Hungry Korean (新都城中心二期)

Open Now

Now Closed

請記住流程：排隊，點食物買票俾錢，被分配座位，等食。在新都城2期 UG ，L1 落一層，不難找。店面不太，約 30人。記得望望有位，或差不多有人食完才去排隊。之前在公司叫外賣食過幾次，第一次到舖。點了石碢雞肉飯。由買票，坐低，到有得食少於5分鐘。要小心，個碢是好熱的。賣相非常好。個辣醬是重點。好好味，唔係認真好辣，但好滑好香好開胃，我加左半支。加辣後，然後攪攪攪。成了。要快攪，不然飯會黐底。滑蛋，芽菜，紅蘿蔔，雞夠滑，飯有口感。唔夠辣就自己再加。連飲品 $48，食完還想再食，所以叫 hungry Korean 嗎？

是日要睇戲，想睇前食過快飯，去左食韓式快餐。去到人都幾多，每枱都坐滿人，但都甘岩唔洗等就入得。我點左辣雞肉飯同凍抹茶牛奶，朋友點左石鍋魷魚飯同凍奶茶。跟餐加野飲要加11蚊。朋友果飯都幾香。我自己果辣雞肉飯，鐵板上果然熱辣辣。雖然話係辣雞肉飯，但唔太辣，係偏甜多，典型韓式甜辣味。雞件都算多，好入味唔會太老，啲菜都炒得好香，好夠味，餸飯一流。凍抹茶牛奶係韓國買到即沖抹茶牛奶既味道，冇咩特別。整體黎講，真係三個字，平靚正！韓式快餐黎講，價錢相宜，食物質素唔錯，又夠快，岩哂要食快飯既人。

星期日睇完戲，周圍冇位食飯，見到Hungry Korean唔需要等咁耐，一於入去幫襯 :今次我叫了個新推出的香辣豬手飯，味道唔錯，又有生菜，可惜皮多肉少！我個仔就叫了甜雞肉飯，椰菜夠多，雞肉多又冇雞皮，值得一讚👍

魷魚韓式壽司 $36韓式壽司有幾款唔同肉類選擇，今次揀左魷魚🦑壽司足料，有蛋、醃蘿蔔、紅蘿蔔、波菜、自選的肉味道方面，個人覺得較淡口味，可能因為食左個麵，不過都好食湯麵套餐 $49同壽司一樣都有幾款肉同麵可以自選，我就揀左雞肉同韓式粉絲雞肉食落有陣好突出的甜味，有啲唔夾，唔知係咪蜜糖雞肉，肉質滑林韓式粉絲正正常常，食完無胃痛🤣至於湯底就揀左唔辣的豆瓣醬，豆瓣醬味濃而不過鹹，不錯吃玉竹茶 (跟餐)用茶包泡製，味道幾特別，好飲👍🏻

#韓國美食 #泡菜 🤤Hungry Korean 🤤🥰可以話係香港平民韓國餐廳🥳獵狗最愛ge唔係石頭鍋飯☺️而係 #泡菜湯飯 🥰🥰🥰🥰#必食眼見紅卜卜 唔算辣 味道正宗 香濃湯秋冬食最暖身💕泡菜湯+飯入面有勁滑豆腐再加上小小肉碎同大量泡菜☺️味道比平時d韓國餐廳更香濃而且正宗平民價錢正宗韓味only $50完全食得返韓國旅行ge味道🥰Hungry Korean 韓式泡菜湯+飯 HKD$50全港好多分店 尖沙咀旺角銅鑼灣九龍灣將軍澳荔枝角等等值得一試🤤

想以經濟實惠的價錢吃 一頓韓國餐，這店是不錯的選擇，不過快餐店形式，想久坐聊天這裏就不太適合喇!之前幾次都是吃石鍋飯，雞蛋可以生亦都可以叫熟蛋。 若叫熟蛋，他會幫你打在鍋邊，那麼就很快熟😀。一些快餐石鍋飯，配菜明顯見到油，但這裏的石鍋飯看不見油，連雞肉或牛肉都不油膩，配菜的味道亦清淡，比較健康。 $49 很抵吃!不想吃太多肉，就試這個豆瓣醬湯拉麵。面頭四片薄薄的是蔬菜魚餅。 味道一般，有沒有分別也不大，覺得只是為拉麵點綴一下😅。豆瓣醬湯非常清淡，吃慣濃味的人可能要另外加 調味料😆。 拉麵煙韌，味道很淡。總的來說就是清淡。$49 okay.今次試這個韓式飯堡，可選雞、牛、豬、魷魚、 吞拿魚、芝士或泡菜。我選擇了吞拿魚。飯混合了紫菜，裏面夾有一片芝士，奇妙醬混吞拿魚，還有鹽漬蘿蔔。整個飯堡都是常溫，所以芝士一點也沒有熔。 吞拿魚混了太多奇妙醬，醬蓋了吞拿魚的味道 ，少一點醬會好些。鹽漬蘿蔔增加一些口感。對我來說，整個飯堡若果熱一些更好。這個飯堡$49，我覺得貴了些少。或許配其他料感覺會不同。

好朋友出咗trip差唔多兩個月終於返嚟香港可以約到佢食飯✌🏻琴日食咗間好難食嘅韓國菜，今晚決定搵間平時食開好食嘅補番數🤭之前食開都要排隊，今晚竟然好好彩唔使排隊就有位👍🏻石鍋牛肉飯($49): 每次都要食嘅石鍋飯，最鍾意有飯焦👍🏻配埋甜甜辣辣嘅醬真係好想食多幾碗❤牛肉壽司($39):壽司好足料，牛肉都多，淡淡麻油香好好食👍🏻辣年糕-小辣($39): 個汁稀咗啲年糕唔係好夠味，但洋蔥超級甜，魚糕都好食👌🏻食到好飽每人都係$60左右，真係又平又好食👍👍

晚上好肚餓，行行下唔知食咩，所以入去食。滿有驚喜😍之前真係冇留意呢間店，原來係咁正架！韓式牛肉鐵板餐！ - 用鐵板上真係好正、調味正、炒得好好味。雞肉石鍋飯！ - 比預期好食好多、真心正、個個都中意食。魷魚韓國壽司！ - 普普通通、不過不失。凍梅實茶！ - 夠特別、甜甜地、好解辣、我地都好中意。三款配菜！ - 泡菜、薯仔沙律、魚餅感覺食左好多野🤔可以解到對韓國野食的心癮🤔食到好飽呀，二百蚊唔洗👍🏻👍🏻👍🏻

話說今日游完水有啲肚餓，經過就去食咗一碗炸醬麵。你睇張相雖然覺得佢平平無奇，但係佢嘅洋蔥全部煮到林曬，同埋好香。炸醬麵嘅靈魂就係個醬，所以先講下佢個醬，料味道亦都啱啱好，唔會太鹹，亦都唔會太淡。個麵底亦都係恰到好處，唔會太林，亦都唔會太硬，都有淡淡嘅雞湯味。唯一可以挑剔嘅地方就係佢肉唔夠多，啲肉多番啲就完美喇。佢間舖頭係好似平時快餐店咁，係要先畀錢買飛，之後安排入座。雖然就等得耐咗啲但係都係值得嘅。

好耐冇食過hungry korean，甘岩同男朋友都想食，我自己就係石頭既fans，馬上就決定左叫牛肉石頭飯，石鍋好夠熱，有飯焦，但味道偏淡，所以一定要全部醬拌勻再食，另外叫左豬肉紫菜包飯，豬肉好飲肉鬆咁，不過不失！

星期六中午響新都城, 同女朋友都想食韓國野，見到 呢間好耐冇食過就入去試下，先點餐再安排坐位, 我地叫左韓式雞壽司 同埋 牛肉石頭飯，韓式壽司比較普通, 得泡菜搶哂d味，另外牛肉石頭飯很惹味，飯蕉都好食，推薦！

真係唔係買廣告。之前食過幾次，食過辣炒豬肉，韓式豬肉，我覺得普通，另外都食過韓式肥牛，有啲唔同韓式牛肉片呢款。今次唔知係因為我又凍又肚餓嘅關係定係佢真係咁好食，一路食一路覺得好開心，好耐未試過有咁開心嘅感覺，有啲感動落淚。😭韓式肥牛啲醬汁甜甜地，有蔥花，甜洋蔥，紅蘿蔔片，另外佢隔離果兩堆芽菜同酸蘿蔔絲物體，其實唔係好清楚係乜，真係好好食，本身韓式肥牛嗰款都好食可能就係缺少咗隔離果兩堆配菜爭好遠😭我嚟到嘅時候已經差唔多九點半，原來已經埋數，不過佢仲比我埋落單，做完運動咁夜食真係好肥😥

一直都覺得這間韓國菜餐廳賣的東西很貼地。平價的韓國菜。這間餐廳分店開幕時日日都很多人排隊。我都試過幾次。今日突然想寫食評，因為發覺原來佢地有午餐優惠套餐。其實都唔算平好多。只係包左杯飲品。但我都覺得幾好。因為星期日都有。很多商場餐廳多數星期六、日、假期都會暫停特價優惠。三款選一款，掙扎了一段時間，我最後選了石頭鍋飯。因為平日都唔平的。最可惜壽司飯沒有午餐優惠。我很喜歡這間餐廳的韓式壽司。簡簡單單。比日本手卷大，但價錢比日本壽司更抵。當午餐食都唔會覺得唔夠。女仕食就剛剛好。我怕自己唔夠飽，因為未試過午餐優惠。唔知會唔會因為係優惠價就會減少份量。所以加了三個小食。老實說我勁後悔，因為真係好夠⋯真抵食㗎。所以大家點時要認真考慮。唔係浪費錢。講返食物，豆頭鍋飯夠熱。醬汁又唔算很辣。加多些都不用擔心。點了汽水，凍飲唔駛加錢。那三個小食都幾好食。特別推介薯蓉。不過佢都無咩選擇。因為一加就要加曬三個。普通食材，但價錢親民。其實簡單食餐飯，又唔需要太名貴食材。我好推介大家午市時間試。因為很抵。不過今日雖然唔駛排隊，但其實大家都坐得好迫。一大班人就唔見議去這間。但單人食又想食韓國料理，這間是一個很好的選

因為趕住睇戲，所以係戲院附近搵餐廳，見到Hungry Korean無咩人，即刻坐低，快快食個晚餐。七點半入座，店內人唔多，得一半full。睇menu見到晚飯套餐都好貴，郁d八十幾九十蚊，於是平平地叫左個甜雞肉飯，我不嬲叫開甜雞肉、炒牛肉，同埋石窩飯，都係質素保證。無幾耐就上菜，份量一如以往好大份，配一碗珍珠米飯，甜雞肉同椰菜絲保持水準，甜醬汁好開胃，好岩撈飯食，所以好快食曬。55蚊既價錢係新都城食到咁飽既晚餐，都算係咁啦，唯一就挑剔晚就係地方比較窄，唔太舒服。

星期五晚上同老公去左新都城搵食，出奇地8點左右新都城大部分餐廳都係唔使排隊，之前假期行過依間餐廳都好長龍，今日唔使排隊就決定試一試依間餐廳係快餐店，自己去收銀處買完嘢食坐低就會有店員拎食物比你。我同老公點左辣豬肉鐵板飯，韓式辣年糕加紫菜卷，等左5分鐘左右就有得食呀辣年糕只係小小辣好惹味，仲有隻雞蛋，隻雞蛋都好好味。最有驚喜就係個炸紫菜卷，好脆！入邊仲係粉絲！好好味辣豬肉鐵板飯，之前食過嘅韓式餐廳鐵板飯都比較多油，但依個就唔會，但那地好惹味配白飯一流咁嘅價錢可以食到韓國嘢質素又唔差，真係平靚正