五十嵐日本料理 (Closed)

樂富可以一試的食店不多，這間五十嵐開業幾年還健在，但其實幫襯次數實在太少；今天下午要去樂富買大量禮物，便來食個很隨便的午餐。也因隨便得可以，我的選擇也很隨便，就來個日式炒飯好了。新鮮炒起的炒飯，怎難食也有譜。這炒飯用上較厚身的米，本應能直接提升基本質素，但炒到頗爛，雖則不怎麼濕，但始料打了折扣。配料基本沒有甚麼問題，只是...沒甚麼味道！吃完也不知這炒飯是甚麼味道...簡單也可以好，但這兒食物水準真的幾差，抑或我還未吃過它的招牌菜？

我男朋友屋企住o係樂富, 我地間唔中都會去呢間五十嵐開餐。。。其實佢午餐同早餐的質素都唔錯, 係侍應太少同太忙, 尤其裡面一個好似比較高級少少的師奶級阿婆更係愈做態度愈差。。。!講返日式火鍋放題, 我由五十嵐岩岩開黃大仙分店時到而家都食過大約五次, 完全見證住佢點樣衰落法! 一開始我在黃大仙分店, 質素好好. 湯底好濃, 一家人食得好開心, 又唔貴, 肥牛豚肉陸續有來, 有時係侍應塞比你添!!之後再在黃大仙食一次, 已經是兩年前冬天的事, 個時的質素都ok, 感覺上黃大仙分店好像比樂富好很多~~~....再來在樂富分店食~都算ok! 但湯底已經由濃轉淡, 而且d配菜好求其唔新鮮, d肉片黯淡無光, 我男朋友連嚼都唔想嚼, 又硬又無肉味! 唯有不斷甘點蝦補數, 點知叫唔夠十幾隻, 佢又話已經售罄了! (個時我地已經在放題剛開始就入座, 計埋都唔知得兩三台食放題)最後一次也是在樂富分店食~~簡直係差到無得頂呀!蝦無左, 硯無埋, 剩返一條唔知咩又好鬼恐怖既魚算係海鮮! 另外d肉真係好難食!!!絕對唔推介大家去食, 除非係食丸已經好滿足的人(其實丸都好難食...!)

沉晚兩個人去食, 見附近無咩選擇, 又想食經濟d嘅日本嘢所以去食, 原本都無咩期望, 因為以前都食過, 好麻麻. 但沉日食到一肚氣! d嘢難食到嘔唔係人食!!兩個人散叫(d套餐一d都唔吸引), 叫左:1. 生牛肉鍋: 都ok, 幾多牛肉, 個湯甜左d2. $98蚊嘅大刺身拼盤: d刺身極度唔新鮮,完全無色澤, 乾哂水,好似近乎變壞咁, 食左都驚肚痛; d三文魚好小小, 但切得薄到好似張紙咁, 搵笨到爆. d 魚生真係好唔新鮮, 千祁唔好叫, 我地食左幾舊都無要(其實成碟加埋都唔知有無10舊), 驚有菌唔敢食3. 燒鯖魚: 唯一得呢個ok, 正正常常4. 焗芝士海鮮飯: 有生之年都未試過在"食肆"食過咁難食嘅嘢!!食左幾淡已經唔想食, 果d完全唔係芝士汁, 而係白汁!!個飯一d 芝士味都無, 成個飯根本我地完全識唔出係有味! 只係d飯+幾隻海鮮+無味嘅白汁!真係難食到想嘔, 任何人煮嘅嘢都會好食過佢, 仲打開門做生意我真係覺得佢地d廚師好有問題, 極度欠缺誠意.講得折墮d呢兜飯真係我諗皇家飯/ 醫院飯都好食過佢.waiter d服務都不過不失, 但d嘢就真係好難食, 服務點好都無用! 唔

大家見到可以真係會話我講野太過份~但睇下我食d咩野先一家人出去食啦~我同男友叫左個2人餐有個所謂既冷盤(都唔太記得食咩~不過真係比佢嚇死)一黎就好大盤--------"冰!!!!"運送野上枱個阿姨都講句"嘩~今日咁小既"老實講~2人餐真係得2隻~每人一隻~真係吹左去就冇(重要係細隻到不得了)之後佢再送上佢所謂既抄飯對唔住~佢個飯根本就唔係抄囉~重要係佢本身份量已經十分小~重要比隻碟鬼死咁大~抄飯呢~?我只係armarm好比到2碗~想分小小比屋企人食都冇~個飯呢~已經唔係熱架啦~重要爛爛地~都唔知有冇抄過爛飯+粟米+硯肉~冇啦~真係冇啦~<--圖入面個青口係冷盤個個黎見圖既所謂海鮮"面屎"湯~~蝦呢~就死既~我老公個碗個隻都重新鮮d~~料又得1粒左右既蜆肉~咁再上左個刺身~ok啦....3文魚都ok厚~有北寄貝~吞拿魚~尢魚絲~帶子~不過帶子同尢魚絲呢就得1粒既份量之後再黎左個唔知咩肉(好似係牛掛)乾過我銀包陰公~但我唔明~佢入面根本就係生~我都唔明~炸都可以炸到咁真係好神奇~最後有個牛扒同3文魚扒.........牛扒唔係十分好~因又係乾~3文魚扒又係炸到乾.......生薑豬

昨食完依間野好興, 點之原來住附近個朋友, 之前食完一肚氣, 所以決定幫佢寫去黎, 朋友住附近, 所以都常幫親附近D食店五十嵐's珍寶鍋拉麵叫過好多次伯媽仲意佢麵多飽肚但伯媽唔食肉所以有時都帶走, 等我朋友夜少少食每次都得, 無問題朋友都會特別叫多少少外賣廢事唔好睇我朋友次次order都好多野兩個人, 兩個餐+ 小食,再外賣一個餐+小食今次佢叫帶走個女人話唔帶得朋友以為佢指另外俾個盒唔得就放左D肉放落準備帶走個盒外賣飯到點知有個男人走黎"話" 我朋友(去過ge人都會明白D人態度/語氣會係點估到點"話"人)食到飽左, 點叫佢即刻食落肚呀成個珍寶鍋拉麵食左九成啦為左個幾塊肉, 得罪個客又造成浪費食物如果係公司條例, 點解次次唔講咁朋友2個人食一個拉麵, $38元結賬囉如果係新例, 點解唔早D提醒顧客起碼留肚,唔洗俾一男一女咁話我朋友比隔離檯D人望住哂朋友話依間野又唔係好食, 服務又唔好, 去只係杯野飲大杯D仲生存到只係樂富人口多,食店少,無乜野選擇識得住樂富ge人都唔鐘意去,食大排擋好過建議係碗珍寶鍋拉麵插支旗"食唔哂就要掉落垃圾箱!"咁就清楚哂啦!(同上篇Becky Lui有D似, 但無

如果你曾去過話OK ge , 咁你就好彩啦!食物差:魚生唔新鮮, 飯一D壽司酣味無拉麵D湯唔熱, 飲品三吹四請都唔黎見到天花D水滴落碗拉麵到, 都去俾人食服務差:同之前寫食評ge人一樣服務生無靈魂ga有反應ge就態度差入去食野唔係受氣囉平過ge 好味過ge通街都係真係連最差ge茶餐廳都不如

夜晚去樂富五十嵐食野，本人與媽媽去食嘢。本人叫了一個鰻魚飯餐($54)，而本人的媽媽則叫了一個珍寶鍋拉麵($38,星期一至五才是這價錢)。珍寶鍋拉麵到後真係超大，本人食完鰻魚飯餐都飽得七七八八，本來食得好地地，但係珍寶鍋拉麵太多料食唔哂，為有問D侍應攞個碗。問題終於發生>.<!!!媽媽問D侍應攞個碗想裝起還餘下的拉麵及材料，侍應便拿了給我們。估唔到媽媽差不多裝起還餘下的拉麵及材料後，另一位侍應則話:「珍寶鍋拉麵只限堂食，不可拎走，今次就算了下次不好。」，聽完之後本人真係O 哂嘴。後來本人向媽媽講話:「如果食唔哂，咪超浪費？」，媽媽都認同，後來媽媽向侍應反映下。侍應則說珍寶鍋拉麵推出時已經向公司反映過，則公司堅持己見，只限堂食。今時今日，在貧窮地區的人連食都冇得食，但係香港人食唔哂就算，而這間公司則把多食物的餐改成只限堂食，令人造成浪費。本人認為公司制度極唔好,造成浪費！建議公司應向旗下餐廳發出通告，若然有客人叫這個餐時應向客人事先聲明，這個餐份量大及只限堂食請考慮清楚。以免造成不必要浪費。***所以，希望大家飲食朋友留意下la ~~~今次連貼士都冇比，食完係有D無奈。

是日去左五十嵐食下午茶，叫左1個素鮑魚拉麵同1個芝士焗豬排飯，再加$5要左1個飄?卷，點知一食個素鮑就知道吾對路，好假冇味，感覺都吾似，個拉麵左吾惦，跟住到個豬排飯上檯，個賣相都ok，這個還可以，不過芝士味就淡左d，幾乎系冇個隻，最好味就系個?卷，起碼食到三文魚味。另外服務不週，碟卷上檯d介辣跟卷碟放埋一齊上冇問題，叫佢比隻碟仔我倒豉油，佢話冇細碟，跟住就拿隻碟頭飯咁大隻碟比我倒小小個豉油撈介辣食個幾個卷，我覺得佢比隻碗我都好d。

食物唔差,但個d人服務好差!!!!!我地本來叫左拉面,熱珍珠奶茶,但熱奶茶變左凍,叫左換.但食完成個餐都唔送杯奶茶來，叫佢，揮下手又走左去．最後，仲說：下午茶ｌａｓｔ　ｃａｌｌ，吹我們埋單！！但贂在食物好味，會再去

抵ar!! $68 任食火鍋! 星期日同為食蝦餃仔2個人去佢都比左個極為寬敞既4人卡位我地坐, 仲有TV睇添。先來一大盤配料中, 牛肉都已經有3款, 仲有30款配料可以任叫添! 真係剩叫肥牛都抵到爆! 加上佢每人都會送幾舊sushi(包括三文魚sushi), 天婦羅同一款小食, 真係食到好飽好滿足呀! D侍應態度非常好, 倒杯水都會同你講多謝嫁, 個日食得好開心! 星期六日假期加埋一都係每位$75, 有咁多野食, 情人節我一定會同為食蝦餃仔再去食嫁!

上星期四晚(29/11/2007)，四個女子為一名內地來的友人慶祝生日，選擇到樂富中心的食肆，本打算到仿饍小館，但時間尚早，蹓躂一番後，從二樓走到樓下的聖誕氣氛甚佳的領滙廣場一看，見五十嵐的店口有一名侍應女生親切招呼，便走過去一看，因火煱有時限(2小時之內)及位置之限，我們猶豫一會，終決定取定食而捨火煱。非常抵食, 四個餐五個女子分, 只係一共176元咋!我們選擇了：五十嵐拉麵煱、海鮮拉麵定食、生薑“豕”(豬)肉飯定食、牛肉煱四道菜。最抵食的莫過如是大如面盤的五十嵐拉麵煱!只係38元，內裏的餸有蝦、日式叉燒、青口、日式魚蛋、蟹柳和海帶及粟米等，內容比價錢多10元的海鮮拉麵定食還多（當然，這定食另包三件三文魚剌身和兩件壽司），湯底不油膩，有豬骨濃湯的感覺。生薑“豕”(豬)肉飯定食則沒有什麼薑味，但跟牛肉煱一樣，夠熱騰騰，肉稔而入味，滿桌子的大大碗，五個女子筷來筷往，分甘同味，很愉快。服務方面，週四晚巿時間7時多都頗滿座，我們要多次舉手示意才有侍應回應，但出菜快，而且後來添茶亦很殷勤，補番分數，門外的招待女侍應冒着寒風友善地解釋定食和火煱的分別和細節，有耐性地等候我們作決定，出門時又講解這

下午茶時間在樂富覓食，由於附近的大滿貫唔係好岩胃口，於是就試試五十嵐，以為佢有一定質素。點知……食物水準好一般，但ok，我可以接受到。但侍應態度就唔係好得，特別係有個可能係中層的侍應，著白色衫，背後掛個walky talky寫住「浩x」（唔出人全名），態度好差下。我見佢全程工作都係黑面，叫佢埋單佢眼尾望你一眼就走開，表面上好似望到表示知道，實際上等五分鐘隔籬檯遲叫埋單都俾錢走左，我張單都未埋。整體服務態度都唔及茶餐廳，即使係吉吉島美食廣場，d阿姐都會講句「多謝」，呢度無架，所以唔係十分好想極想食日本野而對腳斷左走唔郁的話，去第二度食啦。

由開業到現在,本人也惠顧過好幾次,但最近卻發現退步不少,某日中午時間,叫了拉麵餐,拉麵不彈牙,壽司一般。

由於小妹於這店鋪附近讀書，所以從上2個學期開始就成日都來吃Lunch。因為當時真的好抵食，eg. 西餐+餐湯+餐飽+凍飲= $25 (學生價) & no 10% sevices charge…但由今個學期開始，滿心期待再來光顧之際，真的讓我感到好心淡…不只一次…以往每2星期便會轉一次餐牌…但以在好像幾個月也沒轉過了。現在還要加價$1 - 4…如果是西餐的話，已經再沒餐飽了。今天與同學們前往多一次，也是給最後一個機會，結果也是令人失望。首先，我跟2位同學也叫了“鴨胸, 炸魚柳, 意粉”但沒“炸魚柳”就變了“麥樂雞”，也算了吧！當上了菜後，我先檢查一下“鴨胸”有沒有被煎“焦”，(因為上一次的“鴨胸”是被煎“焦”，一見好靚，另一面黑色。)結果同桌3碟的“鴨胸”也跟我上一次的遭遇一樣…被煎“焦”又要換一大輪，十分麻煩，幸好的是我們已經放學了。現在我真的寧願去“目黑”，給多少少錢，起碼“食物質素”及“環境”比這裡好得多！！！這裡的“服務態度”及”食物質素”真的大不如前！！！真的差了太多了！！！

因為在將軍澳食過五十嵐，覺得都可以，咁我番學附近--樂富又有五十嵐，基於經濟考慮於是去食。去過2次，服務態度超有問題，唔該d"高層"正視一下!第一次去，7個人，有2個朋友未食完，個waitress已經擺定埋單個本簿係度，咁都算喇，我既situation同下面的"BEN(非會員) "差唔多，個侍應仲要叫第2批客入泥企係我地張table隔離，係唔係趕客走?!我都未見過一間集團式既日本餐廳or any restaurants係咁做!大排檔都好過佢!我知你地唔憂做、lunch time好多客，但多客唔代表要趕未食完既客人走lor!係，我地係學生，食唔起你地價錢貴d既食物，咁唔代表我地要忍受咁既服務質素!食物方面我叫了一個西餐，我另一個同學都叫了同一個，我跟薯菜，佢跟飯，點知出到泥我個碟薯菜無論份量同款式都同跟飯既一樣，咩唔係叫薯菜既薯菜會多d架咩??????佢只有3塊茄子&忘了是薯條or菜而已。第2次，隔了一個月，因為係樂富冇咩選擇，於是重臨五十嵐，希望佢有d改善。點知，仲衰過上次。今之我叫了curry帶子雞絲飯，d雞好"鞋"，無論價錢&質素同吉野家相比係差天共地，吉野家---一間集團式既日本