HOWE Cafe (Closed)

星期六又是姊妹日，又要在openrice四處搜羅一下，一些優雅舒適及有美食的cafe，終於比我搵到一間係觀塘的cafe，名叫“Howe”不單環境優美，而且仲有很多傢俬給你選擇，最緊要有埋美食嘛。我們一行三人，究竟三個人可以食到幾多嘢呢?首先 : 前菜為魚餅，無花果意大利火腿沙律主菜 : 三文魚漢堡，北京煙鴨胸三文卷， 野菌雜菜茄汁長通粉甜品 : 蘋果金寶， 藍莓芝士蛋糕飲品 : 愛爾蘭伯爵鮮奶咖啡IRISH EARL GREY CHAI LATTE所有食品完美地消滅😋😋非常滿足😉

今日5點多已經感到肚餓，在假日的觀塘工廠大廈區大部分的餐廳都在6時閉店，選擇不多，搜索了一下附近的店，找到了這間特色cafe。一進門是一間傢私鋪，有各式的傢具發售。走前兩步卻發現一個新天地，一間充滿特色裝潢的cafe現在眼前。到達餐廳時仍是5點半左右，剛好趕上下午菜餐（14:30-18:00）。與朋友分別叫了Set A E F餐，一個主菜加一杯飲料。Set A的波菜忌廉汁魷魚中通意粉，正常的波菜忌廉味，但意粉的口感很特別，意粉中間是中空的，值得一試。Set E的鴨胸肉墨西哥卷配烤肉醬，十分充料，每啖都有肉有菜，唯一不足是卷皮有點乾身。Set F的是我最愛的牛油果沙拉光是牛油果已加分不少，另外有一整塊的多士，不用擔心不夠飽肚。最後埋單每人$80多，非常抵食！

環境清靜舒服 又多傢私擺設。野食不過不失，炸魚手指唔錯 甜品都好似好吸引 不過我地2個人食 叫左一個意粉 一個夾餅 一份魚手指 就已經飽左，食唔落甜品。 如果人多 上去開party食多幾樣野都好。

行完街，當然要食野填下個肚順便hea 下啦~~~cafe 係觀塘地鐵站附近的工廠大廈行10mins，上到去開門係傢俬店，點知入到去有野食有得坐~~Dinner雖然冇dinner set, 不過點飲品都有得減價， 叫左個牛扒，五成熟，好juicy, 唔會太肥，都幾大塊！薯條係即炸，好脆好香口！再左個軟殼蟹玉子Burger!好大件Burger! D sourse用左蛋加牛油果溶，唔鐘意食牛油果ge我都覺得好好味！最後點埋個juice ! 成件事好正好完滿！

同朋友去觀塘食飯，想去網站度搵吓最近工廠有咩好食。搵搵下搵咗呢間餐廳，咁就要試一試啦！裝修好有趣，係可以賣既傢私！！OpenRice有優惠卷叫左個honey mustard wrap!! 因為我地3個人佢幫我地切做三份，50幾元但勁好食！沙律有雞有牛油果，材料好豐富，但沙律唔係佢地既賣點！主菜先係！又係用honey mustard 醬呢個海鮮飯好正，蕃茄用新鮮蕃茄煮，煮得入味，又保存住溫度，有青口、帶子、墨魚、蝦！份量足夠！呢個白汁幼管長通粉超好食，佢地食物既溫度做得好好，有4大隻青口，好味好味好味

有HOME的感覺嘅HOWE CAFE，我覺得個名改得好好，所以趁閒日lunch上黎一轉希望唔會太多人。環境很大，由於標榜集CAFE與傢具店於一身，店內用嘅檯檯櫈櫈全部都可以買。現場所見大部分傢俱都係實木為主，除咗大型傢俬仲有小型家品賣，都幾吸引。食物方面，叫了煙鴨胸意粉。原本以為個汁係有紅蘿蔔同大量洋蔥果種濃郁紅酒汁，估錯了，呢個食係落有淡淡紅酒味嘅燒汁，味道偏淡，雖然個3色椒個人覺得有少少唔夾，但都尚算不錯。煙鴨胸好入味，同埋有好多舊，一啲都唔吝嗇。食物質素不過不失 。

最近忙於新居裝修，到訪傢俬店較多的地區更是周末活動。今日逛了整個下午終於走到最後一家...這間位於觀塘工廈內的"HOWE Furniture & Cafe"，既是傢俬店亦是一間cafe。Howe Cafe賣的都是印尼制木製傢俬，木材用舊船拆出來的柚木，特色有味道。老公對這裡的傢俬表現出相當興趣，逗留了大半個鐘也不願離開。店員索性叫我們到他們的用餐區食晚餐，因為餐枱餐椅全是店內擺賣的傢俬，進餐時像在家中感覺悠閒，對筆者來說更加能認真試下餐枱餐椅是否適合自己。Howe Cafe的概念真好，一石二鳥。除了陳列大小別緻家俱外，牆上掛有不少充滿玩味的裝飾擺設，真係好想把它們帶到新居。Howe Cafe 的食物款式多，有pasta、沙律、日式咖哩、wrap、steak、甜品...等。【雞翼 $60】雞翼剛剛炸起熱騰騰; 咬下去皮炸得香脆。雞翼大大隻又肉厚，調味剛好，非常惹味。【吉列豬柳玉子 $85】吉列豬柳、日式咖哩、蛋包飯合而為一的賣相相當吸引！吉列豬柳賣相一般，炸皮夠薄身可以不夠香脆; 幸好豬柳肉質軟腍。筆者比較欣賞這個日式咖哩汁，香而不辣，非常日式。咖哩汁中加入大大件紅蘿蔔，難怪咖哩汁帶點鮮

This cafe is half a furniture store and half cafe. The interior is beautiful and a lovely atmosphere to dine in, you can also browse around the little knick knacks around the store as you wait for the food. We got the mussels, turkey panini and mussels pasta. The food was quite good, nothing spectacular but standard cafe food standard. It’s a good place to chill with your boyfriend go a group of friends would be coming back.

多數入到去第一感覺都係很有家的感覺, 其實D傢私唔平。不過唔緊要, 主打重點係坐住D 貴野食返D 正常價錢的食物, 再加埋唔知係唔係間店冇乜人知, 從來都未多人過。 服務都好好, 環境又好好, 只係有時冷氣唔係好夠/唔開。 因為人又唔多, 又唔係夏天掛...冇問到職員。 野食ok , 野飲呢...我第一杯凍coffee 好好飲, 太太平時唔飲都飲左我杯少少都話好飲, 佢未叫野飲所以叫多杯, 點知~同上一杯唔同, 不過都唔太差。呢度有幾套好普通的broad games, 如果玩開的朋友們, 我覺得果度可以自己帶games 去玩都ok。最後一提, 呢度有BBQ 場, 一直都好想試下。價錢方面應該都唔平, 不過見佢有幾個 plan, 應該豐儉由人。

朋友介紹，觀塘工廈頂樓，賣傢私加食嘢。今日已是第6-7次幫襯。皆因係公司樓上，有時費事行太遠，就會上去食就算。環境係開揚嘅，坐係佢地d貴傢私上面，幾好feel. Lunch hour都7-8成滿.食物係ok嘅，有軟殻蟹飽，意粉飯沙律都有。今日叫咗個自家制黑椒雞皇飯，香又辣，排天氣凍，食黑椒好丫。意粉質素都ok, 唔太硬或太林，d雞都ok.不過，老老實實，覺得得少少貴，我估調低返10%會再多人黎幫襯。同埋唔知點解次次都要提提個收銀先記得補返個花茶比我。雖然總括黎講都ok.

見到個名叫HOWE,擺明就想做HOME啦，所以一眼就會見到好多傢俬，想有家既感覺，不過我望多幾眼就覺得係傢俬食飯，不其然坐底左之後，張枱又真係有標價錢，再望下其他傢俬大多數都係可以買既，d傢伙都又真係幾靚既，坐底食野都舒服咁我就選擇左個set lunch"羅馬茄汁雞肉意粉"加杯熱既"洋金菊"花茶，但花茶用紙杯有點失望，我專登打開杯蓋，等花香散出黎，嘴就滿滿茄汁意粉，聞就洋金菊花茶，而且咁岩播更lana del ray，覺得有係外國的感覺話哂都叫cafe當然其實甜品先係主角，大多都係芝士蛋糕同朱古力，唯獨有個蘋果批，其實我好少食蘋果批，因為要好食其實好考功夫，最終都特別d，叫左個"蘋果批加吉士打醬"，咁烘熱再俾我食，食落口都好有驚喜，暖粒粒的蘋果批甜酸味岩岩好，冇乜人工甜味，而且加埋吉士打醬的甜又冇搶出黎，味道相當夾，而且點解一開始我會選擇熱花茶，因為食一啖我又飲一啖花茶，花茶的香再加埋落去，perfect match食完最後再上一上去天台望下個燒烤場，有機會都試下係到bbq

第一次同同事試呢間餐廳，初時到門口，大都以為唔係呢度😂，因為門面似舖頭，賣傢私的。舖頭入去感覺特別，有好多特色嘅杯，碟，餐具可以購買。傢私都可以購買還有一些娛樂遊戲可以供客人玩。食物味道不錯，不過個人喜歡濃味少少，意粉不會太淋，剛剛好。鴨胸入味，夠淋身👍🏻👍🏻

家下每個星期基本上都會去郊遊. 每次郊遊後都會睇下附近有咩特式餐廳. 觀塘區上次試左兩間, 今次再搵下其他店試下. 點知晨早搵時話星期日要預約, 攪到行山行到差不多時間. 就打黎book . 幸好無比拒絕. 而且亦都係預約時間前到達.. 到達後, 第一關先要過係坐電梯. 兩部電梯 一部係貨lift一部係客lift. 但兩部都係好嚇人, 襟左幾樓, 但兩架都係唔著燈.. 而且差不多到時重要震一震. 去得工廠區搵食, 大家必先要有心理準備. 到達後一入內先望到好多傢俬. 可能人唔算多, 所以店員招呼周到. 叫完食品. 比晒錢就可以自由搵位. 基本上所有坐位都似display. 有不同款, 坐好坐位等了不久, 食品就到.我叫左Mixed Vegetable Rigate in Tomato Sauce 香濃茄汁野菜粗管粉.$78連一杯$32的飲品, 若飲品超過$32同樣係再補差價. The tea of the day係雲呢拿煎茶. 個粉一送到黎就聞到好香. 裡面有黃椒, 紅椒, 脆肉瓜, 菇同粗管粉等,個醬好夠味. 而且係即叫即整, 夠晒熱.  個粉亦煮得剛剛好. 唔會太林都唔會太硬. 配

喺香港好多時出街食都係買個地方坐，同朋友吹下水咁！呢間cafe 我嚟過好幾次，坦白講啲嘢食就唔算好特別，唔難食咁解！佢呢度都係主打西餐有all day breakfast ，意粉果類揀！我之所以會keep 住嚟就真係貪佢坐得舒服，張張枱都有一定距離，我最怕係逼到隔離枱聽到你講咩嗰啲餐廳！同埋佢係好似同傢俬店融為一體咁，所以環境係真係幾得意，唯一我覺得佢要改善嘅地方，係佢地嘅飲品係用外賣杯，我個人就覺得好唔環保嘞！

幾個大學同學大耐無見，決定約出黎聚一聚舊，選擇左工作地點附近嘅cafe。觀塘工廈眾多特色cafe，呢間係將傢私店同cafe二合為一，俾人一邊選購傢具之餘，都可以坐低飲杯咖啡，食返啲野。我地就係黎飲杯咖啡，食啲野，順便欣賞下呢度嘅傢私。🙈基本上cafe入面嘅傢私都可以買，大部分都明碼實價咁貼上左價錢牌。而餐飲部位於另外一邊，但買完，都可以是但搵個角落坐低。三個人叫左個下午茶tea set，再加一件蛋糕。印象中呢度嘅咖啡係唔錯嘅，至於其他野食就不過不失。只記得鹹食比甜點好，有機會，會再試埋呢度嘅正餐。