烤魚工房

Open Now

Now Closed

今日係星期六 喺度點咗個烤魚 跟住有好多味呀諗唔到叫咩味呀 係㗎 之後呢就叫咗青椒味啦 佢仲送四嚿豆腐㗎 跟住叫咗去青蘋果嘢飲 臭豆腐吸曬啲湯嘅精華 仲加咗啲萵筍添 超好食 舊魚都超好食

風味貼近重慶口味，辣度咸味適中，適合一家大細食用，仲有豆腐送抵食！幽蘭拿鐵解辣之選！串燒孜然味十足香口⋯放飯聚會好去處，蔬菜拼盤份量大抵食必選！一定會再回頭！好食之選！

讓家人推崇備至的烤魚工房連續六年都是排隊王，建議假日或晚上訂位，因為烤魚工房生意太好，許多食客持續回訪。烤魚工房把正宗大陸烤魚風味帶入香港，串燒又地道，夜店風的烤魚工房無論是聚會、慶生、家庭聚餐都很棒。芥末魚皮可以補充膠原蛋白，我愛透芥末魚皮，芥末魚皮給得不手軟，魚皮爽口到不得了，加上芥末一起吃，魚皮的鮮度大大提升，芥末魚皮作為餐前小食最合適不過。大顆的烤生蠔非常非常適合搭配剁椒味，多了絲絲香辣，更能襯托生蠔的海鮮味。烤生蠔水份十足，一口咬下還會噴汁，彷彿大海就在眼前，喜歡吃烤生蠔的朋友，怎麼能錯過呢? 蒜蓉烤鮑魚真的新鮮，嚐起來彈牙扎實的咬感，能感受到海洋般鮮美，再以蒜蓉去烤鮑魚，蒜香四溢，營造出甜鮮而濃郁的滋味，品味著海的鮮味，享受著鮑魚和蒜蓉的美妙結合，令人陶醉其中。鐵板包漿豆腐挺實惠的，就像夜市所吃的豆腐，包漿豆腐頗大塊的，豆腐皮吸收醬汁，裡頭豆腐軟滑，包漿豆腐上頭更以菜脯、蒜蓉、青蔥點綴，細細咀嚼吃到微微的黃豆香與菜脯的開胃鹹辣，簡直是絕配。烤雞中翼雞皮呈現迷人的焦黃色，相當入味，充斥著濃烈的孜然辛香，雞肉細嫩得很，雞汁豐盈，令人一隻接一隻，個人認為一人一串烤雞中翼根本不夠塞

太太肚餓話想食燒烤即刻諗起位於元朗新店既烤魚工房如果講川式燒烤黎計暫時未搵到有一間能夠超越不過我地只會食串燒燒烤烤魚就真系麻麻，因為真係麻麻。反而燒烤好食！叫左燒鮑魚，台灣腸，燒粟米，燒魷魚，花甲，饅頭

#搞串個pantry最近 #四川菜 🌶️餐廳五花八門，有唔同裝修特色🌌，今次呢間就係霓虹燈🌈風格，係一間位於 #元朗 市區🚋。而家仲要撞正有午市限定優惠💰，嗌烤魚🎏可以免費任食所有配料⚠️，好正好滿足😍！舖頭標榜係📣香港烤魚界天花板 ，夜店風，最受歡迎烤魚店，係香港最正宗、最地道、最受香港年輕人歡迎的烤魚品牌店，口味道地😆，用料新鮮、口味驚艷💥。🌶️香辣豆花清江魚(小辣)($289)青江魚本身已經去咗骨，可以大大啖咁食又大塊又嫩滑嘅魚肉🐟。仲可以揀有機黑豆花(+$20)⚫️，同平時食嘅豆腐或者豆卜唔同，入面係軟滑嘅豆腐粒粒，而且好重豆香味🫘。外層香辣，入面清新解辣❄️。😍午市任食優惠配料精選😍🍜火鍋粉｜要預早定落去煮，烚到軟軟哋，又煙韌有咬口，再配埋湯底嘅香、麻、辣好正。🧽海苔響鈴｜鍾意辣辣刺激必嗌！響鈴吸收晒辣油嘅香辣，而且有紫菜嘅鮮香味。🥒萵筍片｜既吸收到湯底嘅惹味，本身亦都清甜解辣。🌱海帶苗｜比起平時海帶更加嫩滑，有海帶嘅香味，亦都好吸收到辣味！🪷蓮藕片｜吸收咗湯底濃郁味道，但係又唔會太辣，而且咬落硬脆嘅口感好正。🦆鴨血片｜真係好啱香辣嘅湯底，令到鴨血超級惹味、好吸引，而且同時癖走曬血腥味

烤魚工房環境整潔、舒適，音樂輕鬆愉快，好岩同朋友三五成群一齊黎食，烤魚新鮮同香噴噴，配料、燒烤都多選擇，好好食，已經多次黎食，水準依 然好高，下次都會繼續同朋友一齊嚟。

第一次試呢間嘢，烤魚的確幾好，配料亦夠大碟，燒烤就普通啲食物出場:1) 大辣小麻嘅麻辣烤鉗魚: 大條，肉滑，最緊要無泥味，湯底亦做到我選嘅大辣小麻要求，唔會咸當辣，所以呢度可以推介一下。比較……有間叫叮乜，湯底好好，燒烤都好，湯得，但試過兩次，條魚都有泥味2) 燒韮菜: 唔係叫差，不過不失3)燒牛小排: 燒過咗，有啲乾4) 配料叫咗豆卜，酸菜，冬瓜: 份量幾多，索咗啲湯巧巧食呢度坐得幾迫嘅，店員就幾好！ 魚佢係好過好多間，燒烤就一般，配料花臣亦唔多，因個人要求而定，我就覺得呢度都高分整體，叮乜果間平均啲，點數勝出。剁椒烤魚仲有辣度選擇🌶️ 我地中意食剁椒烤魚，所以點左剁椒烤魚。烤魚服務食物出色，好味好食，也是絕對合理的。除此之外其實還有原因，有些菜式屬工夫菜，菜做得很好。

串燒好味又大份，烤魚又滑又好食，價錢便宜，坐位舒服，員工態度友善，青椒烤魚加四十元轉江團魚，又滑又大條味道仲好過番深圳，可再加配料打邊爐，手工麵，黑柏葉推薦，燒鮑魚鮮味十足

是日晚上來到元朗，被呢間門口寫上烤魚界天花板烤魚店吸引進來 。以前還在舊地舖時就大排長龍，現時搬上樓上座位寬敞舒適好多。店舖裝修走年輕人風格，更播放愉悅音樂，打卡一流。見到中午12:00 - 17:00 星期一至四任食配菜，相當抵食。餐廳採用手機點餐，點了鮮青椒味烤魚$328，可以自行勾選辣度、少油、多湯等選項，十分貼心。江團魚好大條，好滑沒有骨，湯底鮮味咸香，越煮越辣，加入金針菇同魔芋片配料，更顯豐富。烤韮菜$26：烤得清脆嫰綠，條條分明烤茄子 $36：茄子燒得好靚，表面滿佈蒜蓉，茄子肉嫰滑濃味~錫紙花甲$49：花甲充滿蒜辣香，底下仲有粉絲金菇，索晒蒜香辣汁。金桔青檸特飲$36：清甜潤喉，解辣一流！環境舒服，食物高質，用料新鮮，可以媲美深圳探魚的烤魚~

大家都知道元朗出名多野食, 唔同地方既特色菜都有, 有大舖小店連鎖店, 之前趁住呢間"烤魚工房"推出8月優惠, 星期一至四12:00 - 17:00 任食配菜, 非常划算, 而且呢間烤魚店被譽為係香港烤魚界天花板, 裝修格局又走夜店風, 非常時尚, 聽講仲係年輕人必打卡網紅熱點店! 所以就決定同朋友食呢間啦! 首先就要自選一道烤魚, 有3種魚揀, 包括清江魚, 江團魚同海鱸魚. 我地就試左清江魚. 加上自選既香辣豆花湯, 我地都唔太食得辣既所以就叫左小辣. 辣度適中唔會辣到噴火. 而條魚都烤得好入味, 魚肉非常鮮嫩, 無泥味. 同一般既河魚非常唔同. 食左辣野又點可以唔叫返杯凍飲呢 我地叫左一杯芒果冰沙同一杯益力多冰沙. 益力多冰沙就比較酸, 好開胃. 芒果冰沙就甜d, 解辣一流. 而且仲有幾粒果肉, 好靚. 而冰沙慢慢溶化, 口感層次豐富 之後又叫左一客串燒, 非常多串, 而且只係$169, 有羊肉豬肉雞軟骨魷魚鬚同蛋條, 全部都有好香既孜然味道, 十分惹味可口. 最後又叫左一個紅糖糍粑, 好彈牙有咬口, 加上香甜既同糖同花生粉, 為呢一餐烤魚之旅劃上完美句號 呢間店果然名不虛傳, 

[✨元朗烤魚工房·正宗地道惹味烤魚天花板❤️‍🔥]#烤魚工房 #元朗 🥢鹹蛋蒜香酸菜魚 $289 (+$40 江團魚)必試推介🌟🌟呢度嘅招牌菜烤魚可以自己選擇唔同嘅魚，我地就點左江團魚🤤江團魚微微烤過，香氣十足，魚肉肉質嫩滑厚實，咬落去好有口感😍而且湯底用料豐富，味道濃郁非常入味，同魚肉真係好夾，食完條魚個湯底仲可以叫其他配菜繼續打邊爐嘅，真係可以媲美深圳探魚嘅烤魚!!🤩💕🥢蒜蓉烤茄子 $36微辣嘅蒜蓉好香好惹味，茄子燒到軟身非常入味，招牌必食推介😋🫶🏻🥢厚燒牛舌串(2串) $36好厚身嘅牛舌，輕微燒過配上孜然粉非常惹味，口感軟嫩有嚼勁，外層嘅焦香味同入面充滿肉汁嘅牛味混合後真係令人食慾大增🤩十分推薦👍🏻👍🏻💫🥢烤娃娃菜 $15都係配上孜然粉嘅娃娃菜有微微焦香味，辣度亦都岩岩好☺️💕🍹至尊水果茶 $43水果茶賣相吸引，打卡一流!!🤩 非常大杯，入面有多種水果😯水果新鮮，果味濃郁，飲返呢杯咁足料嘅水果茶真係好解膩🥰🍹金桔青檸特飲 $36飲落去感覺清新，同水果茶一樣大大杯好解膩💯————————♡♡♡♡♡♡————————✨總結主打嘅招牌菜烤魚真係食過香港最正宗、最地道，絕對係香港烤魚界天花板

之前都同其他朋友嚟食過一次，實在太好食，所以再返嚟食，好食過深圳嘅原因係因為佢冇深圳嘅烤魚咁油，唔會食幾啖就滯咗。今次我哋依然都係叫招牌嘅鮮青椒味烤魚，另外加咗萵筍同金菇，仲叫咗一個燒茄子。烤魚上菜鋪滿晒青辣椒，太越煮越辣嘅我哋係開始食之前撥走咗一半嘅青辣椒。上菜嘅時候話俾我哋聽啲汁滾咗就可以開始食，魚嘅熟度啱啱好，嫩滑多汁，倒埋啲萵筍落去吸晒啲湯嘅精華，就算辣都要食晒佢！茄子就正常發揮啦，一定好食嘅！我哋兩個都叫咗益力多沙冰解辣，好好飲，必點。

旺角惹味重慶烤魚店🐟原來大有人氣假日晚市都幾多人等位烤魚有多款辣味選擇🌶亦有唔辣口味照顧一眾吃辣及不吃辣嘅朋友環境氣氛熱鬧適合同一班朋友歡聚🥘▫️鹹蛋蒜香酸菜烤魚($289)店家推介加$40嘅江團魚多肉厚實配合鹹蛋蒜香酸菜香口惹味😋食完烤魚湯底仲可以叫其他配菜繼續打邊爐🔥必點「火鍋粉($20)」索晒湯汁彈牙好味▫️48串串燒組合 ($169)上桌好壯觀不過唔好俾個數量嚇親其實每串份量少少反而可以一次過試多幾款口味有大中小辣選擇店舖仲有多款串燒烤物及小食選擇調味偏濃味一定要每人叫一杯飲品果茶來送香辣惹味食物🍹大大杯解一解膩

香港都有烤魚可以食啊！唔使再返深圳食 ， 8月優惠12:00 - 17:00 任食配菜，見到都勁吸引。一入去嘅感覺勁有夜店feel！自己QR code落單，可以揀魚，鹹蛋蒜香酸菜味烤魚勁香濃的蒜香酸菜味，啲湯係會好想飲哂佢。烤魚好大條，索晒啲汁。真係好想叫到碗白飯有好多燒烤嘢食，我哋叫到拼盤，一共有48串串燒，有魷魚、牛肉、雞肉、雞軟骨、粟米等等，份量勁多，調味都好入味，好抵食雞絲青瓜拌麵用紅油撈的拌麵，勁香勁辣，配搭雞絲、青瓜等新鮮食材，味道更加清新。至尊水果茶勁足料嘅水果茶，個杯好大，水果好多，水果茶亦都好香甜。芒果沙冰好絲滑的沙冰，芒果味道濃郁，面頭仲有果肉，夠晒冰涼

想食到好味嘅烤魚，又唔想返大陸，烤魚工房可以滿足到大家嘅要求！皆因呢度嘅烤魚同串燒都好正呀！鮮青椒味烤魚（江團魚）魚肉嫩滑，鮮青椒湯汁惹味！啱晒想食辣但又唔係好受到辣嘅朋友仔！酸辣牛柏葉牛柏葉爽口彈牙，配埋酸辣汁，好過癮重慶把把燒超抵食，$169有48串🤣🤣🤣而且仲要係大陸嘅孜然味呀😋😋😋羊肉川，雞臀串，魷魚串，五花肉串，牛杜串，雞脆骨串，魚豆腐串，粟米粒串咩都有啲，唔使怕選擇困難😂😂😂至尊水果茶百香果味好重，酸酸甜甜，好清新芒果🥭沙冰超正！解辣一流👍🏻👍🏻👍🏻