紅磡冰室 (Closed)

星期六收工後，逛街前，先吃個下午茶。經過見到紅磡冰室，就試下吧。不抱太大期望，反而有驚喜。餐室沒有爆滿，但也不少人。上下兩層，我們在樓下找了位卡位坐，頗寬敞舒服。男友吃了午飯，所以兩人叫一個餐吃。炸魚沙律 - 可選薯仔沙律或脆薯，因為男友喉嚨痛，所以選了沙律。用的是蛋黃醬，本人不太喜歡，還是普通沙律醬、千島、黑醋等好味些。不過炸魚真的很讚！香脆可口，又juicy！推薦！凍檸茶都是正常質素。下次過來，可再光顧。

今天來到吃個早餐及叫了一杯熱奶茶。我沒有什麼特別期望，因為諗住食個早餐就返工。但等了差不多15分鐘，連一杯熱奶茶都沒有送上來，我問亞姐麻煩跟下張單，她只是黑口黑面望一下張單就走開，並不見她行過去水吧溝通，如是者，5分鐘又過去了，還是沒有東西來！我再叫另一位亞姐跟單，態度一樣衰，但只少有過去水吧望一望。到最後等了共30分鐘才上來一杯熱奶茶！大佬呀，你d嘢並唔係好食到要人用成個鐘去等囉，伙記完全唔掂，唔知做乜！周圍都係茶餐廳，你以為自己係咩呀！以後唔會幫襯！

紅磡冰室既瑞士雞翼公仔麵一向係必點既，今日放工餓餓地就想食公仔麵放縱一下啦～坐到入去先發現晚市係冇既😭😭 心灰意冷的我們點了黑椒牛肉炒意粉但係好好驚喜！黑椒味好突出，而且幾辣下😛茶餐廳炒得又夠鑊氣喎🤪辣得好過癮咁辣緊係叫返杯紅豆冰降降温啦🙉💕我真係太鍾意飲紅豆冰...呢度既紅豆冰一飲落去好濃淡奶味，我經常會有咁咁上下凍就拎走啲冰，唔會整到淡哂😄！紅豆比較難大粒，用匙更先食到🤪豬扒既炸到少脆，但炸粉唔厚架！底有白菜冇heavy 但食得耐會乾左少少，始終佢冇汁既😋茶餐廳份量不能睇少，意粉好似平時食量既2倍！ 細食既人記得叫少意或者打包喇~

今晚早左放工，剛好朋友過黎灣仔揾我吹水，因為佢已經食飽飯，所以佢提議去紅磡冰室飲杯野吹下水。人客不算多，揀左個卡位坐低，朋友點左杯凍奶茶，小菜晚餐有6，7個選擇，最後我點左Xo醬京葱炒肥牛，因為牛肉是我的至愛晚餐仲包一個白飯，例湯同飲品。首先上枱是2杯凍飲，然後到例湯，湯味道也不錯，不過不是很熱。過了大約十分鐘，主菜終於來了，Xo醬帶點微辣，十分惹味，但京葱份量頗多，肥牛份量卻很少，肥牛炒得剛剛好，不會炒得過熟變得太靱。食完飯，吹多陣就各自歸家

昨天共2人去Tea.店內壞冷氣無開咗一樓。碰巧見到另外一位朋友用餐正想“搭枱”:店員諸多藉口/理由拒絕……點餐後送錯餐又諸多理由死撐……再跟其他朋友傾訴後，才知這店家的多個分店也是有類似的服務問題……真真係後悔點解嗰陣時候唔錄影或者係錄音錄低當時嘅情況……

今日午飯食紅磡冰室，叫咗個常餐食，常餐加飲品，$48，好抵食。番茄牛肉通粉，番茄味濃，入面仲有番茄🍅，唔會太酸，好適中。而牛肉都好滑。蒜蓉多士好正，個人好中意，蒜味好香，而且好均勻分布於面包上，啖啖都食到蒜蓉😋。太陽蛋煎得啱啱好，蛋黃係流心狀態。整體而言，份量大，食物質素不錯，且價錢相宜，扺食之選😋。

之前都嚟食過早餐。 味道唔錯。 環境都幾好， 所以決定再嚟幫襯。今日揀咗黑松露炒蛋餐。 好香黑松露味嘅炒蛋。法式麵包查咗牛油都幾好味。奶茶味道香濃。食物味道整體 都唔錯。不過只係有炒蛋一塊火腿一塊麵包，可能會比較單調。如果可以再加一條香腸或者唔餐肉豬扒等等。 可能會更加滿足由於餐廳入邊侍應數目都多，服務都唔錯。冰室入邊亦都有好多卡位可以選擇。地方 寬敞， 所以即使生意非常好， 都唔使等位， 每次都係一個人嚟食，暫時冇試過要我同其他人搭枱。之前亦都有試過佢嘅茄汁肉碎通粉。或者係加左煉奶嘅牛角酥。兩種食物都非常之好味。 值得一試。

Lunch時間想食常餐，就黎再食。叫左炒蛋蒜蓉包配沙嗲牛肉麵。蒜蓉包系厚多士，但佢兩邊都有搽蒜蓉牛油，超香，好好食。個炒蛋有奶味好滑，夾包一齊食系絕配。沙嗲牛肉麵味道ok，牛肉都唔少，會再黎食。

最近愈開愈多冰室，今日途經灣仔，剛好見到呢間紅磡冰室分店，見唔駛排隊便入去試下，一開門，店員好醒目即刻招呼我，剛好有張2人枱，唔駛同人搭枱。menu菜式選擇頗多，我揀了下午茶餐，冰室粗炒和凍檸茶。唔駛5分鐘，檸茶先上，檸茶茶味濃郁，今日天氣咁熱，飲一啖即刻透心涼。再等了10分鐘，粗炒終於來了，雖然是下午茶，但份量頗細。同隔離枱下午茶餐星洲炒米份量相差一半材料有椰菜，木耳，肉絲，一入口覺得好咸，㕑房重手左好多呢!結果食左一半便放棄了。

查實我都係黎食下午茶，但呢個份量我堅覺得唔係下午茶囉！就想睇唔似咁大碟，但真係超大份量一個人真係食唔哂，我諗一個男人都未必食得哂，除非佢超肚餓或者超大食。唔想浪費食物，所以同哥仔要左個盒。成碟飯我只食左一半咋，另一半拎返屋企啦。呢碟飯，都係46蚊。如果正價，應該六七十蚊。哥仔笑話：抵啦！一餐當兩餐食。的確係呀！同埋炒得幾好食。基本上炒飯好難會難食。

今早食早餐,一坐落坐位,有一位女伙記(此伙記在這餐廳已做了一段時間)好沒有禮貌地執拾枱面,然後我們打算點餐,舉手示意,但她們見到,但沒有任何回應,她們只企係Bar 面傾計,然後有位男伙記走來幫我寫單,但一邊寫單一邊說他剛剛隻手好忙怎樣寫單,然後他行開了去Bar 面,但他仍不斷大大說隻手好忙點寫單呀!重複又重複,好似怕我聽不到咁!跟住之前哪個女伙記又講埋一份!然後見到她們企晒係Bar 面傾計,其他食客有些舉手叫餐都沒有伙記理會,我不會再想幫親了,伙記服務十分差 !!

紅冰係我大學時最鐘意食既冰室！而銅鑼灣有分店真係Perfect，唔洗入返紅磡先有得食。我平日Lunch time時間去，早過一點都唔係好洗排隊，之後就見人龍，但見都唔洗等好耐就有位。一黎到都係例牌食常餐B，瑞士雞翼撈公仔麵、炒蛋同蒜蓉包，如果個日太肚餓，加錢轉埋奶油酥都好正。首先佢個公仔麵唔會淋、好煙韌，好岩我口味，雞翼亦煮得夠入味。而個炒蛋都真係好滑，又大份！個蒜蓉包就唔洗講，又夠厚同好香！就算每次黎到食埋同一樣既餐，都唔會厭。如果公司附近有就好喇，一定一星期食一次！

我也偶爾去食下，因為近工作地方，初次印象食物是可以的，但久而久之食物質素開始下降，不單是這樣，近鵝頸橋那間冰室外女性服務員，招呼太差，黑口黑面，叫來叫去也不理你，就算回應也很敷衍，如果你忍多到的話，可以試試！自己的感覺，早、午、晚三餐我都有食過，我應為早餐比較好d，它的㕌多士好食，沙爹牛肉麵也不錯，其他一般，午餐時間又於太多人排隊，食物質素不可能太好，所以午餐我覺得麻麻晚餐很多選擇，但我覺得抄小菜及抄粉麵用了太多油

今天星期六早上去了這間茶餐廳吃早餐。坐下叫了餐肉蛋公仔麵加咖啡。坐了20分鐘碗麵仍未到。要求伙記跟進了兩次，亦只推說那餐肉因為厚所以需時處理，最後等了接近半小時才有得吃。眼見一些顧客都有類似問題。當時座位9成坐滿，但伙記已說廚房不勝負荷，而那餐肉蛋麵之質素亦一般。做茶餐廳除了食物質素外，最重要是時間處理，若煑一碗質素普通的公仔麵需要30分鐘，那証明廚房流程有問題，或人手不足，極需改善。我不會再去了。

我好鍾意食茶記，好同差嘅我都食過好多，紅磡冰室算係其中一間我覺好食，中上水準。佢其他紅磡分店我都未食過，因為比較少去果頭，呢間係銅鑼灣開左無耐，我第一次食完之後都不停再黎，茶餐做得唔錯嘅，炒粉麵飯都高質，野食大碟，係抵食嘅。今日lunch就叫左個茶餐，女朋友就食午餐，茶餐佢有4款，呢款係叉燒通，就配多士蛋，叉燒唔錯，肉諗，半肥瘦，份量都夠。多士呢到做得幾好，好脆，奶茶都屬中上水準，味道次次都一樣，水吧手勢好穩定。不過個肥牛炒飯今日就麻麻，唔夠熱。