I Café

Open Now

Now Closed

抹茶紅豆鮮奶好飲昨日晚餐去了尖東半島中心I cafe食，門口斜對面在一隻好大隻的熊仔。餐廳幾開揚，我們就正坐有餐廳門口附近的坐位，一邊食，一邊聊天。埋單不貴，104元兩位，平均每人52元。(小補充: 因為我們去到尖東叫餐大概5:00左右 ，所以那時候還有下午茶餐，於是我們便叫了兩個下午茶餐當晚餐，哈哈，抵食又飽肚)鮮果沙律/ 薯條/ 薯角，再跟魚柳/ 吉列豬扒/ 雞比。$42。跟餐飲熱情果醬菠蘿冰就加$8。鮮果沙律主要是哈密瓜，蘋果，菠蘿，少許椰果。味道清甜，易入口。魚柳炸到金黄脆卜卜。沾一沾沙律醬，就成了美味香口的炸魚。熱情果醬菠蘿冰，黄色的，底部全時菠蘿，豐富的水果風格飲料。甜度適中，菠蘿不酸，好味。另一個餐同樣叫了鮮果沙律，配魚柳。$42。飲品就叫抹茶紅豆鮮奶，跟餐加$12。抹茶紅豆鮮奶好好飲，味道不會太甜，而且豐富抹茶味，紅豆份量又好多。

今日同事榮休晚宴，晚宴之前同好友在尖沙咀行下街。肚餓就隨意找了個餐廳吃下午茶。遊客區的尖沙咀食飯都幾貴，好難得比我哋搵到間餐廳，下午茶選擇超多，兼且大份又抵食！點了🐱龍蝦汁海鮮燴意粉$60以為是下午茶會細細碟，但份量超多。雖然龍蝦汁較淡，但海鮮很多！大大隻青口、蝦、魷魚、魚柳，全部都挺彈牙新鮮。洋蔥、青椒、菇等，口感豐富。意粉也算挺彈牙。🐱All Day Breakfast $58材料非常豐富，營養均衡。好大條司華力腸，仲要切花邊！薯餅好脆。牛角包牛油味重，但唔夠酥脆。火腿和煙肉都大大塊。仲有個炒滑蛋。蕃茄和沙律菜更增添了一點清新。🐱iced mocha $10加$10有特飲，尖沙咀少見！朱古力和咖啡味的平衡感都不錯。🐱抹茶紅豆冰$12紅豆算綿，而且不算太甜，味道不錯。其實仲有漢堡、飯之類，飲品也超過20種，性價比高之餘，算舒服好坐。

今日喺尖東周圍行嘅期間，竟然比我見到有間舖頭有咁多BEARBRICK，近期入坑BEARBRICK 嘅我當然唔會錯過呢個機會啦，於是乎就同女朋友入黎坐低左食下午茶，咁就可以慢慢欣賞下D BEARBRICK 啦。講返呢度嘅食物先，我地就叫左個公司三文治同埋龍蝦汁海鮮燴意粉。公司三文治幾多料，入面有蛋，生菜，火腿，蕃茄同豬扒，味道都唔錯，三文治都烘得香脆，中間嘅薯條係新鮮炸起嘅。龍蝦汁海鮮燴意粉亦都好足料，有魷魚圈，青口，蜆等材料，賣相亦相當唔錯。加埋杯凍檸茶就成個下午茶ｐｅｒｆｅｃｔ　啦

喺尖東海旁行咗陣同男朋友嚟咗半島中心搵食 叫咗兩個下午茶餐 我朋友叫炸肶配紅豆冰 而我就叫做吉列魚柳配薯條 跟凍檸茶炸肶似係生炸雞髀 外皮好脆 雞肉唔會炸炸到乾柴 都幾大隻 食到雞肉嘅原味又唔會有雪藏味吉列魚柳炸漿夠薄得黎而魚柳肉都算厚 所以食落一啲都唔油膩 薯條同樣新鮮炸起 分量仲好多添 職員亦好細心跟上茄汁同沙律醬呢餐夾埋80蚊鬆啲 喺尖沙咀嚟講都算幾抵食 而且食物質素都Ok 其實餐牌仲有好多唔同選擇 我見啲焗飯意粉甚至乎bagel burger都有 種類幾多 下次可以再試其他

今天難得可以提早放工，下午茶時段專程來到尖東找舊同事覓食! 舊同事介紹在半島中心的這間高質素平價茶餐廳。這裡的擺設和風格都和傳統茶餐廳有點不同，餐牌有中式和日式炒飯，亦有英式早餐，更有墨西哥菜，十分特別。餐廳擺放很多公仔和figure, 比較年輕化。同事點了即磨咖啡，十分幼滑，咖啡味亦很香濃 同事讚不絕口我點了薄荷朱古力拿鐵，還有很漂亮的拉花。薄荷味十分突出，甜度亦剛剛好，不會太甜亦很幼滑 挺特別的一個咖啡配搭組合牛油果火雞胸panini, 上碟時砌成心形，十分特別。panini內充滿牛油果蓉，有數片火雞胸和生菜，入口有一種清新的感覺。口感不會因為兩片麵包而乾口，火雞肉與牛油果配搭適宜全日早餐，有大大條司華力腸，蘑菇炒蛋，蕃茄，茄汁豆，牛角包，煙肉，火腿和薯餅。十分足料！ 價錢$58 性價比實在太高！司華力腸外皮爽脆，外貌亦十分引人注目薯餅挺厚肉，不會只有外層的炸粉。 炒蛋內有很多蘑菇，份量很大。總結而言，尖東這地段有這間新式茶餐廳，實在難得，價錢十分相宜，而且食物飲品質素亦高期待下次光臨再試試日式菜

今日在尖東發現咗間性價比幾高的下午茶。起半島中心入面呢間cafe，weekend 下午茶價錢都係三五十蚊，好抵！龍蝦汁海鮮燴意粉估唔到下午茶有咁大碟，份量絕對夠一個大男人食！龍蝦忌廉汁煮得唔錯，海鮮都幾多款，有中蝦青口魷魚，幾鮮味。牛油果手打牛肉漢堡牛油果控嘅我，一見到有牛油果嘅菜式就一定要試，今次仲竟然記起下午茶餐牌見到牛油果牛肉漢堡🤩滿滿的牛油果醬，都幾襯牛肉，仲要係雙層牛肉！套餐轉咗杯Matcha Latte，都唔錯。餐廳環境坐得幾舒服，撞正有窗口位，仲可以望住條行人大街，絕對係消磨時間的一個好地方。

蔥油雞扒飯來講，果然蔥油先係主角。雖然佢塊雞扒賣相10分OK，快皮又脆又好食。但係佢個飯底同埋雞肉本身就真係令我有啲失望。有時食飯口感重要過一切，可能下午茶已經做到好攰啲飯開始變得好林，太軟。而且件雞扒，真係冇乜雞味，唔知係咪調味得唔夠時間，所以有啲暗然失色。

位於尖沙咀半島中心既餐廳，位置都真係幾隱蔽叫左兩個早餐，一個早餐A,意大利雜菜湯粉，揀咗要螺絲粉，點知嚟到變咗米通，又要叫佢換返，跟腸仔蛋，餐包加咗兩蚊要牛角包湯底超濃郁，好似羅宋湯咁，好夠蕃茄味👍🏻👍🏻呢個碎蛋沙律牛角包🥐超好食，牛角包熱辣辣，中間包住凍冰冰嘅碎蛋沙律超正😋凍即磨咖啡，味道都可以，衰在我飲左兩啖見到有隻黑色蟲仔浮喺面，好明顯見到有頭同有身，已經好低調咁同個侍應講，點知佢竟然答我係茶葉，我就心諗用茶葉沖即磨咖啡？定係隻杯洗唔乾淨就用🧐🧐同埋好明顯係蟲仔個男侍應就話換過杯俾我，問我呢杯係咩嚟嘅，點知轉個頭又聽到另一個女侍應好大聲講話係茶葉嚟㗎喎，我心諗真係蠢咗，應該影埋相先同侍應講，有時真係人善被人欺，雖然餐廳啲嘢食都過得去，但係咁嘅態度真係冇下次😵‍💫

icafe係尖東都算少有名氣，雖然叫cafe，但唔好expect佢裝修有幾舒服，環境有幾又好🤣佢裝修比較似一間茶餐廳，不過又有好多cafe嘅嘢食，例如bagel、牛角包、多士、意粉、焗飯。。。多到每次睇餐牌都要諗好耐食乜好🤣🤣平時食開佢嘅早餐同下午茶，不過早餐好飄忽，一時份量大到吓親人，一時又會細啲，不過唔太喜歡A餐嘅通粉，因為米通真係冇味🤪建議大家去試下佢嘅下午茶，真係好抵食同好好食。我就試過好多款，最鍾意都係手打牛肉漢堡系列，今次叫咗有蛋嘅，都好抵食，48加埋嘢飲，質素好ok，希望一直可以keep住個水準啦😆如果送多幾條薯條就完美啦🤣🤣仲有呀，佢嘅西多士同吞拿魚厚多士都好味㗎🤣

I cafe - 尖沙嘴 今日咁岩係尖沙嘴 就黎左呢間I cafe 試下 想講佢地嘅嘢飲 全部都真系整得 好靚 好飲！ 係尖沙嘴黎講 嘅 餐廳 都真系好平幾好食！燒火雞胸凱撒什菜沙律（$55）追求健康同想減肥同埋食量細嘅男士女士啱晒，仲有個細細薯條配，果然岩曬！燒汁雞肉墨西哥卷（$58）雞肉唔會好柴，同埋加埋燒汁幾香，但食多舊就會偏dry，但都係健康低卡嘅選擇，因為墨西哥卷都係一道高纖維低卡路里嘅主食Mocha（$8）咖啡有拉花，打卡一流，飲落朱古力味都幾濃，叫係不過不失。竹碳芝麻特飲（$8）估唔到芝麻都可以整拉花 好有驚喜冬瓜鮮奶（$26）冬瓜味好香，唔會好似淨係飲緊奶感，甜味適中，不妨試試

今日落開尖東，睇見個噴泉水力強勁，氣勢磅礡，同觀塘新噴泉好大對比。做完野，就去左附近茶記食飯。點知呢間茶記有驚喜，CP值超高。唔通同個高質噴泉有關？高質噴泉配高質茶記。地方大，坐位位置唔算迫，仲有大卡位。比一般茶記坐得舒服。至於有幾正？餐牌顯示價錢大眾化，尖東黎講係好經濟。餐湯係羅宋湯，偏酸但足料，有大量既配菜。皇袍原條鰻魚飯$68條鰻魚長過個碗，長過我隻手掌。鰻魚下面就係皇袍炒蛋，感覺就像蛋包飯，差不多包裹著碗白飯。碗飯淋上惹味既鰻魚汁，餐廳無手軟，鰻魚汁勁多。成碗飯吃得津津有味，出面好難揾到又平又正既鰻魚蛋包飯可以同佢比恲到。ALL DAY BREAKFAST $65價錢平，但食材一啲都無將價就貨。黑松露炒蛋，啲黑松露唔係做點聚，而係混入晒成份炒蛋裏面。個蛋似係煎蛋多過炒蛋，不過有大量既黑松露係入面，所以都係好食既。牛角包好鬆軟，薯餅也很香口。那條巨型司華力腸，廚師用心在腸上雕花，很有誠意，吃起來特別美味。還有火腿，煙肉，茄汁豆和大量既沙律菜，男士吃完也會覺得飽肚。嘆埋杯港式奶茶，簡直心曠神怡，竟然可以比我係尖東揾到間平靚正茶記。

今日黎到尖東依頭揾朋友食晏, 朋友推介半島中心依間i cafe, 話平時幫襯開幾有水準。位置比較隱蔽應該係做熟客仔生意多。餐牌款式多元化, 有別於一般餐廳係除左飯麵餐之外，想輕盈點仲可以選擇墨西哥卷/Pizza/沙律。跟餐有湯同飲品非常正路。紅湯中規中矩, 最緊要唔死咸同唔會水汪汪, 味道飲落幾開胃。我點左馬來咖哩雞球飯($50)，平時叫親咖哩飯都抱住戰戰兢兢嘅心情因為好驚中伏，今次咖哩唔辣調味恰宜好好下飯。而朋友的點牛油果醬雞肉墨西哥卷($58)初頭見得4小舊以為份量好少, 原來頗為飽肚, 饀料足個皮唔會韌滿意！雖然唔係來吃裝修, 不過大碟抵食性價比高絕對岩哂放飯嘅朋友仔黎幫櫬

今日黎到尖東依頭揾朋友食晏, 朋友推介半島中心依間i cafe, 話平時幫襯開幾有水準。位置比較隱蔽應該係做熟客仔生意多。餐牌款式多元化, 有別於一般餐廳係除左飯麵餐之外，想輕盈點仲可以選擇墨西哥卷/Pizza/沙律。跟餐有湯同飲品非常正路。紅湯中規中矩, 最緊要唔死咸同唔會水汪汪, 味道飲落幾開胃。我點左馬來咖哩雞球飯($50)，平時叫親咖哩飯都抱住戰戰兢兢嘅心情因為好驚中伏，今次咖哩唔辣調味恰宜好好下飯。而朋友的點牛油果醬雞肉墨西哥卷($58)初頭見得4小舊以為份量好少, 原來頗為飽肚, 饀料足個皮唔會韌滿意！雖然唔係來吃裝修, 不過大碟抵食性價比高絕對岩哂放飯嘅朋友仔黎幫櫬

下午茶時段在尖沙咀想找一家茶餐廳，就想起上次經過尖沙咀某商場見過這間I cafe。餐廳地理位置方便，由地鐵行過去幾分鐘就到。上次經過是平日午飯時間，所以附近很多打工仔也在這裏吃午飯。而今天下午茶時段就較為小人。餐牌種類繁多有全日早餐，炒粉麵飯等等。這次我們點了全日早餐和蔥油雞扒飯。全日早餐賣相吸引，有蘑菇炒蛋，炸薯餅，蕃茄扒，煙肉，絲華力腸，沙律，茄汁豆，最吸引是牛角包，像剛剛新鮮製一樣，脆卜卜的外皮包着軟林林的內苾。薯餅特別吸引，剛剛乍起的，熱辣辣，皮脆餡靚。蘑菇炒蛋非常香滑。美味的全日早餐最適合就是配一杯紅豆冰，有質感的紅豆配甜甜的奶，令人覺得很有滿足感。蔥油雞扒飯的雞扒十分嫩滑，外皮非常香脆，再配上蔥油加飯，非常邪惡，但10分野味。

餐廳上菜速度迅速，餐點分量大，在尖沙咀地段的餐廳來說非常抵食，性價比超高。午市套餐有多款選擇。另外套餐會包餐湯：雜菜蕃茄湯和粟米忌廉湯。如果要加點飲品，亦有多款選擇。葡汁芝士魚柳焗飯: 焗飯的炒底配上香脆嫩滑炸魚柳，鋪面的芝士焗至金黃焦脆。香濃惹味的葡汁味道適中，椰汁與咖喱的份量平均，非常正宗。All day breakfast (包含：黑松露炒蛋、司華力腸、牛角酥、火腿、煙肉、薯餅、茄汁焗豆、沙律菜、扒茄) 多款食材在同一碟裡面，一次滿足多個願望。最令人驚喜的是黑松露炒蛋，因為炒蛋加上滿滿的黑松露醬，有著非常香濃的黑松露香味！紅豆冰：與其他餐廳不同之處，我覺得他們用了花奶代替淡奶，所以喝下去的味道會更多層次和有濃厚的奶香味。石榴梳打：入口清爽，特別適合在炎熱的夏天喝，消暑解渴。