Ideas Dessert (Closed)

這一家位於 荃灣與大窩口 之間的人氣甜品屋 💛「黃店」Ideas Dessert, 在區內極具名氣 , 很多城中名人都慕名而來 , 而「黃到金」的店主亦偏向低調 ....因禁晚市令 .... 當日 , 我和太座就趕在 1800 收市前 , 到達餐廳趕食甜品 ~Menu ~香蕉千層酥 (配豆腐雪糕) : 製作這道甜品 , 雖時15分鐘 , 甜品賣相靚靚 , 共有三層香口酥脆的酥皮 , 夾著的是香蕉和自家製的 custard, 當中還有濃濃的朱古力 , 配合重豆味的豆腐雪糕 , 有夠滋味 ~這間餐廳 , 究竟是位於「荃灣」? 還是「大窩口」呢? 這是一個謎！本篇完 ~

講起荃灣甜品，應該好多人都會諗起路德圍人來人往個幾間糖水舖😂但作為荃灣地膽，我就帶大家試呢間幫襯左好多年既街坊鋪啦😍話說我朋友住大窩口個頭，有次同佢見面後佢介紹我試佢屋企附近既一間糖水舖😳試完我差唔多次次見佢都R佢陪我食😂然後早排竟然睇youtube見到呢間店既專訪，原來呢2年換左個老細，依家係一間真黃店🔥芒果富士山 $50有無人好似小編咁論春夏秋冬都要食雪糕同刨冰😂呢個富士山好高既雲尼拿雪糕柱，下面有芒果刨冰，鮮芒果粒同芒果寒天凍？個雪糕好香，個奶味濃到我食完問店員先 confirm到係雲尼拿味而唔係牛奶味😳～個刨冰好清涼😍芒草汁好味，仲有啖啖果肉同寒天，2個人share正！寶石金時 $36綠茶雪糕+紅豆+綠茶凍！個雪糕既綠茶味幾香，綠茶同紅豆永遠最夾❤️綠色凍澀中帶甘😳份量唔會太多，但足夠過下口癮～其實呢間店既招牌好似係窩夫～但我真係超鍾意佢既雪糕我次次都嗌雪糕🍦下個要試吓招牌菜先得😳

今晚收工十點幾時間不早，但聽日放假，收工又想食啲野。所以就搵埋個friend出嚟，夜晚搵甜品食。因為深夜時間，選擇就唔算多，但今日30幾度，絕對係想搵啲凍冰冰嘅甜品食。上網搵到有間係大窩口comment 不錯嘅,朋友都話食過唔錯，所以我今晚就試下Ideas Dessert！雖然假期前夕，都唔知點解今晚都唔算太多人。因為啱啱收工所以都叫咗少少零食同埋當然唔少得食凍冰冰嘅甜品啦。零食方面今晚就叫咗椒鹽魷魚酥同埋炸燒賣。雖然呢間舖頭主打甜品為主, 但係小食都新鮮製作, 椒鹽味道濃郁。夜麻麻收工想食少少鹹嘢都係一個唔錯嘅選擇 。另外甜品方面叫咗士多啤梨雪冰，同埋紫薯仙草芋圓冰仙草芋圓冰。兩樣嘢都係新鮮製作，士多啤梨雪冰淡淡清新士多啤梨味，唔會話太甜。唔想食太甜嘅大家絕對可以試吓。至於紫薯仙草芋圓冰，材料十足，而且紫薯有淡淡香味。配上凍冰冰嘅仙草同埋冰。30幾度食呢個甜品絕對係一流嘅選擇。大家嚟到大窩口又想搵甜品又想支持下，絕對推介！

其實呢間甜品舖我由佢幾年前一開舖就食到而家😙 每次啲人問我荃灣有乜食我都會答ideas dessert🍨 間店好有熱誠咁慢慢打拼出嚟🥺 每款甜品都好有誠意同好味🙇🏻‍♀️ (so far我帶過咁多朋友去，佢哋都有讚冇彈😎) /🥭 小米家族(配榴槤雪糕) $36超推薦😗 佢有齊黑糯米、芒果、小丸子、紅豆同雪糕😎 樣樣嘢都超夾～ 煙煙韌韌又有芒果同紅豆帶出甜味，芒果係超甜😚 榴槤雪糕都不錯～/🥭 芒果千層酥(配曲奇雪糕) $50千層酥好鬆脆😗 甜芒果配custard 再加鬆脆pastry，ummmmm就是好吃～ 形容不了🤓

同同事放工黎左呢間好多人既糖水店，支持下🌝🌝🌝椒鹽炸燒賣超級脆既炸燒賣，即叫即炸，椒鹽份量岩岩好，整體黎講好好食宇治金時一睇個綠茶雪糕已經唔係講笑，唔係好苦既綠茶味，仲有勁多紅豆紅豆花園又想食豆腐花，又想食芋圓，紅豆煲得好淋，但係都仲有咬感，甜在個雪糕混合左豆腐花，d 芋圓都好好食。蛋白杏仁露呢個朋友食既，佢話呢個係好好食好滑，但就真係喜愛杏仁個味既人先會食👍🏻

情人節食完飯渣車黎過黎態度好nice我未拎返銀包都幫我做左張單不過呢 除左榴連小丸子好味芝麻糊 奶凍同多芒都好似太稀 唔夠甜唔足料可以做好啲！要加油啊好希望小店可以做得住

鑱咀萬萬歲!🙌🏻ChamZeoiLongLongLife🙌🏻咩類型嘅甜品都有～內部設計係粉紅少女風朱古力心太軟$50賣相👅👅👅👅味道👅👅👅👅口感👅👅👅👅份量👅👅性價比👅👅👅🐭朱古力及雪糕份量少了點椰汁雪糕紫糯米加小丸子 $40賣相👅👅味道👅👅口感👅👅👅份量👅👅👅👅性價比👅👅👅🐭椰汁不夠夜香，甜味不足PS: 有啲唔開心，因為夜晚12點後入座要加一食神鼠到此一遊，拜拜～👋🏻

一班人想坐埋一齊傾下計，但又岩岩食飽，5個人叫3樣甜品都好有禮貌，芋泥芋圓好好味。店員遞上甜品後又細心提供餐具，感覺好好！可能我平時都鐘意抹茶紅豆，所以個人都好鐘意佢個抹茶紅豆刨冰

滿心歡喜食心太軟。。中伏😩😩😩好難會咁難食！！第一次會留言出post因為唔係平，唔想其他人好似我咁！！諗住見網上d人比高分經過今次食完再一次深信分數係呃人

今晚突然想食糖水但又懶所以就叫熊貓外賣叫左一個熱芋圓芋泥仙草盛同埋陳皮紅豆沙湯丸首先拎個紅豆沙出黎 ‘ 咦？冰嘅？！ ‘入面嘅湯丸當然怪怪 成pet 野咁 成陣豬油味！紅豆沙就係豆還豆 水還水 稀到水咁 但有陳皮味芋泥芋圓仙草盛就只得一點微暖一打開已經嚇親 賣相非常差 好似食淨嘅咁入面有紅豆 西米 珍珠 小丸子 芋圓 芋泥 仙草每樣得d d 紅豆係硬嘅 西米同珍珠過淋 芋泥並唔係泥係碎左嘅芋頭仲要硬 芋圓最正常但只得4 粒兩碗野都超級難食 非常差我地到底食左d 咩啊？

讚：1. 價錢真心平，三十幾銀，碗野大到出奇，真係食唔晒彈：1. 檯面清潔唔太得閒，有啲黏黏地2. 叫左刨冰，麻麻，最大鑊係唔夠甜。實在無諗過會有咁既問題，通常都係甜得滯既啫，偏偏呢個係例外

The food is too baddddddddddddddddddddddddddCan’t accept the foodddddddddd and the staffsssssssssss Portion is too smallllllllllllllllll and so expensiveeeeeeeeeeeeeeeeeeeeeeeNot recommendeddddddddddPlz don’t goooooooooo

尋晚同朋友食完飯心思思想食糖水,認真覺得荃灣 特別出名嗰幾間甜品鋪味道都 只覺得平平最後揀咗點流浪漢,全榴槤飲品味道唔會太甜 都有 淡淡榴槤味但如果想食榴槤都係 建議食返榴槤甜品42蚊流浪漢 其實都幾大杯,又有小丸子,水晶珠同埋榴槤雪糕流浪漢真身朋友叫咗碗 紅豆花園入面材料都幾豐富有芋圓 有紅豆有豆花我仲將個雪糕升級變咗抹茶軟雪糕超級好味天氣好熱用得好快好似換咗新menu上次食個menu 唔係lei個樣anyway 都係覺得甜品鋪,呢間比較好食啲

心思思想食甜品，但附近又冇甜品店，於是上外賣APP 睇下有咩好野食，就比我發現到呢間甜品店啦🤩🤩叫左店家推薦嘅紅豆花園🥣🥣🏕，材料有椰汁、豆花、紅豆、芋圓及雪糕，滿足我想食芋圓嘅心😋😋因為係叫外賣，初初都好驚雪糕會溶，但收到時個雪糕仲完好冇溶到，值得一讚👍🏼👍🏼👍🏼椰汁同雪糕係另外同盒裝，可以確保唔會浸住啲豆花。叫左豆腐味雪糕，個質感有少少似雪芭，豆味幾香而且唔太甜。豆花唔似平時食開果隻豆腐花👀，有少少似玉子豆腐嘅質感，但豆味香濃。紅豆冇用上浸左糖水嘅豆，所以食落唔會好甜好膩。芋圓都算煙韌不過就冇咩芋頭味。🤔 最驚喜係個椰汁，好滑好香！用黎送豆花簡直一流🤤🤤　下次有機會會試下最出名嘅心太軟😉

甜品放題，想去食好耐，終於去試左。2點15分到左，原來冇人排隊，等到2點半開始派躊，揀左3-4點，地方吾大，不過放左枱枱櫈櫈都有20幾個位，感覺幾迫下。舖頭外面寫左好多款甜品，以為有我既至愛榴槤甜品，點知入到去先知放題系另外一張餐牌，當然冇榴槤甜品。放題餐牌上款式不多，有幾款軟雪糕，老闆娘又話機壞左，冇辦法啦，一場黎到食左先再講限制食完先可以再order，見有人叫刨冰，食得好慢，所以放棄刨冰冇叫，最後食左10款，2個人share黎食，心太軟都算ok，窩夫有點淋吾夠脆，送左半杯苿莉綠茶，冇得refill，食吾飽，試一次就夠