天天旺 (Closed)

呢間頂左手比人唔掂，應該無下次！呢間天天旺蒸氣鍋，我大約兩年前已經不段買團購，已經吃過無數咁多次 (未頂手前)，當時食物種類很多，質素也不錯，例如有：墨魚滑，鯪魚滑，蔬果和菇類種類也很多，連雪糕都有六種味道，每次吃完蒸氣鍋，都可以隨意加錢$50轉湯底，如果唔想加錢也可以用原有的蒸氣鍋免費加水吃火鍋的！但今日再去竟然發現放食物位置完全改變，款式明顯勁少，而且看到格局已經頂左手比人做，蒸氣海鮮無太大分別，但刺身無味，連火鍋蘿蔔都無味，幸好牛肉還可以，到我們吃完蒸氣鍋竟然焗要我們加$50轉湯底才可以吃火鍋，我當然唔肯，平時食開都唔洗加錢，已經每位二百幾無咩食，重要加錢，彩佢都儍，我們就堅持像以往自己加水落蒸氣鍋，職員見到就焗住話比個吉煲我吃火鍋，點之個吉煲來到，竟然是上一手食完未洗煲，還有勁多火鍋污漬，我們唯有又叫職員換過，真的未試過任食竟然吃得咁少，最後唯有搵個烏冬質飽自己，呢個價位食物得咁少款式，實在好唔掂，如果其它火鍋店用呢個價可以非常多的選擇，甚至食物款式和質素會好好多，所以唔會再去了！非常失望

係團購買個蒸海鮮套餐，包括六人份量的海鮮海鮮有幾多，睇下張相就知勒，而且都幾新鮮，唔點調味料都得佢仲教埋你每種海鮮蒸幾耐個餐仲包一盤魚生同埋籠仔蟹飯，d蟹好多膏，正呀～最不能不講既係依度d肥牛係任食，仲要係雪花肥牛，靚到食落去有牛油味架如果你加多$50，可以加湯打邊爐，但我地冇加錢，用蒸去蒸熟佢在場任食既食物都好好味，尢其是係d金菇上面加肥牛，牛既精華落左去下面d菇到，好好味呀依度既雪糕同飲品都係任食任飲架！好抵呀😎

上個月同同事來食呢間 係團購到見到好似幾吸引咁就來左食 因為我地有book檯所以就唔洗等位 一入到去有位著住西裝既男人帶我地入去坐坐低個陣個男人就叫我出示翻團購既code我明明禁緊但唔知點解佢好似好急咁要我比佢scan咁我都好好咁喇喇冧比佢scan到我地d野食來我地都見到d海鮮都ok但點知食落去有好多沙我即刻吐返出來然後叫西裝男過來點知個西裝男話是咁架啦！哇呢個咩態度 我地8點入座的佢說可以1030離開但誰知到10:00有位職員跟西裝男交頭接耳後拿住埋單簿走過來說你們夠鐘啦請埋單然後我問個西裝男你唔係話可以吃到1030？西裝男說對不起我們弄錯了 最後我還剩下很多野未吃就走呢間店d野麻麻不突止連服務都有問題我不會再來了

啲人多數黎呢度食海鮮蒸氣窩，但地下果度有幾張枱可以叫定食見到平平地，叫左個三文魚刺身定食，有螺肉，沙律，主菜同一罐飲品三文魚刺身好大件，好厚，有六塊到，夠份量，不過感覺唔太新鮮，有啲淋其他野都ok以晚餐黎講，算抵食，約五十蚊不過服務麻麻，座位安排差，明明有吉枱，俾人擺野都唔俾人坐，野食等得耐，遲黎食先！

首先，我想話我係第二次食呢間餐廳。第一次新鮮又好味，第二次去感覺上賊船。話說朋友介紹話呢間餐廳好食又唔貴。食個一次，我覺得ok... 於是我地6月6號再去食，點知今次簡直差到呢。首先，我地食既係每位$298 +10% 當晚4位去食。包括蒸氣海鮮，籠仔蒸魚飯，剌身同埋火鍋。海鮮有點唔新鮮，剌身款小左。最大穫係籠蒸飯。飯唔熱，又益味，又臭。魚仲過份生既。《=有圖有真相。換過一籠等左超過45分鐘。結果一樣。火鍋諗住應該ok... 點知冰封牛肉。都算，我忍，中間加單俾唔夠數不突止，換普通火 (明明我食安格斯牛。普通牛係每位118，明顯魚目混珠。)好啦，我好聲好氣同經理講甘貨不對辦。無理由收我正價，一係換餐呢。點知原本既折扣就當係賠罪。最令我不滿既係講到我地想食霸王餐甘。一開始我地都知收費，我只覺得餐廳好歉意。飯後4人分別肚瀉，嘔等等。衛生差到甘。三文魚更污糟到有黑色污物

同同事見到有團購就買黎試下。先訂位，啲人都好有禮貌，到當日又會打電話黎confirm仲要提帶團購。好nice去到間鋪，雖然早左到，佢地都可以執個位比我地，唔駛等好耐。入到去員工有會講解點蒸海鮮。雖然加食火煱要加$50，啲員工都唔會硬sell,反而叫我地食住蒸氣煱先，食完海鮮再慢慢決定。真係好nice again.講返野食。先講佢出邊啲熟食。真係幾好味，特別個湯。佢每日個湯都唔同（我食過2次所以知），但都好好飲（特別個羅送湯）。咁啲野都refill得快。刺身都好新鮮，可惜每款每人得1件。海鮮都唔錯。咁既價有咁大隻鮑魚食真係好抵。蒸魚飯，個飯低好味，食得出係心機野。可惜個個都想食多啲野唔食個飯，好晒。（其實佢個蒸氣煱set已好飽，但又貪心想食埋火煱）食完啲限量野。啲員工先開始問轉唔轉火煱。唔轉會幫我地加水繼續蒸。咁佢地係我地食海鮮果時都會成日主動換碟，好細心。到轉左火煱後。雖然有幾個湯低仲可以鴛鴦煱，但我覺得佢啲湯好淡味。佢啲牛同豬都好食，其他種類都幾多。整體黎講。食物，員工，環境，係地區比較少人去，但都好近地鐵站。

本來高高興興與一班好朋友去試試蒸窩，點知咁就中伏。先講講價錢，我地係玩團購，$168/個，星期五六日，再加$50，即係埋單一個人$230-$240，價錢唔算平。再講下，黎個價有乜海鮮食，每人蝦1隻(約8cm)，蟶子一隻(約12cm)，台灣鮑魚一隻(5cm)，馬刀貝一隻(6cm),蜆四隻，青口兩隻，冰鮮野多。剌身呢？每人三文魚一片，甜蝦一隻，魷魚/吞拿/希靈半件(佢每款出四件俾我地九個人)就係咁多，冇得再添。唔係啊？當時我地都問過待應，佢的答覆好得意，佢攞埋menu同我地講：「個meun冇講名有咩食，廚房出乜就乜，我都唔知。」哩下已心知不妙。唔夠三十分鐘，我地就食晒d野。待應就好有禮貌咁問我地加唔加火鍋，一爐$50，未食飽的我地，梗係加啦，鬼叫洗濕左個頭咩……火鍋都係一般野，丸多，新鮮程度麻麻地，因為我地攞個尐墨魚滑「叔」左，菜都有尐霉爛......都算，重點係團購單上寫明安格斯牛任食，結果頭一次的確係安格斯16片，之後黎的全是一般牛肉(盤都唔一樣)，我地再問待應，佢一句話：「你冇講明要安格斯，咁我咪幫你決定要普通牛囉。」算，就當我地自己問題。我地一行人本來有晒共識，埋單走人唔講野。但點

這是我第一次寫食評，因為未試過食一餐生日飯，最後會搞到成肚冤屈氣！話說那天約了友人去餐廳食生日餐，聽講太子開了新火鍋店，就滿心歡喜去試下啦。坐底等左好耐已經無人理，算啦~自己serve自己啦~一打開個蒸氣鍋，勁污糟……蒸盤上留有未清潔乾淨的痕跡，好難先問到個束著馬尾的侍應，她說「係咁咖啦！」咁我地都算啦~照食啦~食一餐半餐應該無事ge~之後，三人份量海鮮送到，一望嘩一聲！蝦蜆等等的海鮮死氣沉沉……黎得食蒸氣海鮮鍋，新鮮ge海鮮好緊要！吾新鮮點做賣點？價錢貴吾係問題，食物要有相對的質素才可以！真想說一句，生意吾係咁做咖！食完應該係賣點（但其實係黑點）的海鮮鍋，終於黎到任食的邊爐，但已不會期待，都係一般野，牛肉瘦、豬肉老、普通丸、熟食見到都吾會想食哥種……唉但最激心係~為甚麼服務員可以態度咁差？？我地去食那天人客已不多，服務員問10句都不應你一句，特別是其中一個較年輕的女服務員，小丸子般的短頭髮，態度甚至可以說是非常惡劣，不是要你百般侍候客人，但我認為基本對客人的尊重還是應該要有的 - 重點是我們3人已經是非常和善的客人！最後，我們不會再去，生日飯食到咁掃興，希望是第一次也是最後一次！

蒸汽窩很污糟，告訴店員解釋是正常的。期待已久的海鮮賣相很吸引，但放進窩內等了數分鐘還是很腥，很一陣臭味，海鮮很不新鮮。分了3 次蒸不同的海鮮，但味道也是很怪。蒸蒸下蜆，餐單說明只需4分鐘，我們等了10分鐘很不打開。告訴店員，店員暴力地敲打電池才能調較到4度大火。蒸完海鮮，就換上火窩，火窩料普通，普通豬牛任食，但牛肉色澤黑黑地不太新鮮。再試試豬肉樣子很紅，看似不錯，但食過口又唉又硬，應該雪了很長時間。最後，買單的時候，發現很多額外收費，星期六，日收費，每月指定日期收費，火窩湯底說明免費任選也是要收費的。雜費總共3個人要$290，之前買團購每人$168,總共人均消費約$265。付款時，給了$300,需找$10。我們等了20分鐘也不見人來找錢，前往櫃檯前查詢，店員說已找了，我們說沒有是不是弄錯了，店員很發脾氣掉了$10給我們說比住你先啦。態度很差，我們十分生氣。

這間餐廳已是一個禮拜內食第二次，第一次想食食評但無寫，今次食第二次就寫下啦。禮拜六食野到到都好多人，唔記得book位，間間放題都要等到9:30，結果想起了前2日食過這間火鍋，決定再試一次，因為今次是另一班朋友。這裡有2層，出面望入去好細，但上到2樓地方就較大。我們walk in 入已有位，坐下已點了蒸海鮮套餐，套餐內包刺身拼盤、海鮮拼盤和蒸飯，食完蒸海鮮後，火鍋才正式開始，如果選海鮮餐，就自動升格為安格斯牛肉，可以任加。蒸海鮮跟足他所建議的時間蒸，味道鮮甜，有蝦、賴尿蝦、扇貝、花甲、青口、鮑魚、xx貝（唔知係咩，形狀似大蜆，這個是非常鮮甜）平均每人有一隻，花甲和青口會多d，海鮮真不錯，件件都好大隻，係部分花甲咬唔到，可能蒸耐左，食完海鮮和刺身後，才真正的火鍋開始。牛肉味道一般，但勝在有很多火鍋配料和菜選擇，一共足足食了3個鐘都無人講，與幾個朋友黎食係幾好。坦白講，海鮮份量不多，就算蝦都係一人一隻，但總算質素滿意，食完先開始火鍋，雖然食物質素麻麻，但勝在多款和食到飽為止，感覺幾新鮮，值得一讚，另外最滿意係2次都無吹過我地，但我相信未有客源先係咁，遲d多客就唔會

第一次係太子見到呢間野, 以為好細, 點知都有兩層, 而且都坐得幾舒服掛住食都唔記得影相tim只記得一開頭影左海鮮拼盤相! 餐廳好貼心, 會寫左每項海鮮蒸既分鐘, 所以都幾好玩嫁! 同埋睇住d蜆係你面前爆開, 果下真係好激動!先食鮑魚, 都好新鮮, 而且蒸既時間都係自己控制, 就唔會有太老! 至於蝦都好鮮甜, 每隻都好大隻, 唔會太縮水! 不得不提就係蒸蟹:, 蟹膏融入晒飯到, 令到飯都好香同好滑, 另外都有蟹蓋D, 真心值得推介呢個:

位於深水埗，位置方便。上一層樓梯到達。坐下後即時有人話比你知有蒸氣煱，咁咪叫囉！明明沒有蟹但叫我們叫，結果waitess個答案係：「哦！廚房有乜就比乜囉⋯⋯」D蝦、賴尿蝦霉的之後又話如果你們唔夠飽，可以叫火鍋，加多＄50個湯底之嘛⋯⋯就係咁，一餐背脊骨落的飯兩個人用左$700連加一先落得樓

依間日本店...我同老公之前已經幫襯過一次呀~對佢都覺得係唔錯的店..會有"再黎食野"既感覺...相信各位去任何餐廳都會有依個想法..因為食物質素都唔差呀...即叫即整呀...新鮮程度可以接受呀....同埋大大件...個量都唔少呀係琴日決定再去...同上次一樣唔洗等位呀...今日同老公都叫左同一個飯..."燒汁牛肉石鍋飯"...同埋幾客壽司比老公食呀...落完ORDER...望到張相...見到個飯有生雞蛋...決定問下係唔係真係有呀...因為我大緊肚...生雞蛋又點可以食落肚呀..BB有咩事..邊個可以負責到 問完話無..話果個係窩蛋牛肉飯呀...好啦咁..你係店員..我緊係相信你講野啦~唔通我懷疑你咩...因為佢做完一個ORDER再做一個ORDER呀...等候時間唔算太長呀....因為我個飯走蔥走洋蔥既關係所以就黎左先(?) 我諗應該係啦~~ 滿心期待咁準備食飯...點知......................."有.......隻...........生......雞.......蛋............."佢一放落檯...我就話.."又話無雞蛋架"佢無視左我....老公

太子食肆小店愈開愈多，花多眼亂令人唔知點揀，見呢間好似價錢都幾合理，於是一試！話說啲湯低名好搞笑，引用西遊記ge 人物角色， 咁就揀咗呢個 #八戒水晶宮 同 #牛魔王池 兩款嘞~~自助任食嚟講，配料都算齊全， up 得出ge 都有， 唯獨係丸類同蔬菜選擇較少~~ 至於牛方面， 個人認為好一般，牛味偏淡，而且質量極不穩定， 上一碟雪花分佈均勻， 下一輸突然可以係零雪花=_=

同事之前食過OK，今次約我共三人一同試試，揀了$258的手切肥牛，坐下當然先來個剌身及飲料啦！三文魚果然肥美鮮甜，鮑魚齋睇賣相吾差，熟後味道一流。跟住到主角出場，賣相口感吾差，聽店長講牛肉是來自澳洲的，熟後爽口彈牙，因這價錢是包括牛肉和刺身任食，梗係繼續剌身間間場啦！廚師擺設頗具心思，點捨得食呀！都係畀相機先啦！店員每當見我們舉機影相，表現都很雀躍，如是者幾輪牛肉及剌身攻勢後，肚子開始飽飽地了，係時候甜品出場了都Ok喎！這兩個半鐘實在太富足了，又不用趕時間，傾下食下，還有店長和店員親切友善的殷勤款待，大讚！