Hungry Korean (新都城中心二期)

Open Now

Now Closed

Hungry Korean (新都城中心)突然想食韓國嘢，見哩間hungry korean都幾多分店，就入嚟試下。我叫咗韓式燉排骨加凍抹茶牛奶-------------------------韓式燉排骨$96啱啱整好嘅燉排骨鍋上枱嗰時仲係滾嘅。湯底甜甜地，韓國粉絲吸曬個湯，入面仲有韓國年糕，煙煙韌韌，好有嚼口。而主角排骨都燉得好軟腍入味，件數都唔少。配料仲有紅蘿蔔同翠肉瓜，都燉得好冧好甜。哩個餐仲配上一碗飯，如果1個人食就真係多左啲，可能只係食排骨鍋都已經夠飽。凍抹茶牛奶抹茶味唔係好出，覺得似荳奶多過牛奶，整體偏甜。-------------------------Hungry Korean (新都城中心)地址將軍澳貿業路8號新都城中心2期UG樓005號舖

《鐵板辣味雞肉》HK$57 🍗 🌶鐵板雞肉份量非常充足，配上韓式甜辣醬，食落唔算好辣，但就非常惹味！為食妹好鍾意用個汁嚟撈飯食！🤣 而且仲有鮮甜嘅椰菜作伴，令呢個鐵板唔會太膩，平衡一下！*《燒汁泡菜芝士漢堡》HK$65 🐮🧀🤎漢堡扒足足有成兩隻手指咁厚，咬落非常有口感！😋 漢堡扒外面又脆又香口，裡面就多汁嫩口，一咬開漢堡扒，裏面嘅流心芝士就即刻爆出嚟，味道非常濃郁！🤤 留意翻呢個係隱藏餐牌嚟，餐牌上面沒架！😎-韓式餐桌禮儀🇰🇷：唔同我哋香港人，原來韓國人傳統上只會以匙羹🥄作餐具，唔會用筷子㗎！

雖然店舖小小的，但食物不錯吃，飯類和面類都推介。性價比頗高的韓式餐廳，但定位有點像快餐。想吃韓式的方便之選。40幾蚊下午茶實在太豐富了吧 ! 個餐真係大份夾抵食，除咗主餐好大份之外，仲有三個韓式前菜! 睇落都唔錯。 我今次叫咗鐵板辣豬肉，少少辣ge汁好岩送飲! 仲配埋其他雜菜感覺好balance 味道方面，辣豬肉炒得夠香夠味，唔會太鹹， 好有人哋韓國住家炒豬肉嘅感覺。 而前菜方面， 我最鍾意係泡菜，攞嚟送飯都得，唔會太鹹， 少少辣好醒胃。 唔錯唔錯

外賣翻屋企 5分鐘路程一大開所有紫菜黐住錫紙分開出嚟全部散晒激似食剩餸，完全唔係壽司見到都唔想食…然後全部都係凍嘅，凍嘅都算叮完直頭成件散晒，以後都唔敢叫外賣。希望店舖可以關注壽司質素

以前對辣的食物較為抗拒，尤其譚仔的麻辣真的很嚇人，但我喜歡wasabi嗆鼻的辣，及冬蔭功香味噴噴的辣，韓式泡菜的辣與冬蔭功的辣有些相似，但又不是完全一樣。這天與同學來到這店鋪，是由我的一組同學中一個較有主見的同學選擇的，我當然沒有所謂，我喜歡試新東西。「新都城」實在是食家歡喜之地，似乎有目不暇給的餐廳，令我想起多年前去過的Mall of America。食物我很滿意，不至十分辣，剛巧這天食了個豐富的早餐，因此豆腐及疏菜很適合我，而且有無糖可樂選擇，可中和嘴巴裡的燙及辣。最後想提提為何這位同學會選擇這餐廳，原來同學專揀所謂黃店來光顧，果真夠堅持，也令我發現原來一個商場有這麼多黃店。

係唔滿人嘅情況下 嘅湯麵等咗15分鐘。。。 不停示意都只係話整緊 會係有先後次序? 但係遲過我order嘅人都已經有湯麵??? 態度不良 都食咗好多次 今次最差 愈來愈差 附近有其他option

上星期三在「將軍澳」「新都城中心二期」樓下電影院看電影之後，只在「新都城中心二期」購買了一個外賣自取焗蛋糕食品，然後就乘坐港鐵前往「鑽石山」，沒有再在「新都城中心」尋找晚餐食店。近年「香港」的電影事業，不幸遇上「新冠肺炎」這個飛來橫禍，導致電影實際產量急減之餘，電影院的生意也受到不必要的影響，觀眾購票想在放映院裡面一邊食「爆谷」飲「汽水」，一邊觀看電影已經變成不可能的事。就連現在「香港」電影院裡面還在放映的新上畫電影，都已經變得不多了。結果我在電影院裡面找了很久，可惜找不到適合的電影。恰巧又接近晚餐時間，我被迫放棄觀看電影，找尋晚餐裡面的「雞肉飯」相關食店。結果我在「新都城中心」電影院樓上，「新都城中心二期」的一樓位置，找到韓國菜餐廳「Hungry Korean」在「將軍澳」裡面開的分店，購買一客辣炒雞肉食品配白飯套餐「辣雞肉鐵板燒」。「Hungry Korean」奉行快餐店模式先購票，然後等待店員送餐的營運模式，除此之外食店沒有提供套餐價的飲品，令飲品價錢變得比較昂貴。所以我選擇「辣雞肉鐵板燒」之後，沒有再選擇飲品。「辣雞肉鐵板燒」裡面的「雞肉」屬於無骨的雞肉，加上「雞肉」被餐廳廚房

尋晚在open rice訂外賣自取，此外賣自取訂餐需要等30分鐘，等餐過程中沒有見到職員叫號碼取餐，個個客都係自己行去問，緣份到~時間到~我手機已經收到取餐通知，好自然行去取餐啦，問第一個職員居然話：“你的外賣未有，等多陣” 🤔，完全無去睇過個外賣餐究竟有未。乖乖地又等多10分鐘，見有第二個職員行過問下，呢個人終於行去睇下，個外賣有得攞啦但其實個袋外賣一早就係個度😵😵😵，究竟咩事要我等了又等？好啦，返到屋企見白飯、石頭鍋飯都是淋飯，就是濕濕的飯😞，仲有叫了份迷你炸雞$52，明白此非韓式炸雞所以覺得標價過高。完。

話說，$48 食到$51 算係咁，咁耐先加少少🤏韓國野黎講算係平靚正。以前班同事飯堂，果陣仲有個花名叫肚餓職業。銅鑼灣分店係我第一間幫襯，都係細細間，但效率快。最近由至愛辣豬肉，甜雞肉變豆腐鍋同魷魚石頭鍋。

今日去餓韓食午餐，叫咗雞肉石頭鍋飯，只係$48連埋嘢飲，都幾抵嘅。石頭鍋飯熱辣辣，配菜組合都幾特別，估唔到有茄子，個茄子好好食呀，而雞肉亦都好唔錯，加埋韓式辣醬撈埋，正！

叫咗辣雞肉嘅定食配埋抹茶牛奶，雞肉嘅份量都幾多，同時亦都幾辣下，不過好彩有叫抹茶牛奶解下啲辣味。除咗雞肉，餸入面亦都有好多唔同嘅菜同埋洋蔥等等嘅配料。但係略嫌個辣味有啲單調，係普通嘅韓式辣醬味，對我來講就唔係太吸引~

🌟韓式早餐超值之選最近Hungry Korean 供應埋早餐，梗係要去試吓啦，估唔到食咗一次就每日都想食🔸燒烤牛肉多士唔好睇少呢份吐士，燒烤牛肉好足料，淡淡都係肉，入面仲有蕃茄，椰菜絲，炒蛋，食完飽到晏晝都唔使食🔸精選早餐呢份仲豐富，有得俾你係3款多土揀其中一款，今次就試吓雙層火腿多士，仲有椰菜絲同炒蛋一啲都唔簡單個薯蓉一啲都唔差，有粒粒青瓜所以唔會覺得膩個餐仲包兩件煎蕃茄，香草脆香腸，兩件雞肉薯餅

ғᴏᴏᴅɪᴇ ᴛɪᴍᴇ 今次就食咗hungry Korean 食咗泡菜湯飯佢啲泡菜都好多，啲湯用黎撈飯好好味😆仲有幾舊豆腐，都好滑😋仲食咗辣年糕公仔麵佢一個有好多餸，泡菜年糕餃子香腸🥳真係食唔晒🤩佢仲要唔係好辣

🤎Hungry Korean🤎寶琳的Hungry Korean係黃店來的，一直都做實事，成日都好照顧將軍澳外賣專線💕早前Hungry Korean推出咗早餐！超超超超級好食，連唔鐘意食韓國菜嘅男朋友都話正🙊🙊🙊我地已經encore咗幾次了🤍精選早餐 $58內有: 韓式多士半份、薯蓉一球、煎厚切蕃茄、香草脆皮腸、雞蓉薯餅、蜜糖芥末籽沙律🥗其實一睇個菜單，都知呢個係韓式all day breakfast，而今次我哋叫咗雙層芝士火腿多士，我同男朋友都覺得呢個比燒烤牛肉多士好食。其他配菜都好好味，佢個薯蓉超好食，入邊有煙肉🤤🤍燒烤牛肉多士 $42同所有韓式多士一樣，佢嘅麵包都係會用牛油黎煎香，所以點都係好好食。入邊仲會有椰菜煎蛋餅，再配韓式甜醬，夾乜嘢配菜都好食。我同男朋友略嫌牛肉配呢個多士有啲太濕。📍 Hungry Korean將軍澳貿業路8號新都城中心2期UG樓005————————————味道: 🤎🤎🤎🤎🤍環境: 🤎🤎🤎🤎🤍服務: 🤎🤎🤎🤎🤍價錢: 🤎🤎🤎🤎🤍再食: 🤎🤎🤎🤎🤎————————————

今日起身突然想食安東雞叫左個外賣 好快送到但真係好失望其實一開頭見到顏色已經知到伏伏地未食過其他 唔知其他食物如何配菜正正常常抹茶牛奶都可以但個雞....竟然係幾隻雞翼唔知煮既有冇食過安東雞🙃應該係我食過最難食既安東雞