鴻仔記車仔麵 (禾輋邨)

Open Now

Now Closed

唔搜尋唔知道，原來鴻仔記車仔麵，在本港已經有五六間分店，但都坐落於比較偏僻的區域，例如廣源、葵涌，還以為禾輋邨這一間只是一間獨立小店😯點了四餸加米線，再加凍飲。豬紅、豬腩肉、齋麵筋以及蒜蓉汁雞翼尖。米線的份量亦都不太少，以車仔麵店來說，還算是可以的；豬紅普通，成正方形，不算太硬，也不會太過軟林，沒有什麼特別味道；齋麵筋就比較薄弱、細件，因此吃來沒有什麼口感；蒜汁雞翼尖，有輕微蒜蓉味，雞翼尖比較瘦弱，有些還彎曲了，因此賣相不算特別好看；腩肉的份量也夠多，有四五片左右，比起譚仔的腩肉可能更加肥，但由於只吃這個主要的肉食，因此還可以。不過這間車仔麵的其他醬汁才是主要材料，因為它本身的湯底不像榮記車仔麵，本身都極之濃味那種，取而代之，它就用醬汁去調味，沙嗲汁，就是比較杰身，盛一球沙嗲汁給你，自己可以拌米線或是拌其他材料來吃；但原來桌上面那一個自家製辣菜譜才是世界大佬，因為我平日都不太喜歡吃菜譜，感覺菜譜通常都只有辣字，沒有什麼味道，但原來這間的辣菜譜，味道只是小辣，帶點甜酸味道，亦都加了點麻油以及豆豉的味道，因此起上來味道香甜又帶點辣，吃起來又不會太肥膩。那麼它應該就像是小型連鎖車仔麵店，但年

食咗幾日大餐，諗住搵返間清清地又快嘅食個lunch，於是走咗入呢間車仔麵。老細好有禮貌出菜又快，街坊一定啱傾甘啱遲咗開飯，可以食到下午茶， $35三個餸跟埋嘢飲，都算幾抵。下午茶可以叫嘅餸比起Main menu少啲，但都有車仔麵嘅靈魂——豬大腸同其他正常食物揀下。嚟到太肚餓手快快食嗰陣先記得影返張相。味道普通，叫咗辣汁最少份量都幾辣下，唔食得辣嘅人可以嗌沙嗲或者咖喱汁呢個價位黎講不過不失鹽酥雞有啲驚喜，即炸咁上熱辣辣脆口得黎雞肉唔鞋，可以一試。

車仔面都有放題 好正呀！花膠都有得任食 好淋好入味!蘿白好甜 又有酸齎 仲有薯粉食 😋😋😋阿姨好細心話我知只落左小小薯粉 ，叫我試多d車仔餸 哈哈 仲話我知小食都任食 仲兩件兩件咁上 好開心呀 🤩🤩一定會再去!

鴻仔記車仔麵餐廳裝修時尚，帶有些懷舊風情，設計有別於一般的車仔麵店，地方整潔，環境舒適。餐牌上除了有 4 餸車仔麵 $38 外，另有多款特別食材的車仔餸，還有飯餐、特色小食、臺式飲品可供選擇4 餸車仔麵 $38，湯底清甜，飲完不會口喝。花膠幾大片，爽滑帶些黏黏的，感覺好重骨膠原  ;自家製腩汁香噴噴，吃起來非常惹味！凍檸檬茶茶味清澈，冰冰涼涼口感清新。孜然雞翼即叫即炸雞翼香口肥美，啖啖滋味，每碟$26有4隻，價錢合理。行開一定再食，真係平民價錢高級享受

今日中午去沙田VTC,途經禾輋廣場鴻仔記車仔面,於是便入去食lunch,我點了蠔皇花膠,炸鵝肝、墨魚丸、咖喱魚蛋和午餐肉米線加腩汁,另外叫了一杯黑糖珍珠奶茶。蠔皇花膠入口彈牙,食落爽口；炸鵝肝食落有油花,食落有鵝肝香味；墨魚丸食彈牙,大小均勻；咖喱魚蛋辣度適中,魚蛋彈牙爽口；午餐肉煎得金黃,食落惹味可口；米線食落爽口,牛腩湯底有濃香牛腩湯味, 整碗車仔面材料豐富, 美味十足；最後黑糖珍珠奶茶黑糖甜度適中,奶茶茶味香濃,奶味香滑；餐廳座位舒適, 闊落寬敞,食物有質素,份量中, 我食了一頓足料好味車仔面。

員工態度奇奇怪怪都算，啲野食一開頭唔差既，去到後面整到越黎越難食不得止，仲要突然加價，員工仲要話係咁架啦而家就係呢個價錢，係到焗住人落單叫，當人水魚咁，本身係因為無咩地方做宵夜覺得啲野又唔差先去，而家真係不了

唔講唔知諗住新開去試下啦點知 勁失望阿 都完全無諗過佢會係咁總知 試左之後 我都唔會再去員工態度好差之外， 仲要比佢罵返轉頭 總知就態度極度差! 千奇唔好去食簡直係比錢買難受！ 真實經歷千奇唔好幫襯

完全找不到這間店的電話號碼，我點了一個不辣的車仔麵外賣，點知回家後見到一碗辣的車仔麵，想打翻去店講翻，點知無任何聯絡電話。已經唔係第一次，所以大家記得睇住佢包外賣。。。。。。。。。。。。。。。。。。。。。。。。。。。。。。。

禾輋商場越黎越多新食店,今日同老婆阿仔黎試呢間剛開張不久的車仔麵店,呢度嘅選擇都算多, 份量大, 我地三人各自選了不同的配料,並且一致地選了清湯底.雖然係清湯底, 但食完碗麵都係有少少口渴.店裡面嘅姨姨幾好人. 我食呢碗. 加底之後的油麵份量超大, 要餓底先食得晒. 豬耳同豬皮都唔錯, 幾好食, 岩我口味. 但豬粉腸同豬頭肉就唔算好食了.老婆食呢碗. 薯粉好滑, 但本身冇味, 亦都冇吸味, 味道比較淡口, 如果選擇酸辣湯底會好味D. 本來預期酸齋會似某車仔麵店係脆身的, 但呢款不是. 幾款餸裡面最好味係牛舌, 鹹鹹地啖啖肉.阿仔自己tick左呢碗麵, 又蟹柳又腸仔又丸類, 小朋友嘅至愛. 佢食晒成碗, 食完就話好口渴好口渴.跟餐加8蚊

禾輋新開嘅車仔麵檔，佢哋總共有兩個選擇嘅，第一個選擇就係$38嘅四餸麵， 而另一個選擇就係任選嘅車面。我地簡左四餸面，喺四餸麵個選擇入面呢其中可以揀一個係貴啲嘅餸，而另外嗰三個餸啊就要喺下面第二部份選擇，點左魚肉，花膠，蒜香翼尖，豬紅，再加鴻仔辣汁，沙嗲汁，啲汁幾惹咪，個湯頭本身都有啲味，唔會無味，但加埋啲汁就更惹味，食材都好入味，不過翼尖唔夠蒜香，唔知係煮得唔夠耐定係放左落個面度沖淡左。另外加8蚊叫左杯鴛鴦，但無咩咖啡味，好重奶糖味，因為佢係樓面阿姐沖嘅嘢冇一個水吧師傅，最後要求要啲咖啡，佢俾多左少少，但始終好淡，呢方面有點不足，似乎加十蚊飲咸檸7仲好。整體以屋村車仔面檔黎講，算不過不失。