點心籠 (Closed)

麻辣燒賣：第一次食麻辣嘅燒賣，賣相同食材同普通燒賣都冇乜分別，唯一特別係加左麻辣，食落有香濃麻辣味，估計加左麻辣粉同豬肉撈勻，食落唔會話過於辣，而在辣中带點麻的感覺，辣度方面我相信唔太食得辣的人都接受到，鍾意食麻辣嘅一定要一試。芝麻蝦多士：一份有四件，每件都大大嚿，由於係即炸嘅關係，食落多士好香脆，蝦肉亦都好爽口 彈牙，配搭埋沙律醬食好清新，都係推介之一。老乾媽炒腸粉：未食之前已經聽到廚房有好大嘅鑊氣聲， 都估到應該係我哋叫嘅腸粉，結果冇估錯， 腸粉即炒好香口，除咗腸粉下面仲有一層雲吞炸皮做碗將腸粉包住，老闆話可以將雲吞皮餃說同腸粉撈埋一齊食，結果撈埋一啖脆一啖軟，口感幾特別，但個人認為加埋老闆推薦嘅二百萬度辣椒油會更加好食。