紅磡冰室 (Closed)

當你諗吾到食乜，常餐是必點而包無死的套餐今日，我點了 常餐B $52（煎豬扒撈公仔麵）+ 炒蛋+牛油多士侍應一送到來，見到豬扒又厚切又大，大到覆蓋整個碟，我好驚覺得點食？實好硬點知食落口，好軟，肉質非常嫩和 juicy,成塊都吾硬而公仔麵是瑞士汁味道，微甜味驚喜度100%炒蛋多士都非常出色蛋炒得嫩滑，完成不會過熟。而且份量都好多。牛油多士有兩件，熱烘烘牛油沾滿整片香脆多士，建議一上台要即食啦。最後，點小得一杯 回魂奶茶☕️

食飯時間有好多人喺度排隊所以我都排埋一份大概排左10分鐘左右就有得入去坐低呢度每日都有唔同餐單都幾多選擇不過呢度啲飯冇想像中咁熱同埋呢度啲冷氣好凍總體來講都尚算OK

本來去厚福街想打邊爐點知有排等, 嬲嬲地就行去搵下有無咩岩食, 2個人竟然突然求求其其入間茶仔食晚飯入到去見隔離叫左既野都對辦, 所以我地就只叫晚餐既西蘭花魚塊和沙爹金菇肥牛煲, 包了中湯, 白飯同飲品~等左陣點知先上左個我地無叫到的尖椒炒雞柳, 見到個樣炒得好有鑊氣好吸引, 不過老公唔岩食, 同侍應哥講完, 原來我地叫D餐佢聽錯左B餐, 佢即時唔好意思前, 唔好意思後, 又無叫我地要左佢... 轉頭仲聽到佢地同事有禮地講Sorry自己聽錯落錯單, 茶仔來說都少見~因為價錢唔同, 佢改返張單比我地時又再同我地say sorry, 嘩~ 禮多人不怪?!西蘭花魚塊和沙爹金菇肥牛煲都分量十足! 西蘭花魚塊有點油但好味的, 魚係實的的~, 沙爹金菇肥牛煲味剛好, 唔會太咸, 粉絲多我鍾意, 但太濕了唔覺意叫左black coffee, 嘩~ 苦濃到一個點, 不過都ok的因為無我dislike的酸味呢~

鬧市中的茶餐廳喺紅磡冰室食早餐算係一種奢侈的選擇。A餐：$34鮑絲火腿絲公仔麵：麵底中等，唔會太硬/淋，加埋雙絲既味道唔錯炒蛋：熟得黎有少少生既炒蛋，但我個人比較鍾意熟透厚身既炒蛋厚多士：外脆內軟，不錯！嫌佢俾得少牛油C餐：$36豆卜蕃茄芝士通粉：蕃茄味非常濃郁，不過唔知點解加左豆卜，成件事油左好多奶油牛角酥：最正係呢個，夠熱，奶油味重，好香口環境幾好，好多卡位，坐得好舒服。不過侍應既態度真係麻麻，會呼喝顧客

又到每星期要上課的一晚，喺附近找間茶餐廳填飽個肚才作戰。今次來到這冰室，本來期望有甚麼驚喜，只求普通一頓晚餐，估唔到......時間尚早唔多人，入內找到二人卡位，我一個人坐下也ok吧，掙扎咗一輪，想食炒飯也想食炒粉麵，最終揀咗香港人最邪惡的乾炒牛河，加$6有熱飲。呢個牛河即叫即炒，好香好香好香，驚喜係勁大碟，廚師一啲都唔吝嗇，牛肉份量都好多，河粉炒得唔算肥。牛肉有口感得嚟唔會韌，且好入味，只係有一兩件有筋，表現屬中上水準，一口氣食晒，正！跟住要評一評個熱奶茶，唔落糖試下個真味，茶夠濃，奶夠香，不錯不錯。以咁嘅價錢喺尖沙咀吃到一餐美味的晚膳已經好滿意啦。

我同老婆經常都係度食早餐，佢每次都嗌奶油酥，因為佢話呢一度嘅奶油酥係冰室入邊最好食嘅其中之一，而佢喺紅磡嗰間分店嘅奶油酥就冇尖沙咀呢間咁好食，但係呢度啲杯杯碟碟呢經常都係爛嘅，不過啲職員服務態度真係好，保返數啦！我就有時食多啲魚樓或者係豬扒通粉，個豬扒就冇以前咁大份細左好多，魚柳就一時好一時唔好。佢哋仲係要佢哋嘅奶茶普普通通，其實下午茶嘅鮑魚汁雞翼撈麵都唔錯，只係有一啲油膩，反而茶餐廳最常見嘅沙嗲牛肉麵，呢度個水平真係太普通啦。

尖沙咀金馬倫道開了幾間新餐廳， 今日試咗其中一間紅磡冰室的下午茶。雖然是平日下午茶時間，但差不多滿坐， 幸好我們還找到一個卡位， 三個人坐都不算迫。下午茶餐都有多款選擇。夏威夷豬扒菠蘿包($36)。 菠蘿包份量正常， 豬扒厚切， 中間居然夾著一塊幾厚身的菠蘿， 而且還微微燒過。 菠蘿皮微脆，豬扒都算幾有肉汁，加上菠蘿的甜甜酸酸，味道不錯。咸牛肉炒蛋潛艇 ($36)這個潛艇普普通通， 炒蛋都算滑。蒜蓉多士 ($29)一塊厚多士， 蒜蓉醬不夠， 味道一般。飲品，奶茶咖啡正常。總結，食物普通， 服務一般，菠蘿包可一試。

早幾個星期其實已經吃過一次紅冰，但朋友們又想吃，所以就陪他們再吃了一次。繼續是常餐的雞翼撈丁。雞翼繼續是不夠入味，但外皮味道餐還不錯的。撈丁軟硬適中，但可能有會有點乾。滑蛋和蒜蓉包依然在水準之上。

依間茶記都唔多洗介紹係其中一間由細鋪發展到連鎖既茶記 水準有番咁上下-常餐B 瑞士雞翼撈公仔麵 $50瑞士雞翼煮得入味 除左雞皮有瑞士汁既味道之外 雞肉食得出係有調味 食落唔會好似冰鮮雞咁淡而無味 公仔麵都係用番茶記用開既大光麵 煮既時間適中 幾彈牙 配埋瑞士汁非常惹味-常餐B 香煎豬扒撈公仔麵 $50豬扒煎得好香 唔會太多油 口感比較冧 咬落去啲豬肉唔會zip落牙縫到 豬扒夠曬大塊 公仔麵同樣都係落瑞士汁去撈-兩個餐都會配番飲品、多士&煎雙蛋或者炒蛋多士冇乜特別 中等水平 烘得算脆但略嫌牛油唔太夠 煎雙蛋係普通太陽蛋 算係交到貨 炒蛋幾滑 如果可以再嫩啲就剛剛好飲品叫左杯熱茶走黎嗒下 煉奶落得唔夠多 茶底亦都唔夠香 飲品既話都係飲番佢地出名既冰室特飲就好了

平時對啲茶餐廳都冇乜期望但今次食過真係番尋味第一次食同一大班人食每個人都食唔同嘅餸 可以大家一齊開心share最令我深刻嘅係肥牛粉絲bo啲汁夠多夠撈飯肥午又惹味 啲金菇亦都索曬啲汁成碟餸都令我好深刻第一次對港式菜餚咁有感覺係好食嘅

由於要去紅館睇演唱會,所以係附近搵啲野食咁岩經過紅磡冰室,又未食過,所以心思思走入去試下睇到晚餐既餐牌都唔平,而我地又唔太肚餓,望到隔離左右食緊既份量,最後由老公揸主意去一齊叫一樣野食鮮鳳梨生炒骨 - 用鮮菠蘿去炒,我膽老公都鍾意新鮮野,所以覺得菠蘿好好味 生炒骨都唔太差,粉唔算多,味道都okay餐湯 - 呢個係似落左好多水而且加左好多black pepper 既蘿蔔湯 好難飲...白飯 - 跟餐,都幾大碗!兩個唔肚餓既人係絕對夠食總結:職員 - 服務態度有待改善食物 - 還可以地方 - 都幾污糟

今日經過tst, 經過嚟間食个便飯算，叫落單扮睇吾到，所有伙計集中單邊場，要大聲，先死過來，西口西臉都算，下单時都末講完就想走，上菜時掉碟。條pk穿便裝，是主管吧。 服務垃圾到不行。正義燃吾好同我講咩"畀幾廿蚊要求多多，上酒店食lo" 這類癈話。連基本禮貌都無，食物質素再好都無用。更何況食物更本是普通到不行。50幾60一个餐。在tst來算 預左。無expectation但d垃圾服務， 畀多佢地。 我不是5星酒店服務。只是基本待客態度便行

今日點左個早餐A,個女夥計送到埋嚟嘅時候佢啲假甲插在入通粉到，我話靚女，你d指甲插咗入 通粉度（我講說話系用平靜的態度），佢話冇呀唔係點攞呀！我心諗喂你兩隻手指濕曬啦五知以為你系加滕英個妹態度超差，其實係好小嘅事你少同我講聲唔好意思換過碗俾你咪得囉！個條女走左去冇理我。我將情形話俾另一個伙計聼，佢就黑面然後無答我換左碗俾我，我食下食下都五敢食，我又無鬧佢地但佢地d態度超差!我明白有時候很急出餐會有咁嘅情況發生，解決方法有好多：換過碗，假甲五好整咁長或戴手套。我知道好多麻煩客但伙計或打工仔可以拿住橫掂都要做，點解五做得開心d，開心時間快過d，但我相信太多數系家庭教育的問題（不一定父母受過教育而系父母點教小朋友禮貌，家教，待人處事的態度）成曰西口西面工作咁長時間，負能量咁多點有好運行！常常歡笑用善心侍人一定改變負能量的世界

有時唔知食咩好就是但係街搵間茶記或者冰室食，快靚正！晚市尼間冰室都多人，但好彩同朋友岩岩到戈陣就有台，唔洗等！食物種類都多，價錢黎講係尖沙咀食冰室都係咁上下，70-80蚊一個餐咁，包一碗白飯、例湯同一杯飲品，都唔算貴！今次叫戈3個餸都等左陣，上台戈陣好新鮮。個菜心牛肉既菜心完全冇煮到老晒，唔錯唔錯！

午市時間，行經尖沙咀金馬倫道，必定見到紅磡冰室外有一條小小的人龍排隊，今日終於的起心肝排隊，試一試究竟有幾好吃。紅磡冰室午餐的選擇頗多，有六款，包括印尼炒飯、沙嗲肥牛炒河、栗米豬扒飯、土魷蒸肉餅、黑椒牛柳腸仔飯和葡汁雞皇飯，各種各類型的東西都有，價錢只不過是五十多元，最後點了黑椒牛柳腸仔飯。這個飯的份量十分大，牛柳有五塊、腸仔有兩條，相信大胃王都可以吃得飽，至於味道，比一般茶餐廳好得多，至少牛柳不會有鬆肉粉味。