大魚豐作日本料理 (Closed)

第二次去, 上次坐bar位, 今次坐遊樂場邊落地玻璃位, 人今次少左好多, 而最深印象就係佢地暗得好有氣氛, 西餐廳多用candle杯, 估唔到佢地日式都會用. 講番d 食品, 由於瘋狂鐘意食便當, 當晚叫左個金菇牛便當同天婦羅便當, 份量賣相ok, 天婦羅炸得夠白, 金菇牛汁夠水準. 惟剌身太少. 以超嚴謹評分來講, 以佢地既名氣所提供既食物水平, 同一商場d行家仲吸引.

lunch叫左個$288 既餐,仲以為比得呢個價錢就會有高d既水準tim...點知都不外如是, 同一般平價日本料理差不多...唔好食囉, D熱飲一D都唔熱, 魚生唔新鮮, 其他幾款料理好一般囉..唔會再黎啦..

lunch time個陣見周圍都要等位,又未試過呢間wor加上朋友既推薦,於是決定一試入到去睇menu個陣真係o晒嘴,貴得黎又冇咩選擇(定食),全部都係d大路野我要左一個鳥冬+一個剌身拼盤,不過不失la另外兩個朋友叫左燒雞扒定食同三文魚頭鍋(好似係咁上),係幾大堆頭,但真係唔值呢個價lor總體黎講,食物質素同味道都普通同埋咁既價錢,我認為唔值lor我事後都好後悔,還掂大家都要等,點解唔去和民呢,質素就一樣,可能仲多款揀添但價錢就../_\\

星期六晚上大約七點左右,第一次到此店進食,d野非常難食,不知所喟.d刺身又唔新鮮!冷麵-淡而無味, 配料得蛋絲及青瓜絲.炒飯-好似無配料.同埋Order 六款就冇三款,下次一定唔會再到此店幫嚫!真係掃興.早知聽我朋友講,唔好幫嚫此店進食,到底d師傅識唔識煮野架!老晒你真係有褔氣呀!有甘好d員工.完全冇信心幫嚫你們集團進食!服務都幾好,可惜啦!我已經叫我d朋友唔好去大魚豐作.

兩個人點了以下食品，埋單$206，料少份量少，味道淡，服務劣，絕無下次。海膽玉子丼（$68）：兩小片海膽，配以約三湯匙蟹籽，以及一飯碗白飯。海膽唔鮮，意料中事。蟹籽和白飯量少，就過份左些少！穴子壽司（$30）：一片營養不良的燒鰻魚，蓋上壽司飯上。鰻魚乾乾薄薄、米飯略生，垃圾！芝士年糕（$38）：三件裹著芝士的炸年糕，預先炸好，故上桌時巳經涼掉，亦是垃圾！芝士焗肉茄（$38）：那微量的芝士跟南瓜蓉都不能蓋過茄子的鐵生鏽味。中國家常菜指出「瘦物煮瘦物」不會好味，此言不虛。若能加入更多芝士會好些少。另茄子僅半小隻，量少。另點一支波子汽水（$14）。

今日約了一班同事食午餐,可能好耐冇0黎,所以覺得好多新0野食,我們叫了一盤刺身,一個炭燒三文魚腩飯,一個炭燒牛柳飯,銀雪魚定食,另外叫了兩個涼麵,有一個唔記得.刺身非常新鮮,條魚仲會口yu..yu.,個炭燒三文魚腩飯好.......好味!銀雪魚雖然細件,但味道very.nice!我們一班同事都大讚水準唔錯,但地方太迫了,而且椅子唔太好座,其實我們午飯都消費很高,每人平均$150..所以希望貴公司能改善!

貴之餘,細細件呀...! 幾10元的份量連牙洞也不夠,別說填肚子吧

次次去親都只係食dinner, 都係叫雪酒拉麵, 其他0野, 作為學生0既我實在afford 唔到.雪酒湯底其實幾好飲, 但其他材料太普通, 成$4x 一碗, 太唔抵了.Service 就真係唔ok -- d waiters / waitresses 態度幾差, 有次問佢可唔可以俾過個位我0地去非吸煙區, 佢都唔知係咪有心玩0野, 調0左我0地去一張檯, 隔來一張檯就有兩個煲緊煙0既男人. 唉...唔怪得佢執(笠)完一間又一間.

D位唔好坐, 成間店紅卜卜咁, 感覺一D都唔舒服, 都算啦, D食物簡直係垃圾, 叫了三樣野:冷麵-淡而無味, 配料得蛋絲及青瓜絲炒飯-好似無配料咁蠔餅-呢個真係不知所謂到極, 不但腥而且有極多蛋殼, 有無搞錯呀, 真係令人覺得憤怒Service: 都幾差，工作人員亳無笑容，亦唔主動。有d仲過份，掛住傾計唔理顧客。激死!真係叫乜無乜，都係跟住牆上面menu 叫，但係起碼有一半係無，食物又唔係話好食過人，真係唔明點解咁出名!? 總括四個字: 不知所謂

首先要講下幾點:服務態度---侍應的態度很差,我們叫左個剌身船好耐都未有,懷疑漏單.叫侍應跟進,反遭侍應的冷眼對待,一句"哦""就快有"等, 完全無客人設想,食品質素---剌身分量不夠,廚房的食物一般.一碟金牛卷,一客牛舌味道不錯,可算是這家餐廳唯一的好處.

唔知點解公司d經理咁鍾意請同事咁鍾意請同事嚟依度食飯~ 更加唔知點解依度有咁多問題都唔改善吓?　1. 餐具好殘：d碗碗碟好多都崩崩地...好難想百幾蚊一餐lunch既餐廳會出現如此情況！2. 侍應冇記性：我地次次都會order剌身船，次次都同佢講將冇人食既海膽轉其他剌生，而依度d staff就次次都唔記得... ~_~"3. 上菜慢：出錯單加埋上菜慢，有時真係等死...！4. 經理孤寒：我地食得咁多，已經成為VIP，仲次次消費人均100+，唔明點解個經理仲要"你地order 4個set (另加a la carte)，係得4份雪米糍架"...雪米糕咋，駛佢好多$咩？都唔識待客之道！　希望大魚豐既人員，睇到呢篇comment會認真改善下啦~

我去個這間大魚豐作兩次, D水準都係咁差, 唔好味, D拉麵湯底怪味唔在講, 連D壽司都唔好食, D米好難食, 唔知係唔係我成日去元氣食到挑剔0左, 我未試過出去食日本料理, 食到連壽司都唔好味~除0左個還境較濶落外, 食品完全唔掂~BAD

以前食過，D野好難食後，都有好幾年都冇o黎過，星期六同老友仔行完街，佢想食日本野，除了和民外，得呢間選擇。三文魚刺身- 一客五件，厚切，尚算新鮮。中華冷麵-初初食時覺得d汁好甜，但係之後越食越好食，而麵身又好彈牙。海鰻壽司-條海鰻比一般的迴轉壽司舖細好多，又冇未唔多好食牛油果軟殼蟹卷-幾好食喎，細細件唔會太飽肚。D軟殼蟹仲脆口的，而壽司D煙韌度及醋味適中。煎銀雪魚-menu個買相唔得靚，但係老友仔又好想食，最後都有叫。原來實物同影相差好遠，上台個碟靚好多，而且仲有沙津作配菜。煎得唔錯，魚肉唔會一夾就散。今次只食了五樣野，水準比以前好了好多，有進步。

尋晚放工黎食~好似轉0左menu小食多0左~.不過唔係咁0岩~叫0左個三文魚定食~一般~.不過0的壽司好細件同張相差好遠天婦羅幾好~. 上檯仲好熱~.下次都係試0下「和民」~.

成日都俾Arrow o既同事請o黎呢度食飯，hehe~一行九個人，我o地要左一個六人套餐、山葵套餐同一隻刺身船，總之加埋就好多野食啦~ 我記得o既就comment啦：．刺身船　－　新鮮好食，係最好食o既dish~．壽司拚盤　－　都唔錯，尤其鰻魚好大件~．燒三文魚壽司　－　美則美矣，唔夠三文魚壽司好食喎~．西蘭花燒牛肉　－　幾香o既，不過牛肉冇乜味~．炸豆腐　－　普通啦~．蟹腳烏冬煲　－　蟹腳好大隻，好食！烏冬就淡茂茂，冇味道...．炒烏冬　－　酸酸地、辣辣地，麻麻~．雞肉烏冬煲　－　完全冇雞...雞肉烏冬煲當然令我地非常不滿啦，加上佢上菜慢過蝸牛，我地更加嘈起o黎~ 於是，個AM就送左我地食雪米磁，okay啦~ 埋單$925，都係唔抵啦~