許留山 (Closed)

我食過許留山既次數可以話多不勝數，而每次都會點呢個甜品黎食。多芒小丸子里面除左有圖片中睇到既芒果雪糕、鮮芒果肉同糯米小丸子外，個底係一半芒果汁同一半芒果沙冰，可以話相當多元化。首先講下個芒果雪糕先，其實佢既質地有d似雪芭，里面當然係充滿濃濃既芒果味，仲食到有芒果肉果d一絲絲既感覺，口感冰凍，食落口極其涼快。跟住講下個小丸子，質地十分煙韌，仲帶有小小微甜味，大小適中，份量也o岩o岩，但其實對於我黎講多多都唔拘。鮮芒果肉則有陣陣清香，而且我食左咁多次，永遠都係勁甜，好食過平時自己買果d超多，切左做一粒粒更方便進食，無得頂。最後，當中既芒果汁同芒果沙冰絕對係原汁原味，根本唔係市面上其他聲稱芒果味既產品可以媲美。