我想和你無所事事 (千色匯) (Closed)

飲過西九個間，覺得茶底唔錯，所以咁岩路過又見到有優惠就買咗兩杯試吓蘋果椰果炭燒烏龍茶（少冰少甜）蘋果味幾出同烏龍茶都幾夾，不過就唔係好有炭燒味，椰果正路百香果蜂蜜柑桔茉莉（少冰少甜）柑桔有少少多，所以酸咗少少，又可能我少左甜，所以蜂蜜少左？但我會番黎再買蘋果椰果黎飲🙂幅牆打卡都幾靚😍

去買首先店員已經唔係好熟悉店舖有咩飲品咁，落單搞勁耐，建議係飲品前面加返個號碼，唔使等人讀水蛇春咁長既飲品名😑已經試過佢既拿鐵同芝士奶蓋，兩樣都有一個共通點就係稀😀佢個拿鐵無奶味，稀似水，三十幾蚊俾多少少奶唔係好過分啫，賣杯咁既野很好賺。芝士奶蓋又係稀，勁快同啲茶融合咗，唔知飲緊乜。今次叫左杯是諗但泰式珍珠奶茶($33)，面頭有芝士奶蓋，無味的仲要起粒粒，泰式奶茶底淡味，珍珠就比勁多，飲左幾啖就剩返勁多珍珠，掉了俾左幾次機會，嘥左百幾蚊，請都唔飲謝謝

<我想和你無所事事>聽過好多次但一直無緣見到鼎鼎大名茶飲店終於開咗分店喺元朗呢間舖頭除咗店舖名好特別 之外佢啲嘢飲名都好特別今次我叫咗一杯《乾燥到擦出愛火龍果芒果乳酪奶》另外加咗$6法蘭西芝士奶蓋不過本身見到乳酪奶嘅杯偏細 我另外有問佢加咗奶蓋之後會唔會用大杯 佢都話會用點知送到嚟又係同一個size嘅杯 有種受騙嘅感覺🥲講返個芝士奶蓋先 鹹鹹香香的確幾重芝士味 但份量真係少 而且唔知係咪因為同乳酪奶有啲撈勻左 有少少酸味 而且呢個包裝冇得揭蓋飲奶蓋好唔方便😢😢而乳酪奶嘅部份乳酪味好重而且食到粒粒火龍果同芒果肉 但係冰嘅份量佔好多 實際上乳酪奶嘅份量好少 而且因為唔記得咗嗌少糖飲落真係超級甜😣的確我個人幾鍾意飲乳酪奶 但下次飲唔會加奶蓋而且一定要嗌少冰少甜！！#emily出街食👅👅 #emilysbelly奶蓋 #emilysbelly元朗

行行吓街覺得口乾落去買杯嘢飲30幾蚊一杯 我冇預計佢要天上有地下冇咁好飲但係我冇預計到 佢嘅”50% 冰”係咁樣囉#有圖有真相仲要呢個冰量係我飲晒之後影嘅咁可想而知原本幾大杯冰。。。

我想講我買左杯可可拿鐵 杯野我加左奶蓋 個店員用錯杯我飲唔到啲奶蓋咁都好聲好氣叫佢幫我換翻個杯姐 冇叫佢再沖過阿 佢仲要黑曬面勁唔耐煩 之後你自己走去沖多杯 第二杯就冇加Oreo 咁我再同佢講多次 佢話有加 加左係奶蓋下面。如果係平時人地唔記得左冇加到 Oreo 我都唔會突登翻去講 同埋正常都唔會加係奶蓋下面啦 我都己經算。飲左一啖之後甜到乸喉 收銀同事同沖野飲嗰個講 佢話太甜喎 跟住沖野飲嗰個話 下。 之後出黎同我講話佢跟足配方沖？我已經同佢講之前飲都冇甜到咁 佢話我冇嗌少甜 佢擺明突登 我本身都己經係好食得甜 但未飲過甜得咁離譜既野。走左之後都冇再飲過杯野 我突登走去倒左一半 發現真係冇加到Oreo 啲奶蓋又少到過份？我一啖都飲唔到。真係好垃圾。

元朗千色後面開咗呢間茶飲都一段日子啦除咗飲品仲見到有個位置賣鹽酥雞 不過當日可能咁啱賣哂 冇緣試到🥲🍹不分青紅皂白桃火龍果烏龍茶 HKD34白桃同烏龍茶係perfect match 就眾所週知今次加入火龍果 好奇會有咩唔同平時飲開微甜 但店員話呢本最多得少甜🤔成杯飲品係紅肉火龍果嘅紅色飲落有白桃果肉再加火龍果籽 甜味蓋過咗烏龍茶 茶底偏淡可以回購 但甜度可以再低少少就更好了🤏🏻🚩我想和你無所事事 元朗教育路1號千色匯地下G32號舖

*鹽酥雞（香辣）第一啖食落去覺得幾好味，但係食食吓就會覺得啲雞怪怪地，係好唔實在嘅雞肉（？一次過食幾粒都會有空虛感🤔啲雞滑到有種奇怪嘅感覺，唔似平時雞髀嗰種滑辣粉係完全唔辣嘅，可能食椒鹽味會好啲食少少過下口癮都OK，不過食多幾粒就會唔想再食🤭

🔎我想和你無所事事 (元朗)💛我想和你無所事事終於開到入元朗了 頂咗原本一芳個位 除咗飲品仲有鹽酥雞 吸引咗我一早bookmark低🔹GG紅火龍果 $42呢個系列全名係 鮮果芝士奶沙冰茶 每次試新店都係會試芝士奶蓋先 今次唔想又係奶蓋茶咁單調 就揀咗個火龍果沙冰試吓 又幾唔錯 先講芝士奶蓋係好濃好竭身 如果直接係蓋口飲係淨係飲到奶蓋 有好有唔好嘅 睇你個人喜好 我就OK嘅 濃好過稀啦 茶底係幾清新 唔會搶咗火龍果味 間唔中仲飲到啲果肉🔹古早味鹽酥雞（大）$36買飲品加$31就有大份鹽酥雞啦 有三種味可以選擇 包括椒鹽、海苔同埋辛口辣味 今次試咗最普通嘅椒鹽 份量都幾多 而且味道都幾有驚喜 好味過某啲專賣鹽酥雞嘅鋪 炸粉又薄 雞肉仲係嫩 絕對會encore試埋其他味📍元朗教育路1號千色匯地下G32號舖🍴搵返相關地區👉🏻 #90sfoodieshare_元朗

前兩日見到新店開張，又試下好無飲試左成日都掛住想飲，今日出去元朗，我一定唔會錯買黎飲既機會黑糖鮮奶珍珠奶茶🧋💋好味，唔會好似飲出面果D甘得個甜字珍珠有咬口🤗又唔會粉狀又甜😋果到仲有炸雞，即叫即整，有辣味同原味，有半份同一份選擇，自己一個選左半份辣味，份量都好多，又低食😋😋😋😋😋即叫即做，熱辣辣，好正，唔會好似某D店舖得D炸粉，小小雞，熱氣到見到都唔想食又唔鹹☺️可惜我太心急想試唔記得影相。半份炸雞🍗+一杯黑糖鮮奶珍珠奶茶！岩岩好一份下午茶☕️份量😆果到d員工仲同我講買一杯有一個貼紙，有齊4個可免費換一杯😻一個字形容「抵」真心推介👍🏻👍🏻👍🏻👍🏻👍🏻👍🏻👍🏻