HOWE Cafe (Closed)

觀塘不嬲都好多工廈餐廳，想搵一間靜靜地，傾過心事，咁一定會黎呢間每次想靜下，遠離繁囂，就會黎呢間Cafe, 有得食，又有傢俬睇，分分中睇中心頭好叫左一個雜菌粗管通，成碟好有雜菌味，份量都幾多，粗管咬落有少少彈牙， 自己鐘意食辣，加少小辣醬，十分之開胃三文魚牛油果格仔餅，一啖可以食哂3種配料，好滿足啊。 牛油果新鮮，煙三文魚正正常常，格仔餅溫度岩岩好間唔中同個朋友下午個陣黎Hea下，食個Tea，都幾正架環保又夠大

專登揀一間木系的cafe, 同男朋友靜靜傾計。呢間cafe 比較偏辟，搵左一段時間先到。就係因為咁，呢間餐廳好靜，最適合想靜靜傾計又唔鍾意人多的情侶。環境好靚，有好多木的作品，設計特別又坐得舒服。食物方面出乎意料，男朋友勁讚凍檸茶好飲，唔會酸又有甜味。食物好味，意粉同沙律份量都夠。工作人員態度好好，cafe有唔少影相位，而且當日只有兩三枱客，又唔會趕客。食完野仲可參觀下佢地賣的商品，可以消磨一個晚上。

行完街，與友人想搵間餐廳可以無限時坐耐啲傾計，最終搵到這間Cafe。這間cafe前店是買木製傢私，後店是餐廳，環境很舒適。我們叫了兩個套餐：-粟米忌廉蟹棒中通意粉醬汁不過不失，很喜歡中通意粉，可以充分地吸收醬汁，特別惹味。-自家制牛肉辣汁肉眼扒沙律這味沙律很開胃清新，牛肉的份量也很多，肉質不錯，一啖肉一啖菜，減少罪惡感。而且配上香口的蒜蓉包及粟米粒，這個沙律值得推介。飲品方面咖啡的味道較好，另一杯味道則較淡。

雖然位置都遠離MTR, 和市中心, 但位於工廠一堆堆下內的竟然有一個綠州每張餐桌椅都掛上價錢牌, 原本呆板的工廠傢具店, 至少令人會駐足,看看各種小飾物(平時是完全不會考慮逛)餐桌不太多,但每張都可以容納4~6人, 小薯雖然不是第一次來, 但每次來餐牌都會不同,所提供的餐湯, 花茶也每天不同每次來都可以試不同東西, 加上上菜速度也相當快, 食完東西也可以看看有什麼新鮮傢俱呢

一向都知道官塘工廈隱藏唔少cafe，今日搵到一間木系cafe，除左係cafe市可以係到揀d家具返屋企，為屋企加d木系裝飾。。。入門後會先見到唔同家居擺設，全部以木為主，左邊係點餐地方，再向入面行就有用餐地方。。。多肉植物為屋企增添生氣。。。牆身有唔同嘅裝飾。。。我地坐低時仲有半個鐘就下午茶，所以我地先點1個set lunch 及1個小食，夠鐘再叫tea set。。。Lunch Set - 羅馬茄汁雞粗管粉 $85茄汁味濃，雞件亦好入味，炸得剛剛，每粒粗管粉都沾滿茄汁，好美味。。。小食 - 炸雞搥 $58炸得有d d過火，皮脆但肉有d乾，但還可接受。配埋一齊點嘅汁，酸酸地有少少辣，好惹味，唔食辣嘅我都忍唔住點少少。Tea Set - 田園煙三文魚牛油果窩夫 $78三文魚及沙律菜幾新鮮，三文魚同窩夫一齊食，幾夾。。。只係略嫌窩夫烘得唔夠脆，有d淋。環境方面，地方寬敞，樓底高，枱與枱相隔有相當距離，好適合同朋友傾計，唔怕嘈到人。環境又寧靜，可扮下文青hea下亦得。。。

卡邦尼長管粉芝士濃郁，香氣撲鼻，煙肉食材新鮮，即使是下午茶套餐也分量充足，吃完十分滿足。焦糖香蕉窩夫有三塊窩夫，外脆內軟，伴上香蕉薄片和cream，吃下去很有層次，不會太甜，還有杏仁片令整個甜品更爽脆，值得推薦。入門口就會看到琳瑯滿目的木桌椅，走進裡面的cafe座位，十幾張不同樣子的桌椅洋溢自然木系風格，墻上的復古擺設和桌上的盆栽營造優雅柔和的氣氛，空間感十足，環境清幽，是假日和朋友遠離煩囂放空和聊天的好地方。

第一次朋友嚟呢間餐廳，因為人少少個靜啲嘅餐廳食下飯，傾下計，所以見到標榜自己係寧靜嘅地方，果然係不負眾望！環境四周都佈滿左實本嘅傢私，餐枱與餐枱之間的空位好足夠，傾計都唔會騷擾到，係同朋友聚會嘅好地方。原本睇其他睇相，以為食物會好細碟，點知黎到都幾有驚喜！份量算大(一個人一定多飽)，賣相都好掂，味道更加係好好不過略嫌上菜速度有點慢，可能係因為staff吾算太多，人多煮吾切掛。但整體黎講，呢間餐廳都係值得推薦

難得的周末 決定去觀塘搵啲舒服既Café仲記得之前上網講過傢俬店加CAFÉ所以就決定左呢間餐廳上到去發現有好多唔同既野食少至多士 多至飯面都有同埋所有坐緊既檯同櫈都可以裝飾亦都好北歐風總共有差不多10張檯但係我地黎到個陣 其實都係得4張檯有人環境亦都係非常寧靜帶部MAC黎做野 或者溫書就岩唒最後揀左三文魚牛油果waffle佢每個餐仲會配埋是日果茶雖然話係輕食 但係個份量對於女仔黎講都幾多因為牛油果同waffle都係非常飽肚加上三文魚同牛油果都算新鮮質素比預期好加上寧靜既環境下次有機會一定再去

星期日去觀塘睇開倉買波鞋， 行攰了， 就搵間cafe食lunch，e...黎間又幾特別喎， 佢係傢俬鋪🛋 x Cafe☕。 內裡的擺設… 最適合文青們來打咭📸或三五知己來談天說地👬👭。嚟度係要先俾錢點餐… 經過Bedroom後到達用餐處， 其實食飽左，我好想午睡片刻， 唔知可唔可以呢～😂每張餐枱都各有特式…等待送餐中… 香草茄汁大蝦中通意粉 $118賣相與味道並存，意粉掛滿汁香濃茄汁， 好惹味😋；大蝦爽口無雪味。芝士忌廉粟米吞拿魚中通意粉 $110芝士忌廉汁好creamy，味道普通。

今日又係好朋友同我慶祝生日嘅日子，我哋兩個咖啡控呢間之前同男朋友黎過飲嘢，覺得感覺幾好，木系既咖啡店，好舒服嘅感覺。今次就同朋友嚟試野食「炸雞鎚」「烤牛肉沙律」「All day breakfast」「Cappuccino」同埋蜜桃薑花茶牛肉沙律幾好食清清淡淡蜜糖芥辣醬幾入味炸雞鎚係有啲乾身不過起碼好食過KFCAll day breakfast賣相好靚仔炒蛋好香牛油味，係幾好食，如果條腸可以煎耐少少就好啦呢度啲職員服務態度好好，完全係有五星級嘅服務

呢間木系樓上咖啡店☕️好似幾靚仔喎，所以就同上咗去啦，呢度環境簡直係一流，三分二既位置係買木傢俬嘅樓上咖啡店，有三分之一係比客人用餐既我同朋友行完一round勁想買呢度嘅傢俬囉然後就搵位坐低飲嘢，呢度啲嘢飲都幾特別，嗌左「榛子朱古力奶茶拿鐵」同埋「Cappuccino」「榛子朱古力奶茶拿鐵」隻味好特別，我好鐘意，米以為榛子朱古力拿鐵就一定好甜，佢隻味岩岩好，我好鐘意呀Cappuccino 呢度嘅Cappuccino 我飲過最好飲既，無論係咖啡嘅濃度，奶嘅份量同埋泡嘅份量都係相當準確，呢度已經成為我下次嚟Hea嘅好地方

5/5/2019 星期日，喺官塘工業區找到一家另類食店。內裏分兩區，一區有木製傢俬及家居用品供應售賣。另一區是餐廳，供應食物飲品。有 free wifi，人客上網看電影，睇 facebook，玩遊戲等等。任坐，時間不限，好自由，喺呢度可以好輕鬆！食物質素也好有水準，製作一點也不隨便。在市區中尋找另類食店的話，可選擇這裏。

#環境光亮-讚 （見圖）#人小小夠安靜-讚#雖是木櫈但坐得舒服-讚#樓底高空間感十足-勁讚#食物也不錯，上菜時間適中，食物夠熱-讚（見圖）今晚同最愛想舒舒服服安安靜靜食餐晚飯，選了這間很有家的感覺既餐廳🍴，果然發現真係好有家的感覺，相信是平日所以人流不多，但都有三枱人坐著吃飯，大家各占一方，只是其中一枱較人多所以比較大聲，裝潢和設計也很特別，前舖賣家俬後舖是餐廳，真係估佢唔到，又有得行又有得食，下次會約朋友一起再來呢#唯一想建議改善既係....可唔可以唔開射燈？

觀塘工廈一向有很多特色的餐廳，今天與同事一行3人選擇來到HOWE Cafe輕鬆一下HOWE Cafe以傢私為主題，連我們坐著的枱櫈也可以出售。餐廳環境十分寬敞，這裹的寧靜很令人放鬆，非常適合客人吹水聊天。蜜糖芥辣燒牛肉芝士Tortilla Wrap充滿芝士的香味，但又不會過咸。牛肉味道雖然不是太突出，但勝在有醬汁搭配，令味道提升。(不知道店員是否知道我們是3個人所以把wrap分成3件🤣)日式漢堡扒玉子咖哩帶點少辣，並非一般偏甜的日式咖哩。蛋很滑，且漢堡扒肉味很香，配上各種醬汁真的很好吃！炸雞翼雞翼炸得十分之脆，很香口，不用蘸茄汁也很惹味。卡邦尼先生意粉較為失色，醬汁有點像罐頭開出來的，並非一般卡邦尼的味道。士多啤梨無花果窩夫甜品最令人失望，窩夫質地非常淋身，且沒有蛋香，甜品的味道有待改善。另外值得一提的是服務態度，店員服務到位之餘且笑容十足，令整頓晚餐感覺很舒服

今晚來食晚餐 同朋友傾偈聚舊店面是傢俱店，走進內面是cafe以木傢俱為主 價錢唔知 一入到黎好warm 好舒適 crossover 嘅 concept 也很有趣Cafe 有唔同的枱凳 隨便坐 好free由6pm 坐到打烊 (10:30pm, 都唔係好記得... ) 一邊傾偈 一邊hea 都冇人打擾點了白汁煙三文魚意粉軟殼蟹漢堡德國腸併盤西班牙海鮮飯炸雞膇飲品有各類花茶 手調咖啡朱古力奶 仲可以選配低脂奶 整體 飲品 較好飲味道 正常 食物 定價 主菜 平均要100元以上 小食5O幾 雖然有d貴 (在觀塘工業區) 但份量都好足味道也可以 見得到用心經營服務員 有笑容 也有禮貌驚喜位是每order一客 主菜 就送 飲品 (優惠: 在Open Rice 內訂枱)計落約120元 主菜和飲品就可以坐足全晚 享受時光