鴻福堂 (Closed)

今日口痕，附近有冇咩小食店，經過鴻福堂就買幾粒燒賣食見到呢款淮山豬肉燒賣，好似幾特別又好似健康啲，咁就叫咗啦一打開個盒，燒賣都幾大粒，不過只係得六粒，一啖咬落去，佢係冇平時食豬肉燒賣個種油膩，所以豬肉亦都偏瘦，所以都好實，但係食唔到爽口淮山或者粉淮山嘅感覺，可能佢蒸得太耐（或者蒸完焗得太耐）所以食唔到，但係菇一定有嘅，都帶出少少香味值得一題係佢配嘅係杞子豉油，搞到成件事你食嘅時候好似健康咗，但係食完又會懷疑究竟入邊有冇呢啲健康或者有幾多？

行過鴻福堂見到幾隻好搶眼嘅字😍，係海邊走走呀！佢係台灣超紅嘅手工蛋捲品牌，想食好耐🤤，鴻福堂同佢聯乘出咗小禮盒裝，買嚟初嚐試味岩哂喇！花生愛餡蛋捲 （4條）試食價 $45／會員價 $42如果你係中意鬆脆嘅蛋捲呢個可能唔岩你心水事關佢食落外層蛋皮超扎實唔用力咬唔會斷個種🤣不過蛋香味就差咗少少🙈內餡係爆滿嘅花生醬粗粒裝花生咸香味重，唔太甜所以就算好多餡，食落唔會漏😋👍🏻食完又好有飽足感！另外仲有激厚5倍黃金蛋捲經典肉鬆蛋捲選擇不過價錢都略嫌有啲貴🤭計起差不多$10一條，有啲唔值好味指數：

平時都係幫襯過新鮮煲湯既專門店，直接送到公司飲用。呢幾日見到鴻福堂做指定湯品買一送一優惠，作為新晉小煮婦，當然想用下個優惠，又試下呢款湯啦！因為平時自己煲一壺湯買材料都最少要$80呀！巧貴貴呢！滿心歡喜回家前買左，返到屋企就有湯飲啦！今次做promotion 既係土伏令淮山甘栗瑤柱豬腱湯。聽個名好似幾多料咁wo......撕開湯包，只有一半份量少得可憐，感覺很差！我寧願細袋d, 袋7成滿都好丫～番熱後聞落好香好濃，但完全係假像飲落冇乜味，同茶記例湯冇分別！正價買兩包要過百元，好搵笨！