鴻仔記車仔麵 (禾塘咀街) (Closed)

光輝圍的食物就是越夜越多 好像今天遲了收工我也能光臨這間車仔麵店 雖然環境不太大但是絕對想不到食物竟然那麼好吃 三餸麵$36我叫了肥牛豬紅生根還有午餐肉 還加了蒜泥白肉的小食非常適合我有很多蒜頭 米線嘅份量適中午餐肉還是剪過的 下次值得再去

太熱唔想攪咁多野，食個麵醫醫肚叫左四餸，牛腩花膠好食，豬腸,魚餅一般野另叫多個炸雞翼出奇唔錯咖哩汁好食$38+$25價錢正常,里區黎講算好食,值得推介，算小驚喜

相信係香港人都食過車仔麵夜晚十點鐘 冇乜人 行過想醫下肚門面企理 燈光光猛 其實都無乜期望 車仔麵都好難食到會係難食諗左一陣 叫左個豬紅牛舌木耳面根 油麵因為見到冇乜地方有牛舌食 所以試下碗麵黎到 色水好差 好surprise💀湯底好咸 豬紅ok , 牛舌都係燒比較好食 面根 無味 木耳 幾爽口。無乜特別 唔好食 亦都唔算話好難食整體黎講呢間車仔麵都係十分普通。唔使試。 $38 4個送既面都算幾貴，好彩店員有禮貌加返少少分下次都係過返隔離食餐蛋麵算喇

葵涌光輝圍一帶有好多平價小食早排見到有間新的車仔麵檔🍲就決定去試一試4餸1麵 $38木耳 魚片頭 生菜 豆卜 米線再加杯凍飲 $8🥤湯底都有幾個選擇我點了瑞士汁另外再加鴻仔辣汁 🌶整個麵的味道不過不失👌鴻仔辣汁的味道不錯 下次可以點中辣鋪面都算整潔以38元來說都物有所值

$38四餸車仔麵，仲有花膠+脆魚皮食，真的抵～今曰驚喜發現，原來佢收12：30🎉🎊夜收既我，終於有啖好食～還有，我愛他們的環境坐得較為舒適，員工服務態度都好好～

夜晚8點去食 間餐廳一個人都冇...叫左個豬大腸再加個豬腩肉面...有叫汁加辣...黎到個面一睇已經好少...食落去好普通 d肉冇味..D面又普通又少食幾啖冇晒最後收32唔值

下了一張外賣單，店舖竟可將加辣和不辣的麵倒轉。本人是對辣敏感，一吃了全身都是濕疹，而家人本來期待有辣可吃結果只有不辣的麵。我等了一小時外賣，結果來錯了，什麼也沒有得吃。再送又等一個鐘！最後我餓了兩小時才有東西吃！見微知著，此店對食物要求甚低，也不重視客人的感受。不能想像如果有人食物敏感，他們下錯單會怎樣！食物供應商最基本要求便是提供正確和安全的食物，此店連最低要求都達不到，以後不會光顧！上網也見此店劣評不絕！家人吃了後也只覺湯底除了咸味其他味都沒有。

難得今日附近工作，夜晚12點去到餐廳食飯！先拎張紙劃好，然後叫侍應收紙一個年若70歲既女人話等陣先原因係要出面傾電話同玩手機入左呢間舖等左15分鐘 終於先肯收我張紙服務態度十分差劣再等多3分鐘，碗麵黎度，心知不妙先喝一口湯，好似水咁 完全唔辣豬紅，一夾就散 食完仲有少少磨牙feel化學野落太多 小食為妙蘿蔔 ，應該剛煮無耐，太硬身了還有少少苦，救命蠔皇炆冬菇，完全冇蠔味，此餐唯一最好食既就係冬菇，真係好感恩油麵，份量少 碎濕濕，應該收舖比埋d碎我食，完全唔覺自己食梗車仔麵！辣椒油，得d色 完全唔辣凍奶茶，冰多奶少 茶底已經唔好飲……救命40幾蚊賣單，發誓呢世仔都唔會再幫襯間舖頭好似唔休做咁特登玩野

食咗兩次,次次都唔記得送碟魚皮嚟,送碗面嚟嘅時候員工指甲都碰到湯。檯又抹唔乾淨。員工冇嘢做就坐喺度liu牙,隨便彈牙籤,非常嘔心。咖喱豬皮滷到入味,微辣,唔會太爛,湯底浸泡過後仍有咖喱味。豬紅入味,幾香口,唔會煮到太爛。肥牛太少咬唔爛,似係啲佳寶平價肥牛,非常唔值得推介。豬腩肉有啲鞋,不過係成塊上,唔係一片片值得嘉許。墨魚丸食唔到墨魚粒,墨魚味亦唔濃,麵粉味較重。反而湯底有甜味,有豬骨湯嘅味道,都幾好飲。員工問題值得改進,同區車仔麵中質素算上品。

下午茶見呢間新開張，個門面新干淨所以入去試下，坐單邊長櫈張枱頂腳，叫左個4餸面秘制汁……魚旦、籮白、尤魚、翼尖，嚟到唔知係咪唔記得落汁，清湯無乜味連其他餸也較淡無出色……幸籮白竟然有甜味！+凍奶茶 $47個大洋！附近有好多車仔面小食餐廳，希望努力改善食物……否則做唔長

純粹意住食埋野先返工，係巴士站附近隨便揾一間鋪頭食野。兩個人一人一個大雜燴，其實姐係一個貴啲既餸加三個普通餸。一個係蝦卷、魚蛋、豬頭肉、蘿蔔少量辣汁米線，另外既係辣魷魚、雞翼尖、蘿蔔、芝士腸腩汁河粉。其實一送到黎已經心知不妙，兩碗都係無咩顏色，湯底清到不得之了。豬頭肉係爽既，不過無咩味。蘿蔔無渣但微苦。雞翼尖就太重味，食一隻就一口氣飲左半杯涷檸茶。而涷檸茶係好淡既茶味。題外話，咁既天氣之下，我會想冷氣較大少少，一路食一路出汗真係好辛苦。無諗過會打食評，所以一張相都無影。

早兩星期經過見到，未試過，今日難得一人食飯，就試一試。過程就係坐底剔紙仔，叫左大雜燴，就是選4個餸加埋飲品，總共43蚊，之後俾左錢等野食。等左15分鐘，隔離枱都已經有啦，咁我就問樓面，佢轉頭番黎同我講話叫我寫過張，話太混亂唔見左張單。即刻冇晒mood，只好再寫。跟住，好快就有得食，呢下真係諗唔通，我諗其實佢地可以好快，只係唔知點解要你等一等先食。味道，我叫左少量鴻仔記辣，幼麵，豬皮大腸紅腸生菜，湯底有點偏咸，豬皮幾好食，大腸就普通，生菜都岩岩好，無過龍。