熱血一流 (Closed)

叻沙湯底好淡...一開始同水加鹽冇乜分別...食到中後期先似返個湯...反而最普通既甜醬油湯仲好，肉同丸都好好食...巴西牛舌值得一試，龍蝦d肉夠實，有海水味，仲有d牛肉夠牛味...可能因為我個湯冇乜味🤣女朋友仲叫左個稻庭烏冬，都好食丸就貴左少少，最平個隻12蚊2粒...我地叫左6粒，5款牛肉1款豬肉，半隻龍蝦仔$58，金菇，兩棵菜，1個飛魚子沙律，一個烏冬一個麵，埋單$566...今次個湯係遺憾...希望有改善啦

岩岩行開新商場，見到呢間餐廳覺得幾有型，條隊又唔算長就入左去食。成個環境都唔錯，牆上D人像畫好靚，真係幾有熱血ge感覺！用高速線食壽司就成日都試，要黎打邊爐真係第一次，係幾得意ge。一開始每人靜係得一包豉油，單調左D，所以忍唔住點左其中一款混醬，本身諗緊8蚊一個醬有D唔值，但食落又好有驚喜，係幾正wo! (本人推介沙茶x甜豉油x櫻花蝦)。其他食物不過不失，牛肉係比較薄，但肉味算濃。芝士牛肉丸勁多芝士！幾好味。但我最想講ge係前菜，有個叫"你以為是鮑魚的魷魚"幾好食。我朋友點櫻花蝦芝，估唔到個味係幾襯。如果下次再去，一個肉，一個前菜，一個麵，簡簡單單黎個快食，都係幾廿蚊，都唔錯。

本人自小住在油尖旺區，以前是靜中帶旺的洗衣街一帶已經變得人來人往了，幾年間見證拆卸舊樓到起樓，覺得唏噓。此店就位在洗衣街，因為新開張而且中午時段都沒有什麼顧客。本人純粹貪新鮮一試，用電腦點菜後由輸送帶送到，湯底送到後，侍應幫忙取下放到爐上，並提點水煲後調低溫度，很貼心。食物種類不多，好失望當日想食龍蝦又缺貨，墨魚滑,牛柏葉又缺貨只有選擇美國肩胛板腱$28及紐西蘭肉眼$22，每份牛有3件，切得很薄，牛味還可以。巨型手工丸($18)外層包裹麻辣內餡，粒粒洋蔥及甘筍加上麻辣醬，有點麻辣味道但不太合我口味。脆皮魚肉春卷一點都不脆皮，味道一般。

這餐廳的賣點是一個人吃的火鍋，但搞笑地，和朋友兩個人去試食，結帳時竟然不是分開結帳（故意將餐桌分成一格格，但係冇分單選項？）同時，位置實在太狹窄，放置左火鍋同餐食用餐盤後，只剩下少量位置放置食物。輸送帶的位置也沒有明確標示，其本上坐下之後，好難發現上方還有輸送帶。而輸送帶的按鈕也沒有上下標示，令人一開始使用時有些迷惑。而且，供客人用的平板裝置，竟然沒有顯示整張單的總額，變相令我完全不知道自己大概花左多少錢，難道要我一項一項自己用筆記下？最後，食物價格偏貴，且量少。

與友人冒雨走入熱血一流 一試地點及店較難找到欣賞：輸送帶很高速送到食物 食物質素很好 推芝心牛丸及韓拉面及芝心丸 服務頗細心有禮 裝潢設計有風格改善：一入來有很多部點菜機壞了 遂碟計錢不是太化算 容易食過左錢 一小時入座有點少下午茶自己食了$150

同Baybay🐬 黎食晚餐，試旺角新出的一人火鍋。入門口待應會叫我地選好火鍋底，我揀咗人蔘雞湯，Baybay🐬揀咗蒙古養生湯，然後入去坐低，待應就教我點樣用電腦版點野食，原本我都唔知塊板原來可以拎到落嚟，直到見到隔離枱咁做先知，唔使伸高隻手㩒到手攰，可惜已經太遲，我發現時已經點完嘢食，下次我會醒少少。我點左一碟螺肉頭盤，一碟豆腐，唐生菜，牛丸同一碟蜜糖，而Baybay 點了勁多肉(大概13碟) ，豆腐同生菜都好新鮮，牛丸唔錯，蜜糖醬汁就不會再點 ($5)有少少唔抵。丹麥豚梅肉(豬肉)最好食(叫了5碟)，肉質嫩滑，容易咀嚼，加上蒙古火鍋湯底令每一啖咬落去有鮮肉的口感也有湯的香味。另外美國肩胛板建(牛肉)也不錯(叫了3碟) ，肉質新鮮。還有很多其他肉也試過(睇結賬單)，總括而言也不錯，我喜歡蒙古湯底配肉類，而人蔘雞湯配蔬菜類會比較好吃。坐我隔離嗰個佢一個人來，自己食都唔會覺得尷尬。 食完我覺得好飽，Baybay🐬話佢有六成飽，抵唔抵食就見仁見智。

牛肉無牛肉味，去番食溫野菜都好過佢（雖然係同一個集團，溫野菜都開始退步，初初好好架）， 但水準差成幾個level 囉。唯一好印象d 就係果粒牛丸好食d (唔係芝心果隻，芝心果隻牛丸好難食；巨形手工丸都好難食，咬落去無口感，d 料又唔好食，去7仔食粒魚蛋都好起碼爽口過佢），個韓國面最吹佢唔漲，俾半個面你，仲係中間劏開；個湯底...我叫果款熱血一號，其實就係蕃茄紅菜頭（0號係唔辣，1號係辣，2號再辣d), 蕃茄同紅菜頭既色就係哂到，但得個辣，完全食唔到有任何蕃茄/紅菜頭味。叻沙就好d, 愈煲愈有味。單又出錯，出菜快就係幾快，但出錯哂呢。唉，失望好在係因為金會員，先即刻有位，唔係仲嬲D

旺角波鞋街新商新開左一間用一人一鍋主題ge火鍋店佢個型式係同元_新幹線差唔多入座前先揀湯底，由於試業關係，佢地由原先ge 3x 種得返8 種，個人覺得d湯底都怪怪地 ，例如卡邦尼湯底，抺茶雞湯咁，我揀左個熱血蕃茄湯，其實係紅菜頭加蕃茄，有唔辣，小辣同大辣，由於唔知佢幾辣，所以揀左小辣用平板電腦order 左食物好快個湯就到左喇個湯底味道普普通通冇咩特別，貼心之處就係佢會預埋一壺湯自己加，唔夠可以再order食物就普普通通，係墨汁墨丸幾彈牙，而醬料方面要留意返，除左甜豉油，其他都要收錢，例炸蒜如沙茶醬同辣醬，而份量少得可憐最後兩個人埋單就食左$4xx貪得意又行過,可以試一次咁多