許留山 (Closed)

今日去旺角接朋友放工，先係食左個好早嘅dinner，七點半已經乜都食完晒， 於是去咗西洋菜南街 周圍行睇下有咩好睇。 行完書局有限咗啲舖頭冇咩做， 咁啱就見到佢留山。 我就講起原來好細個有食開，芒果撈野， 一份全家人一齊分好開心， 但大個咗就好少食。 朋友即刻喺銀包攞咗一張coupon出嚟， 原來佢之前買咗套票， 有得玩0換一份大嘅甜品。 朋友請我食 當然卻之不恭啦。 我哋叫咗一個有三份細甜品嘅，芒之戀。 其實我唔係咁鍾意食甜嘢 所以細細品就啱啱好喇。 原來真係好掛住呢種好耐冇食嘅味， 鮮甜得你唔過火， 一份三樣嘢又齊曬唔同種類， 食完真係好開心㗎。 我仲叫多咗份xo醬蘿蔔糕。 記得細個時新年成日都要買一底返去， 都話唔夠食， 但當然一年貴過一年都冇辦法買咁多喇， 久唔久食一次少吃多滋味 。

📍 芒果糯米糍HK$32 （原價）·一客6粒望落都靚靚仔仔 size都ok食落其實冇咩特別以一粒hk$5.xx嚟講質素好參差某幾粒果肉比較大有啲又比較細唔酸唔甜仲要食出有幾粒果肉味道怪怪地好似變咗質 唔知係咪放太耐壞咗🤔整體而言 非常一般回頭率0%·Btw 依家買一客6件外賣價用hk$22就買到啦👍🏼

早幾日睇到許留山有11蚊一杯推廣優惠價嘅嘢飲今日放工即刻同 朋友 去飲今日嘅推廣飲品係超多芒小丸子 喺旺角見有旺角幾間許留山，諗住時間算早應該買到點知行咗兩間都話售罄抱住冇期望嘅心態行到呢一間點知見到仲有得買即刻同朋友一人一杯其實以咁嘅價錢呢杯嘢算唔錯唔好以為優惠價所以佢會冇乜料入面其實都飲到有芒果而且都有幾多小丸子不過唯一嘅缺點就係小丸子有啲硬啦整體嚟講都算唔錯不枉我行咗三間舖頭先飲到以11 蚊1 杯黎講 真係好抵飲😄

#中意嘅請分享請點讚🍻----------😋芒椰龜苓爽 $11最近許留山做緊優惠，每日都會有一款飲品只係$11，優惠去到8月31號。尋日就試左芒椰龜苓爽，係由芒果粒、芒果沙冰、椰汁、龜苓爽而成，因為有芒果加龜苓爽所以都有飽腹感，不過就偏甜。---------優惠去到8月31日，最後幾日有下面嘅飲品：27/8：愛文芒布丁28/8：細多芒小丸子29/8：芒椰雪蛤爽30/8：小小丸子奶茶系列31/8：粒粒芒西米----------🔎許留山分店

檸柚烏龍茶（$28）檸檬+西柚+烏龍茶炎炎夏日，好想飲啲透心涼既飲品。飲厭左珍珠奶茶，想轉轉新意。一於試吓許留山新出嘅夏日飲品。味道唔錯既，不過西柚味唔夠突出，變相有啲似茶餐廳凍檸茶既味道😂但都飲得出佢啖啖烏龍茶既香味，係同茶餐廳沖出黎既係唔同既整體味道幾好，酸度、甜度以及茶味配搭得唔錯。不過建議食客可以選擇少冰。從下圖可見，d冰非常大粒，而且都幾多下，相信都幾呃錢😂😂順帶一提，呢間許留山d姐姐態度麻麻地，好似唔休做咁😂

唔係講少 對上一次食許留山真係有五、六年前讀書個時都幾鍾意去許留山食返個芒果小丸子先返屋企但之後許留山主攻遊客生意 越嚟越貴 就越來越少食啦今次行過 當食個下午茶叫咗個Jumbo餐，有齊我鍾意嘅芒果小丸子、XO醬蘿蔔糕、芒果糯米糍= $99 雖然好耐冇食 但係味道仍然keep到喎！尤其係XO醬蘿蔔糕！喺廚房傳過黎嗰陣XO醬味真係令人為之一振！不過今次要嫌下小丸子未煮熟 食落去有啲硬 但係芒果仍然係超甜 冇跌watt!

由學生時期就已經好中意食許留山 當時真係香港既味道 芒果既味道當自從多左自由行之後 水準一直下降 但價錢又一直上升 所以都少食左 但間唔中都會去探下我既最愛🤣不過黎間分店係旺角中心位置 都算比較大間都座位比較多 堂食通常都有位 但因為多國內自由行 所以比較嘈 而且有韓國團外賣飲料 所以處理既量比較大 上餐要等多d時間 但座位係舒服同唔迫既多芒小丸子 ($29 會員價)(好味指數: 😋😋😋😋)多芒小丸子簡直就係我既至愛 每次必點 其實我係中意佢個小丸子既咬感配芒果冰冰 而且配會員價係最抵食超多芒水晶晶22oz $34(好味指數: 😋😋😋😋)水晶晶其實就係白涼粉 再配椰汁同芒果 真係超配(為最高)整體食物質素: 性價比: 推薦指數:

同朋友食完雞煲未傾夠，就去咗甜品舖坐低慢慢傾！叫咗芒果小丸子，我覺得太粉太硬，但朋友覺得OK，我覺得非常普通....個芒果醬又甜左少少另一個朋友食咗海底撈野，其實係生果粒再加刨冰底不過鋪頭平日夜晚唔多人，坐得好舒服有會員都係$29/item

芋圓近年大受追捧，最喜歡它們Q彈軟糯的口感，許留山最近推出了最新 【芒果盛宴】，新系列加入了芋圓，另外以愛文芒作主打，愛文芒原來被美譽為紅寶石，味道更為香甜多汁🥭越吃越療癒！除了芒果系列外，燕窩椰皇燉雪蛤也是我必點甜品之一，好吃💛簡直就是滋補的享受🤤意猶未盡的話可以再叫一份芒果糯米茲，滿足！

Mango x Durian Dessert🍴My little memory💫..記得中學時期，甜品舖不多 放學總會流連係呢間甜品店🍡。同學仔一齊吃著甜品`傾談著，渡過小小歡樂時光 簡單而快樂。如今長大了 甜品舖亦開到成行成事，而朋友知我呢排唔開心 一定要捉我今晚一齊去食甜品。而揀既係昔日學生時代 愛流連既甜品店，來個🥭芒果的盛宴🥭。估唔到芋圓好煙韌，蕃薯芋圓 紫薯芋圓既味道都好出 好愛呢種軟熟帶糯既口感。加上椰汁底配芒果涼粉 好清甜透心涼呢。榴槤蓉香甜，配上底下既燉蛋白 好有奶香 好好味。趁熱食 真係好香濃 我很喜歡呢。..有時候食物味道不太重要，當中既回憶 卻值得再三細味。或許有時人大了，面對大世界 視野廣闊了 或許會忘卻初心。但當偶意尋回一些微小事物 鈎起當中的記憶，也許能讓你找回當初的自己。..今晚渡過了一個 的晚上。吃出了當中 點點回憶的味道💫..

許留山😂係屬於一個中學嘅回憶😏😏😏😏 細個時候冇嘢做放學總係鍾意去食個許留山🤣同朋友話你回憶下舊夢香芋丸子紫米露😳😳😳紫米煮得啱啱好😊粒粒芋頭夠晒粉配埋丸子食勁大碗勁飽肚😌多芒小丸子芒果唔會太酸，正常甜度，最鍾意食佢哋嘅小丸子Qq 口感！加埋爆多芒果汁液🤤🤤🤤完美組合 😏😏多芒小丸子芒果糯米糍糯米糍嘅皮！食得出係新鮮唔會太硬☝🏻外面亦都痴住超多椰絲！由內😊甜到外面🤤✅

潮流興懷舊，最近見好多#iger去許留山打卡試佢地嘅新產品，見個樣幾豐富，又去襯墟愛文芒綜合芋圓 $47芒果冰底，愛文芒小丸子，地瓜圓，紫薯圓，仙草，芒果粒芒果粒真係唔好呃我，係呂宋芒嘅味道仙草普通小丸子微甜冇芒果香芒果冰底唔錯，唔稀唔水，夠幼細，甜度剛好地瓜圓唔覺地瓜味，但係好甜，甜到膩，口感就ok彈牙紫薯圓就值得一讚，香濃紫薯味，美中不足係煮唔透，中心硬，仲要浸喺沙冰之中，愈食就愈難咬性價比黎講，都可以接受

收工會合了 仔仔和太太後 ，係旺角食了主食後…！！我話要用會員優惠！！試食野！！。（月尾到期！）經過一條大直路，但到這間店！ 店內外充溢著祖國的食客。果然是香港名牌食店。店員忙著制作20-30杯旅行團 特飲！（半杯芒果汁） 。祖國的食客不消5分鐘便喝光……整整齊齊坐在店內聊天，所以很難才有座位。店員也努力應付叫外賣的食客。所以店內是沒有職員的。由於會員優惠食品要堂食的，我只好厚著頭皮，向祖國要求食客讓出2個小空間。再在店內不停揮手和大叫……吸引店員幫忙清理桌面和下落。 當然也成功吸引其他人們的目光，但不消數秒目光便散去了。 等了甘久……就是為了食1.【愛文芒。黑糖仙草錦冰】再食！2.【愛文世。丸子神冰】 第一次食！（由於名字太長。以下用數字代表食物名稱）食評。1. 在其他店已吃過！好好味！所以番食！但這店可能太忙。所以芒果肉勁少，仙草好碎，黑糖好甜！！！冰好小。2.勁中伏！勁少芒果肉！芒果汁底勁水……丸子和另外會員長期優惠【多芒小丸子】的丸子是完全一樣。（menu寫丸子是特製的）。全杯野用料完全一樣……早知再翻食芋圓。浪費了優惠卷。這分店……太忙碌了。平時番工已經辛苦，不想收工後都

<久違左10 年既許留山>許留山 開左甘多年 計一計 其實有10 年冇食過， 因為佢主要做野飲少食冇乜宣傳 . 所以唔會特登去食 😂近排好似見到佢既芒果甜品有新搞作 就試試佢🥭 芒果盛宴🍴愛文芒綜合芋圓 47 蚊🥭而家甘興芋圓 許留山都唔執輸 整番個芋圓甜品 外表幾大碗 有芋圓 蕃薯圓 地瓜圓 個味幾出 軟熟度 ok, 如果淋 d更好 🍡仲有 d涼粉 加上糖水底係類似椰奶既冰 好清新透心涼🥥❄ 最欣賞係佢既芒果好夠新鮮 食落好香甜可口👍🏻😃🍴瑞士汁雞脾 23 蚊🐤雞脾唔大隻 個瑞士汁甜咸度適中 雞肉算係嫩滑 幾入味👍🏻 🍴咖喱什錦套餐 配香酥餅 加手調飲品 62 蚊🦑飲品揀左 西瓜燕窩蜂蜜爽🍉咖喱比想像中好味 👍🏻 甜得黎帶 d辣 有魚蛋 牛柏葉 魷魚 蘿白等等 所有野都煮得好淋好入味 配埋酥餅 當然唔夠印度嗰 d甘香 但都算係香脆可口 撈埋咖喱好食😄 飲品 西瓜味香濃 底層吸到 好香蜜味既啫喱 好消暑 🍉🍯 唔錯 🥭芒果盛宴🥭🍴jumbo楊枝金撈套餐 99 蚊🍧 配兩款小食點左香脆薯角🥔 同 xo醬蘿蔔糕大大個楊枝金撈 有好多香甜沙田柚 新鮮香甜芒果 中間有

想當年中學仲係學生哥經已飲，嗰時好似先十蚊杯，好多人飲嫁嗰期，而家都執得七七八八，咁經濟學原理，需求細自然要賣貴d!你話一杯38蚊平唔平？唔平！主要自由行幫趁，因為大陸好似執曬，黎到香港或許要飲反杯先叫黎過。西瓜蘆薈爽無仼何西瓜🍉粒既，果汁飲到新鮮，涼快又解暑，比港女愛飲既珍奶健康多多聲⋯⋯許留山係歷史遺物，有回憶又港產，都希望佢做得住，等下一代都仲飲到我地呢一代既屬於香港既飲料。堂食比外賣貴大約4蚊