點出色 (Closed)

好耐冇一盅兩件啦，對上一次真係有大半年前，係同家人一齊飲茶。我自己一向覺得飲茶唔係好平，一籠點心幾十蚊，仲要加一茶介，飲一次茶（普普通通嘅酒樓）都要成百蚊一個人，如果去啲高級啲嘅酒樓飲茶仲貴呀😂不過見咁耐無食點心，又突然好想食春卷、鳳爪，所以就同老公兩個人去咗點出色☺️兩個人叫咗六個點心：蒜蓉蝦春卷醬皇蒸鳳爪鮮蝦菠菜餃北菇綿花雞香煎芋頭糕蜜汁叉燒腸各個點心都唔錯，應該都係即叫即蒸，唔似係整定好耐再返熱比客人食，不過兩個人連茶介加一都真係要二百幾蚊，的確唔平，不過叫滿足下飲茶嘅口隱啦😅

疫症當前, 見到相對少人的酒樓便走進去,  侍應竟然將隔離枱剛剛走左o既茶壺在沒有沖洗的情況下, 就咁加D水落去就招呼新來的食客!  如果上一手向住茶壺打左個"乞痴", 咁就實中招啦!  好恐怖!  永不光顧! 

點心質素比得上大酒樓，抵食夾大件😄而且可以坐得咁舒服食車仔麵，在香港地好難得！車仔麵湯底有豬骨湯、番茄湯等多款選擇，今晚試咗鵪鶉春蛋燒賣和煎蘿蔔糕都好好味，份量多到食唔哂，好抵食😋

成日在係樂富搵食，最後都無選擇這舖，因為一係就好多人等👬👭👫，一係就唔想食點心，今次就見到佢無人等位，而又有啲想食腸粉🤭，所以就入咗嚟食。叫咗叉燒腸粉、流沙奶黃包、糯米雞、北姑雞飯。全部都係飽肚的，因為真係肚餓吖嘛😅可能因為全部即叫即整，所以都等咗稍長時間先有得食。🥢叉燒腸粉：都ok，腸粉厚薄適中，豉油就自己選擇要多或小🥢糯米雞：都幾大隻，餡料都唔少🥢北姑雞飯：雞鹹咗小小，所以無落咁多豉油🥢流沙奶黃包：最欣賞這個😋，熱騰騰，流沙奶黃唔太甜，真係流出嚟架，所以食嘅時候要小心一點總括來說，雖然上菜時間較長，但熱辣辣，即叫即製，味道也ok，可以再來試其他點心的！

今日同事放工請食lunch, 就試了新開的點心店---點出色未入去前，以為同以往食點心的差唔多，因個人不太喜歡飲茶，但望menu後竟然有很多與平時唔同的點心，還有自選車仔麵及多種湯底選擇。我們今次試了點心---紫米脆蝦腸粉﹑煎堆仔﹑鮮蝦菜苗餃及黃金蘿蔔酥原來紫米腸粉是連腸粉皮整時先注入紫米，而脆蝦則是類似蝦用米炸了做皮的卷，very surprise鮮蝦菜苗餃皮薄，再沾上辣椒油，簡直係絕配煎堆仔我自己就普普通通，因太多芝麻蘿蔔酥忘了拍照，但新鮮熱lala....第一次食感覺好好食

如果餐牌上面嘅相會令到人失望嘅話的話，就為 show 出嚟俾埋西蘭花、蕃茄、椰菜都唔係好難啫，雞扒飯的雞有仲異味。四寶地獄紅薯粉，D薯粉比河粉更淋，又唔辣，仲送埋幾條毛炸春卷淋哂，容器底部有水，浸到春卷濕哂附近食肆林立，大把選擇。

時下流行點心專門店，全天候提供點心，推廣香港本土文化及美食為主。最近在樂富新開了一家港式點心店「點出色」，裝潢設計比較像茶餐廳。店內主打各類型點心，蒸、煎、炸、粉麵也有各種選擇。店內還有多款台灣養生茶、包括人參烏龍茶、黃金蕎麥茶、陳年普洱茶，同樣只是五元/一位茶芥。人參烏龍茶茶湯色澤金黃，既富有綠茶的清新，又有紅茶的甜蜜厚純醇，齒頰留香。晶瑩鮮蝦餃餃皮略厚不過口感煙韌富水份，蝦仁爽口鮮味。原蝦燒賣皇豬肉碎作基底，面鋪原粒大隻蝦仁。豬肉綿絮肥瘦適中，蝦仁粉嫩剔透，蟹籽增添口感。牛魔王車仔麵 （小辣）店家以柱侯牛腩作湯底，牛腩味香濃不咸。牛魔王配料甚豐富，包括牛腩、牛肚、牛丸、牛孖筋等。麵底選了粗麵，粗麵質感薄滑，口感偏腍易斷。整碗份量多，能吃上多樣款式，味道還是不錯的。鐵扇公主以日式地獄湯底同樣配上粗麵，湯底濃而辛辣，屬於惹味香口型。配料包括魚蛋、咖哩魷魚、餐肉及豬紅，整體味道不錯，但較沒特色。整體來說，價錢便宜，食物質素還可以，吃個快餐還是不錯選擇。

週日同朋友一共七人去試新野，一坐低就俾個冷氣吹頭冚冚聲，同個我諗係經理既人講完隔左陣好似閂左，但我諗吹緊我既唔係我頭頂果部而係隔離枱（我座26號座，隔離係唔記得三十幾號）坐路吹就一路揀野食，揀好左就落單啦，不過好有趣既係我果枱既點心價錢紙係唔見左，睇番先知唔平，咁都要食架啦，呀姐就問：「飲唔飲茶架？今日5蚊位。」我地就話：「嘩！咁貴唔洗啦。」轉左個頭佢拎碗黎，我地見有啲口渴同埋見啲碗有啲污糟就問佢俾幾杯水，誰知水都係5蚊位，真係貴，咁就叫佢俾啲水我地洗野，呀姐就好唔甘心情願並一副西西地臉咁話俾兩碗水我地。感覺就係唔叫5蚊位茶就唔可以接受咁。野食方面，正常既不過我個人覺得偏貴，有啲無乜期望既野食落又覺得幾好。好似個跟餐一飯一點心咁個飯都幾好食，點心就燒賣好食，蝦餃個皮差啲，紫米炸蝦腸都只係無想像咁多紫米咁，叉燒包同平時食開既味有啲唔同唔知點形容但唔係難食既，蘿蔔糕易散，齋腸幾滑，鳳爪正常，啲菜幾新鮮，唯一大打折扣既就係個「天使的誘惑」雞扒腸仔蛋飯配粟米汁，黎到同將相併一併，真心嘩左出黎，佢成功誘惑左我叫，但佢碟碟頭飯真係一啲誠意都無，雖然食左都係正常。咁睇完咁大篇野，簡單總結幾句啦，野食

差到迫我獻出第一次ge餐廳🙁相信樂富街坊都知道樂富商場無左好多食店😮🤓當我比左機會呢間新餐廳後😃見到實物同圖片大相庭徑😆😆車仔麵d麵係少到pk🤪放心 如果你係男仔 一定餓住出門口🥳😆我建議你地留番d$去買餸自己煮好過😊而且d米線係失去哂生命力甘😖如果你想緬懷一下bb時期時ge野🐵呢間餐廳ge車仔麵絕對係喚醒你幼兒回憶ge首選😏🙊而且張相係有菜噶😃泥到個碗係一條菜都無🤯其他餸ge份量係.好.滿足ga🙁仲要煮得5夠淋🤪再講下個飯 絕對係照騙😮泥到你净係會見到一碟頹飯😢飲品張餐紙係無得比你畫少甜ga🤓如果想泥呢度試伏 記得試下問啊姐有無得少甜 否則飲哂成杯 你絕對係會有糖尿病🤯最後一句：千奇米食呢間🙁否則你係會失望而回😭各位樂富人請三思！！！

我好少何即日寫評論不過呢間真係差到一個點入到去無招呼，坐位無人理，仲見到用過既茶壼，叫人黎先換過新既（唔知係咪換），我地兩個人就叫幾個點心同一個餐，咁既價錢我坐車去食點點心都仲好過佢，真係不可一不可再！！！！茶見佢個牌係有兩種茶揀，但得一種揀，唔知係佢呢個時間無呀定無貨呢。。。。千層蘿白酥算中等喇，炸野差極都咁上下，但未話好好食。。。鮮虾腸真係唔熱，虾又唔新鮮，個皮係滑，如果佢熱啲都好好食。。。章魚雞粒飯啲章魚放咗入搞拌機搞爛晒咁，一啲咬口都無。。。軟滑流沙包一啲都無流沙，似食饅頭咁既感覺。。。咖喱蒸土魷咖喱有咖喱味，土鱿有土魷味，蘿白有蘿白味，但唔係夾埋呢，仲要蘿白係生嫁。。。豪皇鮮竹卷三舊有一條係酸臭。。。