鴻福堂

Open Now

Now Closed

自己好喜歡吃熱氣食物，為了想清熱解毒，所以便到附近的鴻福堂，點了海帶綠豆沙。海帶綠豆沙是用密封膠袋包裝，可以方便回家翻熱，埋單時店員主動詢問是否需要幫忙翻熱，服務不錯。等了7分鐘後終於加完熱，店員可以幫忙倒進紙盒中，方便即時可以進食。海帶綠豆沙用上綠豆、海帶、果皮等新鮮材料製造，可以清熱解毒、降血脂、降血糖、消腫通氣及利水通便。味道是健康的清淡味，吃完後，果然通便解毒，感覺滋潤。平時都市人都吃太多煎炸食物，有時都需要清熱解毒，繁忙的都市人又沒時間自己去煲清熱解毒涼茶，鴻福堂包裝好的清熱解毒食品確是夠方便﹗

最近,肚子餓時總會不知不覺得跑去鴻福堂買飯醫肚,總覺得鴻福堂尐飯會比較健康;今次試鱆魚雞粒燕麥飯燕麥飯原來只係得面頭一層,下面全都係白飯,呢點感覺有尐不足夠;雞肉太熟,熟到一夾就散,鱆魚亦都太淋啦... ... 小妹第一次食唔係"多蔬菜之選" ge飯,感覺冇咁滿足到口腔欴慾

話說鴻福堂推出慶祝自家30周年,呢排都有唔同優惠推出,前幾日開始就係自家蒸飯+一支310ML的奶茶=$30,小妹一直想搵個機會試試,今日終於實行左去到店內,先睇睇有咩可選擇,店員告知今次有3隻飯可揀,分別係蝦醬蝦米豚肉燕麥飯、冬菇馬蹄肉餅紅米飯、南乳蓮藕香菇素肉野米飯。不過當時(2PM)店員話『南乳蓮藕香菇素肉野米飯』未返貨;而喺店員介紹下,小妹揀左個『南瓜馬蹄肉餅燕麥飯』配奶茶俾錢時,店員問小妹要唔要加熱,幫小妹個飯加一加熱,大約等5分鐘到。返到屋企,個飯仲係熱辣辣,打開個蓋直頭係出晒煙;面頭有好多粟米同迷你甘荀條而南瓜係夾在肉餅內的,令肉餅有咬口但又唔會好實咁,燕麥飯加左附上ge甜豉油,變得更香更易入口飯係由白米、燕麥粒 , 同埋碳酸鈣片組成,燕麥飯增加左唔少口感至於支奶茶...... 其實聞落幾香ge...... 飲入口就失望la,實在太甜,而且茶味唔濃 奶味又唔香.........而且唔係人人好飲奶茶,如果有多2款選擇會更好

第一次食鴻福堂ge龜苓膏,$50一個,價錢同某集團一樣,每個龜苓膏都付有一膠匙同兩包糖漿。頭半個小妹冇落糖漿就咁淨食,一入口係好苦好苦,但第二啖開始就覺得d苦味其實都冇咁犀利啫~唔知係唔係凍食ge關係,龜苓膏ge藥材味都唔多突出,但食後都有尐尐輕微ge回甘。剩下一半,小妹落左2包糖漿,點知原來太多,成個龜苓膏變左好似涼粉咁,淨係食到甜味唔怪之得一個龜苓膏會跟兩包糖漿啦~ 係預左人地未食就加晒2包入去架~~