阿鴻台式料理 (Closed)

近排係荔枝角返工 lunch time見到呢間價錢合理就決定試吓 老闆娘好好人 好有耐性咁介紹個menu卑我 結果叫左個豬頸肉滷水拌麵 $38 真係喜出望外 估唔到呢個價錢有咁嘅質素 豬頸肉好好味 啲麵嘅軟度啱啱好 feel到啲食材好新鮮 廚師又極快手 呢間絕對係打工仔食飯好選擇 好開心又搵到寶🥰🥰

今日等巴士嗰時見到有間台式料理店, 裝修簡潔得來, 又好有台式風味午飯時間見到都多幾多人排, 所以我都去排隊買左個便當試下🤣總共有10款便當可選擇我就揀左香滷豬頸肉便當除左勁有台灣特式, 仲有濃濃既古早味每盒便當仲包左滷水蛋, 高麗菜, 台式香腸同配菜D 飯全部都索唒d滷水汁🤤啖啖都係滷水味仲有d香菜,增加層次感豬頸肉都肥瘦適中, 滷到好鬆軟🙆‍♀️今日既配菜係豆干成件事配撘得剛剛好以呢個價錢來講真係好有誠意🤣

今日行完D2place肚餓了，見呢問好似平平地，平時都鍾意台灣野，梗係要試吓😋😋 店長哥哥好nice咁同我介紹菜式😄 咁多選擇，我決定全部都要！👻 綜合滷便當 （轉拌麵）$58返屋企打開個份量超！多！本身以為得幾款滷水餸，竟然有埋台灣腸同豬頸肉😱 台灣腸外皮仲脆，好香蒜味😍 豬頸肉有油香，滷味都幾入味。今次要左滷水汁，拌麵味道啱啱好，有滷水香又唔會太鹹😋 值得讚個拌麵，買完半個鐘後先食都幾彈牙，如果有得揀粗麵就更正laa😆個人認為呢個價錢食咁多款餸真係超抵! 下次嚟lck一定再encore ~

荔枝角最近開左間外賣台式料理店，竟然有素食滷味和便當，想念台灣的味道可以去試下啊。長沙灣道上一整列賣吃的小店，當中找到這間台式便當外賣。各種台式肉肉便當中，有一個係綜合素滷便當。素食滷味仲可以散叫。綜合素滷 HK$30 (細) / 滷蛋 HK$5 (1隻)素食滷味又幾豐富！白蘿蔔、豆干、冬菇、杏鮑菇、百頁豆腐、海帶結，大部分都滷得好入味，我最鍾意海帶結和冬菇，滷蛋就中規中矩啦。總括來說，唔算話非常好食一定要食，但如果你在荔枝角區工作，口痕想過下台菜口癮，都係一個平平地的好去處。

新開的台灣料理小店，每次經過都見排長龍，第一次去點牛三寶拌麵，好好味！沒想到如此外賣小店竟有非常高的水準，牛三寶軟淋入味，蔥油拌麵也非常香。第二次想去試試他們的便當，便當都有十種，點了一個王牌滷肉便當，裡面有超級多鎹，有多樣滷肉還有些素菜和一些配菜，品種非常之多，又抵又好味！晚上收工在這小店門口等巴士時隨便買了幾樣滷菜回家加鎹，家人都讚這間店的食物好味，台式滷水做的非常出色！😋😋不足的就是中午吃飯時間總是排長龍，需要等，現在天氣炎熱，如果不用排隊等候，咁就完美啦！

經過見到呢間鋪頭條隊排到幾長，心郁郁想試下新嘢🤔嗌咗個滷肉飯，好正😍啲滷肉好入味 口感都不錯 唔會太乾太濕👍🏻覺得個味都似之前係台灣食個味，都幾正宗值得再去

係荔枝角番工，食黎食去都係戈啲野，講真都厭厭地🤦🏻‍♀️。難得有新開既台灣野食就去試下！真係唔食唔知，一食就番唔到轉頭❤️最值得一讚係佢地既滷肉飯，非常入味，份量又岩岩好，食飽飽又工作到夜晚😁除此之外仲有個牌滷肉便當，咩滷肉都有啲，一個便當可以試哂唔同肉類，賣相仲好靚添！等既時間5-10分鐘左右都算正常👍🏻以後都會叫埋其他同事黎幫襯支持下👍🏻價錢亦非常之親民合理👍🏻👍🏻一百個讚👍🏻💯

今日我又真心讚👍吓阿鴻台式飯盒，我和同事自初開張抱住試吓好唔好食心態，各自買了幾款不同口味的飯盒，食過後大家評價都好好食😋😋😋價錢中等絕對可以接受，要明白一分錢一分貨，我之前响中環工作，食晏外賣起碼連埋杯飲品都最少過六十元，但呢間真係唔太貴，最緊要餸菜夠熱及好食，尤其值得一讃係有鹵肉及一口炸雞✌️😋，款式都算OK，我哋而家多咗呢間台式外賣可以選擇👍👍所以同事基本上一星期都最少幫襯三日😜我也推薦给在茘枝角上班一族，中午食晏外賣又可以多一個點作選擇🥳🥳🥳

自從呢間舖頭開張後我與同事基本上一星期五日都起碼三日幫襯，飯盒價錢響荔枝角區嚟講都算係好中等，當然一分錢一分貨，想又要好食但價錢又要平根本響任何地區都好難搵到嘅，首先要讚一讚呢間舖頭嘅王牌係台式鹵水及香酥一口雞😋😋😋基本上我同同事都10分喜愛佢哋嘅飯盒👍👍👍起碼好食賣相又企理，我個人10分推介✌️✌️✌️如果響附近返工，就真係要去幫襯下就知道我冇講大話🥳🥳🥳唔記得提一提係外賣啊，佢哋冇堂食㗎😉

新店剛開所以試下，一啲都唔好食。食材難食兼好鹹，完全唔明點解咁都可以開門做生意。一啲都唔似台灣嘢，一聽到廚師係大陸人，就知唔係正宗台灣便當。我同同事食時都心知”賴嘢”，唔會再幫襯。對呢間外賣店十分失望。同一棟大廈4樓都有間新開台灣餐廳，好食好多兼正宗。下次只會去4樓，呢間…免啦！