Video
Telephone
27820876
Opening Hours
Today
Open 24 Hours
Mon - Sun
Open 24 Hours
Public Holiday
Open 24 Hours
Above information is for reference only. Please check details with the restaurant.
Offers
有日凌晨機翻香港冇咩餐廳開就過黎呢度買燒賣排隊買嘢個陣個店員唔會開聲問你想要啲咩剩係黑晒面咁望住你好啦 咁我講完要燒賣佢勁大力咁將膠兜啲燒賣反轉dump落個紙兜度都算我食完見鴻福堂有垃圾桶我將個盒掉落去垃圾桶我掉完佢就對住我講「下 出面有垃圾桶😦」然後佢就用眼神示意我喺垃圾桶執返上黎我真係呆左好似想我喺個垃圾桶執返上黎咁咁其實你唔想客人掉落去你可以擺返入面唔係我掉完你先叫我喺堆垃圾裡面執翻上黎呀嘛？真係好唔尊重人囉之後我見到其他客人想掉落去佢就即刻成隻手舉起指住出面「出!面!有!垃!圾!桶!」唔該鴻福堂檢討下呢位員工店員特徵：扎馬尾戴眼鏡年約25-30歲既女仔9/10 返夜更 大約凌晨12-1點
continue reading
今日由外國✈️返香港，最掛住嘅當然係中餐🥢啦！但夜麻麻🌚返到嚟，又唔想食得咁Heavy🙂↔️於是就去鴻福堂買少少中式點心🍲和包。唔知係咪因為凌晨時分😵服務員嘅態度真係一般般🫣。唔緊要，食物嘅味道搭救啦😃【食後感】📝1. 叉燒包🐷✔️雞包的大細和外型與叉燒包相近，所以特意加紅點🔴表示✔️餡料是叉燒，肥瘦均勻🫶🏻✔️汁料充足，有少少甜😋✔️包皮軟熟，但有少少乾🌵2. 雞包🐓✔️有芫荽🥬調味✔️比叉燒包略細💥✔️雞肉有事先醃過，好入味🫶🏻✔️味道清淡，健康✌️
continue reading
今期鴻福堂逄星期五，六，日，燒賣同涼茶做緊買一送一優惠，估唔到連機埸都有份喎！😏 收工仲趕得及12點前買番兩份(即四份) 燒賣同涼茶做宵夜先😋，夏枯草清解肝燥熱，雞骨草就舒解肝濕熱，26元兩支，而燒賣就15元份有成10粒咁多架！😉
continue reading
一向都係鴻福堂嘅常客，平時成日買佢嘅自家湯、自家蒸飯同埋自家小食，感覺健康啲，而且又好味。杏仁片手撕包 💰HK$28 會員價最近見到鴻福堂出咗自家麵包，一直都未有機會嘗試，今次終於買咗嚟食下。呢個杏仁片手撕包好似好味，諗住都係入口鬆軟，然後充滿牛油味。點知一咬落去已經好失望，從來冇食過啲咁硬、質地咁結實嘅麵包，仲有冇牛油香味，同我印象中嘅手撕包好唔同。好難食，又貴，咬咗一啖之後，已經唔想再食落去，以後唔會要買呢到嘅麵包～
continue reading
你知喺機場返工，餐廳食個早餐閑閑地都$3/40，見到鴻福堂有飯卷賣$18。有照燒雞肉同埋豬肉賣。咁我就試咗佢嘅雞肉飯卷同埋叫咗一份燒賣食，加埋$33蚊。咁佢嘅照燒雞肉飯卷同我想像中嘅好大分別，佢張圖入邊個雞肉佢好似一大舊雞肉，之後有少少照燒醬係啲飯同雞上面。但實際食落去係啲飯又照燒汁味， 但有少許偏鹹，同埋啲雞肉係一粒粒一粒粒勁細勁鞋嘅肉。我一度以為我自己係食緊豬肉。同埋嗰份燒賣嘅豉油， 啲豉油好似溝左水咁樣得個色，但冇味咁。下次都係比多10幾蚊去餐廳食算數。
continue reading