鴻圖樓

Open Now

Now Closed

今日又係觀塘做到夜一夜，到左晚飯時間想食餐好食嘅中菜，就諗返起上次食過好唔錯的鴻圖樓，就再黎食多次啦。香芋南瓜煲 $98芋頭同南瓜好冧糯綿密，椰香味十足，健康滿分。淮香生海蝦 $98海蝦新鮮，炸過連蝦殼都食得。蝦肉新鮮彈牙，仲有陣陣咸蛋香味，十分香口，送啤酒岩哂。上湯魚腐珍菌浸蘿蔔 $98魚湯味濃郁，奶白色好足料，蘿蔔鮮甜無渣，軟硬岩岩好，魚腐食落好似豆腐咁滑，索哂魚湯鮮味，真材實料。艇王酸菜魚 $168超級大碗，湯底偏酸唔會太辣，魚片切得夠薄，夠哂爽口，配料如大豆芽、木耳同薯粉都好夠多，索滿湯汁，超級惹味。客家扣肉煲 $98呢味經典小菜真係冇得輸，扣肉肥瘦分明，油香滿滿，入口即溶化，咸甜適中，送白飯簡直食到停唔到口。📌鴻圖樓地址：觀塘鴻圖道30號1-2樓🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐廳 #香港生活 #foodblogger #fo

✨ 間唔中想食吓中餐，今日同朋友專程嚟到觀塘「鴻圖閣」食中菜，酒樓位於鴻圖道外型非常搶眼，佔據1樓同2樓兩層位置，屬於舊式中式酒樓，裏面環境裝修新淨座位闊落。***** ***** ***** ***** ***** 荷芹炒油鴨片🐧荷勤代表荷蘭豆芹菜同油鴨肉炒埋一碟，屬於健康菜式。欖菜肉松四季豆🫛🫛🫛肉鬆味道非常豐富，配上四季豆，味道好夾。翠香黃金海蝦🦐🦐🦐黃金海蝦外面非常鬆脆，滿滿的鹹蛋香味渗入預計海蝦裏頭，送飯一流。最後驚喜仲有紅豆沙送上，紅豆沙不甜，粒粒紅豆非常分明，正👍🏻總括來說，小炒鑊氣夠，一定會再來。

之前第一次試覺得佢啲嘢食真係好正又有傳統感覺。但係近排諗住重拾滋味，食完卻不似預期。侍應服務整體係非常好嘅，但係點心感覺比之前有好大落差。唔知係咪換咗師傅⋯⋯今次食有啲失望。韭菜餃啲餡之前係包得滿滿嘅，今次好似少咗好多咁。牛柏葉碎上同埋太鹹。佢話蟹粉小籠包，但係食唔到蟹粉。個肚有都用咗好多芋頭嚟墊底當中最失望嘅係星洲炒米餅嘢都冇炒散到。老竇一來成嚿嘢剛剛好一碗仔。跟住老竇嗌多咗兩個點心棉花雞呢個都尚算正常。另外個南瓜糕都係一般般。不過另外叉燒麵雖然唔太肥，但係個份量都幾足。希望佢老細睇到呢個食評之後，可以了解下佢點心部嘅出品有幾唔得。

好熱鬧嘅酒樓！今晚同同事嚟食飯，試咗幾款小菜，味道唔錯，價錢都合理～菜脯肉鬆煎蛋角外皮金黃酥脆，內餡充滿香氣四溢的肉鬆和菜脯，每啖都能感受到鹹香的味道，十分適合作開胃小食香芋油鴨煲滋補暖胃的煲仔菜，選用嫩滑的鴨肉和香軟的香芋，熬製的湯底鮮美，味道濃郁。煲中的香芋吸收了肉汁的精華，整道菜品的口感更加豐富，特別適合秋冬天食😋京蔥爆肥牛肥牛為主料搭配香脆的京蔥好好味！牛肉鮮嫩多汁，蔥香四溢，味道鮮美，搭配白飯好好味😋

鴻圖樓响牛頭角已經有好多年歷史，簡直係觀塘牛頭角一個地標。今日有幸同朋友食個午飯，開開心心過一個週日！佢哋主力係小菜同點心，都有幾多選擇。太白醉翁鴿第一次食醉乳鴿，肉質鮮嫩，但酒味略淡，可以再濃啲，會仲正！鹹豬骨煲芥菜湯肥而不膩，營養價值豐富。黃金海蝦好欣賞呢一道菜，連殼都炸得脆卜卜，夠哂香口！欖菜肉松四季豆芳香撲鼻，欖菜很惹味，肉碎幼滑。 甜梅菜蝦乾蒸茄子好一道家鄉菜，蝦乾味道鮮甜。紅葱頭欖角骨煲啖啖肉，醃到入哂味！夠哂野味！

啱啱同朋友去完韓國旅行，好耐冇食中菜，老公同我去了觀塘呢間外型古色古香的酒樓食飯，看來幾有歷史。經理介紹了3款小菜，小菜非常唔錯。臘味炒豆苗豆苗好嫩，爽口冇渣，臘肉粒、臘腸粒及潤腸粒鋪滿豆苗之上，好邪惡，但真係超甘香，豆苗吸入臘味的油香。香芋南瓜煲 芋頭同南瓜大細同軟硬適中，食落好粉，夠哂熱度，個煲既汁用來佐飯都好合適，再加入冬菇同芹菜，成個煲好香。湘式辣子雞炸粉薄，雞肉連皮炸得好香脆，調味足，夠哂香辣，又充滿蒜香。唔會太油，雞粒細粒食落好滋味。酒樓三樓原來有麻雀打，d人打完或中場休息食完再打，好熱鬧。酒樓亦都有好多唔係打牌嘅客，經理好熱情介紹同我地傾偈，好有舊式酒樓傳統文化，好有人情味。

今日朋友約我過咗黎呢間老字號酒樓，點左幾款特色小菜，我地都係重口味代表，好鬼鍾意食酸菜，所以點咗兩款有酸菜的食物😋兩個食到飽一飽好滿足咁離開🥰酸菜魚酸菜魚份量超級大🤩魚肉鮮嫩，入口即化；魚肉的鮮香與酸菜的酸味相互融合，形成了一種獨特的風味，讓人感受到食材的鮮美和調味的巧妙搭配🤤🤤河塘畔水芹香以新鮮的水芹搭配蓮藕片及雲耳，清新爽口。水芹的香氣與脆嫩的口感相得益彰，讓人感受到自然的鮮味☺️客家酸菜大腸呢道菜是客家風味的代表，用了新鮮的大腸，搭配酸菜，味道獨特。酸菜的酸爽與大腸的融合，令整道菜的口感更加豐富，十分開胃。而且不僅保留了客家料理的傳統風味，還讓人感受到濃厚的家鄉情懷☺️📍鴻圖樓 (觀塘)觀塘鴻圖道30號1-2樓#酒樓 #經典酒樓 #人氣餐廳 #美食推薦 #鴻圖道 #鴻圖樓 #美食 #觀塘美食 #點心 #觀塘必去酒樓 #歷史悠久 #老字號 #dimsum #hightea #中式美食

住喺觀塘咁耐，都係第一次食呢間鴻圖樓☺️其實好耐之前已經俾佢座大樓吸引到🤩呢間酒樓雖然歷史悠久，但保養良好，但整體環境睇起來依然新穎舒適，令人感受到一種傳統與現代相結合的氛圍，非常適合與家人或朋友聚餐☺️蘇州甜酸肉呢道菜色澤誘人，外酥內嫩，搭配上酸甜的味道，讓人感受到濃郁的江南風味，十分開胃👍金沙海皇豆腐呢道菜以豆腐搭配新鮮的海鮮，口感嫩滑，咸香味十足😋金沙的風味讓整道菜更加香濃，豆腐吸收了海鮮的鮮味，讓人感受到海鮮的鮮味同豆腐的細膩🤤臘味粒扒豆苗呢道菜的口感非常好，臘味粒的香氣與豆苗的清新相結合，讓整道菜既有層次感又不失清爽。豆苗的鮮嫩與臘味的獨特風味相得益彰，讓人感受到健康與美味的完美平衡😻見佢哋燒味好似唔錯，下次點返碟食下先

今日同屋企人去咗牛頭角鴻圖樓飲茶🫖，一入到去好多人，不過就坐得有啲迫，但係酒樓就係要有咁樣嘅感覺，氣氛先好👍。✨鮑魚燒賣✨佢包得幾好，個皮冇爛晒，而且都幾多肉汁，呢個幾推介大家叫😍。炸兩腸粉上面有啲生菜舖面，賣相幾好。炸兩比較硬身，同腸粉加埋一齊就有唔同嘅口感🤩，豉油亦都唔會話太鹹啱啱好👍。乾炒牛河炒得幾乾身，唔錯，調味適中。奶黃馬拉糕有奶香🥛，幾鬆軟，不過有少少白糖糕嘅酸味，就扣左少少分🤏🏻。呢間酒樓星期日下晝喺工廠佢都算幾多人，應該都係街坊成日去嘅地方，一定係有信心嘅保證，推介一下。地址：觀塘鴻圖道30號1-2樓@鴻圖樓@chillchill_aloye#觀塘美食#飲茶

經常經過都好想飲下茶😌外觀好古息古香，大大個霓虹燈，俾佢外牆吸引📸🩷酒樓裝飾簡潔，點心多選擇👍🏻特蟹子燒賣皇（4粒） $35.8肉絲鮮嫩多汁，鋪滿晒蟹子，增添香氣👍🏻沾上辣椒醬，提升風味😋至尊蝦餃皇（4粒） $39.8蝦餃外皮一般，包住大大隻新鮮蝦仁，口感滑嫩，咬落食到蝦嘅鮮甜👍🏻山竹牛肉球 $27.8淡淡嘅牛肉香味，搭配埋爽脆馬蹄粒和清新芫荽，口感好嫩滑🙌🏻風味層次豐富蜜汁叉燒包 $27.8經典酒樓點心🤩外皮蓬鬆，一口咬到豬肉彈嫩口感，有蜜汁叉燒醬，鹹甜適中，美味好吃咸魚肉餅飯 $50大大塊肉餅香濃可口，咸魚嘅鹹香味可以再鹹少少🙌🏻米飯口感偏濕茶位 $12/人*+1服務費📍鴻圖樓觀塘鴻圖道30號1-2樓

舊式酒樓，餐堂光潔寬敞，冷氣十分足夠，大熱天時入內是絕對的享受！食物水準比預期好，大推客家扣肉煲，平常少點肥膩之物，今回勇敢試試即明白邪惡之物真是永遠美味的！扣肉是一層層肥瘦分明的，軟腍入味，不會過鹹。另一驚喜菜式是蜜椒薯仔牛柳粒，非常喜歡蜜甜的薯仔，炸得外脆內軟，配上蜜糖好美味！上湯魚腐珍菌浸蘿蔔絲是我喜愛的清淡之物，所以評價不會差，味道不錯，稍嫌湯底不夠清淡，偏油了少許。最後敬贈綠豆沙糖水，足料美味。必須讚服務，絕對值滿分！由經理到侍應到上菜員工都親切、有禮。晚一點有其他顧客入坐，見幾位的服務也是一流的，與顧客有傾有講十分融洽！

呢日黎到牛頭角呢一間鴻圖樓, 地下係茶餐廳, 去酒樓係有個側門位置可以搭LIFT或者行樓梯上去~ 我地叫左個蜜汁叉燒、一個客家扣肉煲、一個小炒黃牛肉、再加多碗白飯! 真係滿足到perfect! 蜜汁叉燒夠哂肥瘦相稱, 入口唔會覺得好油, 個汁唔會死甜, 同個叉燒好夾好好食! 客家扣肉煲入面好多梅菜, 同埋扣肉都係肥瘦相間, 好正! 夠哂好味! 梅菜扣肉真係撈飯係一流! 小炒黃牛肉夠哂獲氣, 食落一流超好味! 同埋佢都幾辣, 夠哂過癮!

-鴻圖樓 🍽️-太白醉翁鴿炸乳鴿/滷水乳鴿就成日見但醉乳鴿就比較少見同好特別！咁熱天氣食醉既凍乳鴿好開胃👍超入味但又唔會好搶😌-蓮藕煎肉餅勁香既煎肉餅！平時唔算太鐘意食蒸肉餅但煎香左再加爽口蓮藕粒好好味😋-干煸椰菜蝦米炒粉絲炒粉絲好惹味😍蝦米既香搭埋椰菜就好香😋-🌟評分:🏅🏅🏅🏅📍地址: 觀塘鴻圖道30號1-2樓-

今日同朋友去咗一間好有特色嘅茶樓，鴻圖樓。茶樓外觀好有懷舊情懷。我哋四個人叫咗六個餸，已經好夠飽。太白醉翁鴿（$88）：乳鴿啲皮好爽脆。帶着淡淡的酒香味。鹹豬骨煲芥菜（$98）：鹹豬骨好有肉香，肉質彈牙。芥菜唔會好苦。個湯呈奶白色，味道濃郁黃金海蝦（$98）：海蝦新鮮！鹹蛋黃好惹味。欖菜肉鬆四季豆（$85）：四季豆香甜。呢味餸撈飯一流紅蔥頭欖角骨煲（$88）：用紅蔥頭爆香，好惹味. 排骨肉質彈牙甜梅菜蝦乾蒸茄子（$78）：好懷舊嘅一款菜式。甜梅菜同埋蝦乾增添咗味道嘅層次。茄子林滑。

鴻圖樓重新裝修後，古色古香，屹立在觀塘工業區中，晚上亮了霓虹燈後，更顯特色，遠遠已望到，今日放工後即興去試試。❤️湘式辣子雞色香味俱全，辣椒、雞肉、腰果等完美地融合在一起，炒得乾身，有鑊氣而不肥膩，辣度適中，十分惹味。❤️上湯魚腐珍菌浸節瓜絲健康又美味的一道菜，用料十足，魚腐鮮甜，口感如豆腐般香滑，節瓜絲吸收了湯的精華，非常好味，我們連湯都飲埋，欲罷不能。❤️栗子滑雞煲熱騰騰的上桌，雞肉嫩滑入味，栗子炆到淋甜，二者配合得天衣無縫，令人食指大動。❤️沙薑凍豬手粒份量十足，夠曬入味，外皮爽滑，啖啖都充滿骨膠原，一試難忘。