點心籠 (Closed)

見蝦多士好吸引所以嗌左果然無令人失望👍一碟有四件 每件大約半塊方包既size平時食炸多士 最怕一咬有啲油咇出嚟😖但呢款完全無😻 麵包唔厚 唔怕食到好滯麵包入面包住好厚嘅蝦膠 勁足料👍黑白芝麻好香 好好食配埋沙律醬感覺無咁熱氣 正🤤另外仲嗌左d點心 腸粉呀奶皇包之類味道都唔錯 無味精食完都無咩口乾蛋散勁鬆脆又係好好食😍另外 門口有張枱放咗酒精搓手液同擺口罩嘅紙袋每個人入去之前都要清潔雙手加上可能晚市唔算太多人 八成滿左右所以食客之間都算有距離疫情之下出街食飯 都加左少少安心🙌