現代屋台 (Closed)

本來同太太想去土瓜灣一間新Cafe 食晚飯，去到居然臨時休息，無計，唯有轉地方。想起附近開左間韓食店，一路無機會試，擇日不如撞日，就去試新野…星期二，不是假日，入去得一位客人，無關係，靜靜地仲好，點左韓式香葉大蒜蒸三層肉大白菜卷、韓式甜辣醬炸雞伴大葱沙律、美奶滋醬烤八爪魚伴半熟蛋及香葉。點好菜，慢慢去洗手間洗隻手食雞，出黎碟炸雞已經在枱面…咁快，即係番炸…賣相一般，大大件五件，但係雞同炸粉完全無味，佢又無茄汁，Oh......自己加鹽，入面無味又乾兼有少少孩，出面小食店d 炸雞脾好食好多…又無酒牌，炸雞無啤酒…唯有自己去買！再黎三層肉大白菜卷.......係韓國都唔係好覺有呢味野，自創吧！用大白菜卷住d 肉，唔係好特別，亦唔見得好食。最後黎個八爪魚，真係唔知佢想點。八爪魚半烤半煮既感覺，係上面加大量蛋黃醬，旁邊放左半熟蛋，唔係好配到，成碟都係砌出黎，唔識欣賞。不過佢個半熟蛋就做得幾ok！環境服務衛生都好好…但係食物整體黎講我唔係好知佢想點…唯一正路係個無味炸雞！

＂現代屋台＂這店裝修簡約，色調悠和，感覺舒適，店員親切有禮 👍👍在他的推介下，我的午餐點了＂瑞草純牛漢堡煎蛋韓式香蒜飯＂果然是不錯的推介👍👍👍將瑞草、蛋汁及香蒜片混和一起，不會吃到蒜片的濃辣，反而，吃到漢堡牛肉上加了青椒的辣味，少少辣味、少少蒜味，味道醒胃，份量適中，真的不錯 👍👍👍👍午餐款式選擇多，晚餐也有烤肉供應（不用自己燒，十分方便）值得再來試試。👍👍👍👍👍

第一次到呢間餐廳，點左一客午餐套餐，鍾意食個個大白菜卷，裡面包住啲豬肉，薄薄地唔會太油膩，配上淡口既大白菜味道岩岩好！而且感覺做好健康！隔離有個飯團，份量對於女仔岩岩好，唔會食唔晒浪費，又好均衡營養。個芝士醬年糕上面成層都係芝士好正！年糕都好好味，整個餐既份量味道同配搭都好岩我心意好好！

抱住試一試的心態來 --- 19點左右，人客唔算多。先點了DINNER的MAIN DISH: 先農牛骨湯(配飯)及大蔥剪餅大蔥剪餅一點不似用煎的，不脆，很軟糯，味道偏淡，但入口辛辣! 原因是加了辣椒連籽，我會形容這種口味是裸辣，味道相當突兀! 老實說，不會再叫這款的了...先農牛骨湯味道也清，只有少量牛肉(展位)，但賣相很好，米身亦OK。食完以上兩款，好明顯，食左陣風~~~ 唔夠食，再叫吧! 叫了個泡菜魷魚，又幾好食，不過份量都係唔多的~魷魚好食，煮法加了甜，配泡菜味果真不俗。整體而言，食物算OK，有小店色彩，但價錢加加埋埋就唔會平。

觸發今次搵食到土瓜灣絕對是睇中它們的「韓+潮」跨入此區對於我亦不困難，一個轉車站已到步、店子門前更是人來人往學生哥放學的行人路上但午飯時段入座率反而不多，真是有點難理解．．．韓風之下取價都是$四十餘元，穿校服者更提供$38.元優惠、其實取價亦算公道裝修亦以簡約年青口味，理論上也吸引一眾青年口味看看餐牌，飲品是要叧附加金錢、跟上套餐便有優惠比如我這杯果汁益力多深水彈雜飲為例，便要追$16.元最初侍應取來，我還嚇上一跳、啤酒??心想: 我沒有叫!!!原來罐內別有洞天，盛載着是準備好之雜飲連冰、而益力多便是用另一杯子盛上拍過幾張「沙龍」後，侍應小姐就在我面前、搖呀搖，十數下中混和上益力多與雜飲便呈現眼前杯子分量剛好，準繩度務必事先測試多次 連冰平滿之雜飲，橙汁味帶強、味道有點像小時雜果賓治點點小碎果肉，零星落索地沉澱於杯底中、用長羹撈一撈方才知道小小甜小小酸，合正學生口味選上之套餐分別為韓式甜辣醬炸雞及芝士年糕上場之炸雞，入口甜甜辣辣、味道不錯，辣度乃是輕量級可惜分量頗小，大約有五至六件，雞皮乾帶韌性亦有欠慷慨．．．而芝士年糕採用上是韓式年糕中最幼版口感煙韌，但芝士分量實於輕手、「剛剛好，

環境乾淨，服務態度好。。忘記影飲品：熱柑橘蜜&冰炭咖啡。韓國食物的味道或特式嘛就欠缺了點，味道雖普通但不是難吃的。魷魚腳帶甜味，有咬口，泡菜微辣；煎餅帶辣味，口感煙韌，我覺得最好味是這樣；燒肉拼盤的肉鞋口了，另附上大葉菜+蒜粒+泡菜+香葉用來包著燒肉食。

4月26 日晚我同兩名朋友到上址食飯，因多人而坐Bar 枱感覺尚可，我地点左烤肉拼盤，鯖魚，芝士年糕。烤肉拼盤牛肉味道最突出好味，雞肉調味不俗，朱肉用五花腩好香口。重點推介鯖魚醬汁特別好味，冇腥味，賣相亦佳芝士年糕份量足夠最後飲品亦有多樣選擇，我點了好特別嘅深水炸彈，朋友點左炭酸咖啡及柑桔蜜茶

第一次食依間韓國餐廳，叫“現代屋台”，新開咖……食物質素方面，三個字：麻麻地……今餐叫左個甜辣醬炸雞腿肉伴紫菜韓牛蔬菜飯卷 ，燉牛肋骨 ，芝麻南瓜朱古力米通雪糕……一，個甜辣炸雞腿肉唯一一個比較ok的。但甜嘅為主，無咩辣味，如果食辣嘅朋友仔，一定要佢加辣！！！二，個燉牛肋骨大大碗甘，但牛肋肉份量少而細細舊，仲有好多配菜，配菜有白蘿蔔同紅蘿蔔，但完全唔濃味，係一個清燉湯，無咩韓式味道！鐘意清淡嘅人，可以揀依個……三，韓牛蔬菜飯卷係要自己DIY，但完全唔見啲韓牛，碎上嘅？……見唔到囉……蔬菜粒為主，舊飯都幾多，最有趣係……紫菜盒原個包裝上，仲見到包防腐劑，哈哈哈……應該無事嘅！整體似舊飯，多過份卷物，希望可以改善下！四，最後個芝麻南瓜醬米通雪糕，一定一定叫佢後上！！！一齊落單，個雪糕重早過個正餐到，唉……仲要快啲食，放得耐，米通會淋曬……但整體嘅服務態度唔錯，讚！！！

這店裝修特別，經店員介紹下我們點了幾款菜色，韓式甜辣醬炸雞、肉串、芝士年糕及雜錦烤肉。這炸雞之醬汁甜美，美味醬汁包住脆脆炸雞好juicy呀... 肉串及雜錦烤肉上檯時我問店員是否漏比醬汁我們，店員回答：「食物味道是足夠的，所以不需要加醬汁」，我們三個人對望後覺得奇怪，黑椒汁蒜茸汁都應該有d呀...我地即管一試啦，果然真係好夠味，牛有牛味，雞有雞味，燒烤後加上點點的芝麻夠晒色香味俱全...不得不題的是芝士年糕，濃濃的芝士香味 + 一條有口感的腸粉（韓國年糕）= 口感綿密，讓人百吃不厭。

同平時的韓菜不一樣，夠modern! 環境同菜式都好配合，最喜歡廚師烤好的韓燒，不用自己動手，賣相唔錯，好食呢！😘仲有柚子烤焗鯖魚伴醬油豆子，最好係唔太油，又不太濃，未試過係其他韓歺廳食過！亦特別喜歡深水彈雜飲，有得飲又有得Shake！