恒生管理學院B座飯堂 (Closed)

恒生管理學院B座樓下的食堂，之前聽到一些苦不堪言。隨著改革之後都引入一啲新嘅款式和比較獲好評的酸辣粉。另外，今個下午 就見到一個平民化嘅「全日早餐」雖然係平民化，但係40蚊仲有一蚊找番畀你嘅價錢下，加上見到一大堆食材，的而且確係抵食夾大碟， 即管試一試。 冇矜貴牛角包但係就有齊港式早餐的成員：兩片烘底牛油多士 、荷包蛋一隻、煙肉、火腿、腸仔、再加粟米和蕃茄等大家有返啲纖維 。最後就係一塊香炸嘅雞扒配埋一杯熱飲。個人覺得係學生嘅餐廳嚟講，有一個咁齊全 的「早餐」配搭，的而且確係抵讚，最重要是成個餐都係落單後即製，並唔係整定曬夾俾你凍冰冰。

雞髀炸薯條，以學校飯堂嘅質素講，呢個下午茶，都算唔錯，都只係二十幾蚊，薯條份量都幾足夠，唔會林曬，都幾脆。雞髀個外皮都係脆，可能佢係新鮮即炸，只要係呀一啲冰鮮嘅食物，我相信喺呢間餐廳係唔會中伏嘅。

如果話我係呢個canteen晏晝會食咩嘅話，一定係鹽水雞飯， 或者係口水雞飯。 今次講下鹽水雞飯， 鹽水雞飯嘅雞會有一個汁畀你點，嗰個汁有啲鹹，之後嗰餐33蚊只會有一個飯同埋一碟鹽水雞，如果話雞 會食到邊個部位， 咁就 好講彩數啦，因為我同我朋友一齊去食， 佢就得啲雞翼， 同埋啲唔係好多肉嘅位， 但係我就有多啲肉嘅位食。 

同一碟口水雞飯，在B can 和上面的酒樓價錢可以相差11蚊，仲差碗飯。可能系換了廚師的原因，黎排嘅口水雞飯，有啲唔同咗，有時會有啲酸菜係上面，呢間有時會擺得靚啲，有時又省開一舊舊，但係以性價比你講，呢個飯算係唔錯。

我認為這家餐廳最值得推薦的下午茶就是，公司三文治，價格合理，分量足夠。公司三文治裡面有番茄，雞肉，雞蛋，生菜，如果要走沙拉醬要同收銀員講。餐廳沒有收拾桌面的員工，所有食具都要顧客自行收拾。

今日經過同朋友經過恒管,在泳池隔離有間canteen。剛好到午飯時間，就與朋友叫咗碗米線食 嗌咗肥牛 生菜 附送肉碎味道不錯 而且十分便宜 性價比幾高。環境都十分乾淨。有機會會再黎!!!!