為食仔海鮮火鍋專門店

Open Now

Now Closed

最鐘意食佢地既卜卜蜆雞煲，非常惹味😊一行8人，分左2枱，我地枱叫左個套餐，其實都相當夠食，不過熱愛食牛，所以都加左單。平時小食又熱又好食，但當日嘅雞軟骨就有啲失望，上菜嘅時候已經凍左，可能咁岩遇上有人上嚟查針卡所以令到出菜時間遲咗，總括而言都會想再去食😃

🐈✨✨✨✨✨✨✨✨👨🏻‍🍳🤳🏻18禁卜卜蜆雞煲 BB辣/小辣❤️‍🔥食過兩三次(?) 蜆同雞每次份量都好多✨蜆肉我食嗰幾次都無沙而且夠肥美，同埋唔會得啲殼無肉😹雞肉夠嫩，配埋個辣係愈食愈起勁🥵 (我食辣其實都幾渣不過又好鍾意食😋)基本上2-3人食的話呢個煲份量係好足❤️‍🔥👨🏻‍🍳🤳🏻自家黃金炸響鈴 ❤️呢個好有驚喜!! 響鈴夠脆配埋鹹蛋黃，食落口味道好豐富，會即刻想encore 🤤🤤另外推介特級安格斯肥牛同埋黑豚肉，兩樣都有水準🤤為食仔有2層，座位下面會有籃擺私人物品👜 食蜆煲會有個桶擺蜆殼，員工清枱方便啲我地又唔洗堆到成枱殼驚污糟，好細心嘅做法⸜(*ˊᵕˋ*)⸝‬ 推薦大家試個蜆煲，希望佢地可以繼續保持水準啦✨✨

外賣返去諗住開心打邊爐，點知食到成口沙，份量的確好多，一百幾蚊有好多蜆但基本上隻隻都有沙拎啲殼出嚟，多到連啲殼都有唔知係外賣先係咁，定係堂食都係沙以後一定唔會再食

應該冇咩香港人唔鍾意食火鍋😂😂🥗。雖然就話而家3️⃣6️⃣5️⃣日都可以打邊爐，但始終都係天氣涼涼地打先夠正✔。同朋友約左交完功課📚📄要食好西，大家都不約而同話要打邊爐🍲。揀左旺角白布街呢間試卜卜蜆。啲蜆俾我地食完都唔記得影相📸😂😂 不過啲蜆就唔算好大粒，份量就🆗️。食完蜆就點左碟肩胛肉🥩，娃娃菜🥬，西洋菜，手打四寶丸🍡同黃金炸響鈴。🥩牛肩胛肉都夠牛味，肥瘦適中。🫔鹹蛋黃響鈴好味 鹹蛋味重。洽一秒就即刻拎起😋🍡手打四寶丸都好出色，全部都好彈牙。〰️埋單人頭二百中左右，可以一試。

好耐冇黎食啦，因為個service要特登上黎讚揚下啲員工超有禮貌，加好體貼，同行有小朋友，我地未開聲已建議拎開個鍋，同拎埋兩個碟比我地夾啲淥好既野食灘一灘先比小朋友，覺得好窩心野食整體好食，啲牛好正不過啲蜆有沙，同埋嚮鈴冇以前咁好食。下次都會再encore

我哋特登出嚟試招牌菜-卜卜硯，打開煲蓋見到好大隻所以好開心，點知食咗頭幾粒都有沙😩，諗住忍下，可能之後嗰啲無，點知跟住嗰啲都係有沙😩😩，要自己問佢拎碗熱水一隻隻淥走啲沙先敢食 😩😩😩向男職員反映咗，俾佢睇埋啲沙同怪味死硯，佢話「知道，轉頭俾一個新嘅」，我哋就邊等佢個新嘅，邊食住自己另外order嘅牛肉和蔬菜，邊食邊等。等咗約30分鐘後，我哋都未見有新一煲，問個男職員，佢就話「準備緊，等一等」😞😞又等咗約50分鐘後，我哋已經食完牛肉和蔬菜，都係未有新一煲，再問個男職員，佢都係話「準備緊，等一等」😞😞😞我哋就呆坐喺度等佢準備！！過多10分鐘左右，我去洗手間時想順便問下仲有幾耐，但就變咗係女職員，我就問請問仲要等幾耐先有？佢嗰樣好似唔係好清楚發生咩事😨😨，就答「唔好意思，今日有啲忙，交接緊上一個男同事嘅工作。」於是我哋就講述一次剛才發生咩事，而且我哋等咗好耐都仲未食到。個女同事就轉頭好快手俾咗一煲清湯硯，仲送咗兩支汽水。我哋好期望今次食無沙，食得暢順啲，但係依然大部分都有沙，都係要自己用熱水淥走啲沙先敢食，都有向個位女職員反映咗。仲有，地下無位要上樓上食，樓與樓之間好迫、樓底好低、全黑色墻，

上次朋友介紹過，今次食過返尋味🤤招牌卜卜蜆煲($168)，一上枱果下真係嚇親，咁大煲點食得哂呀😂 成個煲裝得滿滿的，全部都係大大隻蜆，唔會有其他配料。仲要全部蜆都係超大隻，又無沙，每一隻嘅肉都超飽滿，而且唔會得返個殼喺度🦀黑豚肉($118)，色澤睇落都唔錯，不過面頭果幾塊切得太厚，淥完之後有少少韌。下面嗰d厚薄就啱啱好，啲肉又滑又有肉味。自家炸響鈴🔔 打邊爐邊少得響鈴，新鮮炸所以勁脆，再擺落湯底浸2秒，無得彈呀😋

滿懷歡喜嚟食，叫嘅係鹹蛋黃蜆，味道好味但溫度麻麻，初頭食面都可以，但食到中間有啲臭，仲要唔止一隻...小食反而有驚喜比外面街吃的不一樣，炸豆腐雞軟骨不錯，魚皮都好好食。之後再到醉雞煲...我到底食咗乜，好似溝咗10份一水咁。。。完全冇味 落埋醉雞啲酒都搞不掂，淨係食完啲雞就gg

為食仔 @ 旺角卜卜蜆打邊爐❤️❤️👍🏻招牌卜卜蜆煲（蒜味）$168記得以前係澳門第一次食卜卜蜆依家香港都有啦 好食好食湯底就係大量既蒜同蜆👍🏻邪惡之選 必食黃金炸魚皮 $58好重既咸蛋黃味 脆卜卜👍🏻至尊牛拼盤$488五款牛 五款都食得出都唔同既口感都有牛味 而且三層份量都OK👍🏻柚子/菠蘿沙冰$45兩款都好飲 味道岩岩好佢有好多選擇 又有套餐不能盡錄 環境座位我就覺得一般但食物值得我再encore 人均消費約$350

📍 ᴍᴏɴɢ ᴋᴏᴋ, ʜ.ᴋ好多年前黎過食佢個18禁卜卜蜆當時覺得無咩特別 就無再回頭啦多年後再同朋友黎 對佢改觀啦~📌招牌卜卜蜆煲（蒜蓉）$𝟙𝟞𝟠《加蜆$𝟝𝟠》評分：8/10啲蜆都算大隻 而且鮮甜 食落都無沙👍🏻再配埋蒜蓉同豉油 好好味 忍唔住都加咗碟蜆😚·📌頂級安格斯肥牛（小）$𝟚𝟙𝟠評分：8/10食完卜卜蜆 湯底可以用黎打邊爐 佢啲牛都好嫩 不錯不錯 值得俾依個價·📌美國黑豚肉$𝟙𝟙𝟠評分：9/10 相比起牛肉 依款豚肉更加好味😋·📌特色四寶墨魚丸$𝟙𝟘𝟠 📌鮮蝦雲吞$𝟝𝟠📌自家炸響鈴$𝟜𝟠 📌娃娃菜 $𝟛𝟚📌炸支竹$𝟚𝟠·整體餐廳質素唔錯 依加平日17:00-17:45 入座 Open Rice 訂位仲有8折 抵食呀!!—————————————-📍為食仔海鮮火鍋專門店 (旺角)旺角白布街4號地舖

兩個女生的晚餐 又係眼闊肚窄系列😂好耐無食雞煲+打邊爐 所以咩都想食 雞煲叫左18卜卜脆雞 小辣係微辣 唔係好食到辣味 如果食到辣可試中辣 平時食開麻辣 今次無叫麻辣覺得唔夠香 下次要叫返麻辣 但係雞汁夠濃 雞好滑 同埋份量好多 我地兩個女仔食完個雞煲已經半飽😂因爲為食仔出名係打邊爐 點飽都要打埋個邊爐 一定要試下個手打四寶丸 好彈牙 味道全部都好好味 平時打邊爐就唔會食烏冬 但係朋友極力推薦 就試左少少 點知試完要食多一碗先夠😂因爲烏冬吸哂湯底精華 濃雞湯味烏冬 正🥰黑豚肉 大塊又好重豬味 又唔「鞋」口 👍🏻👍🏻小食試左魷魚鬚 估唔到又幾好味喎 可能新鮮炸起 炸粉唔厚 又唔會炸到好大舊好難咬 本身加左少少椒鹽 又香口又好味 送酒一流👍🏻👍🏻

服務好好，一去到話冷氣吹住有啲凍就幫我地教細啲，又成日走埋黎睇我地啲湯底夠唔夠，幫我地倒走啲殼👍👍👍而卜卜蜆份量好多，食極都有，估計有過百隻😂😂😂好抵食！

［招牌卜卜蜆煲（蒜容）$168］嗌咗佢地個招牌卜卜蜆煲，蜆煲一黎到，真係好震撼🤣啲蜆都唔算細隻，食落都好有鮮味😛配埋佢地蜆煲入面嘅蒜蓉，真係好好食👍🏻😉食落大致都無沙無壞無臭，唔似之前去嗰間** brother（詳情可以睇吓我之前嘅食評），呢間真係令我對蜆重拾信心🥺飲咗啖佢地嘅湯，飲得出無乜味味精，海鮮嘅鮮味十足，加埋蒜蓉嘅蒜香味，真係好想嗌完飯食！［椒鹽三文魚骨腩 $49］另外仲嗌咗個椒鹽三文魚骨腩，椒鹽味好香，食落都啖啖肉，加埋啲炸蒜真係幾正😂可能因為我都好中意食蒜，所以對呢啲真係抵抗唔到🤤［菠菜 $29］食到呢到，其實都已經飽飽地，佢地嘅蜆煲真係好大煲，兩個人都一定好夠食！我地另外再嗌咗個波菜，份量都幾多吓😧唔似得出面得少少地半籃咁🤭總括嚟講，呢間野都幾值得一試👍🏻蜆煲都幾有份量，已經仲有好多唔同配料同小食比您揀，同埋都有唔同嘅湯底比您做選擇！如果一大班人嘅話仲可以加多個雞煲添😋之前見佢地都有任食卜卜蜆，不過今次黎就無啦，如果可以再出就好啦！😆另外值得一讚嘅係，叫佢地加水佢地係會加番佢地嘅湯底落去，咁就確保唔會溝淡湯底嘅鮮味啦！

已經黎過好幾次覺得佢既卜卜蜆幾好味今次揀左胡椒雞湯卜卜蜆之前試過冬陰功卜卜蜆都覺得好得今次呢個湯底都無失望WOR飲左啖湯好有胡椒香飲完成個人熱左呀好多蜆兩個人食係食完個鍋都半飽呀SIZE中間呀唔算好細隻(記得佢以前係用細蜆)不過細蜆都口感OK架唔會好瘦削果D另外點左~響鈴即炸既大大碟起碼有6-8件兩個人食有點多但好鬆化沾少少湯一流呀~手打豬肉丸呢個肉質感覺幾好手打丸係不同的多少有點彈牙呀~油麥菜呢個正常呀菜都好翠綠份量都OK

點了硯鍋 , 食食下 見左一隻"昆蟲" , 即刻冇晒心情再食 ..............................唔知會唔會仲番去