瘋鳥 (Closed)

今晚約左個小學同學仔聚下舊咁，大家回味下小學雞時代既傻事話，同學仔想試下啲新野，於是就帶佢黎呢間–【瘋鳥】試下。我哋叫左份「蜜糖芥末炸雞沙津」首先，份量好足夠，2-3個人食都無問題，蜜糖芥末沙津醬既組合真係非常清新而且很開胃，炸雞炸至黃金香脆且肉汁豐富，其他既沙津配菜亦好新鮮爽脆。「三重芝士炸蝦PIZZA」以PIZZA黎講，桀了餅底要焗得夠香脆之外，足料亦好重要，大大隻啖啖肉既大蝦幾乎平均分到每一份，而且芝士既香濃軟滑提升了整個PIZZA既味道層次，餅底做做得很好，即使PIZZA放涼了點都仍然保持住脆口，不會韌身，呢一點更是真心讚。「芝士薯波」外層炸得鬆脆之餘，芝士和薯肉互相合力發揮既效果顯得很有咬口，煙煙韌韌的，一啖一口的停不了口，吃過後會上癮」芝士薯波」真心推介，不得不試喔。

分享併盆 ($108)併盆有哂焗西蘭花芝士卷, 薯條, 薯波, 炸雞 (其實係雞翼) - 岩哂貪心想咩都試既小編 👻 炸野點芝士醬或者mayonnaise 真係絕配呀 🤤 最好既係店員好好咁幫我地refill 芝士醬 ><-墨西哥勁辣漢堡配美國薯條 ($68) lunch set 包埋熱茶 其他飲品要加錢哦因為小編唔食得辣既關係挑走哂d辣椒 👻 個包好熱好脆 塊扒有肉汁 唔會過熟 而且有慷慨份量既薯條 🤤🤤 連小編咁鐘意食薯條都食唔哂呢間cafe好抵食呀 🤤🤤🤤值得再來

差，食物暖同凍同去快餐店一樣，同價飲品一啲加15元以上，明明同價又要加錢，一樣價錢乜都要加價，可以一試不過一定無下次，起長沙灣區扮高級可以平民化啲囉，環境係好，不過幾靚都係洗返在消費者身上，用餐時間到到用完5分鐘，仲要一個餐可以當小食算

依間鋪頭食物性價比高 裝修得幾靚 又有書櫃呀樹呀嗰啲做佈置 嚟依到影相實呃多幾個like啦😂#啤酒炸魚薯條 lunch set $53炸魚有2大塊 炸皮薄身得嚟又幾脆 魚柳又滑🤤薯條仲要係粗🍟🍟評分:7/10#烟黃金芝士煙肉扭扭粉 lunch set $543樣野入面我最鐘意依個 雖然佢最普通 不過真係幾好食 芝士極濃🧀強烈推薦🤤評分:8/10#海賊拿破崙意大利粉 $74魷魚份量都唔少 唯一美中不足係🍝番茄味太酸 鐘意食番茄朋友可以一試評分:6/10#芒果蜜桃茶 $38 (lunch set+$18)🍹🍹有幾粒芒果肉喺入面 幾好飲 不過偏甜評分:7/10

同老公放假諗唔到食乜，屋企樓下大把野食，都硬係要揸車去長沙彎食瘋鳥，已經成為瘋鳥粉絲超過一年，寫佢地既食評真係第一次鋪頭門口已經有錶位可以泊車，對揸車嘅朋友來講實在係太方便，店舖入面嘅裝飾離不開都係復古同埋雀仔，好有特色第一次愛上呢度嘅原因係因為朋友極力推介一個好特別嘅菜式，佢就係免治豬肉腐乳意粉，當你以為腐乳同意粉一個中一個西，風馬牛不相及嘅時候，佢會令你對呢種守舊嘅思想刮目相看，中西合璧真係天下無敵，估唔到佢可以好食到咁嘅地步，但係最近改咗餐牌，唔知幾時會再有呢個意粉呢？今次我哋嗌咗好多嘢一齊share有肉醬天使麵，菠菜意粉，紅酒雞肉飯，啤酒炸魚薯條，墨西哥漢堡，牛柳沙律同埋煙三文魚法包當中最值得一提嘅就係每次嚟到必叫既啤酒炸魚薯條，係我心目中最好食嘅依然都係喺澳洲食過嘅炸魚薯條，但係要講喺香港攞第一名嘅，就一定係呢間，唔會太多粉，炸到啱啱好，外脆內非常之軟滑，薯條又熱辣辣，冇得彈！墨西哥漢堡好惹味，入面有墨西哥辣椒，鍾意食辣嘅一定食唔停口！三文魚法包略嫌細份左少少，只有一片法包上面加啲煙三文魚同牛油果醬，側邊少量沙律菜就冇啦，如果法包有兩份，成個感覺會可觀多少少！老公鍾意飲咖啡，

上個週末去完嘉頓山睇日落, 就來左附近嘅餐廳食野- 瘋鳥café, 距離嘉頓山約十分鐘路程,環境寧靜, 適合文青週末遊!烏賊拿破侖意粉故名思意就係烏賊(即墨魚仔)做材料嘅意粉, 首先講下墨魚仔, 個人認為好爽口而且非常鮮味多汁, 而且份量都幾多, 一碟有5-6舊。而蕃茄意粉亦都非常入味, 蕃茄汁嘅比例岩岩好, 唔會太酸或者太淡, 非常開胃! 本來想同男朋友一齊share, 但最後忍唔住自己食哂XD惹火菠蘿雞堡+薯條男朋友就叫左Burger! 材料亦有菠蘿, 生菜,洋蔥, 蕃茄同埋雞肉! 不過要注意呢個Burger係有少少辣 (本人非常唔食得辣), 可能因為有黑椒汁嘅關係, 不過亦都係因為咁, 非常之惹味, 配合蕃茄等等嘅食材令成個burger食落都幾清新, 唔會太重口味! 值得推介! 而伴菜嘅沙律菜同薯條都唔錯, 連皮炸嘅薯條食落唔會有油膉味, 口感十足!蘋果抽子茶飲品方面叫左蘋果抽子茶。柚子味道唔太濃, 反而有多些少蘋果味同埋薄荷葉味, 配合一齊嘅感覺都幾清新, 飲完喉嚨會涼涼地幾得意!

個同事搬咗黎長沙灣住, 今日就相約一齊係呢頭揾食，本身想去食法國菜, 點知? 冇開…… 咁就嗱嗱聲揾第2 間 替代, 咁就搵咗呢間瘋鳥,細細間，但裝飾得都幾靚。我地叫咗2 個主食, 1 個小食+2 杯飲品南瓜意粉意粉份量適中，煮得腍身彈牙，唔係好煙韌硬身既。醬汁份量多，唔會好稠，但足夠掛於意粉上，條條都有汁。BBQ rib勁大一份, 有成8 枝骨, 個醬好惹味,啲肉唔鞋,肉都多既。仲有薯條同小量salad. 鹽酥菇。炸得幾好食，粉薄,椒鹽味夠。櫻花荔枝茶 + mocha (cold)

Weekend約咗4個朋友食飯，一行五人想搵個地方可以慢慢食，飲酒傾計relax下。之前已經試過瘋鳥，覺得食物同環境都唔錯又抵食，用餐又冇限時，自己帶酒開瓶費只係hkd$50(一次性收費)，於是帶埋4個朋友再次到訪。要留意嘅係，呢間小店位置唔多，而且經常滿座，建議大家想食就提早幾日book定枱穩陣。當晚約埋朋友一齊喺距離最近嘅長沙灣港鐵站A2出口集合再行過去，路程大約8-10分鐘，傾住計好快就行到。

呢間好食！整體有環境有味道有相影☺好啱同朋友gathering/拍拖仔💯-有我最愛嘅意大利飯$83仲要都幾出色 好Creamy😍菇味好重好正‼呢個價非常好🎉-分享拼盤$108 for 3人 份量都好多😎芝士球好食‼-蟹肉意大利粉$79呢個一般啦😛--📍瘋鳥長沙灣順寧道65號地舖@foodie_eatlife

Cafe 遍地開花 能成功支持下去的少之有少 瘋鳥則是一間成功在長沙灣插旗的例子早兩日book 位7:30 即日改時間8:00還有位待應都非常有善 抵讚牛油果醬墨西哥脆片$52牛油果醬 少地方食到 果醬份量剛剛好（當然愈多愈好）另配上清新蕃茄 中和了熱氣 十分滋味 三重芝士炸蝦pizza$111重點推介 果然是瘋鳥的首本名菜 芝士可以瘋狂拉絲 除了視覺效果非常震撼味道也不遜色 筆者本不太好海鮮但炸蝦黃金酥脆 芝士絕不是平價 沒什麼味道那種 加上薄而脆的餅底為了它 定會再次光顧

禮拜六最鍾意去café叫杯咖啡同”輕食”然後坐足成個下晝，所以一個悠閒舒適嘅環境對於我嚟講好重要～好鍾意瘋鳥嘅分圍：大大塊落地玻璃，引入天然光令到室內充滿溫暖感；木製嘅枱櫈、門口嘅樹檊、乾花裝飾同工業風嘅牆身形成對比但又互相平衡；大量電影海報嘅運用同擺滿懷舊電器嘅角落令人好似置身電影場境咁叫左個紅菜頭安格斯牛肉漢堡配有皮薯條$68 同 蜂蜜芥末牛角包 $43，另外加左杯long black鍾意long black因為想試真d咖啡豆x烘焙嘅味道紅菜頭安格斯牛肉漢堡🍔：紅菜頭味唔出，但個醬汁酸酸甜甜同塊牛好夾；牛肉好厚身，煎得啱啱好，好香好juicy；薯條好新鮮好有咬口蜂蜜芥末牛角包🥐：聽個名以為淨係得醬汁，估唔到佢配埋煙肉同蕃茄；牛角包好鬆脆，好香牛油味；加埋蜂蜜芥末好正Long Black☕️：呢個真係驚喜，咖啡味香濃得嚟唔會偏苦或太fruity，烘焙程度剛剛好；另外好多時為左慢慢嘆杯咖啡擺耐左會變酸，但佢完全無，個味道一直都keep到尾

朋友之前來過大讚窩夫好食，所以約埋一齊再去。cafe地點少少僻，地鐵站行過去都要8-10分鐘。。。雖然係咁，都有少少full...星期五晚7:30後都開始多人...因為餐廳唔會趕人走，如果大家真心想試但唔想等位，建議早少少去😬講番食物，整體ok... 芝士西蘭花薯蓉有驚喜～初時以為係就咁一舊舊西蘭花，點知係撈埋落d薯蓉，整到finger size, 然後一齊焗小食仲嗌左雞翼，都唔錯之後嗌埋主角》香蕉朱古力窩夫😻特別之處係，佢有麻糬係中間，煙靭控一定要來試🤗性價比高過the one D字頭十倍😆

午餐點了炸魚薯條（$55），吉列豬扒堡（$68），黑咖啡1熱1凍（加5蚊1杯？？？），首先上咖啡，凍個杯冇乜味諗住被冰溝淡左，試埋熱個杯都係冇味，聞落去冇咖啡味。🤔🤔🤔上菜的時候首先是burger，賣相是okay的，但切開burger一半時有隻手指尾甲大小的蜘蛛🕷🕷🕷在𥚃面🤮🤮🤮，我們未開始進食，即時同店員反映，店員話唔係本身個包有蜘蛛，隻蜘蛛係天花掉落黎🤨🤨🤨亦即時道歉並立即拿走整盤burger，但之後店員回覆話老闆會送番個甜品不過個burger唔會再做番，朋友即時火起，話我地一啖都冇食過喎，之後店員又話再問下老闆，過左好一段時間才回覆話再做一set burger,但朋友已冇哂胃口兼一肚氣。😡😡😡雖然個店員好有禮貌，不過個老闆真係好有問題。再到個fish n chip上喇，一咬落去，霉架🤢🤢🤢，真係吞唔到，完全放棄。我知呢個價錢唔好太高要求，不過真係食得好唔開心😢😢😢，一定冇下次。最後俾錢，收左我地合共$161，因朋友勁嬲，所以俾左$162即走離開，雖然到呢刻都計唔到$161係點黎，就算加左一，不過唔諗住有下次就算了。

一行七人來個lunch gathering~文青風的環境，門邊有高櫈可以望到街景，都幾寫意~最鐘意小食個芝士薯波，新鮮熱辣，加埋芝士醬好好味，同個炸雞翼炸粉夠薄，肉質嫩滑，味道唔錯~

來到長沙灣搵食, 選了這間離地鐵站有段距離的餐廳, 裝修方面有點心思, 吃東西有點氣氛, 是可以聊天的地方。叫了一個鹽酥菇, 炸皮有點厚, 有點像吉列的脆皮, 較厚同硬脆, 個人不太喜歡, 印象中的鹽酥菇都是輕輕的炸過, 薄薄的才對, 不過這是即叫即炸, 好脆, 好熱, 菇切開有好多汁, 小心燙口。另一個叫了三重芝士炸蝦pizza, pizza底厚薄適中, 口感柔軟, 三重芝士果然芝味幾香濃, 雖然芝士未有去到邊位, 近邊位改放蕃茄醬, 亦都夠好味, 炸蝦同樣炸皮好厚, 這個沒那麼脆, 蝦味只屬一般。食完熱氣野, 好快就喉嚨痛, 呢間餐廳好多小食都是炸物。