紅磡冰室 (Closed)

喺尖沙咀聽完talk🗣見到附近有間紅磡冰室～幾年前食過下午茶🍵覺得ok～ 今次試下佢個宵夜套餐先🍲就試下個泰式豬頸肉🐽湯烏冬啦個烏冬一嚟到🤔個湯咁清嘅🤔泰式烏冬喎😐不過個樣唔緊要，最緊要好味～點知一食落去，個烏冬.......好難食😣唔想嘥嘢但真係食唔落去……試下佢個豬頸肉~可能豬頸肉加返d分呢🤔點知個豬頸肉好un😑好難先咬得開😐又冇乜味，一舊冇味但又un嘅豬頸肉……今次真係好失望😔不過值得一讚係啲侍應都幾好服務👍

今日抽起條筋出尖沙咀.一心想食放題.明明星期一啲放題都爆曬..行過呢間野.老公叫左食好多次架喇..好喇..今次食佢...晚餐74-92不等.有湯有小菜有飯有野飲..散叫小菜+$20都可變餐...裡面唔似一般餐廳迫迫共..好闊落.又乾淨..野食仲好大碟.！我地兩大一小.兩個晚餐加一個小菜..爆到呢..其實兩個晚餐都夠...真係三個小菜都冇挑剔架...係飲品差啲.湯就咸左啲...埋單仲冇加一..服務員又好人...有下次

近日睇Running Man發現連劉大神都幫襯紅磡冰室！😍 咁岩要去尖沙咀又諗唔到附近有咩好食 決定要入去嘆返個最愛既常餐！🤤 尖沙咀d路比較複雜難搵，但呢間分店非常大間，12點入去都好多位唔洗等雖然想試下劉大神食既抄河粉，但最後都係抵受唔住美食既誘惑叫左常餐B，蒜蓉包岩岩焗起非常香脆、炒蛋好滑、凍檸茶大大杯！😽最重點當然係瑞士雞翼撈公仔麵！ D汁既分量岩岩好，雞翼好野味加埋芝麻簡直係perfect match! 唯一要提大家既係，食完記得要抹嘴呀！xD

喺尖沙咀唔係食尖沙咀冰室而係紅磡冰室🙊聽講好多中國嘅旅客都會特登黎香港食紅磡冰室（其實宜家係咪唔興食翠華架喇？）去到之後 又真係好多中國人拎住個喼黎食平日中午 都要排一陣隊，但入面都幾多位 所以好快就有得入喇佢有個熒幕係show當日午餐係咩精選聽朋友講係日日唔同款，而且係超大份 平均五十幾蚊包熱飲.咁我又唔算好肚餓，所以就叫餐牌上面嘅常餐$44蚊有麵+包+蛋+熱飲我唔太記得佢每個category係有啲咩選擇（掛住食又唔記得左影啦！）但我就叫左個沙爹牛麵+蒜蓉包+炒蛋+熱菜蜜沙爹牛我覺得啲醬料咸左少少但蒜蓉包同炒蛋真係好正呀啲蒜蓉恰到好處 唔會太多/太少夠味之餘又唔會話食到個口有陣味炒蛋就炒得好滑 有牛奶嘅香味杯熱菜蜜我都略嫌甜左啲啲不過呢啲茶餐廳都係連鎖式其實同翠華個啲都係咁上下啦想食真懷舊風味嘅就要諗諗喇！

放工放得夜，同事話一齊食宵夜，跟住我哋一程的士就出咗去尖沙咀嘅呢間紅磡冰室，佢哋有宵夜餐價錢非常之抵，食物質素係Okay 架，而且D待應有時好搞笑😝其實我自己間中同啲畢弟都會嚟呢度食晚餐所以我咁清楚🤣🤣不過呢宵夜餐就第一次吃，而且我叫嘅呢個蟲草滑雞配白飯好有睇頭，有蟲草花之外，又有晤知咩菇🤣仲有黑木耳，仲有仲有去核紅棗👍🏻👍🏻👍🏻感覺好補咁而且D雞件好似有炒過咁之後再攞去蒸咁，好滋味😋我影唔切我同事D宵夜，不過我試左一啖肥牛湯烏冬嘅湯底都非常好味吖，下次可以order呢個

上星期三同老婆係朋友Gym房做完運動，做完運動梗係好肚餓啦，我冇乜意見問下老婆想食咩，佢開頭都係冇咩心水，我地行下行下就到左金馬倫道，依到眼見都好多食肆，不過可能已經好夜，好多食肆都就來關門打烊了，我話老婆我地都做完運動，仲食咁多好野，真係好難減肥喇，我地兩公婆把口冇時停，一有時間就周圍搵下邊到有好野食，食下食下就變到我兩公婆肥獅大隻，而家都知驚了，每星期三都去我朋友間Gym房道做下運動，我個朋友係個健身教練，我地減肥都指意佢架喇~我提議老婆，不如食茶餐廳丫，都咁夜啦，最緊要係快，於事我地見到間紅磡冰室，都晚上十點幾，都有咁多人，心諗應該一定有佢嘅魅力嘅~我地就叫左兩碟即炒野，老婆食鰻魚汁豬頸肉炒烏東，而我就叫左個炒貴勻，炒烏東一上枱就聞到陣陣香味，感覺好有獲氣呢，食落鰻魚汁帶香甜，烏東採用幼身的，食落口滑身兼且有點煙韌，很特別，豬頸肉十分爽而份量都很多，沒有油膩的感覺，不錯，不錯.最後我碟炒貴勻都到了，這碟炒貴勻仲不得了，香味撲鼻，咖哩粉香味充滿了我的嗅覺，食落有一點微辣，但十分野味，有雞肉，火腿，份量足料，河粉香滑而且獲氣十足，食食下我老婆都忍唔住飛象過河，分一杯羹，整體評價十分高

話說好多我本身既朋友都有follow我openrice啲食評，話我點解成日做完GYM走去食好西，咁咪會浪費晒做GYM既付出。唔知你哋有無我呢種奇異既思想，當辛苦咗咁耐，身體話比我聽佢需要食返啲好嘢去balance返。就係因為咁，做極都係咁肥。今次同埋做GYM朋友仔一齊去搵食，佢帶咗我同衰佬黎紅磡冰室，因為我哋仲想預埋時間玩Rummikub，特登搵返間坐得舒服啲同坐得耐啲既餐廳。由於我哋四個都高估咗自己既實。。食力，做咗一個超錯既決定，叫咗四個小菜。我哋叫咗沙爹粉絲金菇肥牛煲、海鮮花膠豆腐煲、士多啤梨骨、花膠野菌扒白菜。上菜時我真係好驚訝，碟碟小菜都好大碟，當下第一個反應就係食唔晒點算好。沙爹粉絲金菇肥牛煲－粉絲沾滿咗沙爹汁好惹味，拎黎配飯食啱啱好，中間仲有好多片肥牛，宜家睇住張相都飽飽哋。海鮮花膠豆腐煲－入面放咗好多料我記得有花膠、蝦、魷魚等等。由於太大碟食唔落，最後打包咗好多返屋企食呀。士多啤梨骨－幾有趣咁整咗幾片士多啤梨做伴碟，醬汁又酸又甜，非常開胃。花膠野菌扒白菜－花膠全部都大大片又多喎，太抵食啦。我哋食完就拎盒Rummikub出黎玩，啲侍應叔叔無叫我哋快啲走，仲走過黎八卦問我哋

好正呀返工lunch經過見到唔錯午餐常餐好抵食50蚊已經有熱飲有煎蛋同多士好味新鮮熱騰騰 正重點是個雞翼撈面有3隻好入面又大隻的雞翼再配合瑞士汁好夾值得推介下午食

有時候去尖沙咀剪完頭髮都會好餓,一個人我多數都係食茶餐廳,不過要搵價錢正常又好食gei真係好難,呢間係我成日都食gei餐廳.特別係下午茶宵夜真係好過某幾間連鎖茶餐廳架下午茶的話選擇都真係幾多元化,食多食少都有多款選擇,我揀左穩陣gei流心西多士~~~外表睇,佢同普通西多士無分別,但一切開D奶皇餡即刻流曬出黎,搞到我要快D食曬~不過個奶皇部分真心好味又唔會太甜,外層仲好脆~不過因為中間係流心奶黃,所有麵包扁左D朋友叫左個茄牛通常餐(其實自己超想叫)~精粹其實係個厚蒜蓉多士~蒜蓉烘過之後面頭脆脆地,牛油味都好濃,多士又做到軟熟口感,食多件都得!炒蛋不錯,蛋味好濃,但未夠滑通粉我覺得硬左少少,但湯底甜甜地好開胃,牛肉多多舊就正啦~~我幾欣賞佢上菜唔求其,有次我純粹叫個腸蛋通粉,佢條腸竟然咁花巧!唔怪得我等左咁耐,見佢咁gei設計,我接受XDD雖然只係腸仔,但煎過再咁切,條腸好彈牙~~但通粉都係略硬,我諗佢地係特別煮到呢個程度.睇落好似好少咁,原來食曬都幾飽,唯一可惜係常餐只有下午同宵夜有,大家要留意啦~~~

朝早10點幾條街冇邊幾間茶餐可以揀，見到個招牌似係港式茶餐廳就諗住入去試下，入去嗰時話兩位，以為冇咩特別，坐低之後就開始受罪。餐牌所有野都冇，得早餐，散叫啲野冇都唔緊要，係啲人啲態度好有問題。叫咗早餐，豪無特別，但態度可以話係差到無可再差，個中年肥侍應好似極度唔想你幫襯咁，語氣極差不特止，出張單係"劈"落你張枱，野食都係好大力好冇禮貌咁掉抵。呢間野明顯係唔想做香港人生意，個個口黑面黑冇禮貌冇家教。其實可以喺門口寫住"唔想做生意，請唔好入黎"算啦。

紅磡冰室有幾間分店，我以前幫趁過總店，覺得一般。經過尖沙咀這間分店，見網友的食評可算是好壞參半，便自己去試試。以同區來說，店內的面積頗大，因此坐得較舒適。早餐的價錢屬於中上，不過內容較為有特色。網友讚這裏的炒蛋，故我選了$35的B餐：金牌沙嗲牛肉配米粉、火腿炒蛋+牛油方包，餐飲要熱奶茶。先說食物。沙嗲牛肉米粉大大碟，米粉是用質地較幼的銀絲米粉；牛肉很大片，做得嫩滑和有肉味，但略嫌不夠鹹。沙嗲汁很深色，與其他茶記的沙嗲汁有點不同，味道不辣甚至有少少甜，可能配搭公仔麵會好吃點。那碟火腿炒蛋和方包，卻令我有驚喜。首先方包拿上手，已感到很鬆軟，軟的程度，是用來夾著炒蛋吃，也要戰戰兢兢才不會壓扁麵包，或者掉落了作餡料的炒蛋。而那些炒蛋，香濃嫩滑味道極佳，我覺得比澳牛的炒蛋還要好吃。原因是澳牛的炒蛋，比這裏多油，吃完了碟上留有油漬。再加上，這個炒蛋較澳牛的鹹一點，用來夾麵包吃就剛好，而那片火腿亦不鹹，伴著炒蛋吃亦甚配合。奶茶的茶味不算很濃，趁熱喝亦很順喉。總括來說，我對這裏的食物感到滿意，稍後會來試試，那個鮑汁花膠撈公仔麵常餐。至於網友說的服務差，我亦同意樓面伙計不算好客，笑容也是欠奉。但原來，人

無禮貌，無服務，不適合小朋友，吾當客人係人，只顧快。都吾知吔叫服務，重話係旅遊區，連高級經理都一丁點禮貌都無。我要自己攞餐具。食物質素又差，全部食物吾熱。集團經營都無管理，，

以往常到紅冰的黃埔分店幫襯，現在不再在紅磡讀書也會掛念那個常餐B。今日終於再有機會食到😂炒蛋一如以往的滑嫩，用叉潷起亦不會太散，充滿蛋香。蒜蓉包的蒜味不算濃烈，味道剛好。如果可以再烤得香脆一點就完美。以配菜來說算不錯😎主角瑞士雞翼撈丁的麵條沒有舊店的乾身，吃下有點黏感。每條麵條都掛有瑞士汁，而味道亦算足夠。3隻中size雞翼都夠味，但偏乾，肉質不太嫩滑。奶油酥咬下香脆，與煉奶是絕配。份量亦剛好，唯側邊位較少煉奶，如搽得均衡點或能倒一點在表面上更好😋整體而言是有舊店的味道，但質素有上升的空間。價錢方面不算便宜，與食物質素成正比。作為紅冰fan，已經好期待下一個的紅冰常餐😍

自從開將以來，呢度就變左我地既飯堂，由其係晚餐，一諗唔到食乜就一定黎呢度，地方大，又多卡位，又唔趕客，最重要碟頭大，餸菜份量，絕對唔少家，就算加$20既油菜都大大碟。每晚有不同小菜套餐，有湯有飯有飲品。我最鍾意食佢地既咕嚕肉，醬汁甜酸平均，外脆，熱辣辣，另外，就係佢地個蒸倉魚，建議一坐低就先點，因為即叫即正，大概20至30分鐘。佢地既炒粉面飯，份量絕對唔少野，千祈咪叫咁多呀一般夜晚7點左右開始滿座，所以要食就早少少。

紅磡冰室，第一時間聯想到應該是位於紅磡。除了紅磡有店外，其分店也遍佈港九。幾年前曾在紅磡店吃過，極多人推介的瑞士雞翼撈丁、炒蛋多士，確是不錯的。進駐了尖沙咀，餐廳面積很大，裝潢時尚，座位全是卡位，坐得舒服。看到常餐有蕃茄牛通、瑞士雞翼撈丁外，還有花膠撈丁 (因已很久沒吃，不知道常餐有更新)價錢只需$49!! 內心沒有太期望有很多花膠。一看到，真是有點驚訝，是有三塊頗長的鮑魚汁花膠。花膠口感軟硬適中，醬汁就沒什麼特色，純粹為了公仔麵不會太乾。炒蛋多士是先到的，但想先吃撈麵，所以放到最後才吃，結果炒蛋開始出水。整體而言，有蛋味、很滑嫩。身為蛋控，以高質的炒蛋作這餐的終結，很滿足可惜的是 — 常餐只供應至晚上6時。晚上想吃的話，只能從照片中回味。