熊師傅滷水鵝專門店

Open Now

Now Closed

對潮式滷水食物情有獨鍾，曾經品嘗過兩家米芝蓮星級的潮式餐廳，一家位於觀塘，另一家則在北角。相比之下，我更喜歡熊師傅的滷水，因為他們的小店用料新鮮，做法細心。除了必點的鵝片外，還有幾道菜讓我印象深刻，例如鵝掌、鵝翼和鵝頭頸，刀工精湛，方便食用；鵝腸火候恰好，爽脆有嚼勁；鵝肝鮮嫩滑溜；豬大腸軟熟不膩；豬腩肉鹹香入味。滷水的藥材味道恰到好處，不會過濃或過淡。而且熊師傅和店員都非常有禮貌和親切。能在這樣的小店遇到這樣的大師傅，真是一個驚喜！

今天是第一次來光顧這家小店，想來很久的了，一直有客人進進出出的來買，相信也有不少老客戶。按人數二人，老闆推介買了一份小併盤$120。老闆有說明這個價錢是不含鵝片和墨魚的，喜歡這兩款的話要買大一個size的$180拼盤。回家趁還有餘温馬上吃了，細食的女生二人吃不完。拼盤裡面有豬耳、鵝膶、豬手、豬腩、腎…全部都不錯，下次人多再試他們大一點的拼盤。

已幫襯第二次，第一次只係買咗掌、翼試吓！已非常好味😋！今次再食多幾款，全部都超正👍🏼👍🏼👍🏼👍🏼👍🏼！食過咁多間滷水店，喱間堅超水準又唔貴喎！入味又嫩滑，味道啱啱好，食完又唔口渴，連舊滷水豆腐都好好食😋！店舖乾淨又衛生，師傅又好人仲好好禮貌添！冇賣廣告架！值得推介

北角電氣道，國都商場後面近停車場入口隔兩個鋪位，比我發現咗間隱世滷水鵝專門店叫熊師傅。佢嘅滷水鵝片飯$45 - 鵝皮薄油脂比例剛好，而且肉質鮮嫩多汁，至於滷水汁鹹淡適中，滲透着一股清新香草味。一片鵝肉配上一啖熱騰騰的白飯，鵝的油脂香、肉汁香、滷水香，香氣四溢，實在令人回味無窮。滷水豆腐 $8/件- 外面微微煎香，裏面白白滑滑，簡直是味蕾大滿足。滷水鵝掌$20/隻 -鵝掌肥大肉厚，師傅烹煮時間拿捏得很好，不會太硬又不會軟，恰到好處。清香滷水味滲透每一隻腳趾，食起來有咬口，骨膠原滿滿啊！滷水爽腎$25/隻 -至於佢嘅滷水鴨腎係必食推介，鹹香爽脆，絕不死鹹，作為小食一流！鹹酸菜$20/盒- 酸酸甜甜，清香開胃。新鮮醃製，美味可口。能烹煮出如此極級水準，看來非一般師傅。見今日師傅冇咁忙，細問之下，原來師傅在五星級酒店作廚三十多年，疫情下出來創業。難怪師傅製作如此一絲不苟，無論食材與味道都是五星級，價錢卻是平民化。超級抵食！CP值超高！其實已經幫襯過幾次，水準非常穩定。食家留意啊！只設外賣、不設堂食！

鹵水調較味道及烹調時間亦刚刚好，味道刚好入味不會過膿或過淡，質地不會太淋或太硬，每樣也恰到好處~買了幾次外賣斬料加餸回家吃，今日午餐又再去買飯盒（鹅片飯+了隻鹅掌），65元超值又好味，绝对值得推介~種類繁多還未嘗試所有，腎和肝一般沒甚特別一試無妨，鹅，豆腐，豬耳值得推薦，尤其豬耳超正，肉部分沒有太淋溶掉保持口感，白骨部分保持爽脆又不會難以咀嚼，味道調較剛好夠入味，绝對一試難忘，豆腐異於一般鹵水豆腐，保持嫩滑，不似坊間慣常外皮又硬又黑內部較實，鵝肉嫩滑而且師傅非常細心，可以要求代為去骨起肉~最後一讚，師傅會為食物淋上幾次滚熱鹵水汁，食品帶回家還帶微熱~

今晚係屋企食飯，加咗餸行過潮州舖，買咗一個燒鵝上裝同墨魚再加埋一份滷水鵝翼。總共190幾蚊，滷水鵝仲可以起埋肉，但係如果鍾意lun骨嘅朋友，就記得叫佢起肉嘅時候留返啲骨話俾佢聽啲骨都要啦。墨魚亦都唔會好韌，滷水鵝翼亦都好夠入味。

上次老公買左盒外賣反屋企食！！我同99都食完都！！問左地址之後 今日咁岩出開去果面就買個外賣飯盒試下 有冇分別先！係門口見d野都好靚咁！！肉！全部都係肉！！！ 係門口都有d鹵水香味！叫左盒雜錦飯盒 咩都有d！咩都有d！！好大盒 一個女仔應該唔晒！要叫少飯雞腎 爽爽脆脆！正正子！豬耳 同上次食一樣咁正！外淋內脆！力推！鵝肉！唔柴、又有肉汁鵝肉片！啖啖肉！！又香！全力推薦蛋就正常野！！不過都係好食！！係其他太正搞到蛋蛋好似冇咩突出咁！

去完cut頭髮 見到有間新開架就斬d料反去加餸！ 行到門口就已經聞到淡淡加香料味！！見到個餐牌其實我都唔識點叫。。。係門口睇左陣見d野都幾靚仔！又乾淨企理！好鬼驚果d去又暗又多飛飛果d好在個師傅仔都醒目見我睇黎睇去 就問我你想點買 我就話我都唔係好識叫 不如你幫我簡啦 預280左右啦 之後就問左我有冇咩唔食 就埋頭係咁切！！！切好晒仲會用果d鹵水淋反暖d野 我都未見過其他果d鋪會咁做！（p.s唔怪我係門口都嗅到 原來係個明到檔到滾緊！好鬼香！）有酸菜、醋、同辣椒油！我反到去見成個盒滿晒 咁抵食架咩！！鵝片！肉唔會死實！又有鵝味！但又d鹵水又唔太過霸道！咸甜岩岩好！正正豬耳！！好食到暈 好多時一係就到成片都係硬 一係就成片淋晒 食啫喱咁！e間就屈機！外面果層肉就夠晒淋但係到軟骨果到就係爽脆！！！大腸！！ 完全冇異味！！好少見到腸中腸！大滿足！出面食開好多時都係得一層！！e個有驚喜！！d翼真係冇得輸 斬開一字骨比你！等你放便食！ed咪就係細心位囉！！！吸晒d鹵水！正到爆！！同成班朋友吹住水食e盤野冇得輸！！（p.s食到咁上下先記得佢d酸菜！間中食一舊中和下都幾正架）