阿鴻小吃 (Closed)

又飛 上機前係機場同個死擋食個dinner先朋友係機場番工, 有員工優惠, 咁抵好多本身我就對鹵味無乜興趣, 但朋友話想食就唯有跟囉先黎個老火湯粟米紅蘿蔔煲豬骨樣子...有啲肥，有啲油但無味精，好清甜叫左份麻香海蜇配蒜香雞海蜇麻油味重 好爽身又大大條蒜香雞肉滑 仲要係脾另外朋友叫左份鹵水鵝片配元蹄鵝片肉厚，得四大片，但夠晒juicy元蹄入味得黎，塊皮好𡁻口我地配左撈粗 加佢地個辣醬 好香好

今朝飛所以諗住返機場吃早餐 行過t2見到阿鴻小吃好多人吃 又係米芝蓮所以就入去去啦叫左個b餐 飲凍檸茶吾好睇個樣好似好細份咁 保證早餐來講絕對夠飽塊雞扒真係好juicy好好味火腿奄列d火腿好多塊多士擦埋牛油、果jam 好正正仲有仲有 佢d xo醬真係好好好好吃 我餸塊雞扒差不多吃晒成樽

一個人去完機場imax睇完戲，突然掛住好耐冇食既阿鴻小吃，市區只有觀塘先有，難得一場黎度機場當然要回味一番。蛋麵味道普通，幸好冇煮得過火不軟不硬，湯底冇咩味精，屬一般。豆腐係阿鴻小吃招牌之一，依然保持水準，豆腐洋溢滿滿黃豆香氣，鹵水完全滲透豆腐中，唔會鹹，繼續係我最愛。至於另一款小食臀片比起平時屋企附近鹵水檔相對失色，唔夠爽口。

今日接男人機，等左成個鐘終於見到啦，勁開心啦！～但一開口就係講係米食飯….仲要去返機場2座食鹵水添，佢話之前米芝蓮都話吾錯評價，可以都9點幾吾多人，大約2-3桌客，而有些野食都冇晒，所以只叫左3樣菜式和紅豆奶茶食。南乳齋煲也是男人話十分推介好味，食落今次偏咸但南乳都夠香，菜和配料都吾少，講真係食吾晒添。紅豆奶茶就只屬一般，都係偏淡而紅豆吾多。鹵水鵝…米芝蓮推介！～份量都吾少而鹵水味好入到鵝肉度而且又夠嫩滑，加上下面仲有2大舊豆腐一起食，加上一個白飯其實都幾飽肚。菜心只係用水煮熟所以完全冇味，要加上辣椒醬一起食先有返味，有失望。講真除左鹵水鵝之外其他只可以講普通而已。

如不是有同事順便買外賣，想起來，已經有好幾個月沒有光顧過阿鴻小吃了。畢竟是滷水鵝打響名堂，相關的食物亦應運而生。早餐有兩款比較特別的，一是冬菇肉鬆粥，而另一款最得我心的是銀針粉。湯底是用鵝肉熬成，味道非常濃郁惹味，加入少許冬菜及肉鬆，令味道更添層次，真心的推介。炒麵夠乾身，但明顯地炒得不太平均，沒有多餘的油份，不過不失吧 !飲品可以點羅漢果茶，清心潤肺，甜而不膩，比起喝咖啡奶茶正氣得多。

這店坐落於北角時，已得到米芝蓮的垂青！我一直都希望一試，可惜苦無机会！原來此店已搬到觀塘，再設分店於机場呢！今天剛好提早了時間到机場，随意找東西吃的時候，就找到了此店！鵝片拼千層豬大腸、鵝腎！鵝片非常軟熟、豬大腸很腍、鵝腎很爽口，秘製鹵水汁有香味，又不太鹹！潮式鵝鬆冬菇粥！大大碗，二人用，份量很多，四人吃也足夠！內有軟熟的鵝鬆、軟滑的冬菇絲、加上清甜的芥蘭莖在潮州粥内，美味又健康！羅漢茶！茶被端來的時候熱呼呼的，而且很清甜，感到生津解渴！原來秘製的鹵水有十二種香料在内，難怪如此甘香！侍應們也彬彬有禮呢！

【2015 年 7 月】暑假一家四口去了日本旅行由於凌晨機‧，諗住去到機場至食晚飯而乘搭的廉航 Peach 在機場 Terminal 2 check-in ... 當然在 Terminal 2 搵食喇 !!!原來這兒有『阿鴻小吃』N 年前在北角試過一次，一直都好掛住它的鹵水成日都話去食，到它搬了去觀塘都未再試估不到旅行前可以圓到這個心願原來它不只連續多年榮獲米芝蓮一星殊榮還獲得美國有線電視新聞網絡 CNN 全球六大最佳機場食府和穆迪報告機場餐飲大奬 FAB 最佳地道風味大奬嚟阿鴻小吃當然要點它們的招牌 ... 鹵水喇 !!!例牌 HK$148 雙拼 HK$158 三拼 HK$178我們就點了啖啖肉又好好餸飯的鹵水豬腩肉拼鹵水鵝腎鹵水汁咸甜適中，除了有甘草、香芧、八角、果皮、桂皮、香葉、花椒等材料還加入了羅漢果，所以有種甘甜味，好來佐飯一流這碟蔡瀾撈麵 HK$48 也是我的推介的因為著名食家蔡瀾先生都 LIKE 的撈麵，當然是好野麵質爽口彈牙，豬油的油香加埋薑蔥一起吃，好滿足呀 !!!枱面有一小花瓶好足料的 XO 醬，裡面有少少蝦仔、乾瑤柱和辣椒等配料加少少 XO 醬和撈麵一起食，仲惹味

先旨聲明，這一間店是絕不便宜。而且，做得出色的就是鹵水，其他免問。在等女兒回來，早到了一個鐘。就想坐底食一餐 decent一點。鹵水鴨舌拼五香牛展，份量很少。鴨舌，香，爽，軟骨是脆的，非常滿意。牛展，質地和刀功俱佳，略嫌不夠入味。鹵水，非常出色，對於一個品酒者，它的 complexity 和 balance做得相當出色。可以聞到甘草，桂皮，香茅，小茴香的香味。舌上則有花椒，八角，果皮混出的味，還吃到羅漢果的微甜。還有一些不知名的 after-taste，非常花心機的鹵水。不想食飯，叫了一碗白粥來吃牛展。題外話，桌上有一小瓶 XO醬，感覺是自家製，非常足料，又瑤柱又蝦乾，不是很辣，記得一試。

因為唔記得帶鎖匙, 所以放工直接去機場接老公機, 順便食阿鴻~ 記得以前係北角店排長龍, 好好味, 咁老字號但可惜都敵不過租金貴~機場店無以前北角店咁好味, 但都ok, 不過價錢幾貴下~例湯$30, 今日係粟米鷄, 好飲好甜果然無味精(因飲完唔會狂口渴), 初初以為$30一細碗, 點知個碗幾大可以分4碗, 全個餐牌最抵呢樣~跟著前菜雙拚$98, 叫咗滷水蛋同海哲, ok好味但細細碟收$98, 你睇下個滷水蛋拼埋一隻都無, 海哲得少少, 食水好深!!四季豆(唔記得價錢), 幾大碟幾好味~想叫鵝片, 可惜無鵝片無得啖啖肉, 得鵝件(有骨個隻), 都幾貴$198, 仲要下面只係豆腐~水準唔會比以前差好多, 但價錢破貴~

是日到機場接機, 由於Terminal 1充斥大量”砍人一頸血”的食肆, 還是Terminal 2的比較親民, 在Terminal 2中, 最吸引眼球的莫過於阿鴻小吃,阿鴻小吃本身已榮膺米芝蓮一星, 機場分店更膺全球性機場飲食大獎—Airport Food & Beverage Awards 2012 <體現最佳地道風味>榮銜及獲CNN選為全球六大最佳機場餐廳之一, 一登龍門, 升價十倍, 幸好此”價”不同彼”價”! 阿鴻的價位與機場中其他餐廳比較仍是可以接受.店員告知是日沒有招牌鹵水鵝片, 惟有轉戰阿鴻其他大熱菜式:南乳粗齋 ($68) 其實不太想點這道菜, 因為我們不想吃白飯, 但又怕單吃會太鹹, 又想試試這道招牌菜 (好難服侍), 唯有硬著頭皮一試. 咦? 雖然南乳顏色”色水很深”, 每件蔬菜都被染上南乳的淡磚紅色, 但味道竟然不太鹹, 有南乳的鮮香, 但沒有死鹹, 吃罷一盤都不需要狂灌水, 很不俗!! 蔬菜有紹菜, 白果, 枝竹, 雲耳, 紅棗, 紅蘿蔔, 冬菇, 豆卜等, 最喜歡吃紹菜, 枝汁及豆卜, 因為夠”索汁”, 很入味, 與南乳為最好的朋友! 美中不足

講真，48元一個外賣鹵水餓飯已經不甚苛求太多，但沒有想過佢地只給一隻蛋兩舊完全是肥肉的物體，最攪鬼是那兩隻鵝腳🈯️，真是難為佢地要將一隻鵝掌裡續隻腳🈯️斬下來分兩隻來做飯盒，D鵝真的很貴哦！

之前入機場看"歌星魅影"跟朋友又去吃小吃, 哈哈!! 兩個人叫得不算太多東西, 因為都不是太餓......叫了一個SET再加小吃......有SET的比較抵一些, 而且可以自由配搭, 所以每次吃都會叫一下, 有小吃有麵食及飲品, 不鑤!!!撈麵~~~每次都叫, 因為覺得唔會太乾, 又好味, 而且仲算幾大份, 咸味適中........五香牛月展及麻香海哲~~~牛展好淋而且好入味滷水味出, 而海哲就好煙韌, 而且辣味配得幾好, 好野味, 還有配菜的黑木耳, 又爽口又有益!!!素鵝~~~真係不知道原來這個很出名, 朋友說才知, 同埋都唔係平, 但吃上口又真係好食喎, 超入味, 而且很滑的腐皮, 又薄又有滷水口感, 不過就咁食就會有少少味濃, 但都可以, 如果配一些麵類等就最好不過!!! 芥茉雞腳根~~~平時我很吃得辣, 但唔太吃得嗆鼻的東西, 這個其實個味幾好及口感很厚, 很有骨膠原的感覺, 如果用其他配醬我應該會吃更多......雖然不是很多東西, 但已很飽, 再配上一杯熱的羅漢果茶就更滿足滋潤一下, 加上味道及服務都很好, 這是我在機場很常吃的一間, 看SHOW的前的聚腳點, 下次睇下幾

阿鴻在機場開張以來，一直沒有造訪，今次到訪，沒有嘗試其「撚手」鹵水，反而點了職員套餐！ XO醬墨魚炒飯套餐HKD70侍應先端上「木耳絲」小食，用醋去醃製的木耳絲口感帶爽脆，還有少許杞子作咬口，開胃的餐前小吃！輪到炒飯上場，XO醬入口帶微辣，刺激了食慾，飯粒分明，乾身不油膩，墨魚入口彈牙，配料也不少，配以芥蘭粒、蔥花、蛋絲，不錯的選擇！熱羅漢果水，味道甘甜，顏色像廿四味，對於有幾聲咳的我，舒緩了喉嚨！吃飽飯，依然繼續工作去！

睇演唱會前的飯聚!!! 很久沒有吃, 之前吃過一次也印象不錯, 今次又想試下...原來有餐可以叫, 價錢都算幾合理, 因為在機場鋪來說!!!撈麵~~~跟餐的, 原來都唔細, 幾大, 每人試兩啖左右!! 麵幾爽及彈牙, 唔算太多油, OK~滋味雞~~~雞很滑, 雞皮也一樣, 唔會有太多肥膏!! 醬汁有點像怪味雞的感覺~~麻香海哲, 五香牛展~~~很喜歡吃的"橡筋", 哈哈~~麻香有點麻辣的味道令很彈牙很爽的"橡筋"更能提高味道!! 而後者就好淋, 有時覺得有些筋不太方便咬開, 但這個真的淋到好像入口即溶一樣, 好味!!!幼麵~~~清清地的湯及素麵, 配埋其他餸一齊來吃那就很搭配了!!!蘿蔔小唐菜~~~有菜膽有很淋的白蘿蔔, 超級入味, 浸了湯的味道也超淋!! 而最上面的一些香口炸魚仔就能把淡淡的蔬菜吊起味來, 清淡得來又有味道!!!碎肉荷蘭豆~~~野味之選!! 肉碎及豆都炒得很香口, 而調味方面有點辣的味道, 很野味, 用來撈飯或素麵一流!!! 不過我覺比較油了少少, 少一點油較好...滿滿又抵的一餐!!!

在香港的機場大樓找美食，絕對是不難，不過，有人說，在機場，你俾得起錢，Fine Dining，機場處處有。錢不多就沒有美食嗎? 非也，香港機場 terminal 2 的出現，就多了許多比較平民化的酒樓食肆。我說只是比較平民化，因為比較一下，都是比外面的貴少少。是日我要說的，是早已經馳名港九的《阿鴻小吃》，北角店，去過食過，《阿鴻小吃》轉戰機場多年來，我永遠都只是來過看過，食，這就是第一次。這天，來機場的目的是接從美國回來的外父，外父一出閘，太太就建議先在機場吃好，洗個塵才回家，而太太就立即想出《阿鴻小吃》，因為有一個馳名的南乳粗齋煲，原來她想試好耐。來得《阿鴻》主要都是食小菜同鹵水，而他們算是一家素食 friendly 的小店，因為除鹵水食品之外，《阿鴻》的南乳粗齋煲是十分之有水準的，據我所知，這亦是他們的其中一個鎮店名菜。說是南乳粗齋，的確是南乳粗齋，首先，南乳的豆香味是非常之濃烈的，濃得連煲內的水汁也呈現出粉紅的顏色，而材料，的確是很簡單的粗菜，大白菜、冬菇、木耳、雲耳...素食，就是這樣的簡便，簡單而又可以登大堂，《阿鴻》的南乳粗齋煲做得到。另一個素食 friendly 的，就是