Hungry Korean (渣甸中心)

Open Now

Now Closed

私心超推介嘅一間韓國連鎖店 規模唔大 坐得唔算好舒適 但點單總係好有效率啱晒成日又想食好嘢 又心急去下一個目的地嘅人四十幾蚊有真係韓國風味 真係好難搵雖然喺銅鑼灣 但佢都係隱身於啲小巷當中始終佢訂價較低 好想支持一下小店🥺附近嗰間已經執咗笠🥲佢哋嘅Gimbap 韓國飯卷同拉麵都好有水準拉麵麵質超彈牙！湯 當然係精髓所在餐廳嘅辣味亦控制得非常好刺激味蕾嘅同時 唔會食到我流晒鼻水 食拉麵飲埋湯先覺得滿足 加上麵入面本身都有啲豬肉 青蔥 又香又彈牙嘅蔬菜魚餅又好食又抵食！飯卷有多種選擇 牛、雞、豬，同埋魷魚🦑當中魷魚最特別 最推薦一試～！

🐖韓式辣醬豬腩肉鐵板燒 (配飯) Go Choo Pork Belly Chul Pan (comes with rice) $71韓國嘅板燒辣醬真係好惹味 再配上佢好厚嘅豬腩肉 送飯真係一流😊🍜韓式炸醬麵 Jja Jang Myun $72呢個炸醬麵就有一啲失色 完全唔似韓國嘅味道🧟‍♂️ 期待個味道可以再濃郁啲🍖甜辣味雞翼 Chicken Wing (4pcs) - Sweet & Spicy $58雖然每一隻雞翼都要十幾蚊 但係佢每隻雞翼都好大隻 而且味道醃既韓式醬入味好食😍🐥迷你炸雞件 (配蜜糖芥末醬) Mini Soon Sal Chicken $62食炸雞第一個重點外皮脆又唔多炸粉 第二個重點就係配既醬吸引唔漏 呢2點完美配合就好好食👻 不過份量真係少左啲推薦程度🌝🌝🌝🌝🌚

好鍾意嚟呢度食韓國菜，因為抵食又好味✨。快餐店形式，上菜速度快✨✨😊如果鍾意食韓國菜嘅，一定要嚟試吓啦。座位都算多，啱晒夜晚放工去食飯✨❤️👍🏻，快快食完可以去行吓街👍🏻，(⁎⁍̴̛ᴗ⁍̴̛⁎)，味道煮得又好🤩🤩✨

～韓式鐵板牛肉飯牛肉偏硬，但味道十分好。配菜份量多，抵食！！！飯軟硬適中👍👍👍！～牛肉手卷份量足夠，除了牛肉，仲有酸瓜、蛋、菜，味道不錯。以這個價錢，味道質素實在不錯，是午餐和晚餐的好選擇！

邪惡指數: 🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️呢間Hungry Korean每次經過都見佢幾有人氣，雖然唔係排長龍嘅程度，但係成日入面都坐得幾full同埋出面企左啲人等外賣，睇嚟呢種快食韓國嘢都幾受歡迎😌 以佢嘅價錢又真係幾好食嘅：⭕️ 甜雞肉鐵板燒 - 雞肉幾滑，配埋勁多椰菜（感覺好健康😆），加埋個甜汁，好好送飯！份量算幾大，抵食💁🏻‍♀️⭕️ 牛肉韓式壽司 - 好食！鍾意佢啲餡料同飯嘅比例好好，有麻油香😍 細細舊好方便，好快就不知不覺清左成條🤤 提提大家，佢哋啲壽司好似太好賣，成日大概夜晚6:30就開始賣晒🥺

Hungry Korean (渣甸中心) (銅鑼灣)呢間可以稱得上是韓國菜的平民版和快餐。午市時間都算多人，要排2張枱，不過都快入到去用餐。今次揀左豆腐湯$50，再加$7 魚糕片，但飲品要另加$11，特飲要加$18，今天要慳錢所以沒有叫飲品🤣豆腐鍋大份，豆腐滑而且有2隻青口和一隻蝦，$50 有埋海鮮都算係咁～～ 而且碗飯好多🤣🙊🙊 一定夠飽！顏色睇落深色但辣味適中。 但餐廳內空調不足，食完汗流浹背🙈*無需加一服務費地址：銅鑼灣渣甸街46-52號渣甸中心地下D號舖

要快靚正韓食，不太講究抵食大件又經濟。我就會選Hungry Korean ! 我好鐘意韓國菜，返工在銅鑼灣，會成日食呢間，地點好方便！餐牌已在門口，價格大約50-60蚊一個餐，晚飯都好抵食！銅鑼灣呢個價格好抵！朋友食咗泡菜醬汁豚肉飯配椰菜絲沙律，沙律大大碟好豐盛，豚肉又好味唔夠辣，濃濃泡菜味！ 佢非常滿意！ 我今日就試一試魷魚韓式窩飯，好多配料有紅蘿蔔、生蛋、泡菜、菠菜、魷魚、芽菜、泡菜汁、韓式醬汁、我加錢再配薯仔沙律、泡菜、魚蛋卷，好好味！ 仲有凍檸茶！我非常滿意，食到好飽！ 總結：性價比非常高！快靚正韓菜！抵食！

Hungry Korean 其實真係一間好貼近韓國本土味嘅韓式快餐店, 對我嚟講性價比好高！​今日柯打咗一個泡菜豬肉豆腐飯 $52​豆腐可以中和到辣味, 我自己就好中意呢個配搭, 而且飯都煮得岩岩好!不過食唔到辣嘅就建議你哋唔好輕易嘗試, 因為佢泡菜係偏辣而唔係偏酸, 唔好衝動呀🤣​食咗幾次都keep住呢個水準, Good👍🏻​

My first time to order Hungry Korean! Craving for hot Korean food for lunch today and thus I ordered spicy cold noodles and beef Bi Bim Bap. What an exciting and hot afternoon!Neng Myun (Spicy) $53- A bit different from the one I ate in Seoul a few years ago, the sauce was gluey and not sour in flavour here. The spicy sauce was SUPER HOT AND INTENSE! I felt thirsty after eating the cold noodles, maybe it had too much seasoning. To be honest, this spicy cold noodles was not my favourite dish

雖然只係四月但今日突然之間好熱，lunch time 有成30°C，行兩步已經頂唔順，想食啲唔好咁熱嘅野，就諗起韓式飯卷Hungry Korean 係一間連鎖韓式快餐店，價錢合理，性價比ok本身打算堂食順便涼下冷氣，發現餐廳係用一本簿俾客人填資料，睇到晒其他食客名同電話，完全無私隱可言，最後決定轉外賣大家記得要好好保護自己個人資料呀!!食物方面—牛肉飯卷 $40有牛肉，菠菜，醃蘿蔔，紅蘿蔔，蛋味道正常，份量合理，女仔食一定夠韓式小菜$16泡菜正常得個鹹字超市貨薯蓉偏酸，有一條條青瓜絲，薯仔粒同洋蔥絲，倘算有誠意魚餅正常總括而言，食物質素正常，性價比合理，但考慮埋私隱問題我諗我唔會再黎翻兜指數：2/5

今日難得可以同Miss N 同更食飯，好！決定棄飯（留返聽日）同你出去食你提議嘅Hungry Korean 先😚😚～～～辣豬肉🐷🐷鐵板燒～～～幾位同事都介紹呢間好食，特別係辣味嘅菜式！😄😄係椰菜同豬肉配辣醬一齊炒，份量好大份！一定夠飽😚😚！辣味唔會太辣，係帶點甜味嘅辣味，但我食開辣嘅會覺得有少少唔夠過癮😅😅不過係口味要讚嘅😊😊～～～凍抺茶牛奶🥛～～～抹茶味唔夠，牛奶味亦一般！係比較淡嘅一杯飲品😐😐希望之後就算唔可以一齊做嘢，都多啲出嚟食飯傾吓計啦😝😝

今晚經過見到這間韓國店就order 左2~4人餐外賣帶回家食一打開估唔到都幾多款式，有點驚喜，我們4人份量剛剛好我覺得餃子，泡菜魷魚，牛肉飯好食，其他有少少淡但整體都ok, 可以再番食

韓國菜快餐店，韓風捲全球包括韓國菜，韓店周圍可見但香港又真係唔多係快餐店，做快餐變相將裝修同服務既成本放返落份量度基本韓式食物都有，又快又正泡菜豆腐湯，泡菜同滑豆腐同辣湯都係韓國菜必食，上枱賣相好紅，先試最吸引嘅豆腐，相當滑而原來個湯好紅但又唔算好辣，幾好味，夾埋豆腐好正泡菜既味道酸咸辣幾平衡送飯一流，飯都較身又夠靚，讚！韓式壽司望落好想食，用錫紙包幾有feel試左豬肉，味道正常，相對無咩特別驚喜，但都ok既飲返杯橙汁，正正常常，可以清清個口既味試試鐵板燒，叫左甜雞肉，驚全部都係辣野會個味太似，上枱時即刻見到份量好足雞肉多到，又好香，試下味，甜甜地但仍有BBQ味好正食完一粒就好想食第二粒，雞肉真係好滑連埋啲菜一齊送飯真係一流味道加份量睇返價值真係超值，想平食韓國嘢無得輸種類其實都唔少，鐵板燒極力推介，係銅鑼灣食嘢咁樣算係太正lu#啲人唔似韓國人但都係講英文#野飲真係普通但食物太過快靚正

位置好方便，最arm行完街去食啲嘢。繁忙時間可能要排一陣隊，但好快就有位。鋪頭唔係太大，略為舊。但價錢係銅鑼灣一帶黎講都算平。份量我覺得剛剛好。嘢食味道不過不失，感覺唔係太正宗，但都幾好食。個人推薦＋＄16 有三個小菜，最中意個薯蓉，落咗洋蔥同沙律醬。鐵板類都好好食， original beef個賣相唔係太吸引，但原來好好食，仲有好多椰菜。

大熱天時，胃滯滯，好想飲湯，睇韓劇成日都有飲解酒湯，其實佢哋嘅一碗熱湯就係醒胃良方！之前食過一間連鎖店嘅大醬湯，難飲到不得之了，今次搵到呢間Hungry Korean，即管試吓啦泡菜湯（即係泡菜豬肉豆腐湯）蔬菜豬肉都好入味，又冇煮到溶溶爛爛，豬肉有咬口，蔬菜仲爽嘅，湯頭夠辣，酸酸辣辣醒胃辣年糕（有雞蛋、魚餅、年糕）雞蛋冇煮過時（我食過一個人煮嘅雞蛋，佢可以將一隻新鮮雞蛋烚到個蛋黃可以打乒乓波）年糕煙韌可口，魚餅正常，略嫌醬汁唔夠，多返少少醬汁，可以點來食會好了。韓式紫菜卷，紫菜包住粉絲來炸，啱啱出爐時，新鮮脆卜卜，配上一個紅卜卜嘅醬汁點來食。韓式三小碟（泡菜、魚餅、薯蓉）泡菜同魚餅都唔會有得差㗎啦！薯蓉入邊加咗洋蔥，應該有加檸檬汁，因為酸酸地，好味道啊！俾個貼士大家，用外賣平台，外賣自取有八折，抵食過堂食