華欣泰國菜館 (Closed)

新開泰國餐廳。平日午市成日都冇位。難得weekend有位就去試下。餐廳午餐選擇都算多。午市同下午茶menu一樣。差別就係下午茶會平幾蚊。叫左濕炒牛肉河。+$6餐飲轉左泰式奶茶。碟野上枱都幾靚仔。一食就發現鑊氣唔夠。河粉係用河粉皮。比較大片。但係啲河粉炒完都係痴埋哂。仲要粉皮本身偏厚。口感同味道都麻麻。最後自己逐片摵番開沾汁食。牛肉片白到好似豬肉咁。味道唔新鮮。口感亦都鞋。入面啲菇亦都食到少少酸味。唔合格。泰式奶茶睇啲色唔係好橙。飲落味道亦都唔夠濃厚。同枱朋友食咖哩。味道反而幾好。幾香。附近嘅泰國菜館都冇佢咁多選擇。如果下次再黎。相信會食咖哩或者試下佢個船河。

阿仔返香港幾星期，終於可以約婆婆食晚飯，但又吾想吃中式，火鍋類，諗番起之前朋友話炮台山新開咗泰國菜館d嘢好仔味，平民價，於是就來試下啦！我們三人點了多款菜式，阿仔點咗至愛幾款，冬陰公湯，通菜，魚，而婆婆就點了過春卷。阿仔好欣賞冬陰公湯及明爐酸辣魚，佢話好好味，仲有如果吾食得太辣，可以下單講明少辣。最後店員送咗三件不同款式甜品，其中一款好靚，吾捨得食，食咗咁多款，埋單都吾使五百元，真係好平民價。下次會再來及推薦給朋友。😋😋😋😋😋👍🏻👍🏻👍🏻👍🏻👍🏻