一番屋 (Closed)

打電話去叫外賣自取，問佢套餐同唔係套餐有乜嘢分別，勁唔想解釋，態度惡劣，又叫我快啲，好忙！咁忙咪唔食你囉！做乜要受你氣？今時今日咁嘅服務態度仲要係個咁嘅商場我祝你好運！

响apps叫左外賣，打電話想加單，就駁左去佢地舖頭。聽電話嗰個職員態度極其差！又話今晚好忙，跟住我就咁樣就被cut線！！！就算無得加單d態度都可以好d嘅！絕對唔會再有第二次幫襯！

幾個月前已經幫襯過一次，d牛肉唔掂，孩口夾有根，珍珠米煮到生米, 好硬😖今晚再俾多次機會佢, 點知一樣，嘔血🤮今次叫了照燒雞扒飯，單叫成$43，已經貴到飛起，湯又冇得送！盒飯個賣相係絕對冇問題㗎，望落去雞扒好靚，d汁淋落d飯又好靚，啊！點知雞扒食落冇黎味道，好似白烚鹽水味咁，完全冇用心調味，最衰竟然d珍珠米又係、又係、煮到……生米呀大佬！唔係人食㗎，究竟你地識唔識煮珍珠米㗎！救命🥶

因工作需要，被安排到了薄扶林置富花園，中午當然要視察下，看看有什麼美食。 置富花園南廣場地下，有一個平民美食廣場，有數間小店。今日，先試一間，一番屋，以日式料理為主，有多款丼，及便當，價錢由38元至55元都有。我選的是蔥呑拿魚腩丼，賣相一般，魚腩不算肥，也不鯹，廚師的調味剛好，入口帶蔥及白芝麻的香味，配壽司飯食，52元，不貴！明天試第二間。一番屋 (薄扶林) 抵玩指數2-/3薄扶林置富南區廣場2樓美食嘉年華6A號舖緣份天成，初心為本。喜歡用文字分享我的味覺之旅，有興趣請follow我～緣食魔宮。抵玩指數最高為三星，所有不用自掏錢包或劣評者， 將不給予抵玩指數。

見佢新開張好多人排隊諗住唔會差得好離譜結果排呀排呀, 排左20分鐘之後等呀等呀, 等多20分鐘拎飯番到屋企, WHAT? 明明話蔥三文魚腩點知得蔥三文魚蓉唔緊要喇, 第一次試試姐本身已經有陣味一食落口, OMG, 陣腥臭味由口腔噴番晒出黎完全放唔到入口嘔番晒出黎之後諗住唔好浪費, 挑走D蔥煮熟佢餵貓, 其實連隻貓都食左淡之後唔再食真係永不再食錢唔係問題, 但我包你食完覺得係浪費左人生!!