鴻仔記車仔麵 (花都廣場) (Closed)

從前很喜歡吃車仔麵，貪佢價錢平、選擇多、味道不錯，是求其一餐填飽個肚時的首選。但近年不少車仔麵店越來越貴，例如 $7 一餸，如你選牛丸，只有小粒裝牛丸兩粒。這間鴻仔記卻十分抵食，$39 就有四餸一麵，大大碗、餸的份量也算多，牛腩、牛孖筋炆得夠淋又入味，其他餸味道正常也不錯，最令我欣賞的是炸魚肉雲吞，魚肉做餡味道不錯份量適中，留下大大塊的炸雲吞皮鬆脆可口。醬汁的選擇也多，其中辣菜脯值得一試，不十分辣、味道可口。可能是星期日的緣故，店裏至少有四個工作人員，招呼周到，上菜又快，讚。

路過食咗一餐普通之下嘅車仔麵，竟然係連鎖店添！杯啡真係冇本事飲碗米粉連湯都未夠熱做食物嘅麻煩認真啲啦咖哩尤魚豬紅正常肉醬正常魚旦環境又污糟一個人洗碗、冲啡、收$、送餐

今日試下街坊車仔麵，是到呢間街坊價（$38/4餸）幾抵，所以決定入去一試。舖頭細細，客人亦不多（4-5個），等左成20分鐘，終於見到碗麵。賣相一般，明顯餸菜好少，不過算啦，$38想點呢！食落便知出事：油麵未夠淋，紅腸又乾又硬，牛腩變牛肉粒，仲係鞋口果隻，唯一不過不失係粒貢丸。失望！

其實都唔預佢點好食 所以淨係買咗最低消費一個粗麵 加貢丸 加生菜 $26貢丸只有兩粒， 咖哩我原本填咗要大量 但係都係 一個匙羹左右 仲要係冇乜味如果只係想填下肚嘅話都可以過嚟想食好少少就可以再諗下其他

媽媽去咗旅行🧳 這星期就是我和爸爸要自己照顧自己啦～諗起花都廣場開咗間新既車仔麵店就黎醫肚仔先😂4餸麵$38抵食呀～款式選擇多👍🏽唔想食既話，仲有飯or酸辣米線簡🔸食好𝔻 $60係4餸麵張紙仔度見到呢間係有得食花膠，就已經決定一定會叫花膠！睇到有個叫「食好D」，有花膠、豬手、鴨掌、蠔油炆冬菇，啲餸好似係酒樓食飲宴時既菜式咁豐富，唔怪之得叫「食好D」啦！由於鴨掌賣晒我就換左生菜花膠都有2、3舊豬手好濃味又煮得淋爸爸就叫左豬紅、豬皮、墨丸、魚蛋同樣都叫左花膠咖喱魚蛋細細粒又彈牙

自己一個唔知食乜好，落樓下試下依個車仔面叫左個38蚊4餸既餐有牛舌，蒜香翼尖，豬頭肉同埋墨魚丸。牛舌 - 唔係間間車仔面館有，所以叫黎試下。有2片，唔太乾，脂肪夠。蒜香翼尖 - 蒜香味唔太明顯，可能因為配左個辣汁湯。豬頭肉 - 同街市買既滷味差唔多味，唔厚，細細片墨魚丸 - 依隻貨入得唔錯，粉質唔高，咬到墨魚粒。叫左個中辣既秘制辣汁，老實講唔太香，冇咩特色。好多車仔面舖既湯頭其實都唔太有特色，依間都唔例外，感覺都係食緊常餐啲面個湯咁。加杯凍飲，埋單40蚊。

平時好鍾意食米線，但屋企附近無譚仔三哥，所以一直都尋覓緊好食既米線鋪，終於畀我搵到呢間鴻仔車仔麵！呢間車仔麵價錢正正常常，唔係特別抵，不過料就好足，可以選四樣料。如果食普通湯就無咩特別，但選腩汁就好唔同，腩汁再加沙嗲醬就好正！料足，所以好夠飽。平日黎都見呢間野唔太多人，所以叫外賣都好快，如果係外賣自取仲可以減兩蚊。呢到既奶茶都okay~ 平時要加8蚊，但如果等到下午茶就可以送野飲，所以下午茶先食就抵好多。

啱啱收工路經粉嶺花都廣場，見有少少餓，又未到晚飯時間，於是喺附近搵間食店食啲少食頂吓肚，見到間鴻仔記車仔麵，入去坐底叫咗淨餸：淨牛肚$15,淨大腸$15,淨辣水魷$12, 再叫個白灼油菜$12，要蠔油。 幾分鐘後一碗熱辣辣嘅淨餸放喺我面前，我放牛肚入口及大腸入口，喂~個口感甘似我打邊爐時，啲料喺湯裡面滾到尾甘冧嘅？再食埋個魷魚，唉！下次一定唔會再嚟食，其實都緊要，都冇期望咗味道唔會有咩出乎意料，但係出乎意料嘅係，當個油菜嚟到係生菜時，我多口問問句我剛才係 order生菜唔係菜心時，位年青人用一種想開佢年嘅口吻同我道：「係你自己點生菜架嘛！」，我答：「啊~好呀唔該。」 而呢間店我相信都暫時唔會再幫襯，祝佢地生意興隆重啦。ps: 食物質數冇乜值得去影，但有興趣嘅朋友可以去挑戰吓，最底消費 $25~完

不嬲如果自己一個人食野麵鍾意食d麵類既不過要搵好食既米線真係唔係咁易 一係就係湯底太咸 一係米線太硬揀餸麵好易中伏架但係哩間車仔麵我真係一試便愛上 食左一次之後 一個月已經食緊第三次今次仲拉埋男朋友介紹佢食食車仔麵其中一個好處係快上！次次都10分鐘內上我差唔多每次都會叫牛丸/貢丸加金菇佢d丸食得出唔係cheap野 彈牙 好味雞翼都好滑夠入味重點係米線好幼滑仲有腩汁既湯底 真係好正4個餸都只係39蚊邊度搵男朋友叫的佢叫左墨丸 麵筋 豆卜 豬大腸男朋友都一路食一路話好正仲有牛筋我覺得有d太咸我都係會繼續經常幫襯架！真係超水準車仔麵

湯底腩汁好味，加埋鴻仔辣汁仲正!之前試過佢既沙嗲汁，雖然都好吃但我都係鍾情個鴻仔辣汁。麵底平時食親鹼水麵都會胃痛，但吃這個不會。粗面彈牙又有咬口，超正對我而言，份量夠飽肚配料有好多選擇，但我例牌一定會叫西洋菜，因為唔係度度都有。丸類不太特別，食過幾次叫丸類好似都係得兩粒，但本身麵底多所以都夠食～服務態度樓面d侍應好有禮貌仲好好人，見你唔識叫會主動介紹，有次唔記得揀要腩汁同佢講返佢都冇黑面我。廿幾蚊就可以食到個又好味又飽肚既車仔麵，正～腩汁鴻仔辣汁西洋菜