用了超多，入口有濃濃胡椒香味即刻暖晒胃☺️自家炸響鈴，新鮮炸起好脆同好熱，響鈴長過你隻手掌✋🏻，食完想再食🤤<黑松露墨魚滑>一上枱，黑松露味已勁香咁樣滲入你個鼻，食落口簡直有 ‘忘不了’ 嘅效果，松露嘅香，再加墨魚嘅滑，入落口爽脆彈牙👍🏻👍🏻👍🏻桶蠔- 新鮮又肥美🤤蜂巢豆腐-呢個唔係間間有得叫，平時識開有車仔麵我先可以食到，唔知呢度有得食，索晒啲胡椒湯底，簡直一流😍至於其他火鍋配料，都係新鮮自家製，用料十足又有驚喜，如果人少少4-6人打邊爐的話可以一試，每人大概$200至$300度，值得推介👍🏻

天氣轉涼最好嘅就係打邊爐，表弟約我打邊爐， 即刻book枱先，好彩有位！火鍋仔食咗好多次！價錢唔算平！但係質量就一定有保證！ 兩個人帶咗個海鮮拼盤！非常好味呀有好新鮮！配個醉酒雞煲湯底！啲聖子超甜！雞嘅份量都好多架！豬潤同秘製豬肉條！秘製豬肉條係必點！ 海鮮拼盤三百幾蚊二人份量！手打芝士墨魚丸韭菜餃啊！打邊爐點都要食啲菜嘅！今日食豆苗！地點係係工業區，但係都成日滿座架！所以大家想食，之前要book枱啊！

友人喜歡食火鍋，提議到此店一試，幸好我們在前一天訂位，否則要等候， 此店地方不算大， 座位有些狹窄。原本想點個鴛鴦鍋，但友人有點口喉嚨痛，所以點了一個豬骨鍋，另點了海鮮拼盤、手切肥牛、三寶丸、黑豚肉、魚片頭、 即炸響鈴、魚腐和韓國芝士麵等， 火鍋湯底濃郁足料， 海鮮拼盤新鮮生猛， 牛肉肉味濃郁，三寶丸彈牙好味， 即炸響鈴夠香口，放鍋裏淥一淥一，外軟內脆。整體食物質素不錯，尤其是海鮮夠生猛，惟地方所限，座位不舒適，有點焗促。

而家好多時諗唔到食乜都會走去打邊爐。今次去呢間其實唔係第一次，每次都係因為掛住佢個冬蔭公湯底而黎😋 今次呢間「火鍋仔」就係位於觀塘地鐵站附近既工廈上面，就算唔熟觀塘區既朋友都唔驚會好難搵。不過食肆唔算好大，大約坐七、八枱客，所以一定要訂位📞點菜紙雖然得一張，好似唔太多選擇，不過店內牆上貼滿食物介紹，或者可以睇下有咩是日海鮮推介🦑🦀🦐🐠🐟⭐️主角出場⭐️泰式冬蔭公鍋第一次食左之後就愛上💓，味道比好多港式泰國餐廳還要好。就咁睇已經好足料，有蝦、青口、秀珍菇(好多)，香料好足所以好夠味，每次都忍唔住要先飲幾啖😋呢個湯底開頭唔算好辣，但就會越食越辣🌶🌶🌶炸魚皮：夠脆唔會有陣"憶"味👍🏼即炸響鈴：因為即叫即炸，所以建議點甜酸醬食，由於太鬆脆關係，落湯浸係會即散🤦🏼‍♀️.蟹籽蝦滑：新鮮即打蝦滑，啖啖都有蝦🦐，好爽口👍🏼鹿兒島黑豚肉：好肥美好滑🐷仲有胡麻醬跟埋比你點黎食新鮮豬腳筋：其實已經煮熟左，所以掉番落個煲煮番熱佢就食得，唔會un，好味道。不過份量唔係好多，所以好多時都要叫兩份 😋脆鯇腩：夠脆唔扼人🤣，同埋唔會有泥味🐟鮮蝦雲吞🦐：即叫即做，夠新鮮👍🏼自家制韮菜餃🌱：即叫即做，不過我唔食韮菜餃，但朋友

來過好幾次，終於捨得打下食評之前試過胡椒豬肚湯底係我既首選同最愛冬蔭公湯底都唔差今次試麻辣湯底一上湯底，比佢個色水嚇親但其實食落未算好辣，湯底已有雞肶菇，豬腸，同芽菜，好多餸下手切肥牛 $239 好好味已經仲有款$298 係再肥小小既，但今次兩個人就238夠啦仲有兩人必食既即炸響鈴食食下，越食越辣，好刺激真係隊汽水都唔得掂😂😂😂 大家愛食辣可以一試😂如果要我評分，應該都係胡椒豬肚湯底係心水第一名❤️同場好多人叫川芎白芍魚頭湯，聞落中藥味好濃，但未試過啦我地就

呢排真係打得太多邊邊，今日食得再豪d真係好中意睇住個魚缸任選！佛跳牆鍋底，唔太多地方有，呢度用料都算多，只需$198除左為個湯底而來，都係想食魚刺身，放係條魚上面既可能係腩位，食落爽口，放中間既肉比較鮮甜。條魚可以2食，送酒一流！隻清酒杯好位體，見到心情都靚d。開埋支清酒，人生一大樂事，品嚐完刺身，再嘆下清酒，呢個時候個湯煲得差不多了，飲埋個湯食埋d湯料，唔係太瘦亦唔會好靱，但可惜肉味不足；牛肉都幾淋，但係有d丸味道有d怪。有一點兒肥d嘅牛肉作配搭，但同樣欠缺牛肉味。雖然豚肉與牛肉的肥瘦均勻，但欠缺色澤，有點暗啞

天氣轉凍，最岩打邊爐！地點易搵，內裡似家庭式經營，店內約有30個位左右。如果多人排隊都5知等到幾時。湯底多選擇。我地2個人簡左麻辣鍋，是日海鮮拼盤，頂級肥牛片，響玲，芝士墨魚丸同生菜。麻辣鍋未滾開蓋時已經好香。絕對足料湯底！煲內本身有大量大豆芽，秀珍菇同豬大腸(好林，之後索味仲好食)。湯底惹味夠香夠麻(平時譚仔食小辣)，愈打愈辣！頂級肥牛脂肪分佈平均，油花好靚，淥熟都好滑。仲食到牛味。會食完一件接一件！份量2個人黎講算多。是日海鮮拼盤有聖子，帶子，鮑魚，象拔蚌仔，蝦，蜆。夠新鮮，份量2個人岩岩好，其中蝦同蜆最麻麻。響玲(必點！)即叫即炸，爽脆熱辣！就甘食都ok，索麻辣鍋味仲正！芝士墨魚丸多自家足料！彈牙有鮮味，芝士仲可以拉絲。原本仲有韮菜餃，但最後5小心打瀉了，但上台時見應該係即叫即包👍🏼。下次有機會再試下。份量岩3-4個朋友黎。另外，樓面得1個，要耐心等候。

終於跟朋友忙完年尾的工作，可以抽空跟她食個飯傾下計行下街～因為朋友都在觀塘附近返工，而我又住係附近，所以就相約去到觀塘搵食～天氣寒冷，所以就決定去打邊邊～就搵到這間位於工廈的火窩店！距離MTR步行5-10分鐘左右，地點好易搵，而且同一大廈都有其他不同的餐廳食店，所以出入都唔會好冷清～店內坐位不算多，但座位之間也有足夠的距離，不會太迫！起初以為會冇咩人，點知去到都坐近8成滿，幸好2人搵位都唔算太難！這間火窩店不是任食的，由湯底到食材等都是按個別價格計算！而醬料是每位HK$18，可以隨時任Fill的！醬料也是大路的選擇！鴛鴦鍋（HK$88）因為這裡有很多不同的湯底選擇，係我地有選擇困難症之下，就選了這個鴛鴦鍋，一邊是清湯，而另一邊是沙爹湯底！清湯這邊不是單是清湯，它是以不同的瓜及紅棗等餚製而成，材料十足，清湯都十分鮮甜美味！黑松露墨魚滑（HK$98）這個Crossover的款式實在十分吸引，雖然價格有點貴，不過還是決定一試，試過後覺得沒有後悔，好特別好好味呀～先將上面的黑松露拌勻，而且放落湯底煮熟！好快就浮上面，墨魚滑十分彈牙爽口，而且一邊食一邊味覺及嗅覺都傳來陣陣香濃的黑松露味，但黑松露

因為最近去多了觀塘工廈買東西尋寶的關係, 現在好多時買完東西後都看附近派傳單或街招或Openrice有否工廈美食附近. 是晚我就同相公買完野試下這個工廈中的私房菜火鍋, 雖然是平日晚的八點多九點, 但非常多人的說~ 先添上醬料 (HKD18 每位) 因為最近胃部虛寒, 成日悶著悶著咁 (聲明, 我不是有’好’ 消息啦大家請不要誤會) , 但本人脾胃長期虛寒, 所以相公一見到這個胡椒豬肚鍋 (HKD88) 湯底就立即Order…來到時陣陣濃烈的胡椒香味, 私我們先飲碗胡椒豬肚湯先. 一飲不得了, 胡椒豬肚立即沖進我的胃部, 幫我的胃部寒氣驅散, 而且後勁凌厲, 成個人立即暖哂. 而且豬肚豬肺落得超多, 非常足料, 相公食了整碗, 而我最後飲了4碗胡椒豬肚湯後才開始打邊爐, 而胃寒全消後我的胃口也大增呢~ 頂級手切牛 (HKD228) 牛的紋理分明, 而且頗新鮮, 而且手切牛也算厚切有口感, 牛味也足. 鹿兒島黑豚肉 (HKD78) 脂肪比例脂肪較多, 肉質也比較爽嫩, 豚味十足. 不過我們覺得最有驚喜的就是他們的自家製丸類, 如這個手打墨魚丸 (HKD88), 彈牙

係觀塘返工既好處就係可以係咁發掘好野食，見天氣凍凍地，今日收工就同朋友揀左火鍋仔暖下身。好彩book左位，因為鋪頭唔算大，都幾FULL。我地清清地揀左個木瓜湯底，本身以為會好淡，但原來都幾濃味，夠味到其實我地都冇咩點鼓油個D。我地唔係好食牛個D, 所以點左秘製豬肉條，佢每條都好厚切，好爽口!蟹子蝦墨滑幾旦牙，份量都岩岩好最鐘意依個芝士蝦丸，真係會做到拉芝士既效果架!!!因為好鐘意食水餃，所以都試下佢個招牌餃，入面加左墨魚滑同木耳，所以好有咬口，同埋皮做到好薄。即炸響玲，佢一上個時我地急不及待就夾黎食，建議大家可以等一陣先，因為佢岩岩炸起好脆，一夾會好易碎。每人食左二百幾蚊已經勁飽！火鍋黎講都唔算貴。

觀塘工廠大廈一帶有很多食店，以我所知有不少私房菜和隱世美食都雲集在這些地方。這陣子天氣總是寒冷的，不時彈出一個念頭，就是打邊爐啦！！朋友介紹我來這間「火鍋仔」打邊爐，手打丸和餃子都是即點即製的，而且配料頗有特色，價錢不算便宜，但是同出面坊間嘅火鍋放題絕對不能相比喔。醬料每位十八蚊，可以任意配搭，值得一讚嘅係蒜蓉好香。點菜紙有：火鍋湯底、餃子丸類、日式類、豬肉類、牛肉類、什料類、蔬菜類和海產類，相當之豐富。胡椒豬肚鍋$88淨係聞都覺得好香濃，飲完頭湯先打邊爐。這個湯胡椒味很濃，飲落辣辣的，真係超正。豬肚的份量為數不少，胡椒亦不會搶了其他食材的味道。熱湯令人一口接一口，很暖胃，正好為身體加點溫暖。即炸響鈴($48)我哋嗌咗湯底無耐，店員就問我哋需唔需要一個即炸響鈴，我們馬上說好（好雀躍呀！！）每件都肥嘟嘟好大條，目測有很多層，還要是超薄。即炸的響鈴是熱辣辣的，即食也可，超脆。放湯碌一碌亦得，都係推介之選！鯇魚嘴$58色澤不錯，没有瘀黑。一碟有三份鯇魚嘴，相對價錢不算太貴，說到底，味道還是重點！面頰的位置較多肉，可以話係啖啖肉，口感軟身且肉滑，肉質鮮甜唔會腥，幾有驚喜。要保持肉質嫩滑，最重要

是日臨時被拉去，其實我真的不太愛工夏吃晚餐，當然會有好吃的東東，是真的！最近朋友帶我來火鍋仔打邊爐這裡雖不大，但有些你好少會係外面吃到的，而且食物都比較新鮮，因為即日清，來貨不會太多，要吃都趁早點先黎火鍋湯底，雪耳木瓜雞腳鍋HKD98正呀，湯濃郁而且不會油膩仲有好多雪耳，新鮮清甜木瓜，十分清甜仲有好多雞腳，用料十足，而且湯底價錢唔貴，抵食又好味事不宜遲，來個即炸響鈴HKD48香脆可口而且放入湯3秒後，仍然香脆另外紐西蘭青口HKD48 亦好新鮮抵食，有6隻，味鮮甜，而且好大隻，被湯浸後同吃更鮮更甜鮮帶子HKD88同樣好新鮮又大大粒，啖啖肉，鮮味十足，滲入湯底味道更討好，口感彈牙駝鳥肉HKD78真的不是在其他火鍋店常吃到，非常新鮮，而且入口簡直要即溶般它不會像別的肉越煮越違，反而腍嫩，口感好正，最喜歡其沒有'騷'味，越食越過癮，又鮮甜，下次都要點哦唐生菜HKD32新鮮爽脆又好吃，又可清清腸胃~回味中的火鍋！

一聽私房菜，腦袋就潛意識與「貴」掛勾，通常動輒千元上落，好味道但是「貴格吾飽」...事移世易，懂得講飲講食的人更會追求平靚正的食物，有時劏開心扉，揭開糖衣表面，豪華又不一定是好食。這是朋友教曉我的，到此時此刻都仍沒有忘記，仍會敢於去試不同類型的食物，實在要試過才知。最近與家人慶生，這位識飲識食的朋友就介紹了幾間她認為是性價比高的餐廳，其中一間是座落在工廠區的火鍋私房菜。眼見12月份，感覺上打邊爐更暖笠笠，於是就訂了位來與家人「烚下、烚下」。在工廠大廈打邊爐都是第一次，餐廳是走日式風格。席間見到收銀旁有與食客影的即影即有，感覺好溫馨，又留意到與相熟食客的互動，看來回頭率都挺高。枱面有紙巾和醬油，醬料又是自己混醬，一盤有六款，蒜蔥辣椒都齊，每位$18 （免茶芥·免加一）先從21款火鍋湯底中挑選木瓜鮮魚湯鍋 $88配料有木瓜和金菇，湯底好新鮮又健康，煲煲下，湯底的顏色都會隨之變色，散發陣陣木瓜香。回餐紙和佈枱紙是一樣，食到中途都可以隨時加餸。類別有餃子丸類、豬、牛、海產、蔬菜類和日式刺身。蔬菜佔的篇幅都不少，云云之中揀了油麥菜。自家製韮菜餃 $48 一碟有8隻，堅抵食的！餃子裡面釀滿韮菜，晶

冬天真係想日日打邊爐，加上天氣凍仲岩！今日同媽咪黎左工廈打邊爐順便慶祝搵到工！第一次係工廈地方打邊爐，地方易搵同埋寬敞，坐得幾舒服！8點幾去到全場爆滿，店員態度幾好叫我地等一等，好彩等左一陣就入得。呢到有幾多款湯底選擇，我同媽咪叫左個特別d既潮州紫菜大蜆鍋，店員提我地個鍋會有芫荽，其實我就一般般但媽咪就好鐘意，一打開鍋內有勁多蜆同大量紫菜，一試個湯芫荽帶出個鮮味！幾正！去到我地食到中間店員主動比一碗芫荽我地，幾貼心！紫菜爽口無沙同蜆係好夾，鮮甜。叫左個芝士蝦丸，爆多芝士係中間，外層蝦肉彈牙爽脆加埋中間搵絲芝士，好味！一盤有8粒同媽咪好快就食囇份量岩岩好唔會膩，我地坐近廚房見到係人手即整出黎，真係好新鮮無雪藏味。豬脆管，我都係第一次聽於是叫左黎試下，望落無特別食落口感幾爽脆，有小小豬味，一般打邊爐都好少見。最後叫左即炸響鈴，是我的最愛，每次打邊爐必點！呢到響鈴大大支長身每份7個，上台仲係熱辣辣，唔同出面個d！必食！放入鍋淥10秒放入口，熱騰騰而鬆脆，都驚熱氣不過開心就得無理咁多，同媽咪都愛上左，好快食曬！呢到食物真係有驚喜有質素，最緊要乾淨！廚房同樓面得一個人要耐性等候，但試到比一般出面

每逢踏入十一月，心中總是想著要打邊爐。每每記得當晚約好打邊爐的話，即使個人有多累也好，一旦想起有得打邊爐，個人總會精神抖擻起來。這種吸引力，相信只有打邊爐能給予。也許有天，你會見到我在街上很興奮地說著：「Yeah！打邊邊！」，實屬平常事。 工廈打邊爐雖然不是甚麼新鮮事，質素莨莠不齊的，要找到質素好的，又貴。要到工廈打邊爐真的蠻傷腦筋的。近日在觀塘附近上班的好友告訴我，這邊開了一家不錯的邊爐小店「火鍋仔」，所有手打丸、餃子都是即點即製的，可是人手相對少，所以等候的時間會長一點。其實我明白等的時間長的道理，大家以為付款就是話事權最高的，可是錯了。食肆中沒有人是身份地位特別顯赫，因為所有人都平等，餐廳當中，每位客人都是付款的，只要店主是流水式的跟著做，先點先製這回事很公平呀。所以不要怨，只要走入這家餐廳，就要尊重這裡的文化。小店的門外跟小店內都貼滿很多推介菜式，還有很多小店的「規矩」。對我來說，甚麼規矩啦，都是互相尊重啦。一頓晚飯除了要好的食物、好的服務，還有的是食客跟店主的互相尊重，這是所有人都基本都要有的。 小店的餐牌，對於這家小店來說，食物的款式是蠻多的啦。湯底有成廿個，小店是