為食仔海鮮火鍋專門店

Open Now

Now Closed

依間餐廳其實一路都有食開，今日就為佢打番個食評啦 話說佢地以前有出一個卜卜蜆任食 (好似係夜晚九點定十點打後)不過依家冇左  因為疫情關係，佢地既營業時間都有所調整例牌會點佢地既蒜香卜卜蜆煲 亦會叫佢多蒜 有九成既蜆係冇沙既 亦當然有啲都會有少少沙啦但絕對係接收範圍內既 仲要記得食佢地自制既XO醬 雖然有收醬料錢 但真係唔係間間會有XO醬提供呢牛肉黎講我覺得係正常級數 今次點既係普通牛 未去到最高級 不過我覺得對得住個價錢 3個人食都夠食 另外仲有佢地既丸類都係自家制 我覺得依點好加分 彈牙啲又好食啲最後結尾就要配上黃金響令食 個醬唔好點哂落個湯度岩岩好浮係面咁樣就唔會走哂啲黃金醬呢 正!!!

旺角為食仔卜卜蜆真係幾乎一個月都幫襯兩、三次，鹹蛋嘅香味+上麻辣真係好惹味通常都係食咗卜卜蜆先，鍾意食鹹蛋嘅你係必食推介其他打邊爐的菜式反而就普通啲，牛肉最好食係佢地嘅「近江牛」不過價錢就高啲，但係真係入口即溶的感覺，其他牛肉款式都可以嘅，不過冇近江牛咁好食，好大碟，2個人都食吾哂都係高度推介其他打邊爐都係個D雞子、皇帝菜、脆骨腩、桶𧐢就可以啦～不過有朋友都係成日去食，話冬陰功卜卜蜆也不錯值得推薦的火鍋店

我們點了招牌卜卜蜆鍋，同埋麻辣雞煲。兩個都好好味，卜卜蜆沒有沙，加了大量蒜蓉，蜆很鮮甜，湯好正，跟住打邊爐係無得頂👍麻辣雞煲，味道啱啱好，雞肉很嫩滑，吃辣的朋友啱晒！我們點了中辣，唔係太辣，仲食到雞味！加上香菜，十分惹味！牛肉拼盤賣相很高級，三層碟上有牛肉粒、安格斯牛肉同本地牛，正！還點了下酒菜，黃金魚皮、炸片頭、炸豆腐同田雞腿！送啤酒一流！服務很勤快，加湯、叫酒都好快！埋單每人唔洗300，好食又抵！

其實想食呢間餐廳好耐～上網睇人話啲卜卜蜆有沙但係我哋叫咗個個都冇沙，覺得洗得好乾淨😂同埋啲蜆嘅份量都多～不過佢寫招牌蒜蓉卜卜蜆我就覺得完全唔夠蒜蓉😂😂但係唔知點解一入門口好大浸蒜蓉味㗎喎🤔🤔當日我哋係Walk in嘅，咁啱我好彩有人埋緊單所以就嚟有位。當日叫咗豬腸粉，鵝腸，羊肉片，珊瑚蚌桂花蚌孖寶，黃金響鈴，茼蒿菜同埋雞軟骨。個人認為卜卜蜆，黃金響鈴同埋茼蒿菜可以encore～其他就勁似平時打邊爐放題嘅質素😢🥴有少少失望另外值得讚嘅係佢個XO醬係舖頭自己整😬😬幾好食同埋呢度嘅員工服務超級好～有回應有禮貌。行返樓梯落去走嘅時候門口個人都會同你講拜拜👋🏻但係就依個價錢放題質素就有啲失望😪😪2個人都食左過千…

慶祝朋友生日，第一次選擇海鮮火鍋的卜卜爐。首先，叫了很多海鮮都是有沙，作為海鮮火鍋主打都失分，海鮮不太新鮮。其次，前後上了一碟豬肉丸和手打牛丸，手打牛丸卻有芫茜馬蹄的味道，每人咬了一口都確認不是牛丸，店員和廚房確定是牛丸，我們表示味道變一定不是牛丸，但都費事拗就算店員說能更換。最後，此店只有轉數快及pay me付款，食了$2500都沒有提供信用卡。真的沒有下次，想來試都不提議來這打火鍋，真的真的不值得，但員工好客有禮。*第一次火鍋食到失望而打評論。

放工就是要吃好一點的才對得住自己。約好一大班為食妹同事去為卜卜蜆打邊爐。我們就像餓瘋了一樣點了很多餸菜， 至尊卜卜蜆煲當然要食啦，除此就是 至尊牛拼盤，這也是必點項目。 最鍾意食炸豆腐所以點了一客黃金豆腐，外脆內嫩無得輸。 聖子和珊瑚蚌都好新鮮，好鮮甜，可以翻點。最愛榴蓮， 榴槤炸彈裏面軟流心，榴槤味重，外皮脆卜卜，咬一啖濃濃的榴蓮香味濃郁， 如果喜歡榴蓮的朋友必點吃得很飽，性價比高，食物質素高，一定回頭。正正正

𝓜𝓚#夜媽媽打邊爐癮起，但又唔想食放題咁Heavy，結果醒起呢間卜卜硯仲開到0000，入到去坐底就揀左硯煲先，Qr code再落單揀餸，種類都幾多基本上你想食嘅海鮮，手切牛肉，雞煲，乜都有，另外仲有一個corner俾你自助加醬料，每人另外收HKD10今次叫左:1-冬陰功卜卜硯煲 👍🏾好好食 但你預咗有少少沙 冬陰功味好出HKD218 2-精選牛孖寶 HKD328 3-花枝片 HKD78 4-手打蟹子蝦滑 HKD885-芋絲 HKD35全部份量都幾多 硯係整個煲都係，有興趣試下 OpenRice 訂座有全單八五折(優惠期2022-9-01 to 2022-9-30 )📍 為食仔海鮮火鍋專門店 (旺角)旺角白布街4號地舖

夜晚10點喺旺角搵嘢食，見到餐廳門口好光猛，問個店員仲有冇得食？佢話梗係有啦，仲好熱情咁招呼我哋，安排咗我哋上2樓一啲細房，細房入面有自己嘅電視冷氣機有個細嘅私人空間幾啱一班朋友嚟敘舊！之後我哋揀咗冬陰功味卜卜蜆煲，個煲一上到嚟，勁香冬陰功味，仲有勁多蜆，份量夠四至五個人食！店員超貼心，成日幫我哋收蜆殼、加湯😂😂之後我哋嗌咗炸雞軟骨，味道好濃郁，一碟有好多。仲嗌咗黑松露墨魚丸，好重黑松露味之餘仲有墨魚味😝😝一碟有六粒。仲有蔬菜，皇帝菜份量唔多，價錢偏貴。店員推介我哋食近江牛，因為新返，所以我哋嗌咗一碟，不過三百幾蚊一碟好貴！但好有牛味😝

卜卜硯呢樣海鮮火鍋真係喺香港唔常見，但有日同朋友發現咗呢度有得食，所以就試吓。我哋叫咗個小辣既卜卜蜆。一開始食嘅時候真係的而且確幾鮮甜，而且蜆嘅份量都幾多。不過食食吓就會覺得越嚟越鹹之餘，某一啲係有沙。牛肉嘅脂肪分布幾均勻，將佢放係有海鮮的湯底的而且確幾好食。珊瑚蚌只需要淥幾秒就已經識得，尚算新鮮。新鮮腐竹，有豆香味之餘仲係非常滑。紫菜響鈴係打邊爐必須要食，吸收湯底嘅精華，不過一開始食還可以，最後食到真係有啲鹹

食物質數普普通通唔差既，出品亦都企企理理，咁點解無下次呢，我地叫左最貴個餐$1588再加小小散叫接近$2100埋單，本身已經覺得好貴，性價比超低，4個人咁既價錢係第二度食可以食d更好食既野，胡椒雞湯底原來無雞既😂算，去到中後段問人攞幾杯清水，無！打邊爐無清水提供我都第一次聽😂最後埋單無等look卡🤦🏻‍♂️你話我食唔夠一個價錢唔比look就話，d野咁貴都無卡look真係第一次見，絕對無下次

十八禁卜卜蜆超好食 小辣已經好過癮 而且價錢合理 員工態度非常好 仲有值得一讚 有個男員工知我跌咗個口罩落地即刻叫其他員工俾個新口罩我 而且服務過程非常禮貌 十分難得！難忘又愉快的一餐

最鐘意食佢地既卜卜蜆雞煲，非常惹味😊一行8人，分左2枱，我地枱叫左個套餐，其實都相當夠食，不過熱愛食牛，所以都加左單。平時小食又熱又好食，但當日嘅雞軟骨就有啲失望，上菜嘅時候已經凍左，可能咁岩遇上有人上嚟查針卡所以令到出菜時間遲咗，總括而言都會想再去食😃

🐈✨✨✨✨✨✨✨✨👨🏻‍🍳🤳🏻18禁卜卜蜆雞煲 BB辣/小辣❤️‍🔥食過兩三次(?) 蜆同雞每次份量都好多✨蜆肉我食嗰幾次都無沙而且夠肥美，同埋唔會得啲殼無肉😹雞肉夠嫩，配埋個辣係愈食愈起勁🥵 (我食辣其實都幾渣不過又好鍾意食😋)基本上2-3人食的話呢個煲份量係好足❤️‍🔥👨🏻‍🍳🤳🏻自家黃金炸響鈴 ❤️呢個好有驚喜!! 響鈴夠脆配埋鹹蛋黃，食落口味道好豐富，會即刻想encore 🤤🤤另外推介特級安格斯肥牛同埋黑豚肉，兩樣都有水準🤤為食仔有2層，座位下面會有籃擺私人物品👜 食蜆煲會有個桶擺蜆殼，員工清枱方便啲我地又唔洗堆到成枱殼驚污糟，好細心嘅做法⸜(*ˊᵕˋ*)⸝‬ 推薦大家試個蜆煲，希望佢地可以繼續保持水準啦✨✨

外賣返去諗住開心打邊爐，點知食到成口沙，份量的確好多，一百幾蚊有好多蜆但基本上隻隻都有沙拎啲殼出嚟，多到連啲殼都有唔知係外賣先係咁，定係堂食都係沙以後一定唔會再食

應該冇咩香港人唔鍾意食火鍋😂😂🥗。雖然就話而家3️⃣6️⃣5️⃣日都可以打邊爐，但始終都係天氣涼涼地打先夠正✔。同朋友約左交完功課📚📄要食好西，大家都不約而同話要打邊爐🍲。揀左旺角白布街呢間試卜卜蜆。啲蜆俾我地食完都唔記得影相📸😂😂 不過啲蜆就唔算好大粒，份量就🆗️。食完蜆就點左碟肩胛肉🥩，娃娃菜🥬，西洋菜，手打四寶丸🍡同黃金炸響鈴。🥩牛肩胛肉都夠牛味，肥瘦適中。🫔鹹蛋黃響鈴好味 鹹蛋味重。洽一秒就即刻拎起😋🍡手打四寶丸都好出色，全部都好彈牙。〰️埋單人頭二百中左右，可以一試。