鍋霸吃到飽台式養生火鍋 (創興廣場)

Open Now

Now Closed

餐廳超大，座位全部都系梳化卡位勁闊落舒服，環境整潔乾淨20款湯底選擇，加咗$48轉鴛鴦鍋，揀咗藥膳椰子雞涮涮鍋同田園蕃茄濃湯豆腐雜菌涮涮鍋；椰子雞湯底比較清甜，湯底啲雞夠嫩夠滑；蕃茄湯底勁濃蕃茄味第一次嚟所以揀咗中間Level L3 $218，主打Prime Grade美國安格斯牛肩胛肉，西班牙伊比利亞黑毛豬，西班牙無激素豬肉片，另再+$40追加海鮮推薦：伊比利亞黑毛豬同美國牛肩胛肉肉質嫩滑沙茶牛肉勁滑好正，沙茶勁入味😋游水海蝦新鮮彈牙仲有花膠任食，超贊手打丸，試咗墨魚丸、潮汕豬肉丸、牛丸，必食💯鮮腐竹、豆卜好味，其他菜類洗得夠乾淨又新鮮任飲嘅選擇勁多，有自家制冷泡茶、有自家制台灣地道風味嘅飲品、汽水等等，仲有熱嘅飲品；推薦台灣黑糖冬瓜檸檬茶同小仙草爽，打邊爐飲好正雪糕雖然唔系任食，但每人可以揀一款Dreyer‘s、Haagen-Dazs或者Movenpick ，超級滿足👍🏻總結火鍋配料選擇多，食材新鮮，性價比超高💯星期一至五 HKD$218（原來兩點後入座88折，雖然今次就受惠唔到😅，不過都好抵食👍🏻）

旺角🚇創興廣場呢間鍋霸吃到飽台式養生火鍋店，🤩地方夠大又舒服，而且午市時段仲有🕟4.5個鐘頭任飲任食，👏真係抵到爆呀。佢哋嘅湯底🥣選擇多，特別係多款養生火鍋🍲湯底用料十足，我哋揀咗藥膳沙茶🍖牛肉涮涮鍋拼麻辣蕃茄🍅牛肉涮涮鍋，兩款味道都好濃郁🌶️，尤其係冬天食真係👍暖身又養生。店入面有唔同level嘅🤤套餐，我哋今次揀咗Lv3嘅餐主打 Prime Grade 美國🇺🇸安格斯肥牛同理西班牙🇪🇸伊比亞黑毛豬，牛肉肥美，豬肉甘香嫩滑，😋食落好滿足。另外我哋仲加咗🦐海鮮任食，有多款海鮮🐟可以任食，新鮮美味😍尤其係有花膠可以任食，👏真係好抵！最鍾意佢哋嘅💪手工丸同手工餃，款式多又細粒😊，可以試勻咁多隻味，👍食得好過癮。其他火鍋🍲配料都好豐富，可以🥰慢慢叫、慢慢食，成個感覺☺️好chill。雖然🍨雪糕唔係任食，但每人可以揀一款🤩高級雪糕，有 Dreyer's、Haagen-Dazs 👏同 Movenpick 揀，食完真係好滿足😍！

鍋霸吃到飽台式養生火鍋，位於旺角創興廣場，地點好方便，放題店黎講都算好闊落舒服😌湯底超級多選擇，揀左最台式既藥膳胡椒豬肚雞湯拼台灣古早牛肉涮涮鍋，胡椒豬肚雞湯勁好飲，胡椒味濃好暖胃😘古早牛肉鍋有牛腩加濃牛湯，台味濃！👍🏻變身食肉獸🦖Prime Grade安格斯牛頸脊，好靚厚身牛味濃，推介🤩Prime Grade安格斯肥牛，大大塊較薄，口感又唔同，配濃湯好夠味，西班牙伊比利亞黑毛豬肉片，非常濃肉味，正👍🏻沙茶牛肉，落左湯食唔出沙茶因湯太濃🤣牛肉好滑好正，好好味🤤雞髀肉真係要mark實，厚身大舊但又嫩滑又好味，係必食！🌟個古早牛肉湯太正，整左個迷你台式牛肉烏冬，真係十足風味🥳韮菜豬肉餃正常，餡都多，手工麻辣牛丸，牛味意外地濃，手工黑松露墨魚丸，好彈牙，輕輕黑松露味加幾鮮既墨魚味，兩隻丸都細細粒好似食魚蛋咁幾特別幾正😋皇帝菜作結，好味👍🏻想食台灣養生鍋或者食間正既特色火鍋放題，依度真係無得輸😗多野食得黎好食，好食得黎夠特別🤞🏻唯一係真係記住要book位🤣

晏晝經過創興諗唔到食咩見到樓下姐姐派傳單 話4.5小時任食火鍋12:30入座嘅我地可以食到4:30😱即刻上OpenRice睇吓評價 發現都唔錯，而且環境好似幾舒服見佢價錢又唔貴就試吓上到去個感覺真係同一般任食火鍋店好唔同，因為環境裝修都係乾淨、光猛、企理最重要係唔嘈雜同埋位置距離嘅舒適感🤙🏻以配置就係一般放題店嘅配置，有自助飲品區同自助醬料區自助飲品佢都係有自家泡茶、汽水、啤酒、最估唔到係有朱奶有5款套餐同成20款湯底😮😮😮選擇困難症嘅我揀咗麻辣蕃茄牛肉涮涮鍋同埋養生姬松茸什菌湯兩個湯底嘅配料都非常充足👍而家唔係太鍾意食肉，所以對肉嘅追求唔算好大，但唔錯唔錯見到呢度有好多海鮮同埋魚類嘅選擇覺得好開心 特別係見到白膳片❤️❤️同埋仲有黑柏葉！唔係咁多任食邊爐有另外佢哋嘅自家收工配料好不錯👍大推手工黑松露墨魚丸同埋手工黑松露墨魚滑🤤🤤黑松露味香之餘，真係有一粒粒墨魚喺入面打邊爐又唔想打得咁急又想坐得舒服真係黎呢

假日與老友去旺角創興《鍋霸》4.5小時火鍋放題，可以慢慢嘆。餐廳梳化座椅闊落舒適，環境新族乾淨。我們點左安格斯牛肩胛+海鮮$198，鴛鴦鍋+$48，（花膠雞鍋&藥膳竹笙雜菌鍋）花膠雞鍋：清甜滋潤藥膳竹笙雜菌鍋：竹笙爽口味清香Prime Grade牛肩胛肉，色澤靚厚身肉牛味濃。西班牙無激素豬肉片，豬肉味濃爽口。海鮮：推介蜆和蝦新鮮味甜，花膠、鰻魚片、帆立貝⋯菜類、麵類、餃子類、墨魚膠有墨魚粒好好食又爽彈。醬料區：沙茶醬、辣椒油、蒜蓉、蔥、芫茜🌿等⋯有熱飲品櫃：薑母茶、朱古力、茶⋯飲品區：有自家製飲品，紙包飲品、茶類、梳打水等⋯

🍲鍋霸吃到飽台式養生午市火鍋放題可以食足4.5小時套餐慢慢嘆🤓套餐分Lv1至5🐷Lv1 啱晒鍾意食豬肉嘅朋友🐮Lv5 齊集多款牛肉 啱晒牛魔王🌽超過60款配料任食外 仲可+$40升級配海鮮成人$163-358/位 小童$133-328湯底有20款選擇主類分為▫️滋補藥膳▫️田園蕃茄蔬菜 ▫️麻辣鍋▫️特式湯底+$48升級至鴛鴦鍋 日式壽喜燒x蕃茄濃湯豆腐雜菌 淨係個湯底超足料有蜂巢豆腐 雞髀菇 豆卜冬菇 粟米 蕃茄 木耳主角當然係🥩美國Prime Grade 牛肩胛肉色澤紅潤 蜆肉肥美🦐海蝦眼仔精伶🦑黑松露香墨魚滑 🐟魚腐 🦆唔辣鴨血 脆炸響鈴 🥬爽口菜心苗生菜 點少得雪糕呀 有齊Häagen-Dazs DREYER'S Movenpick🍦

朋友從英國來港旅遊，我除咗帶佢參觀景點，仲同佢去食好嘢，今日就去咗旺角鍋霸吃到飽台式養生火鍋食晚餐，餐廳推出4.5小時任飲任食火鍋放題.夠曬時間傾計同食野，台式火鍋湯底有多款任選，並提供超過60款火鍋配料任吃。餐廳環境闊落，座位寬敞舒適。吃到飽養生火鍋套餐分級數選擇，方便客人選擇自己的口味。我哋揀咗第三級: 西班牙伊比利亞黑毛豬。湯底揀咗養生椰子雞涮涮鍋拼藥膳胡椒豬肚雞鍋。每款湯底都非常足料，味道香甜。所有任食火鍋配料都好新鮮。美國安格斯牛肩胛肉、西班牙無激素豬肉片、西班牙伊比利亞黑毛豬，因為係薄切，只需灼幾下就食得，入口肉質鮮嫩，肉味香濃。游水海蝦、白鱔片、花膠片、黑毛肚、芋頭貢丸、白魚蛋等都爽口彈牙。其他火鍋配料都好多選擇。食足4.5小時，足夠時間試曬，真係吃到好飽至走。最後每人一杯名牌雪糕做甜品。

呢間任食打邊爐係我同朋友們嘅至愛🫶~因為除咗超長嘅任食時間⏳️,仲可以俾多少少,揀無限時任飲任食👍👍!啱晒我哋一大班朋友約出嚟,有啲人早啲得👌,有啲人晏啲又得👌~今日因為之後有嘢做,所以食咗個晏晝放題而已😋~我哋揀咗養生姬松茸什菌涮涮鍋🍄~湯底本身都有好多菇菌同埋粟米🌽,所以味道好香濃~另外,我都好鍾意佢嘅椰子雞鍋🥥同埋藥膳雞鍋🐔~嘢食方面,佢就跟唔同級數嘅肉類有唔同價錢💰~我通常都係揀美國Prime Grade牛肩胛肉~因為啲牛肉都幾靚之外🐮,佢哋食到嘅配料都一樣~仲可以升級海鮮同埋配料🦐~海鮮入面,花膠同鱔片都好正🤤~另外我都好鍾意鴨血🦆同埋不同嘅丸類~蔬菜都有好多選擇,有皇帝菜又有羽衣甘藍🥬~下次有朋友返香港時,一定會再嚟呢度食餐勁嘅👯‍♀️!

今日同屋企人約係旺角度食野，因為好耐無食打邊爐，想搵間可以坐耐少少，同埋可以多選擇既餐廳。我帶佢地去創興呢邊睇下，因為佢呢邊比較多任食打邊爐，其中呢間鍋霸佢啲野食同時間就最岩我心水。我哋大約12點去到，佢可以由12點坐到4:30，四個半鐘好抵呀任食台式火鍋勁多唔同湯底配料比我地揀，同埋最重要如果平日2點後入座仲有88折真係抵到飛起😂我地揀左番茄濃湯豆腐雜菌涮涮鍋，最鐘意飲Qoo提子汁竟然呢度有得任飲真係正呀，我揀左Lv.3西班牙伊比利亞黑毛豬，佢豬味都好濃，而且又夠嫩，同埋佢個牛肩胛肉都好重牛味，又吸收曬啲蕃茄湯既甜味真係好惹味呀，佢啲丸種類都好多同埋蔬菜類種類繁多，夠飽同埋食到最後每人仲可以有一個雪糕做甜品😍有我最愛既haagen dazs 士多啤梨味，真係好滿足呀食到。

今日同朋友去左食鍋霸因為可以任食任飲坐4 粒鐘， 我地叫左Prime Grade美國安追加海鮮火鍋！Prime Grade美國安格斯牛在香港火鍋店非常受歡迎，牛味濃郁又嫩滑，油花分布均勻！ 這類火鍋放題可以無限追加，Prime級牛肉配上海鮮火鍋，肉質和海鮮都新鮮美味，我哋湯底有湯底台灣養生醉雞 ， 味道清甜溫潤，雞肉軟嫩多汁。醉雞本身用紹興酒醃製， 藥膳椰子雞湯底結合椰青水的清甜和中藥材，入口鮮甜帶淡淡椰香，雞肉滑嫩，喝落唔會太膩。我哋叫左好多配料， 有無激素豬肉片、脆鯇魚、脆骨腩、足八吋長蟹棒、台灣鴨血、皇帝菜、白鱔片、帆立貝、花膠片， 全部連埋湯底食都好入味！

餐廳環境光猛, 地方整潔, 卡座位好闊落, 坐得好舒適!𓆹 午市火鍋放題-美國Prime Grade 牛肩胛肉套餐包咗美國牛肩胛肉, 西班牙無激素豬肉片, 秘製台式雞件同秘製沙茶牛肉。牛肩胛肉脂肪同肉嘅比例平均; 豬肉片好軟腍。另外仲有好多火鍋配料可以任食, 例如: 手工墨魚丸, 手工潮汕豬肉丸, 仲有手工黑松露墨魚滑都非常彈牙; 麻辣粟米豬肉餃辣辣地好惹味; 炸魚皮好香脆; 濃芝豆腐燒芝士味香濃。𓆹 鴛鴦鍋湯底太多選擇, 所以揀咗鴛鴦鍋: 藥膳沙茶牛肉涮涮鍋, 沙茶味道非常香濃; 養生姬松茸什菌涮涮鍋, 菇菌味濃厚, 湯底裡面有好多松茸同雜菌。𓆹 升級海鮮及配料海鮮包括有海蝦, 爽口彈牙; 花膠, 軟腍充滿骨膠原; 鱔片, 味道新鮮。另外仲有墨魚仔, 黑毛肚同帆立貝。𓆹 飲品及甜品飲品幾多選擇, 有烏龍茶, 春茶, 冬瓜茶, 可樂, 檸檬茶, 麥精, 梳打水等等。甜品每人可以揀一款, 有movenpick同haagen-dazs, 非常有誠意。

以呢個價錢折後3xx週圍都食到 畀佢好好多嘅水準 !自助吧只有飲品 沒有嘢食， 就算 餐牌 任食 選擇不多， 連雪糕都係行一人只能一個！ 唔係任食，已坊間嘅任食火鍋來說這裏都係數一數二 ，。差 性價比 極低唯一優點坐得舒服

要求食到抱住個肚出門口？今日午餐就約左朋友一齊去左鍋霸，佢係以吃到飽為主嘅餐廳，近近地就係旺角，食飽仲可以係旺角行下街😆😆餐廳裝修寬敞，我哋就揀左LV3 嘅特色西班牙伊比利亞黑毛豬吃到飽套餐，係可以食足足4.5小時，唔洗趕頭趕命食完就要去第二度傾計嘛！套餐可以自己揀有20款湯底，我哋就揀左養生醉雞涮涮鍋，仲配埋新鮮雞件啖啖肉架！呢個套餐擁有嘅特色就係西班牙伊比利亞黑毛豬，脂肪分布平均，肉質濃香，入口唔會有鞋嘅口感添！另外呢個餐仲有美國牛肩胛肉，都一樣咁好食！此外，唔少得要order嘅係秘制沙茶牛肉，真係夠滑溜而且好新鮮！除咗幾款主打肉類，仲有超過60款特色火鍋配料任揀任食，火鍋好拍檔嘅炸物、各式手工丸類、特色配料、海鮮類、麵類以至蔬菜類麵好多選擇，我哋仲好開心可以叫到成枱都係嘢食添！食火鍋點可以無飲品🥤，呢度有各式汽水、台式飲品、自家製飲品等等都有，真係邊食邊飲邊傾計都得！食到飽晒仲可以每人揀選一款Moverpick或Häagen-Dazs 一杯架😆😆💫留意番如果下午2點後入坐，仲可以有88折嘅優惠，真係好抵呀，午餐人均兩百幾就咁豐富，下次約會都可以再encore💕#旺角創興 #鍋霸

🤭任食打邊爐都可以食得好CHILL4.5小時任飲任食時段係12:00-16:15👍就算食飽都唔使急住走~慢慢嘆😁我今次就揀咗Level2️⃣嘅套餐🐮美國Prime Grade 牛肩胛肉🐮鍾意食牛嘅朋友一定要試，唔係度度都食到牛肩胛肉架😍🥩牛肩胛肉肉質好結實嫩滑，無雪藏味，好新鮮👍👍💡套餐所選既肉類同飲品無限供應每人仲可以有MOVENPICK/Haagen-Dazs/KitKat/Dreyer’s雪糕一杯🍦🥘湯底方面有成20款可以選😍而我個人最推介既湯底係🐮古早牛肉湯底🐮💟湯底散發住濃郁既牛肉香味，好味到豉油都唔洗點呀😬🙆🏻‍♀️講明係任飲任食🙆🏻‍♀️豬/牛/雞就係基本啦雖然係任食，但質素一啲都唔馬虎👍可以用手機📱落單~超過50款配料可選😆其中超推足八寸長蟹棒🦀超長又厚肉，吸埋湯汁超入味😋😋👍仲有樣要讚嘅係♨️呢度係有暖飲櫃♨️🤗啱生養生/唔想飲凍飲嘅人🤗

同好姐妹食4.5個鐘任食台式火鍋，成人午餐$188 only，汽水同自家製飲品都係任似水，最後仲有Häagen-Dazs雪糕，抵到你唔信。我哋揀左lv2美國Prime Grade牛肩胛肉， 任點任食火鍋材料包括：無激素猪肉片、白鱔片、脆肉鯇、冬瓜、白蘿蔔、鮮萵筍、鮮准山、南瓜片、鮮枝竹、油麥菜、皇帝菜、菜心苗、帆立貝、魚片頭、白膳片、花膠片、鴨血、手工黑松露墨魚滑、手工梅菜豬肉丸、手工三寶丸、手工餃子、仲有、海蝦、蜆等等。自家製飲品試咗，桂花烏龍、冬瓜檸檬茶，清甜解渴。午市唯一美中不足係冇小食供應，但係4.5小時飲食已經飽到捧住肚走， 10分滿足。