市川日本料理

Open Now

Now Closed

兩口子去太古城睇戲, 未睇之前先醫肚, 當我地無意見既時候行過呢間餐廳, 見到依度裝修都OK, 有SET DINNER, 200蚊一位度, 價錢都可以接受, 加上唔洗等位, 所以就試一試!!依度唔太多人, 枱與枱之間有足夠空間, 環境真係算唔錯, 静静地, 老公點了一個三色刺身飯, 三文魚刺身好新鮮肥美, 帆立貝厚身, 又鮮甜加淡淡海水味, 可惜是海膽份量真係少得過份, 我點了一個壽司定食, 入面件海膽同佢係一樣份量, 比較之下我個壽司定食價錢一樣真係抵食好多, 甜蝦又爽口鮮甜彈牙, 吞拿魚入口即溶, 依個價錢, 性價比算幾高, 餐仲包每人一個沙律同面豉湯, 刺身沙律都好新鮮配芝麻醬酸酸地好開胃!! 面豉湯真係有驚喜, 第一係夠熱, 第二係夠熱, 第三都係夠熱!!! 普遍餐廳面豉湯都係溫熱, 但依度係超熱, 湯夠熱就是好喝!!!除左食物質素好之外, 服務都很好, 唔洗出聲你食完一樣就會即刻同你收走, 又會不定加熱茶, 環境又很舒服, 所以會選擇再來!!

一碗魚生飯,如果材料新鮮又足料,其實係可以好好食.如果加埋賣相,就可以賣貴好多但唔係有樣就得,要有內在先得.就好似呢碗位於太古城既市川日本料理 Ichikawa 既出品咁,$220既千色魚生飯,雖然個粉藍色碗加埋佈置真係無得頂,但係食材唔夠新鮮,片得比較薄,又無時令既魚.三文魚仲要重覆.點解可以重覆咁灰...仲話千色...亦都由於無咩味,用黎夾埋飯食真係唔太美味喔比較好既一款就係蝦,夠哂甜,而且CREAMY.其他既魚都無咩味道...其實只要比足料點,成件事可以好唔同

由於公司食飯只有一個鐘，平時好少去太古城食lunch，難得到左中秋節，緊係要同同事食番個中秋大餐！！！(想食好啲既藉口)一到做節，周圍平靚正既食肆都full book，最後只book到比較貴價既市川…我地book左12點搭9，未夠鐘已經打黎狂催做節多人等位都唔駛咁掛…裝修後既市川多左位，但都仲係坐得舒服，大概因為新裝修少左卡位，就可以變多啲位出黎。可能少左啲私隱度，不過對我來講坐得舒服就okay啦！裝修後既市川連menu都有少少變，價位由以往既約$150-220減到約$130-190，真係抵食左好多，之前要差唔多二百蚊先食到個lunhc真係有啲過份(好在之前黎過幾次都係有人請既)去親市川不嬲都係揀熱野，但因為前幾日剝左智慧齒仲未有牙力，所以只好食壽司定食。當日既魚生好新鮮肥美！吞拿魚(toro)唔韌，又冇鯹，易入口，少少肥；第二個應該係章紅魚(港女淨係識食三文魚)，幾鮮味，爽口；香三文魚中規中舉；白色係咪劍魚?都肥美，不過就冇其他咁鮮味；玻璃蝦賣相精美，我啲事都留到最尾先食呢!；魷魚(?)好爽口彈牙，好喜歡呢個口感；蟹籽壽司係standard野，不用多講；三文魚籽晶瑩剔透，最享受咬落去

I should have listened to my own advice and gotten the sushi since there's less of a chance they can mess up on raw fish than cooked food. But since I was dining with a group and we all got a sushi platter to share, I decided to get something else. For lunch sets, they had rice bowls, noodles, grilled fish and teppanyaki which wasn't cheap ranging from $100-$200 around this area. The sushi we had was actually quite good, but the salmon and angus rib eye teppanyaki ($168) I ordered was disastrous

放假天，跟老公想到附近酒店吃個brunch，想不到在這平日的中午全場爆滿，唯有到處走走再作打算。忽然想起很久沒有惠顧這間日本餐廳了，看到餐牌有鐵板燒喔！我倆就最愛鐵板，價錢不算貴，決定一試。點了兩個餐，可惜不是逐樣燒逐樣食，有些食物上到枱已變凍了，不過賣相都很吸引:雜錦海鮮鐵板餐-蝦、带子、墨魚 (不過不失，沒有驚喜，可取的是墨魚燒得很棒，囗感還是QQ的)鵝肝牛肉薄燒鐵板餐-鵝肝 (非常可口，所謂的outside burn inside rare, 可是墊底的多士燒得末夠脆) 、牛肉薄燒 (薄簿的牛肉片，包著蔥花及蒜片一起燒，不過牛肉燒得過熟及若然蒜片加多一點會更好)最後附有甜品:雪糕糯米慈(每人兩粒)我倆決定下次再來試試鐵板晚餐

是日lunch time去食個日本野，環境都算吾錯，唔逼坐得幾舒服，服務態度又算有禮貌，食物方面雖然細左但味道不變，略嫌牛肉有啲漏因為油得濟，而三文魚燒得岩岩好，撈飯定齋食都一流

上兩星期的晚上，我和先生於太古城中心看完戲就下去找東西吃。經過麥當勞，看到有間日本料理餐廳。看見裝潢置面不俗，於是就抱著進去一試的心態。因為本人的先生蠻喜歡吃日本料理，滿心歡喜。餐廳外面有一個身材比較飽滿的穿著黑色西裝的女侍應生接待我倆進去，坐了正中間的位置，有侍應很快便遞上了熱茶，環境坐著也很舒服。當晚的時間只得兩台食客，很是寧靜，讓我倆很放鬆！仔細看看menu $138隨心意晚餐有Main dish、有湯、前菜、飯/麵，任君挑選！看著感覺是個不錯的選擇，以晚餐的價錢來說很划算，所以我倆也決定一試。一向以來，我和先生食飯都比較安靜，食不言，寢不語。我們比較享受這些時間。由於此店沒有播放音樂的關係，所以我倆位置的範圍聲音很容易入耳。突然之間，有一把很大的聲音在我背後傳來，我們一看，就是剛剛帶我倆入來的那位身材飽滿的女人的聲音。正在大罵站在壽司台的那位女同事，聲音很大且很惡！旁邊也站了一位穿著黑色西裝的男人，破壞了整個餐廳的氣氛，讓人有身處茶餐廳的感覺。沒想到那個西裝男士也會䄂手旁觀，完全沒有理會，我和先生也即時停了下來。雖然客人不多，但管教下屬也不能在大庭廣眾下管教吧！？訓斥的說話也罷

心情唔好又要OT，午餐揾間好嘅食下經過呢間市川就入來試下menu點了市川魚生飯（海膽带子三文魚）外表好靚，不過左揭右揭，點解看不到海膽，問侍應原来海膽賣晒，換上三文魚子，海膽賣晒都唔通知聲就求其換D食物比我都得？什麼服務，找經理理論，最後改了薄和牛肉套餐蒸蛋唔熱, 味道有D怪，唔好食餃子皮薄不錯牛肉唔熱，不過味道唔錯，洋蔥入味送飯一流最好食係雪糕一心食個Lunch開心下, 结果激氣咗成餐，冇食財求其換食物比個客，又唔同個客講, 我真係接受唔到，又不是太好食，這間餐廳一定冇下次

週日閒逛太古城，不少餐廳於六時許已要輪候等位，好不容易找到市川日本料理尚有座位可立即安排入座。店內陳設不算太花巧高級，和風味不算重，但座位都算寬敞。二人點了兩客晚市定食，分別是牡丹蝦拼什錦魚生飯定食及美國安格斯肉眼薄燒拼銀鱈魚鐵板燒定食。兩款定食皆含沙律及味噌湯。沙律主要以雜菜為主，配上酸香汁調味，賣相水準普通。同是沙律，兩碟食材亦有點不同，未知是店方隨意挑選或刻意安排。味噌湯口味恰到好處，夠味得來亦不會過鹹。日式燉蛋附設於魚生飯定食，淺嚐了一口，蛋香唔錯，質感較薄身，挺滑。牡丹蝦拼什錦魚生飯內有牡丹蝦、三文魚、吞拿魚、油甘魚、八爪魚等刺身，整體上都算新鮮甜美。不過，以菜式賣相方面，感覺上可多花心思。美國安格斯肉眼薄燒拼銀鱈魚鐵板燒水準都不俗，肉眼薄燒肉香腍身，和香口葱花夾心永遠是「好朋友」，有助提升可口度。銀鱈魚燒得皮脆，肉質偏向結實，油香相對少，另海鹽調味稍重手。炒野菜主力以芽菜為主，可考慮多添款式以加強視效。正如以上所述，日菜賣相應走別緻路線，只用一隻白圓小碟盛載食材而毫無裝飾不合預期。煙肉炒飯附設於鐵板燒定食，餸料不多，但都算炒得香口乾身。用上的日本米亦份外圓潤有咬口。隨定食送

約左個好鍾意食日本菜既朋友去食飯我住太古城的,所以第一時間諗起市川我地每人叫左一個定食,一個壽司定同滑蛋豬柳定D魚生都唔錯幾新鮮個滑蛋豬柳好正,豬柳上面既蛋唔會煮得過火,同埋個豬柳表面仲有脆既感覺,唔會淋晒今次無影相,如果下次再幫襯,影幾張相比大家睇^^

做人不可太老實，做茶碗蒸亦然。日式餐廳志在晚餐時段，這個一向心裡有數。但HKD 140 一客午市燒鯖魚定食，魚的大小，遠不及同業，味道亦未見特別出色。茶碗蒸的蛋更做得老、實兼備，吃光的理由，大概只有：不想浪費食物。

朋友同我講有間日本料理好好食..我同幾個朋友就試下...中午去到才知道要預約.不過門口有個穿西裝女人就好無禮貌要我地等佢聽完電話才帶我地入去.坐低之後就叫個waiters落單.點知道佢叫我地等等.因為當時有好多人落單.我地就等.等到佢有時間我地再叫佢.點之佢就黑面我同幾個朋友都好怕.就好快叫左幾個咗個set lunch.10分鐘就有得食.壽司有好多，我朋友叫左鐵板餐，跟炒飯，不過貴左少少，味道ok,但我個湯有啲咸.其他都好好..差唔多食完之後想叫人加茶.我朋友就叫左剛才落單果個人加茶.點之佢見到當睇唔到.我再叫佢加茶.佢就好唔原意禁加左.我真係好想投訴佢我朋友同我講無用.因為門口個女人都係禁.所以無用..不過我之後見到黑面人個名叫(Axxx).番到公司我地再講起個黑面人.叫佢地唔好再去.我朋友同我講可以係OPENRICE投訴等其他人都知道..今次禁0既質素可以用不知所謂去形容.食物好有什麼用服務禁差.我地永遠都唔會再去

自從 2010 年 8 月睇完食評，跟住即刻走去試下，當時食完都覺得佢好好食，而我叫0既係「北海道赤蝦什錦魚生飯」。而咁多個月，間中都會去回味一下。跟住，在 2011 年 1 月 23 號我再去幫襯，發覺佢地0既質素差左。當時我再 encore「北海道赤蝦什錦魚生飯」；不過我發現佢不但少左一隻蝦、0的刺身又薄左又好似無乜味，最大件事就係無左海膽。 其實當時我都不以為然，一直都以為自己記錯/叫錯上次食過0既魚生飯，所以亦無出聲。同樣，我都係無留意價錢就俾左錢。不過，當我在 2011 年 3 月 10 號 再去食0既時候，就發現佢地0既食物質素又比起 1 月0既時候差左好多。另外，因為我真係好想叫番第一次食過0既「北海道赤蝦什錦魚生飯」，所以坐低之後將所有 menu 睇左好多次，亦問過幾個 waiters/waitresses 邊一款魚生飯先至係有兩隻蝦，又有海膽，但係幾個 waiters/waitresses 都答我唔清楚同埋話我知只有「北海道赤蝦什錦魚生飯」有蝦但係無海膽，仲話佢地可以轉左 menu 所以0的野食唔同左 (我頂~~~~~)。不過最後都係死心不息，再叫多一次「北海道赤蝦

I never knew Ichikawa still exists! I thought ever since it closed down in Admiralty, it's long lost. Oh well, but I was disappointed. The pork chop and egg rice was not that good.........

來到太古城經過這門口多次,每次也說下次再來便試這間!但總是有點陰差陽錯,這麼多年過去今天終於來到了.其實這也與自己不太喜歡在香港吃日本料理有關.因試過太多次就算肯付出較多也未能吃得滿意.終於來到一試薄燒西冷定食----有麵豉湯、飯、茶碗蒸、蟹肉沙律及薄燒西冷.沙律醋帶點柚子味很清新,白飯煮得太黏身.而這西冷真的太薄切,比一片牛肉還要薄!欠油脂的牛肉煮得太熟只有一個下場----柴皮!極咸的汁亦完全掩蓋了洋蔥本身的甜味.茶碗蒸----用料豐富內有蝦、雞肉、冬菇、銀杏及魚蛋片,蛋蒸得火侯剛好吃起來很滑身.雞扒拉麵定食----看見這清澈的醬油湯底已有點不詳預感,試一口果然味道是淡如開水.直身的拉麵有點像蕎麥麵的模樣,但吃起來亳不咽韌.雞扒----自稱來自"法國"的雞扒吃起來並不感到特別嫩滑,調味亦偏淡.幸外皮尚算煎得夠脆.紅荳糕----實、甜----只有這感覺.論食物質素是未去到差的地步,百多元一個定食在這區可算是合理消費,但看見這裡的食評有這麽多笑臉,看來我是不懂欣賞這店的好!