Hungry Korean (渣甸中心)

Open Now

Now Closed

好多年無食過hungry Korea, 剛剛好經過cwb店，入黎聚下舊先價錢仍然係親民嘅，一個人自私食，嗌個炒豬肉配白飯先好味好味，豬肉撈埋椰菜一齊炒，唔會太油膩秒速ko左成個餐，性價比高...下次黎要食石頭飯先

行過見到Hungry Korean ge Tea Set都幾平，就揀e間! 店內唔係好多人，好快有得食!今次我叫左鐵板燒Set A 韓式牛肉 ($43)，一個Set都幾豐富下，本身個鐵板牛肉ge份量已經多，配滿滿一碗飯，肯定夠食! 仲有!! 仲有3款前菜! 成個餐好多野食好豐富! 50蚊都唔洗，真係抵食!而味道方面，鐵板牛肉熱辣辣，牛又唔“ngan“好夠味，加埋椰菜絲同蘿蔔絲一齊炒一齊食， 味道唔會太鹹，整體感覺都唔錯!下次再黎high teaaaa!

前排放工突然好想食石頭鍋飯 但又唔想食咁貴 所以諗起hungry korean 平平地又滿足到自己～.今次嗌咗甜雞肉鐵板燒，豬肉石鍋飯🌟甜雞肉鐵板 $55 燒熱辣辣咁上枱 好正！甜甜地幾好食 仲有勁多雜菜 加埋白飯已經好飽肚～🌟豬肉石鍋飯 $49又係熱辣辣！有隻蛋黃 加埋韓式辣醬去撈 好味😋 啲豬肉本身有調味唔怕淡 只係有啲乾 食到底有飯焦好正～～～係我食石鍋飯最期待飯焦🤤.總數都係食咗一百蚊上下 銅鑼灣既晚餐黎講已經好平啦😂 對得住個價錢啦！

Hungry Korean一直都係當我口痕時想食韓國野既首選餐廳！因為價格合理，上菜快，份量一人岩岩好。咁岩呢日要去睇醫生，所以就食番個下午茶！叫左個辣炒豬肉鐵板燒配白飯再要多杯Milkis，都只係$51！！ＣＰ值奇高！唔好以為叫下午茶餐就會有差別對待啊！份量一直冇縮水過，都仍然滿滿的一碟，完全有空間黎多碗飯黎食晒佢既菜！肚餓時勁想添飯啊！味道一如以往，夠味，夠甜夠辣！大愛韓國口味既我完全唔會挑剔佢！加埋飲番啖Milkis，可以當住自己係韓國一陣，夠晒有韓國風味啊嘛！

今日同老公係銅鑼灣睇醫生，約咗兩點半，但係一點九先出銅鑼灣地鐵站。有D趕，就去Hungry Korean 食快餐。叫咗辣豆腐，快上，老公叫佢最種意食嘅牛肋骨。豆腐真係快上，但係好熱，吾快得。味道好好，我最喜歡，Yummy。老公話嗰牛肋骨味道幾好，但係有筋，吞唔到，美中不足。但係價錢唔貴。我要走先，叫老公走時買魷魚韓式壽司，夜晚食。點知，睇完醫生下午茶就已經食咗啦。好好味。下次再買多兩條先至留返返屋企食。

今天一個人行銅鑼湾，又有d肚餓，去左呢間餐廳。有tea set 仲要同lunch size一樣，叫左個牛肉鐵板，加drink都只係51元，還要好好食，有大量菜同牛肉煮在一起，好似好健康咁。不過小妹好辣，再落辣醬，正

如果喺香港想食韓國嘢，最理想當然係去尖沙咀金巴利街的韓國餐廳，由韓國人主理一定正宗又好味！奈何想食又冇時間過海，唯有近近地在附近覓食，行咗一圈，最後仲係決定食返之前放學必食的口袋名單——Hungry Korean🇰🇷——————————🔷辣雞肉鐵板燒 配白飯 $43📍9.5/10每次黎Hungry Korean，首選絕對係「鐵板辣雞肉飯」！雖然道菜睇落超級紅，但食落係甜辣，辣度好低，唔食得辣的朋友都一定無問題👌🏻雞肉切成一粒粒，加上大量切絲椰菜一齊炒，甜甜辣辣超開胃， 唔膩又有口感，送飯一流！鐵板上菜除了可以保持熱度，仲令整道菜帶少少焦香味，真係超級惹味！🔶石鍋牛肉拌飯 $37📍7/10石鍋上檯熱辣辣，搭配「滋、滋...」聲，未食已經先興奮！牛肉份量好多，調味偏甜；將生雞蛋黃戳破，與泡菜、蘿蔔絲、菠菜、紅蘿蔔等清新的配菜拌勻，再加上韓式辣椒醬，味道不錯，不過不失～

今日同朋友黎食lunch叫咗個辣雞肉飯餐 加咗$16有三樣冷盤小食包括有泡菜、薯仔同魚餅雞肉辣得黎好好食，送白飯一流！我朋友話薯仔好好食..但我就覺得凍食一般魚餅微辣反而比想像中好食泡菜就好好食既仲有叫咗吞拿魚壽司，好大條，都有十二舊左右。兩樣野兩個人(女仔)share食啱啱好！加咗$18叫杯凍荔枝柚子茶，少冰但都係好多冷，然後飲唔到荔枝味，柚子係有既。不過$18杯好唔抵！之前飲過佢杯凍抹茶牛奶更唔建議，因為茶味唔夠濃之餘又太多奶味，同埋都係落太多冰

這天要來銅鑼灣Apple shop換電池，趕著回家所以晚餐就選了韓式快餐Hungry Korean。我叫了韓式炒粉絲$39+凍梅茶（+$11）妹妹叫了韓式炒辣雞$55。韓式炒粉絲份量少，粉絲太「淋」，有少量牛肉，味道偏甜一些（這店口味都是偏甜），尚可；凍梅茶非常好喝，很像我至愛的台北淡水「阿媽的」酸梅湯，推薦！至於韓式炒辣雞，味道是甜中帶小辣，但是雞切得碎、沾了粉漿炸過再煮，變成糊口，口感變差了，敗筆！還是上次吃過的辣炒豬肉比較好吃。雖然這家店定價在銅鑼灣算是便宜，但整體食物質素有待改善，趕時間的話也可一試。

好耐無食hungry korean, 見lunch時間都有位，就諗住食d野然後再落sogo買野，坐低叫左個豆腐湯（$49）加多$16變combo,其實即是多左三個前菜，泡菜，魚片同埋薯仔沙律，薯仔沙律好好食，如果唔想食哂三款，前菜可單點，每款$7，豆腐湯除左豆腐同埋蔬菜，裏面仲有隻蝦，青口，同埋一隻蛋，泡菜湯底都幾辣，但加埋飯就啱啱好，如果天氣凍d食更正！

之前在尖沙咀吃過，味道一般。但今日有機場工作朋友送机請食午餐，竟然有驚喜。需然在west hall food court 細細地但近距離對住鐵鳥午餐，非常特別。炒辣雞肉set.鐵板.夠熱，辣到適中雞肉不會死實實，椰菜無油膩感，送飯一流。牛肉鐵板也不錯，份量也不少，香氣十足。另外叫了兩份韓式壽司。唔貴又好味。

Hungry Korean 的食物價錢沒改變，但是食物的分量越來越少，本來我想要一個韓式壽司卷當作午餐，但是我發現完全不夠飽，壽司卷只有大概一把1Xcm尺子的長度，很少的，如果再讓我選擇多一次，我寧願到附近的南記粉面或者是mcdonald 食。座位很窄。

之前間唔中都有嚟食下, 今次諗住快快趣食飯個惹味嘅韓國快餐咁啦～坐低嗌野然之後有兩名女子坐落搭枱, 其中一個咁啱又係同我一樣嗌辣炒豬肉. 侍應出餐嘅時候直接隊咗俾坐我對面嘅女子, 我再等咗5分鐘點解我嚟先過佢, 個餐都仲未到嘅呢? 一問之下原來係出錯餐, 但係一張枱兩個同一樣嘅餐佢好似淨係入咗一張單! 詢問期間少少歉意都無! 7-8分鐘過後我嗌嘅餐終於嚟嘞! 食落啲菜絲竟然有泥味! 得5片豬肉, 其餘仲有少量嘅豬肉碎片响周圍...食咗嗰5片豬肉對住剩低嗰碗飯都唔知點算好! 如果佢啲菜絲唔係有泥味都可以食埋送飯但係真係頂唔順! 豬肉唔係話好貴啫! 咁樣減料法竟然仲夠膽收人$60一份! 無下次!!

Hungry Korean吃过多家店，一直都是很喜欢的，价格便宜，选择虽然不算多，但是味道好，上菜速度快，分量虽然不多，但是多点几样食物多尝试一下也不错。他们家除了主食最常吃的是汉堡，味道非常好。其他的豆腐饭，海鲜饭，牛肉，辣猪肉饭味道也很好。夏天的话凉面也是不错的选择。分量很小，食量少的人也不会怕吃不掉。一直都喜欢任选一样主食加配一份米汁，不够的话再配个汉堡，一个人简简单单不到100搞定。总体而言挺不错的一家小店。

想食韓國野又唔想食太貴，諗起附近有呢間hungry Korean，雖然佢有開左好多間分店，但我一直都未試過～聽聞一直係平價又好食既，今日就決定試下佢啦～～～我地2個人去食，叫左2樣嘢。1 ：鐵板辣豬肉set，配一碗白飯鐵板上到黎仲有滋滋聲，好大份，入面有好多配菜，豬肉份量都唔少，好抵食！不過味道又唔算話好味，過得去咁，辣就唔算好辣，係甜辣個種～假如配多碗海帶湯就好啦～2 ：紫菜包飯 （主食材係牛肉） 入面配料好多，但唯一敗筆係d 飯食落去硬左d同埋好乾，影響左成個紫菜包飯既口感。下次唔會再叫～