鴻仔記車仔麵 (禾塘咀街) (Closed)

早兩星期經過見到，未試過，今日難得一人食飯，就試一試。過程就係坐底剔紙仔，叫左大雜燴，就是選4個餸加埋飲品，總共43蚊，之後俾左錢等野食。等左15分鐘，隔離枱都已經有啦，咁我就問樓面，佢轉頭番黎同我講話叫我寫過張，話太混亂唔見左張單。即刻冇晒mood，只好再寫。跟住，好快就有得食，呢下真係諗唔通，我諗其實佢地可以好快，只係唔知點解要你等一等先食。味道，我叫左少量鴻仔記辣，幼麵，豬皮大腸紅腸生菜，湯底有點偏咸，豬皮幾好食，大腸就普通，生菜都岩岩好，無過龍。