鴻福堂

Open Now

Now Closed

📍香港📍屯門📍鴻福堂📍屯門港鐵屯門站32號舖📍星期一至六 07:30~23:30 & 星期日 08:30-23:30🦄 燕窩蓮子百合蛋白奶露 $32🦄 評分: 8/10一見到已經覺得好吸引。太耐無幫襯，黎到先發現原來鴻福堂咁多湯品，糖水等好多款唔同嘅飲品。我都望咗一陣先揀咗呢枝因為有幾款都想飲😂 入口係好滋潤嘅感覺，真係有膠質嗰種奶味口感。仲有唔少燕窩蓮子百合碎俾你食。個人好喜愛。雖然價錢唔平，但係都大枝嘅，飲完幾飽肚。有下次🫶🏻🫶🏻店員仲好友善幫我坐一坐熱枝飲品。#foodieschu屯門

鴻福堂一陣主打健康食品、飲品。對於無飯主婦，簡直係一大恩物🤩🤩夏日炎炎，前果排又日日落雨，身體積住好多濕氣，搞到個人好攰。無飯煮婦唔得閒煲涼茶，呢個時候就最岩買左支珠粟米鬚薏米水去下濕氣，飲落唔算太甜，方便之選👍🏻

最近發現屯門站附近原來有鴻福堂，做完野身水身汗，所以買左枝黎飲，揀左「北海道牛乳百合木瓜露」，枝飲品放左係凍櫃，所以都幾夠凍，大大枝$26，黃黃地色，一睇我覺得似南瓜。北海道牛乳唔知係咪3.6架呢? 牛乳一向幾香幾滑既，呢個都係相當滑啊，飲落好似絲咁，百合味就真係唔多覺，百合碎都無得咬呢! 反而木瓜味好重，主角果然就係木瓜!!!木瓜甜，味道都幾濃，但係就無木瓜蓉食下，如果有既話我就覺得係真材實料d。

之前抽中了鴻福堂鮑汁花膠瑤柱豚肉有機糭 1隻紫米百合蓮子梘水有機糭 1隻鮑汁花膠瑤柱豚肉有機糭 $64花膠薄過紙蛋黃是零蛋黃味......只有瑤柱還可以紫米百合蓮子梘水有機糭 $42百合只有薄薄一片,紫米+蓮子又甜又有梘水味我接受唔到囉...如果叫我買這2隻糭子...真的變傻子

今日同女朋友買早餐,一早已經有好多人排隊,我就排第二既,咁前面就有一位姐姐買緊野食,佢都買幾多野下,但係鴻福堂都只係得一個人做野,所以我都冇出聲叫野食,等佢做完野我先叫啦,但係中途殺出另一位姐姐,又問有冇湯賣,頭個位姐姐聽到又話要湯,最後等佢比左錢都等左7分鐘,到我既時候,我就叫左燒賣同蘿蔔糕,點知果服務生又唔理,走左去幫第三個姐姐.....我同個服務生講係我地黎先架,佢先話蘿蔔糕要加熱架.要等2分鐘架,一怒之下,我唔買就走左.......我明白一個人做野係會慢d,等我都等左咁耐..竟然比後面果位姐姐先就係唔岩.....希望鴻福堂早上加多d人手啦...

２００８／４／１３飲品也不記得那時開始，第一次在鴻福堂店子買過那新鮮的飲品後，直到今時今日也很喜歡。（超市買到的樽裝產品除外）。她們定時出很多季節性飲品，如上年熱天出品的蛋花馬蹄竹露就是其中之一，有得飲有得食，又解渴又潤喉，超級喜歡^3^今日去到，見凍櫃裡又出一批新貨品，我選柑桔柚子蜜。是的，現在很多食店，就連普通茶餐廳也有得飲，不過，味道完全不及十年前我在韓國飲到那真正柚子蜜的風味……難道要去到韓國才可回味﹖直至今天遇到這支柑桔柚子蜜，那清清地淡淡地但帶點甜甜地的味道，很像很像在昔日在韓國飲到的啊…﹗OvO分別只是柚子渣完全攪碎，較韓國柚子蜜的條條渣更易入口，不用咀嚼。皇天不負有心人

我寫既係兆康西鐵站分店! 係行百萬行之前先黎食少少野, 買左個菜肉包, $5 和燒賣, 6粒/$6, 前者熱辣辣, 包幾鬆軟, 餡唔多! 燒賣唔大粒, 一般貨式!

星期日入元朗前,係屯門西鐵站呢間鴻福堂食個快早餐先。菜肉包: size唔大,餡料椰菜比肉多,味道淡淡,外皮唔太厚,作為早餐係ok既。燒賣:蒸得夠透心,又熱又軟,同7仔有得拼,唔係淋之之、粉雷雷個款。以前呢個燒賣賣點係用杞子汁配,只不過而家似用豉油多過杞子汁lu。凍雪梨茶:同車品品既梨茶味道唔同,但都飲到梨味,味道唔太甜,飲完喉嚨都好舒服,呢個乾燥季節都係要潤一潤。凍薏米檸檬:薏米水+檸檬一向係夏天消暑佳品之一,估唔到呢度都有得賣。米白色飲料,的確係飲到薏米水味道,有酸酸地檸檬味,個人覺得再酸少少,飲起黎就更清新消暑。店員小妹態度唔錯,可以一個人處理成間分店事務,幾叻女!