紅磡冰室 (Closed)

話說好多我本身既朋友都有follow我openrice啲食評，話我點解成日做完GYM走去食好西，咁咪會浪費晒做GYM既付出。唔知你哋有無我呢種奇異既思想，當辛苦咗咁耐，身體話比我聽佢需要食返啲好嘢去balance返。就係因為咁，做極都係咁肥。今次同埋做GYM朋友仔一齊去搵食，佢帶咗我同衰佬黎紅磡冰室，因為我哋仲想預埋時間玩Rummikub，特登搵返間坐得舒服啲同坐得耐啲既餐廳。由於我哋四個都高估咗自己既實。。食力，做咗一個超錯既決定，叫咗四個小菜。我哋叫咗沙爹粉絲金菇肥牛煲、海鮮花膠豆腐煲、士多啤梨骨、花膠野菌扒白菜。上菜時我真係好驚訝，碟碟小菜都好大碟，當下第一個反應就係食唔晒點算好。沙爹粉絲金菇肥牛煲－粉絲沾滿咗沙爹汁好惹味，拎黎配飯食啱啱好，中間仲有好多片肥牛，宜家睇住張相都飽飽哋。海鮮花膠豆腐煲－入面放咗好多料我記得有花膠、蝦、魷魚等等。由於太大碟食唔落，最後打包咗好多返屋企食呀。士多啤梨骨－幾有趣咁整咗幾片士多啤梨做伴碟，醬汁又酸又甜，非常開胃。花膠野菌扒白菜－花膠全部都大大片又多喎，太抵食啦。我哋食完就拎盒Rummikub出黎玩，啲侍應叔叔無叫我哋快啲走，仲走過黎八卦問我哋