許留山 (Closed)

襯許留山的最後分店仲有營業, 就去買左兩杯佢的經典飲品黎回味一下。老實說，味道不算很特別，但味道絕對是中上的。雖然佢地無太多新鮮的味道，一直都是主攻芒果味，但毋容置疑，佢地的芒果味水平始終都保持得不錯。可惜，現今已經太多類似店舖，宣傳同新味道都更吸睛，因此走到這一步，都無可厚非了。粒粒芒果爽和粒粒芒蘆薈爽:粒粒芒蘆薈爽是帶點綠色果杯，同原味的粒粒芒果爽其實差不多，但會比較清新，層次也會比較豐富。兩杯都好味！

許留山之前曾經有好多間分店，不過最近好多間分店都執咗笠🙈好彩屋企樓下呢一間仍然可以堅守到，咁我就繼續可以食我最愛嘅芒果甜品啦🥳-如果飲品嘅話我自己都係最鍾意飲芒椰芒果爽，同埋西瓜蘆薈蜂蜜😋😋次次飲完佢哋都好透心涼，仲有得揀中杯或者大杯，通常我都會揀大杯，咁樣就會更加滿足啦😋-如果甜品嘅話我就會帶佢哋嘅香芒小丸子，打碎左嘅香芒沙冰，配埋煙煙韌韌嘅水丸子，perfect match，佢嘅芒果味係唔假嘅，食得出真係用咗芒果嚟打😋

油塘冇乜甜品選擇，商場內就一兩間甜品鋪。得閒的話都會入黎許留山食返個甜品先走。黎到許留山，一定要食返個多芒小丸子，唔係真係覺得冇黎過芒果香濃，小丸子煙韌。再點返個小食就滿足晒

食完晚飯，阿妹話想食許留山，其實我唔係好想食，不過佢話想食咁就去啦。咁其實我地得兩個人咁就叫咗一個芒果丸子同一個埋士多啤梨河粉嘅甜品芒果丸子其實就冇乜特別啦，因為以前成日都會食， 味道都正常。不過士多啤梨河粉就真係好一般，因為佢個樣同張圖係完全唔一樣啦，起晒泡，望落去都唔係咁開胃；同埋個雪糕好似一舊冰咁。至於環境方面，呢間許留山真係好細，得一個職員，佢又要收錢又要招呼客人同執野，不過好彩都唔係好多客，不過佢態度都唔係話特別好。所以我覺得食得多唔係幾開心下次唔會再嚟。

星期日我本來想在油塘裡面食晚飯，食完晚飯才坐港鐵返回將軍澳，怎料油塘商場裡面的食店，食店出餐的時比我預期之中快得很多，結果我未到六點，已經食完某連鎖店裡面的炸雞髀蕎麥麵餐。跟著名我徒步慢慢由「鯉魚門廣場」，返回「大本型」商場，在商場地下接近油塘港鐵站的出口位置旁邊，再食一個烤雞翼加綿綿冰套餐，才正在返回將軍澳和西貢。這間售賣烤雞翼加台式綿綿冰甜品的餐廳，其實只是在香港已經營業多年，但是舖位面積通常造得太過龐大，盛產港式「西米撈」的港式甜品店「許留山」。油塘分店「許留山」推出的芒果綿綿冰甜品，正式名稱叫做「愛文芒 · 黑糖仙草綿冰」。從店舖裡面有關「愛文芒 · 黑糖仙草綿冰」宣傳廣告裡面的甜品造型所見，「愛文芒 · 黑糖仙草綿冰」的造型真的有點像雪花冰。因為「許留山」廣告牌裡面的「愛文芒 · 黑糖仙草綿冰」製成品，實際很像我以前經常會食，也非常熱衷喜愛，以小甜品湯盛載的韓式芒果雪奶冰甜品。當然，我也沒有期望過「許留山」裡面的廚房店員，會忽然有製造「雪花冰」的製冰機器，和隨時能製造韓式雪花冰甜品出來。只是「許留山」的「愛文芒 · 黑糖仙草綿冰」套餐價錢只需不足五十元，勾起我試食的衝動。結果

有晚心血來潮想食碗甜品，屋企樓下🈚️嘜選擇只有食許留山，入到門口問啊姐要menu，應都唔應下，好似當人係隱形咁，我唯有係台面自己摞menu 睇，叫左一個多芒西米撈+小丸子，芒果糯米糍。個啊姐芒果糯米糍都唸住俾我，到我出聲佢先慢慢係雪櫃摞左盒成盒都係倒汗水既糯米糍俾我，唔好意思都無句。咁既態度，想點呀？！個西米撈好似加左半碗糖水落去咁甜，食一啖就唔想食第二啖。小丸子硬到石頭咁⋯真係比錢買難受！價錢又唔係平woo⋯

今日去到油塘工作,做左成朝食埋個午餐仲有少少時間所以去左大本型許留山買杯野飲下睇下有咩飲先,今日決定左買芒果芒果爽芒果芒果爽-佢個芒果都唔會好酸,仲有DD甜唔知係唔係糖水原因杯野飲整體上都唔係太甜,所以都OK,人就係咁奇怪食甜品飲糖水但又唔想太甜芒果爽口感都唔錯,整體而言都OK

第一次去油塘分店食甜品，呢間店比起其他分店坐得比較舒服，好多貼牆位，唔似其他分店咁迫，可以舒舒服服咁品嚐甜品。由於係許留山會員關係，經常有會員指定既甜品優惠，$29就食到多芒小丸子，鮮果撈等熱門甜品。許留山出品既小丸子一直都係無敵，小丸子「煙Un」非常，細細粒，微甜中有點薑味，同埋芒果沙冰，芒果雪糕一同食，真係許留山獨有風味！最近佢出左蒜香辣味雞翼尖，會員有9折，唔洗特登入元朗某甜品店都可以食到咁正既雞翼尖！成Pan咁上檯，幾有心思，味道惹味，蒜粒又多，都係重口味之選

好耐無食過許留山既甜品啦，同屋企人食完飯就去食反碗甜品點咗（熱）芋頭紫米、燕窩鮮果楊枝甘露個人覺得芋頭紫米好味，芋頭不硬是粉粉的，而個楊枝甘露就正正常常，不過不失

係油塘大本型食完晚餐, 行左陣街又開始想食d野咁岩衫袋唔知做咩有2張許留山優惠卷可以減10蚊又醒起油塘大本型有許留山, 就行左去食因為如果食芒果既人都唔就點諗係許留山都一定會搵到樣野岩食, 只係可能太多想食唔知揀邊款好架姐我就次次都叫楊枝金撈, 因為其他野唔係幾想食, 亦都唔想諗叫邊樣好叫左個JUMBO楊枝金撈兩個人share先食得唒不過12月唎d時間d芒果一d都唔甜, 仲有少少酸添就咁一個JUMBO楊枝金撈60幾蚊, 加左幾蚊$76就有2樣小食, 咁就不如轉埋套餐小食揀左XO醬蘿蔔糕同埋瑞士雞翼2樣都係辣既XO醬蘿蔔糕辣就估到啦, 不過辣既瑞士雞翼真係未試過雞翼好肥美, 都幾入味, 不過瑞士味唔係好夠, 有少少辣XO醬蘿蔔糕幾辣下, 好多XO醬既料

以前好鍾意食許留山既芒之戀同xo醬蘿蔔糕，時隔多年好耐冇食，早排行行下街心血來潮就去食兩個人坐低叫左一份芒之戀同xo醬蘿蔔糕。芒之戀係一set有3兜細既唔同款芒果甜品，芒果小丸子唔錯，不嬲都好鍾意小丸子煙韌既質感; 有一兜係芒果配啲類似啫喱條咁既野; 一兜就係芒果加芒果雪糕，啲芒果有點酸，失色，而個雪糕其實唔係好似一般雪糕，係介乎沙冰同雪糕之間既感覺。總括黎講其實都係芒果比較酸，唔甜，冇以前咁好食。至於xo醬蘿蔔糕一如以往咁惹味，不過都幾辣

芒果小丸子(野飲)都幾大杯 有時想食芒果小丸子但又吾想坐底食甜品就可以外賣杯野飲小丸子份量好多 好好咬口 十分煙韌 仲飽肚添有少少芒果肉 芒果汁甜度適中仲有少少椰香幾好飲既😋

唔知由幾時開始，奶蓋開始流行🤔乜都要加奶蓋乜乜乜...連許留山都忍唔住😂😂一次過出左3款奶蓋系列！👉🏿✨芒果芝士奶蓋 Hkd 29 💸 其實本身想飲火龍果架但佢冇晒☹️唯有飲芒果啦～📌第一啖入口其實奶蓋味唔出，芒果味濃到蓋過晒啲奶蓋味🤔又咸又甜咁...而且份量勁小🙄見到完全o左..偷工減料到一個點..📌雖然佢奶蓋味唔出，但啲芒果係好野飲都食到芒果肉，係許留山既味道架😍新品黎講，試下無妨吧～

選擇困難症發,午餐食咩好呢?😩又飽飽地唔想食飯,行住商場諗下先。行到累啦,見到間許留山,唔揀啦,就食你。平日中午時段竟然無客,正👍,可以靜靜地食嘢。揀下食D咩,芒果定燕窩好呢? 近期唔舒服都係食熱嘢好嘩❗套餐都唔洗咁細件啩,同圖片不相符😅唔夠食

記得上次朋友話許留山的 APP 有優惠，只要在堂內消費，即可享免費手調飲品一杯！所以經過久久未幫襯的許留山，在門外發現有新產品【點指冰冰】，於是就與米仔坐左入去喇！超多芒系列。配水晶杯底面層有著幾粒芒果肉，香濃的芒果汁與香滑椰汁就是整杯靈魂，底部就是晶瑩剔透水晶。。把整杯攪拌後，啖啖芒果汁，配合爽口的水晶，口感很不錯！印象與有多年沒踏足的味道是差冇幾的！點指冰冰。菠蘿冰主角來了！賣相都頗吸引！頂部有數粒鮮芒果粒，菠蘿冰入口啖啖新鮮菠蘿果肉，酸甜可口，配合粒粒西米及彩色綿花糖，拌著一起食也是不錯的選擇！食到底部，原來還有滑溜的椰汁河粉，舒緩了我冰冷的嘴巴。特別是正想踢走酷熱的夏天，以及正值高溫狀態的米仔，一口冰涼入心的甜品，這個就是最好不過！