阿鴻小吃 (Closed)

心血來潮請日假，走到機場接老友機順道食個靚飯。本想到何洪記或美心翠園，誰知老友識途推介 2 號客運大樓有好野食，梗係去試試啦！踏足機場多年都不知道柳暗花明又一村，有一排食肆開在這邊呢！真係走寶呀。黃昏五點幾的接機晚餐，少食多滋味。雷奧、凱多、法蘭奇，滷水鴨舌、滷水鵝片、滷水圓蹄併滋味雞！我宿醉未清，來多碗白飯及壼鐵觀音醒醒去。到最後一碟，滷水圓蹄併滋味雞送到時，嬸嬸稱 last call 喇。因示威關係要提早收檔徹退呢，明白明白。滷水鴨舌，食過王子飯店鴨舌出品，暫時其他食肆都被比下去了！這堆還能評為美味，飽滿肥嘟嘟，脆脆軟骨。外層爽爽，掉入口一趙爆開，汁液四濺，滷水芳香。滷水鵝片配豆腐，沒有跟白醋好罕見喎。眼測已預料肉質不怎嫩滑，肥瘦適中鵝肉味甜美親民，鵝脂甘香不膩，滷水浸得完美無瑕。豆腐也絕不馬虎，豆味濃郁，外皮嚥韌香口白肉嫩嫩。搭著鵝片齊齊啪，有更高級的享受。滷水圓蹄併滋味雞，滷水圓蹄比起燻蹄更多功夫更加珍貴，厚切肉汁特別豐富欲滴，豬肉純天然甜味非凡，就連滷水都眨為配角。爽脆豬皮黏著彈彈豬肉，煮理得實在出色無比！脆皮白切雞，似足年青時係英國食𣇈雞，真令人懷念。堅係雞有雞味，價錢高昂

之前幫襯過幾次阿鴻小吃，都是匆匆忙忙地買個外賣飯盒，覺得嚐不到真味。今天Honey往外地，我到機場送機，趁還有時間，我們就在阿鴻小吃堂食餐廳吃了個午飯。我們不是機場員工，沒有套餐，只能散點。價錢合理，坐得也舒服，店員態度亦殷勤。我們叫了冬菇鵝肉鬆粥，還有撈麵。肉食方面，叫了鵝片、滷豬腸、滷鵝掌。三款食物，Honey最喜歡冬菇鵝肉鬆粥：湯頭很甜，滿口是鵝肉的甘香。粥底是潮州粥，米剛剛開，有米的口感，又不至於廣東式粥品的綿滑。而且，有芥蘭度，清新，Honey讚不絕口。撈麵：是幼身的鹼水麵，很滑，又爽口。配以芽菜和XO醬，我覺得幾好味，Honey就覺得普通，淡口一點。我叫了鹵水三併 - - 鵝片、滷豬腸、滷鵝掌：豬腸好入味，圈圈啖啖肉，沒有肥膩，沒有髒物。鵝肉片也不少，沒有想過這麼大碟，$238也算是貨真價實。不過，鹵水鵝掌就有點過鹹，不過，很爽口。整體而言，這餐午飯，非常滿意！

之前成日都見到知道佢啲鹵水鵝好出名但未有機會試，今日終於試到。餐廳入面好多大枱，啱晒一大班人去食。喺門口已經見到ok多人，大家都一邊等位一邊睇menu同落單，有效率啲。我哋全部都揀套餐A，有鹵水鵝片外加一款鹵水食物。我要墨魚，同行嘅人分別嗌牛𦟌、腎同豬頸肉。我個墨魚無乜味，不過就好爽口唔會韌，反而試咗人哋個牛𦟌覺得好好食，好入味而又唔會太鹹。值得一提係佢個辣油好香好正，個墨魚沾完啲辣油之後好食咗好多。講返主角鵝片，份量都算ok（大概有五片左右，有啲都切得幾厚身）。雖然望落有啲肥，但食落唔肥膩，好腍好易咬。佢下面啲豆腐都幾好食。標價$130，但有七折，埋單$91，都算幾好，可以再食。

下午落機，一心諗住食飽飽直接返去訓覺，見門外有下午茶餐介紹，就直接坐入去食。舖頭本身人已經吾多，但係坐底左好耐都無人攞餐牌過嚟。到我不過揮手示意至有人拎過泥。而個職員淨係比個正價餐牌俾我地，我係隔離枱拎左套餐餐牌叫，佢就話吾叫得架你吾係職員，然後收起個套餐餐牌。但係我見個套餐餐牌寫住職員七折，咁即係話街客應該都可以叫，只不過冇額外折扣姐。不過實在太攰啦，吾想同佢拗。最後兩個人，叫左碟例牌鵝片、菜心同撈麵。d野食凍凍地，味道好一般。最後埋單兩個人三百幾蚊。下午茶咋好無！d野又無新開張既時候咁好食、職員又吾老實，實在諗吾到一個理由返轉頭再幫襯😡😡😡

爸媽出埠旅行，今日特登送佢哋去機場。 由於是搭長途機的關係，先同佢哋食啲嘢再上機。本來想去 T2 食 food court，但時間唔夠，只可以行到去食阿鴻。叫咗三樣嘢，分別係鹵水拼盤，海鮮炒麵同蔡瀾撈麵。拼盤本來想食雞腳筋，但賣曬，只好揀牛。 個豆腐就偏鹹，牛同墨魚就硬咗少少。過海鮮炒麵就係失敗之作，個芡汁成尺咁厚。 不過海鮮都算足料，有魚、蝦同貴妃蚌。 成個麵炸到脆卜卜。 我 expect 嘅炒麵係有鑊氣㗎。最後係蔡瀾撈麵。用得蔡 san 個名就即係有珠油啦。我唔知落咗幾多珠油，不過呢個無其他料嘅撈麵的確係好香嘅。食完很失望，因為完全食唔出有米芝蓮餐廳嘅水準。可能我叫錯餸吧。3樣嘢，埋單$286。

去機場睇完戲之後，就順便係度食完晚餐先出去。來到機場就想啲特別啲既野，見到呢間拎左米之蓮，就入去試下佢。我地想叫星級鹵水鵝片，點知賣晒😓，唯有叫鵝件拼其他。叫左三拼：鵝件、鵝腎同鵝翼。上台發現好大份，好彩冇叫咁多其他，如果唔係食唔晒。鵝腎好爽，好味。鵝翼啲肉幾結實，幾好。鵝件啲肉好嫩滑。美中不足的是鵝件偏肥，原來咁大份係因為下面墊左豆腐😅。有啲鵝毛未整乾淨😅。潮式鵝鬆冬菇粥，味道岩岩好，食到鵝的味道，幾清甜。

今次放大假去了日本旅行，回到香港已經7時多開始肚餓啦，於是決定和友人在機場食埋晚飯先離開啦！今次就來到位於二號客運大樓內的食肆啦，人流明顯比一號客運大樓小很多，坐得比較舒適呢！木瓜花生豬骨湯去完旅行當然要飲過老火湯，下下火呢！湯煲得夠火喉，不像一般餐廳的味精例湯呢！十分滋潤，一口氣飲哂呢！蒜蓉雞（半隻）十分嫩滑，最難得的是沒有血水，最怕餐廳想把雞煮得嫩滑而煮得太生！而且還有淡淡的蒜蓉香味！滷水雙併（豆腐，牛𦟌）又是喜出望外的選擇，滷水十分入味，豆腐很嫩，牛𦟌也不會過老！想不到機場也搵到較好味用心的食肆，侍應也十分有禮，值得一試！

首次幫襯阿鴻在赤鱲角嘅分店。每次到阿鴻小吃都點南乳粗齋。它有濃濃南乳香味，有豐富嘅材料: 雲耳，金針，豆卜，枝竹，紹菜，小粟米，冬菇和心形紅蘿蔔片。而且有「家」的味道這天除點了摯愛之外，還選了海鮮炒麵。坦白說，當員工把炒麵放在眼前時心裏一沉。炒麵上一大灘透明玻璃獻。。。海鮮有鮮魷、魚片，和一些韮王和草菇。整體白潺潺。。失望也得試試看。先夾起鮮魷，也算爽。然後試魚片。。。很鮮甜新鮮！再試些炒麵！麵底很驚喜！味道剛好，脆過媽咪麵！它是鬆脆得近吃薯片。新鮮炸起的麵固然新鮮，吃到最後依然十分香脆。不油不膩。忍不住把所有麵條幹掉！最後服務也很週到。員工細心有禮之餘，還主動為食客解決問題

因工作關係要到機場走一趟，見時間尚早決定食返個早餐先😊 喺 Terminal 2行咗個圈，餐廳食肆都有唔少可以選擇，仲有一個food court添。最終我被阿鴻小吃所吸引，因為阿鴻小吃曾獲得米芝蓮殊榮，一試無妨！早餐有中式有西式，任君選擇我自小就對銀針粉情有獨鍾，難得見到阿鴻有銀針粉我又怎能錯過呢～香菇肉鬆銀針粉可以配蘿蔔糕或者炒麵～ 其實炒麵都好吸引，但只有我一個人嘅力量真係食唔哂呀，所以揀咗蘿蔔糕～銀針粉嘅湯底用鵝肉熬成，味道香濃惹味，銀針粉彈牙再配上冬菇、蝦米、冬菜、豬肉碎，更添層次，yummy😋 蘿蔔糕都好有水準，煎得香脆之餘，啖啖都食到蘿蔔及粒粒臘肉👍🏼總括而言，早餐$39配埋飲品，抵食美味！

阿鴻是最早期拿米芝蓮的平民食肆，時日如風，原本在港島區大型私人屋苑的總店已關門大吉，剩下觀塘店與機場店。坐完長途機到達時已九點十點，全都是本地客，入座後要等良久才有侍應招呼，若趕飛機請三思而入座，不過侍應妹妹同清潔的姐姐都非常有禮貌答笑風生，令人忘卻那少許受待慢之感。一心來嚐的是芥末雞腳筋，但侍應妹妹說雞腳筋已斷貨多時，就連觀塘店也沒有，聽到後頓時晴天pig pig，原本想到要點的小食三拼的我們陣腳大亂。侍應妹妹說總公司正與供應商協商穩定來貨，希望有機會再試。最後轉點了鵝件三拼。我們選了拼墨魚和牛腱，附豆腐底，牛睷原屬小食類，不在鵝件三拼的選項上，但侍應妹妹還是頗懂變通的。難得是沒有死鹹，味道偏淡。附上的酸汁也同樣沒甚味道。牛腱大大片。整體中規中舉，不算突出。素鵝，賣相吸引，上色入味，中上之選，但還是灣仔杭州酒家的好食一點。灼菜芯伴XO醬，連清潔姐姐都話機埸價$28超抵食。分招牌炒麵同蔡瀾炒麵兩款，前者加XO醬後者加豬油，是次點了前者。麵很幼身煙韌，炒至乾身不油膩，能食到麵的蛋和麵粉香。少許辣度，特別開胃。

三月了，又係時候去旅行，去日本之前食返local hk food先！去terminal 2 check in先知有呢間野的存在，經過見到呢間舖攞左好多獎，就試下先。古色古香的menu design。簡單的食品配搭，好明顯知道要食D咩！潮式鵝鬆冬菇粥配蘿蔔糕($45)，湯底以鵝肉熬製，又幾好味，真係有鵝肉添。食左咁耐蘿蔔糕，呢間真係好有水準，十分重的蘿蔔味，不是開粉的，而蘿蔔糕煎得十分香，食到粒粒臘肉和蘿蔔味，雖然囉左米芝蓮一星咁多年，但係絕不戲場！依家好難食到銀針粉，好高興呢度有D傳統食品，香菇肉鬆銀針粉($39)。銀針粉爽口煙韌，入面加左D炸菜蝦米，口感豐富，十分yummy。能夠在離港前食到咁地道小食，真的是心滿意足。

之前試過佢堂食個XO 醬幾好食 但今日去食就換哂做辣椒油! 個員工仲同我講話不嬲都無XO醬提供! 要自己買先有個價錢已經唔平嫁啦 想食下XO醬都無有無攪錯 同埋個重點係之前有 而家無 個員工仲要講大話 真係火到黎 公司cheap改制咪認囉 點解要講埋D咁既野就想過骨先? 希望有人follow 呢件事

在香港機場的餐廳用餐, 除了特地進入位於禁區停機坪地底的員工餐廳之外, 因為價錢很遊客所以只有一兩間常吃的. T2新開的"香港地"一份雞蛋仔都索價$20呢, 平日常光顧阿鴻小吃.....旁邊的唐記包點, 今天在同事的引誘下終於一嚐這間打進米G蓮書仔其中一格的阿鴻小吃.南乳粗齋 配飯 例湯用迷你煲仔上碟, 保持著食物的熱力, 感覺較入味, 木耳, 豆腐卜, 娃娃菜各樣食材都吸收了南乳湯汁, 南乳味濃配白飯最好不過. 旁邊一大壺阿鴻出品辣XO醬, 炒得很香又足料, 也是撈飯之選. 是日例湯不是太淡, 亦沒有太多油浮面. 這個Staff menu真是員工恩物呢.

在米芝蓮看見有鵝片外賣飯盒，心想可以在上大陸的直巴途中醫肚也不錯，怎知上車打開，我真的不知鵝肉在那裡？只看見鵝背和幾塊肥豬肉，全盒只有那隻蛋才算是比較正常，這盒只可以稱為一隻鹵水蛋飯而已，我真的不知那粒米芝蓮星厲害在什麼地方？看見大家堂食的照片，原來和外賣可以如此差天共地，請問一間食店的誠意何在？就是騙你外賣走而沒辦法回頭跟它算賬？外賣招牌菜都可以如此，這間食店還有誠意去做好本份嗎？

話說... 今日除左係我地飛去歐洲既大日子外..呢日仲係同行其中一個朋友既生日..知道黎緊無時間慶祝.. 所以... 我地飛前決定比個驚喜呢個朋友我地相約埋係機場做野既朋友. 簡左阿鴻小吃做朋友既生日飯我地就簡左幾個餐南乳齋煲有南乳既香, 味道亦唔好太咸煲入面有豆卜,雲耳,蘿蔔等等既蔬菜..每款都吸哂南乳汁既精華十分入味拌飯無得輸豬腩肉併滋味雞豬腩肉肥瘦適中, 而肉質亦唔韌滋味雞肉質好滑唔錯..去機場...如果預夠充足時間... 其實唔係入離境大堂食嫁~~可以去阿鴻小吃.. 的確又係一個唔錯選擇