點心籠 (Closed)

自從新年之後就無再食過點心，所以今日同朋友嚟到呢間點心店。佢地有做足衛生措施，量體溫、準備紙袋放口罩和分隔飯枱。就算食點心都唔駛驚好似茶樓咁一圍枱，可以安心享用點心。💛我地叫咗好幾碟點心，因為朋友對蝦敏感，所以點咗好多走蝦既點心。原來好多點心都含有蝦。薑汁紅棗糕帶濃濃既薑味，少見的。👍🏻 我地都坐咗好耐，老闆不時替我們添茶聊天，又講到呢段時間無裁員減薪，希望疫情期間能與員工共渡時艱，擔心疫情關係裁員令員工失業。

麻辣燒賣：第一次食麻辣嘅燒賣，賣相同食材同普通燒賣都冇乜分別，唯一特別係加左麻辣，食落有香濃麻辣味，估計加左麻辣粉同豬肉撈勻，食落唔會話過於辣，而在辣中带點麻的感覺，辣度方面我相信唔太食得辣的人都接受到，鍾意食麻辣嘅一定要一試。芝麻蝦多士：一份有四件，每件都大大嚿，由於係即炸嘅關係，食落多士好香脆，蝦肉亦都好爽口 彈牙，配搭埋沙律醬食好清新，都係推介之一。老乾媽炒腸粉：未食之前已經聽到廚房有好大嘅鑊氣聲， 都估到應該係我哋叫嘅腸粉，結果冇估錯， 腸粉即炒好香口，除咗腸粉下面仲有一層雲吞炸皮做碗將腸粉包住，老闆話可以將雲吞皮餃說同腸粉撈埋一齊食，結果撈埋一啖脆一啖軟，口感幾特別，但個人認為加埋老闆推薦嘅二百萬度辣椒油會更加好食。

今日放假，同男朋友去食午餐，選了男朋友喜愛的點心小店！環境簡單舒適，明亮乾淨；入店前會幫客人量體溫及酒精搓手；服務態度友善有禮，用心勤快食物有盅飯、腸粉、點心等，我們2人選了5個點心1. 黑白芝麻蝦多士熱辣辣脆卜卜，芝麻好香多士好脆口，蝦夾在中間，好香好夾2. 招牌蝦餃皇蝦餃皇好大隻，爽口乾淨大蝦3. 和風脆皮海鮮腸和風脆皮脆口、海鮮夾在中間，更有蟹籽，腸粉滑4. 鮑汁叉燒包香軟叉燒及軟甜麵包5. 秘製鳳爪（麻辣）可選麻辣或醬皇，我們選了麻辣；唔會太辣、香軟的鳳爪，配上蒸花生

呢個市道好多小店都告急，呢排驚出街食飯，都可以買外賣g持下小店🤪前排想食點心，就揾到呢間小店，標榜無味精點心。茶水係店員幫手倒嘅，如果好似茶樓咁，真係一壺壺茶，每枱一壺，咁就更正啦，不過呢間舖無收茶水錢嘅，都唔可以要求太多haha叫左7款點心，最推介一定係黑白芝麻蝦多士同和風脆皮海鮮腸😆點心都係即叫即整，絶對值得等待⌛️蝦多士有4大件，熱辣辣，面頭全部都係芝麻，絶對唔孤寒。咬落去，超香口勁脆，好熱，滿滿彈口蝦膠湧出嚟，每啖都好滿足🥰海鮮腸又係好足料，成6大件，一口絶對食唔晒，要咬多幾口。外面腸粉皮好滑，入面就有好脆嘅炸兩，再包左好足料嘅海鮮，外軟內脆，好特別。其他點心都唔錯，2個人埋單都係$244，食到棒住個肚走啊，好抵食。港島良心點心之選💛💛💛

一場黎到支持告急黃店，門口已經要量體溫同用消毒搓手液，再提供埋信封俾食客。食物即叫即整，但都好快到。鳯爪排骨飯：醬汁入味，飯軟硬度啱啱好小籠包：皮唔算厚，入面仲滿載湯汁蟹籽燒賣皇：啖啖蝦肉，好彈牙蝦餃皇：蝦餃皮晶瑩通透，蝦肉滿滿超爽口香茜义燒腸：腸粉皮薄身煙韌黑白芝華蝦多士：呢個必食招牌點心，炸得唔油膩，蝦肉香口，多士脆卜卜，配埋芝麻好香香煎金菇上素蘿蔔糕：可以食到金菇同紅蘿蔔絲，減低煎糕既油膩感小店可以有呢個質素，價錢亦唔太貴，值得再黎幫襯

呢間黃店💛💛💛抵食好食點心即叫即蒸件件都足料爆餡無味精絕對物超所值而且佢仲會畀market pen寫喺側邊啲圍板中意寫咩都得員工都好有禮貌周圍都係黃色文宣要好好守住呀堅持到底！！#黃色經濟圈 #真香港人

首先一讚就係，一入到店內度完體溫，發現店鋪還提供紙袋好讓食客放置口罩用，好窩心嘅安排！除了方便顧客，其實同時亦免卻員工要處理食客遺下口罩的風險一共點了5款食物，全部都好好味員工以及食物水準都好好！需要額外一讚嘅係老闆勁細心，我只係望一望頭頂個冷氣，老闆竟然發現到，問我係咪大風之後重幫我熄咗部冷氣 香港人加油！

撐黃店！今次專登來支持"告急"黃店！估唔到點心用料新鮮足料，好味！今次試了芝士春卷，和風脆皮海鮮腸，鮑汁花膠花菇飯。春卷和脆皮腸炸得剛好，非常脆口！個飯估唔到有咁多片花膠，食完超飽！下次一定試虾多士！因現在很多人避免出外用膳，所以見到好多人叫 網上外賣平台 外賣.另帶一提，餐廳頗注重衛生。 每位客人入店時， 職員會叫客人用搓手液消毒，跟住每人會被派發一個紙袋用來裝口罩。加油！

見蝦多士好吸引所以嗌左果然無令人失望👍一碟有四件 每件大約半塊方包既size平時食炸多士 最怕一咬有啲油咇出嚟😖但呢款完全無😻 麵包唔厚 唔怕食到好滯麵包入面包住好厚嘅蝦膠 勁足料👍黑白芝麻好香 好好食配埋沙律醬感覺無咁熱氣 正🤤另外仲嗌左d點心 腸粉呀奶皇包之類味道都唔錯 無味精食完都無咩口乾蛋散勁鬆脆又係好好食😍另外 門口有張枱放咗酒精搓手液同擺口罩嘅紙袋每個人入去之前都要清潔雙手加上可能晚市唔算太多人 八成滿左右所以食客之間都算有距離疫情之下出街食飯 都加左少少安心🙌

份份都大大份！！食到好滿足！見人推介必食蝦多士！！？一上到枱！！哇！！！大大份！仲要每份嘅蝦球(?)都佔左成個包嘅3份之2堅係啖啖肉！！ 推薦👍🏻👍🏻👍🏻👍🏻

今天放假，本想訓到天昏地暗，但不知為何8點就醒了...梳洗完之後，就落行逛下，逛逛下就逛到上環😂。本身打算搵一間茶餐廳食，結果路經點心籠，就入了去（都好耐冇食過點心了）。例牌動作，坐到要做咩先？梗係睇menu...我揀左plan C..花菇滑雞+蘿蔔糕，飲熱奶茶...熱奶茶就正常茶餐廳味道，蘿蔔糕就冇咁香口同蘿蔔味...但個飯就幾不錯。個飯有d糯米飯味，夠香...東菇都算香，雞又不太肥都真係好耐冇一早起身食點心了，有點兒時跟父母去茶樓飲茶的感覺....下次早起身再去下d點心店先

飲茶真係中國人必備節目，陪下屋企人、陪下長輩一定會食，早茶、宵夜的都食得多，晚餐食真係未試過，今次跟朋友黎試下呢間無味精既點心，試下好唔好食啦蟹籽燒賣皇真係大粒喎，口感無咁多肥肉，但啖啖肉真係爽和風腸粉真係未試過，食到入面好脆，蝦爽甜，外層腸粉有彈性，配埋木魚絲、紫菜夠鮮味皮夠薄，望到好滿湯汁，灌湯小籠包一啖食夠滋味用足8両蝦肉去炸，非常香脆，蝦夠爽口，香口老干媽醬咁惹味，炒起腸粉又唔會太油喎，腸粉彈牙有米香，夠惹味鵪鶉蛋特別釀喺燒賣中央，新鮮鵪鶉蛋特別香食個熱糖水滋潤下先，木瓜甜，少甜夠健康布甸有新鮮芒果肉即叫即做又無味精，好食！

我由小時候便喜歡飲茶，依家除了有早茶，午茶，晚餐都可食點心，朋友推薦我試這家，原來全手製，即叫即做，無味精。老干媽醬炒腸粉腸粉彈牙有米香，老干媽炒後無太多油分，配上香芹食，香辣惹味。鳳爪排骨飯排骨嫩滑，鳳爪香，飯熟度剛好，彈牙。京式灌湯小籠包皮薄饀靚，包內有滿滿湯汁，一啖一滿足和風脆皮海鮮腸外軟內脆，蝦肉鮮，沾醬食更好味蟹籽燒賣皇外形比平時更大粒，肥肉少，咬口更覺爽口黑白芝麻蝦多士每份足8両蝦肉，炸得非常香脆，好滋味鵪鶉蛋燒賣鵪鶉蛋特別釀在中央，新鮮鵪鶉蛋夠香。食完糖水，完滿大滿足！

上環呢間點心鋪係同事極力推薦，店舖用中式設計，有落地大玻璃非常開揚，玻璃窗前有座位可以望住風景食，唔怕一個人食飯會尷尬，非常貼心蟹籽燒賣皇 $38粒粒非常豐滿既燒賣，足三両既分量唔係講笑，食落非常彈牙，蟹籽舖滿表面，燒賣皮非常薄，而肉味香又鮮味，完全唔落味精依然咁好味！醬皇秘製鳳爪 $28鳳爪非常淋身而且大大隻，醬汁唔會太咸，腌得非常入味，每隻鳳爪都有醬，大隻得黎又有肉地，唔會淨係得啲骨，食隻腳趾都食得開心啲～正啊上湯花膠魚肚 $44十分足料，花膠同魚肚都有三四舊，上湯用非常鮮味，唔落味精改落大地魚粉味道出色，花膠滑溜又有口感，魚肚吸收曬湯既精華，不得了，非常推薦和風脆皮海鮮腸 $44創新即菜式，即叫即整即腸粉，加左木魚絲紫菜絲，木魚絲上枱嘅時候會郁下郁下，非常有和風嘅感覺！先炸個脆皮包住新鮮即蝦肉海鮮，再放上蒸好即腸粉，熱辣辣食脆皮依然十分脆，食落口感十足，外軟內脆而且蝦味十足，調味做得剛剛好，再沾上少許即豉油，更添風味，比傳統即炸両好味幾倍！必試之選！黑白芝麻蝦多士 $44即叫即整蝦多士，熱辣辣上枱，蝦肉多到爆曬出嚟，會唔會太誇張？滿滿嘅芝麻舖上大大塊嘅多士，比外面食嘅蝦多士份量大

呢間點心店係無添加味精，仲有各種好創新既點心，所以淨係睇相已經覺得好吸引🤤 兩個人都叫左好多野食!🦐黑白芝麻蝦多士 ($44)食落去 原來淡淡都係蝦!! 🦐真係有驚喜到🤣雖然有炸過，但唔會覺得好油膩，且冇落味精，唔會覺得有罪惡感🤪老干媽醬炒銀針粉 ($52)雖然寫住係辣，但果種辣係好適合香港人，好易入口，加埋肉碎一齊炒，好惹味😋🦐和風脆皮海鮮腸 ($44)腸粉外軟內脆，非常有口感！😜 加埋蝦係上面，好特別呢～encore都絕對食得哂😂松子仁上素餃 ($34)餐廳入面其一一種素食，但味道都好夠！😍如果食完炸點，不坊試下呢款清清地既點心👍🏻黃金流心包 ($32) 個包唔算好流心，但勝在唔膩，有時出面食既奶黃包都勁甜，呢款岩岩好😋周記蝦餃皇 ($40)蝦餃既味道好天然，冇落到添加劑，而且好足料🤩同出面既「擦紙膠」真係好唔同😂最後糖水叫左木瓜南北杏糖水 ($26)潤一潤，冬天食感覺更滋潤🤣🤣 叫左好多特色點心，好滿足既一日😃👍🏻