紅磡冰室 (Closed)

晚上踢波前，匆匆找東西吃，經過這間冰室，裝修外觀很好。常餐不是全時間供應，至18:30，晚餐全是飯，所以單叫了xo醬乾炒豬頸肉公仔麵，$63。 分量很多很多，好像用了兩個公仔麵， 豬頸肉可以接受，公仔麵和醬汁很鹹很鹹很鹹， 要重複三次因為真的很鹹，鹹到要叫杯凍檸茶，抒發一下情感，凍飲加$9。吃了大半碟走人。

日期：9月26日人數：3人呢日打算同同事去銅鑼灣食午飯，但因為途中巴士太塞車，所以喺半路中途落咗車，來到灣仔同銅鑼灣之間嘅紅磡冰室食午餐。入到去剛好仲有張四人枱，我哋啱啱好坐埋入去。作為冰室，餐廳當然提供好多選擇啦。常餐午餐炒粉麵飯應有盡有。同事選擇咗蠔仔泡飯午餐，同埋炒粉麵，而我就睇中左蘿蔔牛腩飯。冰室比起一般茶餐廳，喺細節嘅處理上係做得好一點。蘿蔔切晒一嚿嚿，剛好一口一件。牛腩炆得夠入味，亦都夠腍。仲有幾舊牛筋，同樣都係好腍的。汁都好送得飯。環境方面，始終都係冰室，座位都算寬敞衛生。服務水平都係正常。餐廳就係軒尼詩道，所以交通尚算方便。一個午餐都要$60左右，價錢方面其實唔平，比起連鎖快餐店都要貴。雖然相對來講味道會好食少少，但抵唔抵食就真係見仁見智了。

現在百物騰貴，舖租、食材、人工……要經營食肆，一點都不容易。所以，今天來到銅鑼灣鬧市｢紅磡冰室｣，六十、七十元的午餐，大大碟，簡直是童叟無欺！我叫了方魚肉碎湯飯：我不知道今天午餐，就是方魚肉碎湯飯。本來是散叫的，但是店員提醒我，有午餐，我可以多一個餐飲……店員真老實！！湯飯好大碗，唯一美中不足的是，肉碎是半肥瘦豬肉，肥的部分，肥豬肉粒粒全部浮面 。不過湯頭很甜，冬瓜粒湯飯好清新。Honey就叫了乾炒牛河：正常貨色，好多牛肉，不太油膩，好大碟！不過，Honey說他叫｢央走｣，就不夠滑，茶有點｢鞋｣。

今日行過灣仔，順便食個下午茶，見到呢間紅磡冰室，見到人不多便入去試下，呢輪成日食常餐（炒蛋+公仔麵+多士），所以今日想試下其他，揀左個鴛鴦炒飯，因為巳經好耐無食過，另外再點左杯凍檸茶,5分鐘左右，炒飯到了，一邊紅色蕃茄汁配雞絲，另一邊白汁配蝦球，蝦球有3件，彈牙爽口，白汁味道麻麻，紅色蕃茄汁個邊，雞絲夠滑，加上甜甜酸酸慨蕃茄汁，味道還可以，可惜炒飯份量太少，而且炒飯好硬，好似生米一樣，冇蛋香，d汁多到好似食湯飯咁，失敗!食左大半放棄左.

叫咗一份瑞士雞翼撈丁餐，配有一份多士同埋炒滑蛋，滑蛋嘅份量非常之多估計應該有兩隻蛋喺入面。多士不過不失，值得一讚嘅係公仔麵嘅味道唔會太鹹，味道剛剛好，雞翼非常入味，值得一試。

「我唔需要你喇！」呢句說話痕痕的插入我心，流血不止。我真的十分痛，百分痛，千分痛，萬分痛。我可以努力游水，嘗試吾去諗。游緊果陣可以吾諗，咁游完呢？都係要諗！但此刻卻已經太攰太肚餓！別人不再需要你，甚至自己最後失去愛情，但總需要生活下去！肚餓總得吃點東西！現在已經夜深，或許吃點自己喜愛的東西，會開心一點。我走入了「紅磡冰室」，看到宵夜餐牌，點了豉椒牛肉炒河配凍檸茶。宵夜黎講，份量十足喔！河粉好爽口，醬汁香濃。超多牛肉！嘆埋凍檸茶，好似開心咗d了。食完一餐飯，開心過後，又可以點？別人不需你！唉！你總得走下去！

今日去灣仔行街，順便食過下午茶，見到有間茶餐廳，門面幾吸引，所以走左入去試下。我點了下午茶餐，夏威夷豬扒菠蘿包。菠蘿包內夾著豬扒和一塊真菠蘿，大大份，外表相當吸引。味道如何？要試過先知。菠蘿包加豬扒非常好食，豬扒夠腍易嚼，配上菠蘿包很有特色。不過，我建議不用加上一塊真菠蘿，因為醬汁用了沙律醬，再加菠蘿會有少少 over 左。雖然麥記有類似的包款，但麥記用炸蝦，配菠蘿就剛好，配豬扒就可以不用了。奶茶味道正常，一般茶餐廳的水準，也算不錯。成個下午茶餐盛惠 $36, 好抵食，而且幾好食。

這家紅磡冰室，位置銅鑼灣與灣仔之間，亦鄰近巴士站和地鐵站，故位置方便，相約朋友聚會，也是理想之選。今天晚餐，點了蒸魚套餐，選擇了豉汁清蒸。朋友比我早到，他的時間允許，點了下午餐，故晚餐，只有我個人享用。套餐包括：蒸魚、老火湯、飲品、白米飯。加$22，可多配一碟清菜，我選了灼生菜。老火湯，火喉十足，味道很好，但忘記拍照。灼生菜，份量很足（照片是吃了一點，才想起拍照），簡單的烹調手法，只是白灼，全靠豉油帶出味道。豉汁蒸魚，他們的豉汁與外間不同，屬於特別配方，有乾蔥頭，把味道帶出來，一級棒。凍檸茶，有茶香味，有水準的冰室。

20190614 lunch @ Wan Chai 今日過開黎灣仔做嘢，朝早食咗早餐唔係好肚餓，但又有啲想食嘢，行過呢間紅磡冰室，見到啱啱過咗食飯時間冇咩人排隊走入黎叫咗個常餐 （花膠撈公仔麵+多士+煎蛋+熱檸茶）$40幾蚊埋單 ，幾抵食 有誠意花膠有兩舊， 多士好脆身抵食夾大份

午餐唻講，紅磡冰室都算受歡迎👍🏻有女士最喜愛嘅常餐，又有男士鍾意嘅炒粉麵飯/碟頭飯。份量多又抵食，一定夠飽！今日叫咗午餐嘅牛肉炒麵，麵底夠熱夠脆，非常出色！

🥣 瑞士汁雞翼撈公仔麵 HK$48配 厚蒜蓉包 炒蛋 飲品佢雞翼瑞士汁味道幾重，而且好淋，公仔麵都會有啲瑞士汁嘅味道，如果多啲就正啦。比較特別應該係個厚蒜蓉包，睇相都覺得厚，不過包厚得黎唔會好soft。雖然無飛邊，但個邊都唔硬，同平時嘅茶餐廳多士好唔一樣。

星期日下午茶時段同朋友叫左，兩個菠蘿包豬扒包餐，兩個餐同時間上枱，離奇地，一個係脆面，另一個就好似隔夜咁，一D脆面都冇，菠蘿包由細食到大，都冇見過咁頹嘅！叫職員來想佢換走個頹廢包，結果，3-4個待應走來圍住我地張枱，其中一個不禮貌地話「換過比你都可能係一樣㗎喇，你o唔ok？」 其實，你係覺得比d咁嘅野客人食，係ok嘅？仲恐嚇我地換=唔換，又係啱嘅？ 而家咁多餐廳做菠蘿包豬扒包，真係未見識過咁差嘅， 話哂呢間餐廳坐立灣仔銅鑼灣做得遊客生意，好心比d水準嚟睇下喇！ 無謂做衰港人嘅集體回憶啦！ 唉～

今日同同事一齊出左銅鑼灣做野，做完野都要食番個Lunch，就選擇了入去紅磡冰室試試入到去見到好多人都食撈麵，我同同事都直接睇左落去撈麵系統了，但睇番常餐/特餐其實都有不少的選擇如：叉燒通粉、沙嗲牛肉麵、鮑魚汁花膠撈公仔麵等等......香煎豬扒撈公仔麵 - $52豬扒比較厚身，十分香口且口感十足。瑞士雞翼撈公仔麵 - $52瑞士雞翼很味道適中，不會太咸，但肉質比較‘鞋口’。2個套餐都跟餐配上，多士十分香口，蒜味非常奶茶、咖啡味道比較澀口，且不是太滑。

大份的午餐今日做完運動，經過紅磡冰室，於是就入去食個午餐，起初以為午餐嘅份量好細，應該唔夠食，但點知份量好多。我今日就叫左一個午餐套餐，粟米豬扒飯和凍檸茶。粟米豬扒飯一嚟到，我起初以為飯和餸放在一起，點知原來唔係。白飯嘅份量好多足足一整碗，豬扒嘅份量都幾多有成起碼兩塊。粟米汁都足夠我撈哂成碗白飯。粟米豬扒飯佢仲有啲菜薦底，雖然啲菜唔係幾好食，大家叫的話可以叫佢走菜。佢嘅份量都幾多，一個女仔嘅話應該食唔晒。凍檸茶就正正常常囉冇咩特別。大家如果經過紅磡冰室可以入去試吓咁午餐啦！

今晚收工冇約，自己一個就食完飯先返屋企啦！見七點幾間餐廳都唔係太多客，入去仲唔洗搭枱添，跟住就叫左個咸魚雞粒炒飯、熱檸茶…杯茶就好快嚟到，不過個炒飯就等左十幾分鐘先到…杯茶就稍為細杯左少少，不過碟飯就夠晒大碟自己一個，真係食唔晒碟飯…飯就炒得夠乾身，不過啲雞粒似白烚咁淡、又食唔到有咸魚，所以只食到一半，食唔落了本來想坐多一陣，但係見啲烏蠅仔飛飛下，唔知同天氣有沒有關係呢？!都係快啲飲完杯茶，早點回家算吧!